إعـــــــلان

Collapse

.

,
See more
See less

كيفية التعامل مع الفتيس M-mt

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة abuanas مشاهدة المشاركة
    السلام عليكم
    مع احترامي الشديد للعضو (sharky) واحترامي لارائه واعتقداته
    الا اني بصراحه وصلت لحالة لما اجد اسمه في موضوع يخص الكورولا الـ MMt
    لا اتعب نفسي في قرآة موضوعه أو رده لأني أعلم مسبقا ماذا سيقول
    فنحن ان اردنا ان نستطلع الرأي فيمن يلقب بعدو الكورولا الجديده الأول فسيحصل علي اللقب وبجدارة
    ارجو انه ميزعلش منى وأأوكد أنني أكن له كل احترام وهو حر في تبني ما شاء من أراء
    ولكنى أوقات اتخيل انه بينه وبين الكورولا الجديده ثأر بايت كما نقول في الالفاظ الدراجه
    ارجو ان يسامحنى ........ السلام عليكم
    يا سيدى الفاضل أنا ليس بينى و بين الكرولا تار بايت كما تدعى
    أنا ماقلتش إن الكرولا وحشة دا أصاحبها و ملاكها فى المنتدى هما إللى بيقولوا كده

    يا جماعة ياريت الكل يفهم دا رأى ملاكها ماتروح تسألوهم ليه بيقولوا كده
    بتسألونى أنا ليه !!!

    حاجة غريبة فعلا

    Comment


    • #17
      أنا مش عارف الناس ليه قاعده تتكلم عن العربية وناس بدافع وناس بتهاجم و الموضوع بسيط جدا جدا إلي مش عجباه العربية ميشتريهاش و الي عجباه يشتريها المفروض الي بيشتري يركب العربية ويجربها الاول قبل مايشتري دي خلاصة القول.
      بالنسبالي انا عندي العربية و عامل بيها 19845 كم ولسه مخلص صيانة 20000 كم و الحمد لله العربية زي الفل معايا انا بس معرفش مع غيري هتبقا عمله الزاي أما بالنسبة لتقييم العربية فالاعضاء إلى معاهم العربية هنا في المنتدى كتبو تفصيل كل حاجة و مش محتاج ازود عليهم حاجة غير إني عربيتي موديل 2008 لونها كحلى و مش عارضها للبيع و الحاجة التانيه ياريت تلتمسولي العذر لإني صعب اجاري الاعضاء في الدخول والكتابة عن اي مواضيع لأسباب عملي وعدم توفر الوقت لدي.

      Comment


      • #18
        المشاركة الأصلية كتبت بواسطة askassem مشاهدة المشاركة
        أولا السلام عليكم يا جماعة
        الحمد لله أنا من المنضمين حديثا لنادى الكورولا الجنوب أفريقى
        و الحقيقة إترددت كتير قبل ما أجيب العربية و فكرت إنى أجيبها مانيوال من كتر الشكاوى اللى لقيتها و الناس إتكلمت عنها بخصوص الفتيس ال Mmt
        و فى النهاية قررت إنى أتابع فقط التعليقات من ملاك السيارة فقط
        و ده اللى ساعدنى فعلا إنى أخد القرار بشراء السيارة و الحمد لله فعلا أنا شايف إنه كان إختيار صحيح
        و مش حانكر إنى لقيت ناس مش عاجبها الفتيس لكن لقيت إن أغلب ملاك السيارة الفعليين فعلا بيدافعوا عن الفتيس و بيحاولوا يوصلوا فكرة عمله
        و فعلا فيه أكتر من موضوع فى المنتدى إتكلم و شرح فكرة الفتيس و بالتالى أنا مش حاكرر اللى إتقال بالفعل
        اللى أنا عايز أقوله هو كيفية التعامل مع الفتيس و بينقل إمتى فى المواقف المختلفة

        فكرة الفتيس ال Mmt إنه زى ما كلنا عارفين إنه مبنى على فكرة المانيوال
        ولكن كل الكلام كان إن لازم الواحد يرفع رجله من على دواسة البنزين ساعة النقلة و كان أبسط سؤال هو أنا حاعرف منين إن العربية عايزه تنقل و غيرها من الأسئلة

