عاوز اشترى يارس

[moha2223]

انا ناوى اشترى يارس مانيول فول اوبشنز بس خايف من حاجة.لما ركبتها عربية تحفة بس المشكلة انى مش شايف كبوت العربية خالص ودة مخوفنى اوى انى معرفش اسوقها.اصلى متعود انى اشوف كبوت عربيتى الفيرنا.اية رائيكم ولا اجيب الماتريكس او البيريسونا ولا حتى اوبترا.وبعدين هيا اليارس احسن من العربيات اللى قولتها ولا فى حاجة منهم ااحسن مستنى رودكم بدون تحيز

[Abdo_Eldesokey]

أنا رأي اليارس أحسن واحدة في الي قلتهم

ومتقلقش من موضوع الكبوت ده .. هتتعود عليه مع الوقت .. وكبوت اليارس يعتبر من أصغر الكبوتات - حلوة الكبوتات دي - يعني مش هيععمل معاك أزمة

امال لو جبت الأوبترا تعمل إيه ؟ ... كبوتها طويل جدا ً

[moha2223]

شكرا جدا على الرد.طب يارس ولا نيوسيراتو

[MohamedIsmailSayed]

بص يا سيدى...
أنا لسة شارى ياريس أوتوماتيك برده من 3 أسابيع كدة و الحمد لله العربيه محترمة جدا.
بالنسبة لموضوع الكبوت... يمكن ديه اكبر حاجة غريبة فى العربيه انك مش هتشوف اولها ولا اخرها و ده طبعا هيبقى شئ مش ظريف اول كام يوم او اسبوع كده لحد ما تتعود و تلاقى انها حاجة جميله ان عربيتك كبيرة وواسعه من جوه و صغننه من برة. وده له مميزات فى الركن و المناورة.
بالنسبة للسيراتو اكيد هتلاقى اوبشنز اكتر بس أكيد التويوتا معمرة اكتر بكتير من الكيا (مع احترامى ليها) وده بشهاده السوق...
نصيحتى اشتريها و ربنا يوفقك للقرار الصحيح

[amr22_00]

أنا رأيي نيو سيراتو أحسن من الياريس بمراحل
أفخم ومن جوه اشيك بكتير و كمان شكلها جديد لسه ممشيتش في الشارع

[moha2223]

شكرا جدا يا محمد و بما انك معاك يارس احكيلى عملا معاك اية لحد دلوقتى و اية اخبار العيوب اللى بيقولوا عليها زى الثبات و الصاج الضعيف مع اننى مش مقتنع بالحاجات دية

[moha2223]

شكرا عمر ولكن انا متهيلى ان سيراتو شكل و بس زى البيرسونا ولكن اعتمادية مش حلوة لان قطع الغيار غير متوفرة و محدش جربها لحد دلوقتى زى اليارس

[moha2223]

هى اليارس فيها انذار بعد 120 زى الماتريكس و هيا كمان فيها عداد رحلات؟:b4_592:

[pharonicking]

اليارس عربية جميلة اتكل على الله وهاتها انا كان معايا Bmw واليارس عربية تحفة شكل جديد موتور تكنولوجيا عالية مفيش عيوب تقفيل ولا عيوب صناعة خامات ممتازة وحاجات كتير
اتكل على الله وهاتها

[moha2223]

يا شباب لية محدش رد على اخر سوالين:k49:

[MohamedIsmailSayed]

شكرا جدا يا محمد و بما انك معاك يارس احكيلى عملا معاك اية لحد دلوقتى و اية اخبار العيوب اللى بيقولوا عليها زى الثبات و الصاج الضعيف مع اننى مش مقتنع بالحاجات دية

لا شكر على واجب
بص ياسيدى, من وجهة نظرى :
أنا الصراحة لسة مجرتش قوى. بس لحد 120-130 مفيش مشكلة فى الثبات(و دى اعلى سرعة جبتها لحد دلوقتى)
بالنسبة للصاج فكل العربيات اللى فى الفقة دية متهيألى نفس الكلام
بس اللى انا ملاحظة ان الدهان بتاعها سهل جدا يتخربش. يمكن عشان عربيتى سودة...

[hamada_8383]

شكرا جدا على الرد.طب يارس ولا نيوسيراتو

كدة ظلمت الياريس لما قارنتها بالنيو سيراتو

[hesham2005us]

الياريس مافيهاش انذار بعد اي سرعة
فيها عداد للرحلات ممكن تحسب بة مسافات (ممكن تصفرة لمسافتين و تحسب كل واحدة لوحدها)
من اظرف عدادات الياريس بتاع البنزين عبارة عن 8 خطوط كل خط يمثل 5 لتر ماعدا الاول 7 لتر
وتقدر تحسب كل 5 لتر عملت بيهم اد اية كيلومترات
العربية واسعة من جوة فعلا خصوصا ورا منغير المقب اللى بيبقى فى النص فى كل العربيات
فعلا ساعات باحس ان العربية مش ثابتة بمعنى انى حاسس ان مافيش كنترول عليها حتى ساعات يحصل على سرعات مش عالية قوى احيانا 100
وبعض الاحيان مشيت بيها لوحدي على 160 وكانت ثابتة جدا جدتا
اعتقد موضوع الثبات دة بيدخل فى عوامل تانية الهوا وحمولة العربية و اتجاهها و اعتقد دة فى كل العربيات
كان معايا كرولا قبل كدة ونفس الشعور
اعتقد ان العربية حلوة جدا خاصة للي يحب يشتري حاجة مش عايز يشك فى اي حاجة فيها ببساطة لانها كلها يابانى 100%
وتمنياتى باختيار موفق

[moha2223]

شكرا لكل الاعضاء ولكن لية ظلمت اليارس لما قارنتها بالسيراتو

[محمد ابراهيم 1]

الياريس عربيه حلوه

لكن تعتبر صغيرة نسبيا وثباتها معقول جدا جدا

وصناعه فائقة الجوده


ومفيهاش زنان سرعه لكن الخليجى منها فيه الزنان ده


وبالنسبه لأبعاد العربيه فهى مش واضحه لكن بتتعود عليها سريعا

وممكن تضايقك فى الأول لمدة أسبوع

صاجها زى كل اليابانى وإن أمتن بكتير من الكورولا 2001 إلى 2007

مساحة رؤية واضحه وصالونها واسع بالنسبة لحجمها

ضمان حقيقى من الوكيل 3 سنوات أو مائة ألف كيلو أيهما أقرب
تكييف ممتاز

عيوبها
الإكصدامات بتاعتها ضعيفة و مثبتة بشكل ضعيف فى السيارة وإن كانت مرنة جدا وممكن متتأثرش بالصدمات البسيطة

العربية مش عريضه بالقدر اللازم من الداخل يعنى لو اتنين عراض قعدوا حنب بعض قدام يقفلوا المساحه ولازم حد منهم بس اللى يسند على مسند اليد اللى بينزل أساسى فى العربيه
القوايم عريضه شويه بشكل قد يعوق الرؤيه أحيانا خاصة فى حالة الإتجاة إلى اليمين
الهوا ممكن يلعب بالعربيه لو شديد
بس