الكورولا 2010 فى التوكيل هتكون تايلاندى و اتوماتيك عادى !

[Ahmed Samy]

ربنا يبارك ليك
يعنى الاوبل الايزى ترونيك بردة مش عاجبك هو مش عيب فيك اكثر من مش مناسب ليك

بس انا اعتقد ان الهجوم هيستمر وباستماتة لانة مش مبنى على اساس ولكن لحاجة في نفس يعقوب!!

حضرتك بتحاول تشخصن الموضوع عليا و انا مش هاخليه يقلب كده

لا حاجة في نفس يعقوب يا سيدي

ولا داعي لاستمرار هذا الجدال العقيم

وجهة نظري معروضه ...هذا ما اريده

وليس لي هدف اسعى خلفه ..

و ان كان الموضوع ده مسبب لكم حساسية شخصية للدرجة دي و غير قابلة للعلاج بالنقاش يبقى انا افضل المودة بينا على استمرار النقاش بالطريقة دي ...


انا مش زعلان ولا مقموص ....

و انهيت النقاش و حجتي الأقوى ...لأنى لا ارمي لكسب الضغائن و حرق الدم

تحياتي للجميع .....

[rhamed09]

لكم الشكر[/QUOTE]

موجود يا باشا و إلا مكنش بطلو ينزلوا الفتيس فى اوربا و ماكنش ظهر نفس العيب فى مصر و جنوب افريقيا

وعلي فكرة مازلت الكورولاا هنا ب mmt وعرفت من التوكيل سيظل حتي الشكل الجديد وسوف يتغير ب cvt Getriebe الجديد مثل Corolla Verso,Avensis, IQ, Urban Cruiser, Rav4,
ولا رجوع للاتوماتيك العادي مرة اخري

كلام متناقض أصدق مين فيكو

حضرتك راجع كويس مواضيع المنتدى و حتلاقى المشكلة دى من عضو فى المنتدى و لو مالقتيش ماعتنديش مانع أجيب ليك لينك الموضوع

مشكلة من عضو واحد فقط بس اذن تحية لتويوتا

انت ممكن تدور فى كل اقسام المنتدى وطلع عربية مكنش فيها مشكلة
طبعاً توكيلها المحترم غيره فى الضمان وببلاش

طيب لما يبقى العطل متكرر يبقى إسمه إيه ؟

اسمه عيب تصنيع فى العربية ومن حقك تصلح العيب تبع الضمان زى صاحبك اللى غير الكمبيوتر ببلاش فى التوكيل

مش مشكلتى ان حضرتك مش متخيل الموضوع دا و مش عايز تصدق الحقيقة
لكن كل إللى أقولهولك إنى أقسم بالله الكلام دا إتقالى من مهندسى إستقبال تويوتا

انا مش مفترض انك بتكذب لا سمح الله وممكن يحصل
وانا قولت انا مش متخيل
بس زى كده ما تكلم خدمة عملاء فودافون او موبينيل ويقولك اسفين يا فندم بس احنا الشبكة عندنا سيئة وياريت تحول لاتصالات

يعنى دا إعتراف ان الـ MMT مش مكسب

مكسب او خسارة دا اللى بيحددها التوكيل او الشركة الأم

أبسط بدليل عدم نجاحه فى جنوب افريقيا نفسها مش مصر كمان

طب مفروض يفشل كمان فى أوروبا
اول مرة اشوف فتيس يفشل فى أفريقيا وينجح فى أوروبا
مع ان العربية واحدة والسائق هو اللى مختلف
يمكن علشان أوروبا مفهاش سخونة ورطوبة

برضه مش مشكلتى إنك مش عايز تصدق الحقيقة إن الفتيس غير مرغوب فى العالم كله مش مصر

الفتيس مش مرغوب فيه ولا فيه عيب

للمرة الثانية مفيش سبب واضح ومقنع علشان تقول الفتيس فيه عيب

[Sharky]