        واقع الأمر

        إن الواحد و هو سايق لما يعوز ينقل ببساطة كل اللى يعمله إنه يرفع رجله لحظة من على دواسة البنزين و بالتعود حتلاقى إنك مش لازم ترفع رجلك للأخر مجرد إن ال Rpm يهدى لحظة و العربية حتنقل لوحدها بمعنى إنك كأنك بتطلب النقلة مش بتستناها، النقلة دى بتبقى على Rpm قليل فى وضع ال E حوالى 1500-2000 بمعنى أنك لو رفعت رجلك قبل القيم دى بكتير الفتيس مش حينقل و لما تدوس تانى حتلاقى نفسك على نفس النقلة.
        أما فى وضع ال Es فطريقة القيادة هى نفسها و لكن حدود النقل أعلى بمعنى إن العربية مش حتنقل لوحدها على أقل من حوالى 3000rpm
        طيب لو الواحد فضل دايس بنزين و ما رفعش رجله إيه اللى حيحصل
        العربية حتنقل لوحدها حسب ال Rpm ووضع ال E أو Es و هنا بتحس بالضبط كأن حد فصل البنزين و داس دبرياج و نقل و ساب دبرياج و رجع البنزين تانى و ده اللى الناس سمته النتشة، هى محسوسة أكتر فى وضع ال E عن ال Es علشان ال Rpm العالى بيلغى إحساس النقلة
        علشان كده فعلا العربية فيها قوة المانيوال بالضبط دون أى نقص مع متعة و سهولة الأوتوماتيك
        نيجى لشوية حالات خاصة
        لو حتاخد مطب صناعى
        لو داخل على المطب و إنت هادى مفيش أى مشكلة حتعدى المطب و تكمل و العربية تنقل معاك بدون أى مشاكل
        لكن لو أخدت المطب على سرعة عالية نسبيا فإنت محتاج عزم النقلة اللى معاك بعد النقلة مباشرة علشان كدة الفتيس مش حينقل فى الحالة دى مهما رفعت ال Rpm علشان يفضل معاك عزم النقلة و لما تخلص من المطب و عايز تنقل إرفع رجلك و نزلها تانى و العربية حتنقل على طول
        و لاحظت إن نفس الحركة بتحصل فى الملفات الحادة لو أخدتها على سرعة عالية

        نيجى للكيك داون
        إحنا إتفقنا إن فرق ال E عن ال Es هو مكان الحد الأدنى للنقل فقط و بالتالى الشرح بتاعى حينطبق على النقلتين و نبقى إحنا فاهمين إن كل نقلة بتتكلم فى ال Rpm بتاعها

        فكرة الكيك داون إنك لما بتدوس بنزين على الآخر بتقول للعربية تنزل نقلة علشان تديك عزم أشد و تعرف تجرى بالعربية
        و إنت سايق عادى لو فى أى لحظة دست بنزين على الآخر اللى حيحصل إن العربية حتاخد حوالى ثانية أو أقل علشان تنقل و تستجيب و بالتجربة أنا شايف إن ده معقول جدا "تقريبا نفس الوقت لو معاك عربية مانيوال بجد" بس فكرة الكيك داون إن العربية مش حتنقل النقلة الأعلى إلا لو رفعت رجلك أو إن ال Rpm قرب على الأحمر و لو رفعت رجلك و رجعت كيك داون تانى طبعا مش حتنزل نقلة و برضة مش حتنقل الأعلى إلا لو شلت رجلك تانى

        طبعا فى كل الحالات اللى فاتت ممكن تنقل من المفاتيح اللى ورا الدركسيون + و -

        وضع ال M هو المانيوال العادى مع ملاحظة إن لما ال Rpm بيهدى النقلة بتنزل لوحدها كأن المطلوب هو ال + فقط

