اجيب ال 2016 .....السعر وصل 200. ولا ابص للاوكتافيا

[hugan]

شويه نصايح تودي في داهيه
اللي بينصح باﻻوكتافيا
هي فين في الشارع مبيعاتها عامله كام
لما هي عربيه جامده قوي كده فاشلت ليه
فلوانس اصبحت بقدره قادر افضل من كوروﻻ
ﻻحول وﻻ قوه اﻻ بالله

[acs]

خليك فى الكورولا اللى معاك عربيه محترمه ولو هتغير هات الكوروﻻ الجديدة
بس صدقنى هتدفع 40000 الف وهتفرح اول شهر وبعدين هتحس ان مافيش فارق يستاهل المبلغ ده

[aelsayed74]

شويه نصايح تودي في داهيه
اللي بينصح باﻻوكتافيا
هي فين في الشارع مبيعاتها عامله كام
لما هي عربيه جامده قوي كده فاشلت ليه
فلوانس اصبحت بقدره قادر افضل من كوروﻻ
ﻻحول وﻻ قوه اﻻ بالله

المبيعات خلال النصف الاول من ٢٠١٥:-
الكورولا: ٤٠٠٠
الاوكتافيا: ٣٦٧٠
الاسترا: ١١٢٥
الفلوانس: ١٠٥٠
المازدا ٣: ٩٠٠

[ehabomar1987]

طيب ولية محدش اتكلم عن الهوندا سيفيك هى العربية ديه وحشة ولا حاجة لا قدر الله

[hom1969]

طيب ولية محدش اتكلم عن الهوندا سيفيك هى العربية ديه وحشة ولا حاجة لا قدر الله

الهوندا عربية تحفة و عمتهم كلهم بلا منازع
بس انا ماجبتهاش و جبت الكورولا لسببين
- إعادة البيع الكورولا افضل بكتير
- شنطة السيفك صغيرة اوي و انا عايز سيارة عائلية تشيل الشنط في السفر
بس كأداء الهوندا رقم واحد بلا منازع

[hero]

لو عايز تغير الكورولا ممكن تشوف البيجو الـ 508 الجديدة....160 حصان وتربو و في ناس كثير بتشغلها بـ 92...
هي بس مشكلة البيجو اعادة البيع.....بس ما دام هاتكسر حاجز الـ 200 الف يبقي هات عربية تستاهل السعر ..

الاوكتافيا موتورها 110 حصان هو نفس موتور الفانتازيا....و الاوكتافيا عامة فيها مشاكل خرافية في الفيتيس و ممكن تشوف بنفسك من جروبات الملاك هنا او علي الفيس..

[mif]

انا بصراحه مفكرتش فيهم خالص....غير ان الناس بتخوفني منهم علشان سعر بيعهم بعد كده
انت قلبتلي دماغي
هبص عليهم

كورولا سعر مبالغ جدا بتيجي من تركيا عليها خصم كبير في الجمارك و التوكيل بالعه ... خامتها الدالية متواضعة جدا بالنسبة لسيارات كتير في نفس السعر
المفروض انها سيارة اقتصادية و كمان تركي و احنا اتهارينا من الجنوب افريقي يطلع لنا التركي .

اوكتافيا الى حد ما فيها شكوى برضه ... بس ملاكها يفيدوك اكتر ... و اعادة بيع مش حلوة برضه

فلوانس ... اوعى تفكر فيها اصلا ... فيها عيب في الصناعة و المكنة بتاكل الزيت و خش قسم رينو و شوف معاناه ملاكها و ازاى ناس اشترت و اكتشفت و باعت بخسارة كبيرة جدا .