كلام متناقض أصدق مين فيكو

طيب قولى انت مش دا كلام نفس العضو برضه

بسم اللة الرحمن الرحيم

علي فكرة اوروبا بتشكر في mmt والدليل استمرارة 6 سنوات تقريبا في اغلب موديلاتيها والدليل الاكبر انة اصبح مرة اخري في الموديلات الجديدة واسمة Multidrive transmission S-Getriebe وهذا موجود في Ave nsis, IQ,urban Cruiser, وهذا لابختلف عن mmt الا انة 6 نقلات وهذا ايضا لايعني ان mmt فشل وانما يعني الموديل الجديد لازم لة مواصفات جديدة وعلي قكرة اضف معلومة بسيطة اي عيب ياتي عن طريق الكمبيوتريحل في دقيقة وعلي فكرة ايضا التويوتا تبيع ملايين السيارات فكام سيارة فيها شكوة 100 اتمني ان يحقق المنتدي هدفة في الافادة العامة وليس التخمينات الوهمية وسوف تظل التويوتا المليكككككككككككككككككككككككككككككة و هنا يوجد الانواع الجديدة من الممكن تتواجد في اتوماك www.toyota.at وتمنياتي بلتوفيق للجميع والي اللقاء بعد اوتوماك

حضرتك خش بقى على الموقع إللى هو حاطه و مش حتلاقى خلاص الـ MMT
ثم هو الكرولا نزل منها موديل جديد زى ما بيقول علشان تنزل فتيس جديد
يبقى مين فينا اللى كلامه متناقض

مشكلة من عضو واحد فقط بس اذن تحية لتويوتا

حضرتك فى المنتدى تقريبا عدد ملاك الكرولا الـ MMT لا يتعد 10 أفراد

اسمه عيب تصنيع فى العربية ومن حقك تصلح العيب تبع الضمان زى صاحبك اللى غير الكمبيوتر ببلاش فى التوكيل

شكرا للتوضيح و هو دا اللى بقوله

طب مفروض يفشل كمان فى أوروبا
اول مرة اشوف فتيس يفشل فى أفريقيا وينجح فى أوروبا
مع ان العربية واحدة والسائق هو اللى مختلف
يمكن علشان أوروبا مفهاش سخونة ورطوبة

مع كرولا mmt حتشوف العجب
بس على فكرة حضرتك لو راجعت المواضيع الخاصة بالموضوع دا فى المنتدى
حتلاقى لينكات كتيرة عن إستياء ملاكها فى المانيا و فرنسا برضه منه لدرجة انهم بيبعوا العربية بعد إنتهاء فترة الضمان فورا !
و فى جنوب افريقيا كان فيه واحد مش عارف يبيعها مستعمل هناك أصلا

تقريبا هو نجح فى مصر فقط

الفتيس مش مرغوب فيه ولا فيه عيب

للمرة الثانية مفيش سبب واضح ومقنع علشان تقول الفتيس فيه عيب

الإتنين يا باشا
و مش مشكلتى للمرة التانية إن حضرتك مش عايز تصدق الحقيقة

[heha]

بصوا عشان نقفل الموضوع تويوتا إيجبت يدأت تحجز خلاص فى الكورلا الفتيس العادى فى أوتو ماك وعلى فكره هيه بردو هتكون جنوب أفريقى

# أنا بس عاوز أسأل اللى بيشتكى من الفتيس ساق العربيه ولا كالعاده كله بيفتى من غير تجربه

على فكره انا عن نفسى ما عنديش تويوتا لأنى مش بحبها فقط لأسباب نفسيه لكن أنا عن تجربه الشركه اللى بشتغلفيها أدتنى التويوتا الجنوب أفريقى لمدة شهرين أنا مش شايف فيها مشكله كل المشكله لأنك احيانا ممكن تحس بالنقله من التانى للتالت وحاجه بسيطه مش على طول ومش مقلقه يعنى بلاش نكبر المواضيع