        ده كده تجربتى مع ال Mmt لغاية دلوقتى ، أنا لسة مكملتش أسبوع بالعربية
        فلو إكتتشفت حاجة تانية حاجى أقولهالكم على طول
        عذرا للإطالة و شكرا لصبركم و أرجو أن أكون أضفت حاجة و لو صغيرة
        الف مبروك على السياره وربنا يديك خيرها ويكيفيك شرها
        بالنسبه لموضوع ان حضرتك تشيل رجلك من البنزين والعربيه بتنقل هو بالتاكيد بيلغى الاحساس بالنقله نهائى ولكن اعتقد غير مهم استخدامه لانه هيشتت تفكيرك اثناء القياده والافضل استخدام الفتيس بوضع es وعدم استخدام e نهائيا وانا شخصيا بعمل كدا
        وفى حاجه حصريه هقولها اهى عمر ما حد قال عليها خالص فى العربيه....لما العربيه تكون واقفه وسط الزحمه اقلب على وضع المانيوال وافضل ضاغط لمدة حوالى 3 ثوانى على + فى الدريكسيون هتلاقى الشاشه بتقولك انك على التانى مش الاول وهتطلع بالعربيه ومش هتحس باى نقلات او هتحتاج تغير النقله لانك ببساطه ماشى على التانى

        سؤال اخير هو حضرتك جبتها استلام فورى ولا حجز وهى موديل 2008 ولا 2009 اصل التوكيل كان بيقول انها ب 160 الف للحجز والاستلام الفورى بره كان بيوصل 167 الف عند المعارض الكلام ده فى شهر 8 اللى فات
        وتقبل تحياتى
        [rmade]http://www.m5zn.com/uploads/2010/2/6/photo/thumb/76mej0g7xpen.jpg[/rmade]

        Comment


        • #19
          المشاركة الأصلية كتبت بواسطة sharky مشاهدة المشاركة
          يا سيدى الفاضل أنا ليس بينى و بين الكرولا تار بايت كما تدعى
          أنا ماقلتش إن الكرولا وحشة دا أصاحبها و ملاكها فى المنتدى هما إللى بيقولوا كده

          يا جماعة ياريت الكل يفهم دا رأى ملاكها ماتروح تسألوهم ليه بيقولوا كده
          بتسألونى أنا ليه !!!

          حاجة غريبة فعلا
          ملاكها ازاى حضرتك اللى قالوا كدا احنا قولنا قبل كدا دى كانت شكوى فى بداية ظهور السياره لعدم المعرفه بنظام الفتيس دلوقتى كل ملاكها قدام حضرتك وبيقولوا ما فيهاش مشاكل
          احنا لحد دلوقتى 5 من ملاكها فى الموضوع فين ملاكها اللى حضرتك بتتكلم عنهم بيشتكوا منها
          وتقبل تحياتى
          [rmade]http://www.m5zn.com/uploads/2010/2/6/photo/thumb/76mej0g7xpen.jpg[/rmade]

          Comment


          • #20
            المشاركة الأصلية كتبت بواسطة mandooo مشاهدة المشاركة
            سؤال اخير هو حضرتك جبتها استلام فورى ولا حجز وهى موديل 2008 ولا 2009 اصل التوكيل كان بيقول انها ب 160 الف للحجز والاستلام الفورى بره كان بيوصل 167 الف عند المعارض الكلام ده فى شهر 8 اللى فات
            وتقبل تحياتى
            شكرا يا باشا و على فكرة حضرتك ليك الفضل الأول فى إنى أستقر على الكورولا و فعلا بعد ما إستلمتها تستحق الشكر مرة تانية
            أنا جبتها من التوكيل يعتبر بالحجز بس هو ما بين ما دفعت المقدم و الإستلام كان فيه أسبوعين علشان أنا فضلت أستلم 2009
            كان فيه 2008 فورى بس مش كل الألوان

            Comment


            • #21
              المشاركة الأصلية كتبت بواسطة mandooo مشاهدة المشاركة
              اقلب على وضع المانيوال وافضل ضاغط لمدة حوالى 3 ثوانى على + فى الدريكسيون هتلاقى الشاشه بتقولك انك على التانى مش الاول
              أنا فعلا جربت الموضوع ده (حصلت معايا بالصدفة أول مرة بس عجبتنى)و على فكرة ممكن تضغط على + مرتين من غير ما تنتظر 3 ثوانى حتنقل على التانى برضه