مازدا 3 لازم تروح تتفرج عليها و تقعد فيها و شوف امكانياتها و كمالياتها
* ما تسمعش من حد انها حتكون ثقيلة فى اعادة البيع .... طالما عندك القدرة انك تشترى ما تفكرش فى البيع اركب و استمتع سنة و 2 و 10 و ساعة البيع يحلها ربنا مع العلم انها الوحيدة فى مصر استيراد اليابان
* اللى يقولك فتيس قديم 4 غيارات قله بالتجربة اداءه ممتاز
* اللى يقولك مكنة قديمة و ضعيفة قله بكل ثقة مكنة معمولة تمشي ببنزين 92 بدون اى مشاكل عكس الكورولا اللى بتحتاج 95 علشان تطلع كامل قوة المحرك
مكنة قديمة معروفة و مفهومة و قطع غياراها منتشرة فى كل مكان
* عفشة مالتى لينك يعنى امشي بيها على اى سرعة حتبقى قمة فى الثبات و الامان و هو ما يفتقر اليه كل ما سبق
* 6 اير باج و اعلى وساءل الامان
*استهلاك اقتصادي للوقود

[mif]

نصيحة من اخ ليك معلوماتة على ادة
الاوكتافيا مش حلوة وعربية فيها مشاكل كتير وانا مشترك فى جروب الاوكتافيا والتوكيل معاملتة زبالة مع مالكى العربية
الناس لما اشترت الاوكتافيا الجديدة اشترتها على حس الفانتازيا الى كانت شبة نادرة ومعدومة العيوب والجديدة فيها عيوب وكتير
سعر الاوكتافيا الجديدة انهاردة فى التوكيل تانى فئة فى حدود 240000 ودا عن لسان ناس فى جروب الاوكتافيا كانو فى التوكيل
متفق معاك
سيبك من الى يقولك دى تركى ووحشة والكلام دا الشركات دى عندها جودة فى شغلها لا يمكن تتنازل عنها وبالذات فى تويوتا
راحت فين الجودة في العربيات الجنوب افريقي اللى الناس لحد النهاردة قرفت من مشاكلها

و بعدين التركي الانتريور خاماتها وحشة جدا جدا متقولش انها عربية فوق ال 200 الف

الفلوانس الى احد الاعضاء نصحك بيها تركى وكانت فى 2014 فى عيب ظهر فى كذا عربية منها ان العربية بتسرب زيت وتم تغير الموتور بالكامل
فعلا
بالنسبة للمازدا انا ملاحظ انها منتشرة فى الشارع وعربية يابانى بس يعيبها ان الموتور والفتيس تكنولوجيا قديمة(علشان تركب عربية بتمشي ببنزين 92 و تديك اعلى اداء) بس نادرة الاعطال يعنى موتور 105 حصان مع فتيس 4 نقلات مع كمية كماليات لات نعد ولا تحصى مع راحة فى الركوبة
دا غير العفشة المالتى لينك و اعلى وساءل امان فى فءاتها
اعيب عليها انها مع غبور
انا شايفها ميزة .... العربيات اللى مع غبور بتنتشر و دا بيساعد على خفض اسعار قطع الغيار و الصيانات .
نصيحة بدام انت راكب تويوتا وفاهم التويوتا خليك فى التويوتا واسال ملاكها عنها لو فيها مشاكل ولا لا وشوف انت وحدد لان انت الى هتركب العربية مش حد تانى ولاننا مش كل سنة بنغير عربية فا حدد متطلباتك وحدد احيتاجاتك وروح للى انت مرتاح لية بس بما انك راكب يابانى انت عارف يعنى اية عربية اعتمادية
انا انك لو عايز تحس بنقلة هات المازدا و مش حتندم ابدا
ومبروك مقدما باذن الله على العربية الجديدة وربنا يكفيك شرها

[mario_9111]

بص خد كلامي من الاخر ومدورش تاني عايز كورولا الجديده تكون خليجي والاوكتافيا الجديده اعتقد بتنزل بالموتور والفتيس القديم وطبعا عربيه رائعه أما المازدا رهيبه ولا غبار عليها بس اعاده البيع صعب وبتخسر عايز ركوب واحساس بالفخامه اوكتافيا عايز اعتماديه عاليه جدا وبدايه سريعه وقطع غيار في كل حته في مصر كورولا عايز شياكه وياباني ميه في الميه مازدا بس ارشحلك كورولا الجديده 2016 خليجي فتيس 4 نقله القديم أوتو والماكنه 124 حصان هات الفل منها وريح باللك

[yasser100]

و هو يعنى سعر الاوكتافيا التشيكى اللى مش مبالغ فيه ؟؟؟؟

[omar101970]

اكتر حاجه عاجبانى فى الكورولا الجديده بالمقارنه بالكورولا اللى مع حضرتك هو اتساع الكنبه الخلفيه.
بالاضافه لأنظمه الامان esp اللى موجود فى كل الفئات والفتيس cvt
وربنا يوفقك للاختيار الأافضل.