ومن الأخر مشكلتنا أن كل واحد معاه عربيه يفتكر انها أحسن عربيه فى الدنيا ويعض يطلع القطط الفطسانه فى بقية العربيات

[Sharky]

حضرتك ان كلامى كله عن تجربة السيارة و من احد ملاكها هنا فى المنتدى

انا بس عايز اقول حاجة هو ليه لما الواحد بيتكلم مع ملاك الكرولا فى المنتدى على الكرولا و بيجيب معلومات و حقائق حصلت الناس هنا بتزعل و بدل ما ترد عليه بنفس الأسلوب و توجه كلامها للسيارات الافيهم قالبين الموضوع لشخصنة و تريقة !!

يا جماعة دى مجرد سيارة بعنى الة و لا توجد الة لا يوجد بها عيوب لإن الكمال لله وحده و اظن ان دى مش اول سيارة لملاك الكرولا و لا حتكون اخر سيارة لهم بإذن الله يعنى ممكن جدا يعد فترة يبقوا راكبين ماركة أخرى



يا جماعة لو الكرولا مرياحكم ربنا يبارك لكم فيها و يجعلكم سعداء بيها عالطول لكن دا مايمنعش اننا نبين المعلومات الصحيحة لبقية الأعضاء بغض النظر ان كانت تعيب فى السيارة او لأ
لإن اى عيب أو مشكلة فى السيارة لا تعيب مطلقا فى ملاكها

و فى الأخر انا عرضت وجهة نظرى
و ربنا يبارك لكم فى سياراتكم

[midnightman_74]

هى لا تقل بس كفئه سعريه و لخبطه كل شوى الواحد هيحتار يا باشا
انا هقولك سبب كلامى
واحد زيى عايو اشترى عربيه ودى اول عربيه ليا بقالى 4 شهور
دخلت المنتدى وما انا ما عرفش اى حاجه فى اى حاجه ومش عارف اذا ده كويس ولا لا بس اكيد كويس لانى عرفت حاجات كتيره
كنت داخل المنتدى وانا حيران ما بين الانسر والانترا
الناس قالتلى الانسر لا وما تستاهلش الفلوس الى بتدفع فيها بالنسبه لحاجات تانيه احسن موجوده بنفس لاسعر مش عشان هى وحشه
واستقريت على الانترا
ولما نويت اشترى لقيت الانترا الى موجوده مفيش فيها اير باجز ولا ايى بى اس الى تبع غبور
وكل فتره بتصل بيهم مفيش فايده
الخليجى منها بينزل فيها ايرباج بس مفيش ايى بى اس ولا اى بى دى و دى حاجه بعتقد انها مهمه دلوقتى فى اى عربيه و بتنقذ ناس كتير من الموت فى حوادث وكمان انت هتدفع اكتر من 100 الف واول مره ليا
قالولى استنى السيراتو واستنيتها وللاسف الناس خوفتنى من الخامات فيها وبصراحه كمان الصور الى نزلها الباشمهندس غازى للانتريور بتاع العربيه يخوف وكمان والدى رافض فكره السيراتو ومصر على الكورولا
الكورولا انت عارف الكلام الى بيتقال كل يوم وبالنسبه للفتيس واول تجربه ليا ما ينفعش اخاطر برضه بفتيس الناس الى خبره فى السواقه بتتكلم عليه
وفكرت فى السيفيك خوفونى من قطع الغيار و انها واطيه
يعنى لساتى فى نفس الحيره بس اقرب حاجه ليا دلوقتى هى الكورولا الاوتوماتيك بس المشكله بيقولوا هتستلم بعد 3 شهور وانا مش مقتنع بموضوع الحجوزات دى
معلش طولت عليك يا باشا بس عشان تعرف انا بتكلم على اساس ايه
وشكرا لحضرتك