              Comment


              • #22
                المشاركة الأصلية كتبت بواسطة mandooo مشاهدة المشاركة
                ملاكها ازاى حضرتك اللى قالوا كدا احنا قولنا قبل كدا دى كانت شكوى فى بداية ظهور السياره لعدم المعرفه بنظام الفتيس دلوقتى كل ملاكها قدام حضرتك وبيقولوا ما فيهاش مشاكل
                احنا لحد دلوقتى 5 من ملاكها فى الموضوع فين ملاكها اللى حضرتك بتتكلم عنهم بيشتكوا منها
                وتقبل تحياتى
                واضح إن حضرتك مش متابع كويس المشاركات الاخيرة
                حضرتك أقرأ موضوع شكوى من فتيس MMT و حضرتك تعرف إن الشكوى مازات مستمرة من أعضاء أخرين رغم مرور عام على نزول الكرولا MMT !!!

                أدى مشاركات الأعضاء فى خلال أخر أسبوعين


                أصدقائى الاعزاء
                انا ايضا مالكة لتيوتا الجديده 2008 بالنظام الجديد الاوتوماتيك و عندى نفس المشكله و كمان فى مشكله ثانيه مفيش اى حد ذكرها و هى لمل باجى ارجع بالعربيه للخلف و أجيب الفتيس على الخلف مش بترجع من اول دوسه لازم ادوس مره ثانيه ز تحس انها فهمها ثقيل فى كل حاجه ز بس هى فى السرعات العاليه ناعمه جدا للحق و هى عامله لغاية دلوقتى حوالى 5000 ك و ربنا يسهل فى الباقى !
                السلام عليكم ورحمة الله وبركاته ......
                الأخوة الأعزاء اشعر من متابعتى للمنتدى ان لى اصدقاء كتير وده احساس جميل.
                انا عندى كورولا 2008 اعلى فئة عملت بيها حتى الان 3800 كيلو .

                احب اضيف بعض المشاكل مثل

                تقفيل العربيه فى منتهى الردائة وحسبى الله ونعم الوكيل
                ذراع فتح الشنطة من داخل السيارة بيفتح مرة و 20 مرة لأ( التوكيل مش لاقى ليها حل )
                النور الواطى (الزينون) امام السائق رامى على الأرض وكنت مسافر بيها اسكندرية على الصحراوى باليل وطلع عينى فى الرؤية ( التوكيل بيقول لأ كله تمام )
                المارشيدير R بيعلق
                الفرامل بها صفارة عليا جدا ( تم الكشف عليها اكتر من مرة فى التوكيل ) وبرضه كله تمام
                مع ان الصفارة رجعت تانى اعلى من الاول وخصوصا عند الدوس عليها اثناء الرجوع للخلف
                التوكيل هو العباسيه واشك اصلا انهم فاهمين اى حاجه فى العربيه دى .

                على العموم هو مقلب وشربناه وحسبي الله ونعم الوكيل
                بالنسبه لموضوع الاخ ashkar انا اول ما استلمت العربيه بتاعتى و هى على الزيرو كانت الفرامل بتصفر برده و رحت التوكيل قالولى خلاص اتصلحت و انا راجعه بيها لقيتها لسه بتصفر رجعت لهم تانى يوم غيروا تيل الفرامل كله و قعدت تصفر بعدها يومين و بعدين بطلت و بالنسبه للرجوع للخلف برضه عندى بتعلق احيانا0
                انا اتعرض عليا من 3 شهور الاعلي فئة الي ب حجز160000 وكانت عاملة 3000 كيلو ب150000 ومفهاش خدش
                واوتو ميرو كان بيبيع الشهر الي فات 3 عربيات كسر زيرو والي مش مصدق يروح يسئلهم
                يا ريت محدش ينكر ان فيه مشكلة فتيس
                وانا كمان مش هنكر ان العربية تحفة وسعرها فيها وتستاهل سعرها بس لو كان الفتيس بتاعها اوتو عادي وانا شايف الي عايز يجيبها يجيبها مانوال
                وحكمي ده مبني علي الي مكتوب هنا وكمان جربتها لمسافة 100كم