[mohamed918]

طيب يا جماعة انا ادامى عربية تويوتا 2012 خليجى فئة sundered الاولى خالص ماشية 120 الف كيلو رشة باب يمين واكصدام يمين بس نظافة لأنى عاينت من ناحية الموتور الصاج نفسه تمام مفيش فيه عوج ولا حاجة تساوى كام كدة

[AHMEDJUDDY]

هتعدى حاجز ال 200 الف يبقى بيجو 508 أو اوبل انسيجنيا أو فورد فيوجن . التويوتا آخر سعر ليها امبارح في المصريه للسيارات الفئه الثانيه ب 209 الف ... ولا تعليق ... أنا السنه اللي فاتت كنت ناوي عليها و كنت هخلص فيها من سمير ريان بعد الفصال على 191.5 الف دلوتي ب 209 الف !!!!!

[midostarmody]

فورد فيوجن او مازدا 3 حرام بالسعر ده تجيب كورولا لو شوفت الفورد او امازدا انتا ممكن تفجر الكورولا بعدها ده كان احساسى لما قعدت جوا المازدا 3 تحفففففففففففففففففففففة ملكش دعوه بحد يقولك اعادة بيع يعنى انتا هتجيب زيرو وبتفكر فى اعادة البيع العربية استمتع بيها 5او 6 سنين وبعد كده بيع

[crazy car]

نصيحة من اخ ليك معلوماتة على ادة
الاوكتافيا مش حلوة وعربية فيها مشاكل كتير وانا مشترك فى جروب الاوكتافيا والتوكيل معاملتة زبالة مع مالكى العربية
الناس لما اشترت الاوكتافيا الجديدة اشترتها على حس الفانتازيا الى كانت شبة نادرة ومعدومة العيوب والجديدة فيها عيوب وكتير
سعر الاوكتافيا الجديدة انهاردة فى التوكيل تانى فئة فى حدود 240000 ودا عن لسان ناس فى جروب الاوكتافيا كانو فى التوكيل
سيبك من الى يقولك دى تركى ووحشة والكلام دا الشركات دى عندها جودة فى شغلها لا يمكن تتنازل عنها وبالذات فى تويوتا
الفلوانس الى احد الاعضاء نصحك بيها تركى وكانت فى 2014 فى عيب ظهر فى كذا عربية منها ان العربية بتسرب زيت وتم تغير الموتور بالكامل
بالنسبة للمازدا انا ملاحظ انها منتشرة فى الشارع وعربية يابانى بس يعيبها ان الموتور والفتيس تكنولوجيا قديمة بس نادرة الاعطال يعنى موتور 105 حصان مع فتيس 4 نقلات مع كمية كماليات لات نعد ولا تحصى مع راحة فى الركوبة
اعيب عليها انها مع غبور
نصيحة بدام انت راكب تويوتا وفاهم التويوتا خليك فى التويوتا واسال ملاكها عنها لو فيها مشاكل ولا لا وشوف انت وحدد لان انت الى هتركب العربية مش حد تانى ولاننا مش كل سنة بنغير عربية فا حدد متطلباتك وحدد احيتاجاتك وروح للى انت مرتاح لية بس بما انك راكب يابانى انت عارف يعنى اية عربية اعتمادية
ومبروك مقدما باذن الله على العربية الجديدة وربنا يكفيك شرها

كلام في الصميم ومن الاخر
ولصاحب الموضوع بقى تبقى راكب يابانى وتويوتا اللى هيا حتة دهب يعنى دور عربيتك وامشى واعتمادية الى اقصى الحدود تروح برجليك لمشاكل الالمانى والفرنساوى اللى مبتخلصش ولما تحب تبعها تخسر كتيييييييير