بصراحة انا مقدر اللى انت بتقولة يا دكتور محمد لان كل واجد بيجيب عربية زيرو بيكون محتار خاصة لو كان مش من هواة التغيير
وانا مش هقدر افيدك كتير لان العربية لة يدوب عملة ١٠٠٠ كيلو
بس انا هقولك على موقف حصلى خصوص ال abs and ebd
انا كنت على طريق سفر وكان قدامى عربية نقل وجيت اعديها زودت السرعة لحد ١٤٠
ولسة بعدى النقل لقيت الطريق بينحرف يمين بزواية صعبة جدا ودة على احد مخارج طريق اسكندرية الساحلى الدولى

بصراحة سعتها معرفتش اعمل اية وانا لسة يدوب بعدى النقل معرفتش افرمل ولا اكسر الدركسيون جامد ولا اعمل اية وانا مش محترف سواقة وطبعا العربية الجديدة بتاخد فترة لما بتتعود عليها

ربنا اكرمنى وبدات اجيب الدركسيون مع الطريق بنفس السرعة مع فرامل بسيطة وانا كنت خايف وقتها لان كان معاية الاسرة كلها

وبصراحة لقيت العربية بتلف بثبات عالى وبتلف مع الدركسيون باتظام ومتحسش بحاجة ولا حد من الراكبين حس بحاجة غيرى لانى كان عينى على عداد السرعة وربنا ستر

لو انت قلقان من الفتيس احجز الاوتوماتيك العادى وصدقنى مش هتندم والعربية دى بالاتوماتيك العادى هتعمل شغل جامد فى مصر

العربية فى السوق بقالها سنتين وفى خلال سنتين كل الشكاوى اللى اتقالت من الفتيس فقط
انا متوقع انها تنتشر فى الفترة القادمة مهما الناس قالوا وعلى العموم كل الكلام على الفتيس والتوكيل جاب العادى
ولو بتكلم على السعر شوف الكورى الفول اوبشن سيراتو بكام

[hn_kamal]

بصوا عشان نقفل الموضوع تويوتا إيجبت يدأت تحجز خلاص فى الكورلا الفتيس العادى فى أوتو ماك وعلى فكره هيه بردو هتكون جنوب أفريقى

# أنا بس عاوز أسأل اللى بيشتكى من الفتيس ساق العربيه ولا كالعاده كله بيفتى من غير تجربه

على فكره انا عن نفسى ما عنديش تويوتا لأنى مش بحبها فقط لأسباب نفسيه لكن أنا عن تجربه الشركه اللى بشتغلفيها أدتنى التويوتا الجنوب أفريقى لمدة شهرين أنا مش شايف فيها مشكله كل المشكله لأنك احيانا ممكن تحس بالنقله من التانى للتالت وحاجه بسيطه مش على طول ومش مقلقه يعنى بلاش نكبر المواضيع



ومن الأخر مشكلتنا أن كل واحد معاه عربيه يفتكر انها أحسن عربيه فى الدنيا ويعض يطلع القطط الفطسانه فى بقية العربيات

الكلام ده محترم جدا
وعلشان الناس تستفيد معلومات اكثر عن الـ mmt بعد تجربتى لمدة سنة و 3 شهور تقريبا والاخ "ملاكها" يبطل تهليل وتهييص عمال على بطال ضد العربية دى زى ماتكون مصنوعة فى اسرائيل:
1 - نظام الفتيس ده فعلا اقل راحة من الاوتوماتيك (اللى أنا شايف انه بيختفى بعد التعود على العربية ).
لكن !!!!
- أقل تكلفة فى استهلاك البنزين من الاتوماتيك العادى بشكل واضح وده عامل مهم جدا فى هذه الايام وخصوصا انها بتستهلك بنزين 92 اللى متوقع انه يغلى تانى الايام الجاية دى!!!
وللعلم انا كان معايا لانسر مانيوال 1300 قبل العربية دى ، تقريبا كده معدل استهلاكها للبنزين زى الكورولا 1600 mmt وكمان ممكن اكثر حاجة بسيطة.
وأعتقد ان ده اللى مخلى النوع ده من الفتيس ناجح فى أوروبا فى التويوتا و أنواع تانيةكتير