                ياريت يا جماعة تقنعوا ملاكها الاول قبل ما تقنعوا أى حد تانى
                أنا كل دورى برد على مقلومة بتتقال غلط إن معظم ملاكها مبسوطين منها
                لإن للأسف دى معلومة خاظئة فقط

                Comment


                • #23
                  المشاركة الأصلية كتبت بواسطة sharky مشاهدة المشاركة
                  واضح إن حضرتك مش متابع كويس المشاركات الاخيرة
                  حضرتك أقرأ موضوع شكوى من فتيس MMT و حضرتك تعرف إن الشكوى مازات مستمرة من أعضاء أخرين رغم مرور عام على نزول الكرولا MMT !!!

                  أدى مشاركات الأعضاء فى خلال أخر أسبوعين








                  ياريت يا جماعة تقنعوا ملاكها الاول قبل ما تقنعوا أى حد تانى
                  أنا كل دورى برد على معلومة بتتقال غلط إن معظم ملاكها مبسوطين منها
                  لإن للأسف دى معلومة خاظئة فقط
                  للاسف المشاركات دى غير صحيحه أومشكوك فى امرها لانها وردت من اعضاء مشاركتهم فى المنتدى لم تتعدى بضع مشاركات وبعدين ايه حكايه صفاره فى تيل الفرامل والشنطه بتعلق هى عربيه صينى يا جماعه علشان الحاجات دى تتقال
                  اظن اننا ملاكها ومقتنعين بيها ومش هنروح نقنع واحد او اتنين مشاركتهم مجهوله فى المنتدى بغيرهم كتير مبوسطين بالعربيه وانا كل يوم شايف العربيه بتنتشر اكتر من اليوم اللى قبله
                  بالنسبه للعربيات الكسر زيرو دى بتحصل فى اى عربيه فى الدنيا والدليل ان الكورولا اليابانى برضه معروض منها كسر زيرو بالرغم ان محدش اتكلم عنها خالص
                  الكسر زيرو بيحصل كتير علشان الناس بتشترى عربيه جديده بالتقسيط وتبيعها كاش وده بتحصل فى عربيات كتير جدا
                  وعلى فكره انا مش بزهق وكل ما ادخل المنتدى وهلاقى رد ضد الكورولا او محاوله لتشويه سمعتها هكون جاهز دائما بالرد
                  وتقبلوا تحياتى
                  [rmade]http://www.m5zn.com/uploads/2010/2/6/photo/thumb/76mej0g7xpen.jpg[/rmade]

                  Comment


                  • #24
                    المشاركة الأصلية كتبت بواسطة sharky مشاهدة المشاركة
                    واضح إن حضرتك مش متابع كويس المشاركات الاخيرة
                    حضرتك أقرأ موضوع شكوى من فتيس MMT و حضرتك تعرف إن الشكوى مازات مستمرة من أعضاء أخرين رغم مرور عام على نزول الكرولا MMT !!!

                    أدى مشاركات الأعضاء فى خلال أخر أسبوعين



                    ياريت يا جماعة تقنعوا ملاكها الاول قبل ما تقنعوا أى حد تانى
                    أنا كل دورى برد على مقلومة بتتقال غلط إن معظم ملاكها مبسوطين منها
                    لإن للأسف دى معلومة خاظئة فقط
                    مع خالص إحترامى أنا لما أكون مالك للسيارة و ألاقى مشاركة بتبدأ ب "تقفيل العربيه فى منتهى الردائة وحسبى الله ونعم الوكيل "

                    أكيد أنا مش مطالب بالرد لأنى معايا العربية و أعرف أحكم كويس عليها

                    و لما الاقى حد بيتكلم و يقول إن مثلا باب عربيته الBMW بيزيق يبقى ده عيب فى الباب و ممكن يكون عيب صناعة يستلزم تغيير الباب و لكن مش حاقول إن ال BMW وحشة

