عاوز اشترى يارس

[KiNgMaX]

على فكرة يا استاذ سعداوى انا معايا ياريس وعامل بيها 35000 كم
وكل المميزات اللى حضرتك قولتها انا معاك فيها
وبالنسبة للمقارنة فاكيد الهيونداى بكل موديلاته مش هتقدر تخش عشان الايرباجز
بالنسبة انه مش ذنبها انها مش 1500 فاكيد مش ذنبى انا كمان برده وعلى فكرة الموتور بتاعها ممتاز عليها
وحضرتك قولت بنفسك هى عربية صغيرة

[sa3dawy]

على فكرة يا استاذ سعداوى انا معايا ياريس وعامل بيها 35000 كم
وكل المميزات اللى حضرتك قولتها انا معاك فيها
وبالنسبة للمقارنة فاكيد الهيونداى بكل موديلاته مش هتقدر تخش عشان الايرباجز
بالنسبة انه مش ذنبها انها مش 1500 فاكيد مش ذنبى انا كمان برده وعلى فكرة الموتور بتاعها ممتاز عليها
وحضرتك قولت بنفسك هى عربية صغيرة

عربية صغيرة بس كفاااءة

وكونها صغيره صدقنى دا ميزة ومش عيب

واكبر دليل على ان العربية خامتها وتقفيلها ممتااز هو سعرها المرتفع

وال 1500 منه لو نزلت كااملة هنا مصر ممكن توصل ل 130 و اكتر كمااان

[sa3dawy]

باشا انا معايا الياريس مانيوال من شهر 7-2008
عامل بيها لغايت دلوقتى 23300 كيلوا
عربية زباااااااااااااااااااااااالة بكل المقاييس انا مستنى لما اخد اجازة الصيف وابيعها

عربية مافيهاش ثبات نهائياً
وياسلام سلم لو فى هواء فالطريق هتلاقي العربية عاملة زى المراجيح وعربيات الملاهى وبترقص منك يمين وشمال
وياسلام بقة لو انت راكن فى طريق وعربية عدت من جنبك تحس ان العربية هتتقلب
وكمان لما عربية بتعدى من جنبك عالطريق بتحس ان العربية حدفت الناحية التانية
والفرامل بتاعت المانيوال جيدة وليست ممتازة ممكن يكون الاوتوماتيك الفرامل احسن عشان abs
-------
دى كل العيوب اللى بتواجهنى لاكن باقى الحاجات مميزات
زى استهلاك البنزين اقتصادى جداً جداً
الموتور ال 1300 ماتحسش فعلاً انة 1300 خالص لو انت فالعربية لوحدك او معاك واحد تانى
لاكن لو العربية فيها 2 ورا وواحد قدام هتحس فعلاً ان 1300
وبالخنقة
التكييف بتاعها جيد وليست قوى بالمعنى المطلوب
والعربية بتتأثر بالتكييف اوى زى بعض العربيات اللى بتتخنق بالتكييف يعنى لو شغلت التكييف هتحس ان العربية اتخنقت نوعاً ما
عربية داخل المدينة citycar وليست عربية سفر مسافات بعيدة
العربية ناعمة جداً جداً والقعدة مريحة فيها
بالنسبة للكبوت انة مش باين فادة هتتعود علية بعد ماتركب العربية 3 او 4 ايام بالكتير بعدها هتقول لنفسك ياريت كل العربيات كدة مسألة تعود مش اكتر
______
نصيحة منى لوجه الله اتكل على الله وجيب السيراتو كفاية ان الموتور 1600
ودة هيبقة قوى لو انت بتسافر مسافات بعيدة وحتى ياراجل تحس فعلاً انك راكب 1600 وتحس بسحب العربية
__
امال لو انت مش بتسافر مسافات بعيدة ومحتاج عربية موفرة جيب الياريس هيا عربية شاب وشبابية فقط وليست عربية عائلة

يارااااجل عربية زباالة

يعنى بعد النجااح والانتشاار الفظيع دا فى العاالم كله

وبعد التقييماات الى بتشكر فى العربية وادااءها تقوول عليها ببسااطة زباالة

طب انت شاايف ايه هى العربية التحفى الى ممكن تجيبها بنفس الثمن؟؟؟

[mga747]

الخلاصة .. السيارة متزنة حتى سرعة ... ؟؟؟
أنا شايف أن الشكوى من الإتزان والمتانة ؟؟؟؟

[eng_tmtm]

الياريس لا يوجد بها انذار بعد ال120
ولكن يوجد عدعد رحلات

[sa3dawy]

الخلاصة .. السيارة متزنة حتى سرعة ... ؟؟؟
أنا شايف أن الشكوى من الإتزان والمتانة ؟؟؟؟

السياارة متزنة جدا الى سرعة 150 كيلو فى الساعة وثباتها مقبول جدا بالنسبة لفئتها السعرية

وانا اخر مره كاان والدى ناايم جمبى طول الطريق وكنت ماشى بين 120 وال 150

[sa3dawy]

حقيقى من اهم المميزاات التى تجعل ياريس خياارا يطرح نفسه بشدة

هو وجود 2 ايرباجز فى كل الموديلات

على عكس عربياات تانية كتير الوااحد بيبقى داافع فيها اكثر من 100 الف ومفيهااش حتى ايرباج وااحدة....وكورى كمااان

دا غير الاى بى اس طبعا واى بى دى ...والباور الاليكتريك الى بعتبره من اهم مميزاات السيااارة...