- وبعدين العربية دى فيها ميزة جميلة جدا انك ممكن تسوقها مانيوال وفى الحالة دى بقى مش حتحس لا بنتشة ولا وحاجة , مع الفارق طبعا أنك لا حتنقل فتيس ولا حتدوس دبرياج كل اللى حاتعمله حتدوس + أو -

يا جماعة هو ده خلاصة الكلام عن العربية دى بأمانة شديدة وبدون تحيز أو اخفاء عيوب عن السيارة

وبعدين بدل ما كل شوية نهيص ونهلل على العربية من غير علم و بناءا على تخمينات الله أعلم بيها ان كانت صح ولا غلط وبالتالى ممكن نحجب الخير عن أى حد بياخد قرار الشراء بناء على قراءة المواضيع اللى فى المنتدى، لذلك أنا بانصح أى حد بيفكر فى شراء السيارة دى أنو يروح يعمل تست درايف الاول فى التوكيل ويقرر بنفسه أن كانت مناسبة ليه ولا لأ





.................................................. ....................................*
حصلتم على انذار لشخصنة الموضوع ومخالفتكم القاعدة رقم 13 من قواعد وقوانين المنتدى :


13- ممنوع تماما التهجم أو التهكم أو شخصنة الحوار بين الأعضاء فى المنتدى سواء بالإهانة او السخرية او ايه اساليب مشابهة.
ستعامــل هــذه المشاركـــات بالحــذف
• فى حالـة مخالفـة هـذه القاعـدة أول مـرة سيتـم إنـذار أول العضـو مع إيقافـه أسبـوع .
• فى حالـة مخالفـة هـذه القاعـدة ثانى مرة سيتـم إنذار ثانى العضـو مع إيقافـه أسبوعيـن.
• فى حالـة مخالفـة هـذه القاعـدة ثالث مرة سيتـم إلغاء عضويتـه.
إن تدخل المشرف في هذا الحوار نهائي لا يصح بعده استكمال الفعل المستوجب للعقوبة مرة أخرى ، وأن إعادة تبادل الاتهامات في الموضوع ذاته يستوجب العقوبة الأشد فوراً .


مشرف عام الياباني 1
.................................................. .................................................. ........................................*

[Sharky]

والاخ "ملاكها" يبطل تهليل وتهييص عمال على بطال ضد العربية دى زى ماتكون مصنوعة فى اسرائيل:

لأ فعلا راجل ذوق
و شكرا لردك المحترم

[GasDealer]

الكورلا الفتيس العادى فى أوتو ماك ؟؟ الوتماتيك العادى بكام ؟؟

[ashraf229]

عن تجربة يا جماعة أنا كانت عندي الكورولا 2008 و ندمان أشد الندم اني اشتريتها لعدة أسباب....
أولا فعلا الفتيس كان تقيل و بيتأخر و ممل جدا و بيعلق لغاية أر بي أم 5000 أو أكتر ما ينقلش و تضطر تنقل مانيوال علشان العربية هتفرق منك خلاص بتترجاك تنقل...
رحت التوكيل في العباسية بمنتهى البرود قالولي رجعها مانيوال و خد غيار بنفسك!!هوه ده الحل لعربية ب 140 ألف و لسه ماشية ألف كيلو!!

تاني مرة رحت توكيل العبور قبل ما أبيعها بيومين و قالولي بأعتراف كل العاملين و المهندسين ان العربية كان فيها مشكلة و اتحلت خلاص و فعلا استلمت منهم العربية ناعمة و ممتازة و الغيارات تتابعها حلو و تسارع العربية كويس بس بعد ايه (الكلام ده في مارس اللي فات).......