                    أما بالنسبة للمشاركات اللى بتتكلم عن إن أصحابها مش عارفين يتعاملوا مع العربية فده هدف المنتدى و هدف المواضيع اللى بنفتحها علشان اللى مش عارف حاجه يعرفها

                    و حارجع و أقول تانى الكمال لله وحده و مفيش حاجة إسمها سيارة كاملة من كله
                    دى مسألة أذواق و راحة نفسية و كل واحد يختار اللى يعجبه

                    Comment


                    • #25
                      على فكرة و أنا بانضف العربية بعد الإستلام وقفت جنبى بالصدفة تويوتا كورولا 2008 يابانى أوتوماتيك
                      و إتعرفت على صاحبها و قعدنا نتكلم و عملنا مقارنة سريعة بين العربيتين كانت نتيجتها
                      إن صاحب العربية اليابانى قال بالحرف دون أى تحريف "لأ ده الموضوع طلع مش زى ما كنت فاكر، دى الجنوب أفريقى أشد كتير و قصة تانيه خالص"
                      و برضه قبل ما حد يهاجمنى و يقول إنى ضد الكورولا اليابانى
                      أنا باعلن إنها حالة فردية و تمثل رأى صاحبها فقط و العربية اليابانى زى الفل

                      Comment


                      • #26
                        بصو يا جماعه انا شايف ان الشعب المصرى عدو لاى حاجه جديده او بمعنى اصح بيخاف من الحاجه الجديده يعنى مثلا بصو للفتيس الايزى ترونيك فى الاوبل و شوفو كميه المواضيع الى اتكتبت عنه فى قسم الاوبل و الناس تقول ده بينتش و بينط و حاجات كتييييييييير بس بعد كده خلاص معدش فى مواضيع عن الايزى ترونيك خلاص لان الناس خلاص فهمته و اطمنت (واهم حاجه الاطمئنان) و هو ده الى بيحصل فى ال M-mt و عموما ربنا يهدى الجميع بس انا عندى تعليق صغير (ان الفتيس بتاع التويوتا ده الناس اشتكت منه برا مصر يعنى مش مساله خوف او كره للجديد)
                        [CENTER]
                        ولا تحسبن الذين قتلوا فى سبيل الله امواتا بل احياء عند ربهم يرزقون

                        [/CENTER]

                        Comment


                        • #27
                          المشاركة الأصلية كتبت بواسطة sharky مشاهدة المشاركة
                          يا سيدى الفاضل أنا ليس بينى و بين الكرولا تار بايت كما تدعى
                          أنا ماقلتش إن الكرولا وحشة دا أصاحبها و ملاكها فى المنتدى هما إللى بيقولوا كده

                          يا جماعة ياريت الكل يفهم دا رأى ملاكها ماتروح تسألوهم ليه بيقولوا كده
                          بتسألونى أنا ليه !!!

                          حاجة غريبة فعلا
                          أسألني أنا ياسيدي .. انا من ملاكها .. كل ما في الموضوع افهم كيف تتعامل مع العربية تجدها سابقه عصرها .... وانا لا اتجنى عليك ارجع الي كل المواضيع التى كتبت عن السيارة ستجد لك فيها مشاركات وكلها هجوم علي السيارة ـ معذرة مع انك مش من ملاكها أو حتى جربتها لفترة ـ وحضرتك دائما ما تكون اول من يتصدى بالرد علي كل من يشكر في السيارة وتحاول تفنيد أقواله والذم في السيارة ,,,,, لو انا متجنى عليك حد يقولى كده ... وسامحنى انا رديت بعد ما فاض بي الكيل من هذا الاسلوب ...... واذكرك ان الخلاف في الرأي لا يفسد للود قضية ..... وجزاك الله خيرا