الاهم من كده ان السياارة من النوعية التى تثق بها وتستطيع الاعتمااد عليها ....يابانى بقى 100 فى المية..

العفشة ممتاازة جدا ومثاالية للطرق بتاعتنا ...

واستهلاك البنزين يظل الافضل فى فئتها ....

التساارع بالنسبة للاوتوماتيك 1300 11.7 ثانية من 0 الى 100
ودا مقبوول جدا ورقم ممتااز ....

الياريس بس نقطة ضعفها فى السفر على سرعاات عالية وكده....هى خفيفة اوى ...وثبااتها بيقى مش زى الفئة الاكبر منها ...وان كاان مقبوول جدا زى ما قلت...

ايضا استجاابة دواسة البنزين بعد 120 بتبقى محدودة والتساارع بيضعف طبعا ....

عموما دااخل المدينة لايعلى على الياريس فى فئتها السعرية..

اما لو داائم السفر وسرعااات عالية وكده ممكن تفكر وتقاارن وكده..

[alisleman]

انا نفس المشكلة معايا لان كان معايا لانسر 2007 وكنت متعود على انى اشوف الكابوت لكن اتعودت بعد مركبتها
بس نصيحة الياريس احلى من اللى قولتهم طب الماتريكس مش هتشوف حاجة خالص
وبالنسبة للنيو سيراتو طبعا محدش يقدر يختلف على الفخامة والجمال بس المشكلة انها عربية لسه ممشيتشى علشان نحكم على الاداء بتاعها ومش معقول نحكم على المنظر الخارجى بس

[sa3dawy]

ياجماعة طول عمرنا عارفين ان الكورى بيعمل اشكال ومواتير كبيرة واوبشنز بسعر معقول

بس دا مش معناه انه احسن من اليابانى

وانا عندى اجيب عربية صغيرة يابانى احسن ما اجيب عربية كورى اكبر

وبعدين الحجم الصغير ميزه فى مصر بطرقها وزحمتها

[M.ABDEEN]

الاخوة الافاضل حرام عليكو تقارنوا الياريس بالسيراتو كوسع ومواتير وثبات وكمان بصراحة الياريس غالية على الفاضي وده عاشان هي تويوتا مش اكتر ثباتها مش قد كده وموتورها 1300سي سي و 92 حصان وعوامل الامان مش زي السيراتو اه ممكن تقولو الياريس احسن من الكيا الريو لكن ماينفعش تتقارن بفئة اعلى من فئتها

[tamermagdy]

انا ناوى اشترى يارس مانيول فول اوبشنز بس خايف من حاجة.لما ركبتها عربية تحفة بس المشكلة انى مش شايف كبوت العربية خالص ودة مخوفنى اوى انى معرفش اسوقها.اصلى متعود انى اشوف كبوت عربيتى الفيرنا.اية رائيكم ولا اجيب الماتريكس او البيريسونا ولا حتى اوبترا.وبعدين هيا اليارس احسن من العربيات اللى قولتها ولا فى حاجة منهم ااحسن مستنى رودكم بدون تحيز :f_eyeb1[1]:

انا جربت الياريس و النيو سيراتو
ملاحظاتي
1- الياريس سيارة اقتصادية في استهلاك البنزين و ناعمة جدا في سواقتها داخل البلد لكن لا انصح بالسرعات العالية للياريس لأنها غبر ثابتة بالمرة
2- النيوسيراتو افضل كسيارة اقوي و امتن لكن استهلاك البنزين اعلي من الياريس
3 - السيارتين معمرتين ( مع احترامي للعضو الذي اشاد بان التيوتا معمرة و بشهادة السوق)
تامر

[tamermagdy]

الاخوة الافاضل حرام عليكو تقارنوا الياريس بالسيراتو كوسع ومواتير وثبات وكمان بصراحة الياريس غالية على الفاضي وده عاشان هي تويوتا مش اكتر ثباتها مش قد كده وموتورها 1300سي سي و 92 حصان وعوامل الامان مش زي السيراتو اه ممكن تقولو الياريس احسن من الكيا الريو لكن ماينفعش تتقارن بفئة اعلى من فئتها

تأكيدا لكلامك انا كان معايا ريو 2006 خليجي و ابن خالتي معاة ياريس 2007 - صدقوني الياريس سيارة تحفة داخل البلد فقط لكن علي الطريق هي سيارة غير امنة-
علي الرغم ان اليو ارخص منها لكن كوزن اتقل منها - انا عارف ان الياريس ممكن تطلع من الريو لكن علي السرعات لألألألألألأ
ملحوظة انا بعت الريو 2006 و جبت نيو سيراتو 2010 هاي لاين + سمارت كي