غير كده كنت بأبيع العربية لظروف خاصة و هيه ماشية 4000 كلم بس يعني لسه زيرو و شوف الأسعار!!!!!!كأن فيها مرض معدي اللي يقولك 100 و اللي يقولك 105 رغم انها مترخصة ملاكي و مركبلها سنسورز نظيفة جدا و لونها بترولي مميز و الأهم تأمين شامل بخمس تلاف جنيه اللي هيشتري هيأخد عالجاهز !!!!!!! و بعتها بأعجوبة بعد شهر ب 115 يعني مش حرام أخسر كل ده ده الشكل القديم كده أحسن مليون مرة ..........

غير كده انا أشتيتها في 15-11-2008 وكل ده و 2009 لسه مانزلش و التوكيل منه لله قالولي مش هينزل قبل فبراير 2009 و بمنتهى الكذب و الخداع في ديسمبر نزل 2009 لأو أرخص بخمس تلاف جنيه!!!

تويوتا زي الجنيه الدهب هل يعقل ترخص زيرو كل سنة !!!

و تخسر كل ده في اعادة البيع ؟؟!!

قبلها كان عندي أوبترا مانيوال أستعملتها 11 شهر و عملت بيها 40 ألف كيلو أشغال شاقة شغل مقاولات في التجمع و لما قلت بيع التجار عند سمير ريان كانوا بيتخانقوا أي واحد ياخدها ب 75 ألف كاش فوري بدون كشف ولا فحص ولا حتى حطوا المفتاح في الكونتكت يعني لو بعتها بمزاج كانت جابن أكتر وهيه كانت عفشتها اتبهدلت و فيها خدوش بسيطه و خبطتين صغيرين مردودين عالبارد!!!!!

كل شيء نصيب و الحمد لله بس انا وافق الأعضاء اللي بيقولوا ان كتر السب و اللعن في العربية بيكره صاحبها فيها و ده حصلي

كل ما أقول لحد اني جبتها يقعد يحقق معايا و كأني عملت جريمة أو رميت فلوس في الأرض

و انا فعلا طلعت رميت فلوسي في الأرض..........الحمد لله و ربنا يعوض علينا و عليكم و يغنيكم بفضله عمن سواه.....

اسف عالاطاله.........

[Sharky]

عن تجربة يا جماعة أنا كانت عندي الكورولا 2008 و ندمان أشد الندم اني اشتريتها لعدة أسباب....
أولا فعلا الفتيس كان تقيل و بيتأخر و ممل جدا و بيعلق لغاية أر بي أم 5000 أو أكتر ما ينقلش و تضطر تنقل مانيوال علشان العربية هتفرق منك خلاص بتترجاك تنقل...
رحت التوكيل في العباسية بمنتهى البرود قالولي رجعها مانيوال و خد غيار بنفسك!!هوه ده الحل لعربية ب 140 ألف و لسه ماشية ألف كيلو!!

تاني مرة رحت توكيل العبور قبل ما أبيعها بيومين و قالولي بأعتراف كل العاملين و المهندسين ان العربية كان فيها مشكلة و اتحلت خلاص و فعلا استلمت منهم العربية ناعمة و ممتازة و الغيارات تتابعها حلو و تسارع العربية كويس بس بعد ايه (الكلام ده في مارس اللي فات).......

غير كده كنت بأبيع العربية لظروف خاصة و هيه ماشية 4000 كلم بس يعني لسه زيرو و شوف الأسعار!!!!!!كأن فيها مرض معدي اللي يقولك 100 و اللي يقولك 105 رغم انها مترخصة ملاكي و مركبلها سنسورز نظيفة جدا و لونها بترولي مميز و الأهم تأمين شامل بخمس تلاف جنيه اللي هيشتري هيأخد عالجاهز !!!!!!! و بعتها بأعجوبة بعد شهر ب 115 يعني مش حرام أخسر كل ده ده الشكل القديم كده أحسن مليون مرة ..........

غير كده انا أشتيتها في 15-11-2008 وكل ده و 2009 لسه مانزلش و التوكيل منه لله قالولي مش هينزل قبل فبراير 2009 و بمنتهى الكذب و الخداع في ديسمبر نزل 2009 لأو أرخص بخمس تلاف جنيه!!!