                          Comment


                          • #28
                            المشاركة الأصلية كتبت بواسطة mandooo مشاهدة المشاركة
                            للاسف المشاركات دى غير صحيحه أومشكوك فى امرها لانها وردت من اعضاء مشاركتهم فى المنتدى لم تتعدى بضع مشاركات وبعدين ايه حكايه صفاره فى تيل الفرامل والشنطه بتعلق هى عربيه صينى يا جماعه علشان الحاجات دى تتقال
                            هو من إمتى إن لما يبقى العضو مشاركته قليلة تبقى مشاركاته غير صحيحة !!!
                            و لا علشان جاءت مخالفة لرأيك
                            يا أستاذ ماندو لو عايز الناس تحترم رأيك يجب أن تحترم الرأى الأخر و لا تشكك فيه



                            المشاركة الأصلية كتبت بواسطة mandooo مشاهدة المشاركة
                            اظن اننا ملاكها ومقتنعين بيها ومش هنروح نقنع واحد او اتنين مشاركتهم مجهوله فى المنتدى بغيرهم كتير مبوسطين بالعربيه

                            هى علشان مخالفة لرأيك تبقى محهولة !!!!
                            و الشكاوى إللى قبل كده فى نفس الموضوع و فى إنجلترا و جنوب أفريقيا و إللى مهندس الإستقبال توكيل تويوتا بيقول عليها برضه مجهوله !!


                            المشاركة الأصلية كتبت بواسطة mandooo مشاهدة المشاركة
                            وعلى فكره انا مش بزهق وكل ما ادخل المنتدى وهلاقى رد ضد الكورولا او محاوله لتشويه سمعتها هكون جاهز دائما بالرد
                            وتقبلوا تحياتى
                            دا حقك و رد زى ما إنت عايز بس المهم تقنع الأول ملاكها بكلامك لإن دا هو إللى حيأكد إنها مافيهاش مشاكل

                            المشاركة الأصلية كتبت بواسطة abuanas مشاهدة المشاركة
                            [CENTER][B][COLOR="Navy"][SIZE="4"]

                            وانا لا اتجنى عليك ارجع الي كل المواضيع التى كتبت عن السيارة ستجد لك فيها مشاركات وكلها هجوم علي السيارة

                            مع إحترامى لحضرتك
                            إنت كده بتتجنى عليه و بتقول عليه كلام محصلش و أرجع لمواضيعى و إنت تتأكد
                            أنا لا أهاجم الكرولا
                            أنا بعرض وجهة نظر ملاكها فى المنتدى وخارجها برضه علشان تكون الصورة واضحة لجميع الأعضاء و أظن دا مابيقاش هجوم و لا علشان وجهة نظرهم معارضة ليكم تبقى هجوم !!!!

                            Comment


                            • #29
                              المشاركين فى الموضوع من ملاك الكورولا الجنوب أفريقى --------خمسة أعضاء
                              المعجبين بالكورولا الجنوب أفريقى من ملاكها المشاركين بالموضوع----خمسة أعضاء
                              السؤال
                              فين الملاك الغير معجبين بالعربية علشان نتكلم مع بعض فى حوار يستفيد منه الجميع

                              رجاء اللى يرد يبقى من ملاك الكورولا بالفعل علشان يبقى الحوار موضوعى و عن تجربة شخصية

                              Comment


                              • #30
                                المشاركة الأصلية كتبت بواسطة askassem مشاهدة المشاركة
                                المشاركين فى الموضوع من ملاك الكورولا الجنوب أفريقى --------خمسة أعضاء
                                المعجبين بالكورولا الجنوب أفريقى من ملاكها المشاركين بالموضوع----خمسة أعضاء
                                السؤال
                                فين الملاك الغير معجبين بالعربية علشان نتكلم مع بعض فى حوار يستفيد منه الجميع

                                رجاء اللى يرد يبقى من ملاك الكورولا بالفعل علشان يبقى الحوار موضوعى و عن تجربة شخصية
                                رجاء مراجعة موضوع
                                شكوى من فتيس الكرولا و إنت تعرف ملاكها الغير معجبين بيها

                                على فكرة أنا لم أشارك برأى فى الموضوع أنا كنت بستفسر على رد حضرتك

                                Comment

                                Working...
                                X