تويوتا زي الجنيه الدهب هل يعقل ترخص زيرو كل سنة !!!

و تخسر كل ده في اعادة البيع ؟؟!!

قبلها كان عندي أوبترا مانيوال أستعملتها 11 شهر و عملت بيها 40 ألف كيلو أشغال شاقة شغل مقاولات في التجمع و لما قلت بيع التجار عند سمير ريان كانوا بيتخانقوا أي واحد ياخدها ب 75 ألف كاش فوري بدون كشف ولا فحص ولا حتى حطوا المفتاح في الكونتكت يعني لو بعتها بمزاج كانت جابن أكتر وهيه كانت عفشتها اتبهدلت و فيها خدوش بسيطه و خبطتين صغيرين مردودين عالبارد!!!!!

كل شيء نصيب و الحمد لله بس انا وافق الأعضاء اللي بيقولوا ان كتر السب و اللعن في العربية بيكره صاحبها فيها و ده حصلي

كل ما أقول لحد اني جبتها يقعد يحقق معايا و كأني عملت جريمة أو رميت فلوس في الأرض

و انا فعلا طلعت رميت فلوسي في الأرض..........الحمد لله و ربنا يعوض علينا و عليكم و يغنيكم بفضله عمن سواه.....

اسف عالاطاله.........

ربنا يعينك قدر الله و ماشاء فعل
و هو دا اللى كنت بقولوا لكن ملاكها كانوا بيتريقوا عليه !

و الحمد لله طلع كلامى مظبوط و مش لإفتراءات و أوهام

[Karim_Monir]

ربنا يعينك قدر الله و ماشاء فعل
و هو دا اللى كنت بقولوا لكن ملاكها كانوا بيتريقوا عليه !

و الحمد لله طلع كلامى مظبوط و مش لإفتراءات و أوهام

المشكلة الاساسية في نزول تمن البيع
كمية الاشاعات اللي طلعت على العربية من قبل التجار لانهم المستفيدين في الاخر
مش مشاكل الفتيس لان كل عربية فيها مشاكل
لان الشكل اللي قبلها معايا وفيه مشاكل في الثبات وفي الصاج الضعيف
ومع ذلك سمعتها زي الفل بسبب التجار اللي كانو بيحققوا فيها مكسب هايل

[webcam2x]

المشكلة الاساسية في نزول تمن البيع
كمية الاشاعات اللي طلعت على العربية من قبل التجار لانهم المستفيدين في الاخر
مش مشاكل الفتيس لان كل عربية فيها مشاكل
لان الشكل اللي قبلها معايا وفيه مشاكل في الثبات وفي الصاج الضعيف
ومع ذلك سمعتها زي الفل بسبب التجار اللي كانو بيحققوا فيها مكسب هايل

حضرتك جبت الموضوع من الاخر ---- في مصر فعلا بيحصل كده - ليه؟ عشان في مستعمل وموديلات قديمه جدا وده سوق كبير والتجار في مصر بيعتمدو علي الاشاعات لمصلحتهم --- مش من المنطق ان واحد يحكم علي اي حاجه او اي شي من اول يوم تنزل فيه العربيه يكون التقيم السريع عليها كده ....
في ناس قالت انها استخدمت وجربت --- ، وفعلا اي حد بيركب حتي ولو عربية موديل قديم 21001 او 2002 - في حاجه بنقول عليها فترة تعود وتلائم مع العربية وفعلا هو غلطان لان فعلا عن تجربت ناس كتير ( سواقين للعربية ) ان العربية ليس بها اي مشاكل بل بالعكس بها ميزات مشتركه ممكن الاستفاده منها.....

[momoneer]

العربيه دى يا جماعه زى الفل ولا يوجد بها اى عيب تماما

[GasDealer]

الكورلا الفتيس العادى فى أوتو ماك ؟؟ الوتماتيك العادى بكام ؟؟