الكورولا 2010 فى التوكيل هتكون تايلاندى و اتوماتيك عادى !

[Ahmed Samy]

واضح اوى يا استاذ أحمد انك عندك مشكلة انت والاستاذ شاركى مع شركة تويوتا والكورولا خاصة
والكلام معظمه ترقية على ملاك التويوتا

ومع احترامى لملاك الاسبرانزا تويوتا تختلف كتير
واذا كنت فعلاً عايز تكشف سوء نية التوكيلات يبقى المفروض تعمل حملات على كل الوكلاء فى اقسام المنتدى أكيد الوكلاء كلهم مش ملايكة وتويوتا هى الشيطان

انا أقولك المشاكل اللي ممكن تكون موجودة ...

يا إما نفسي فيها ومش طايلها فا بعيب فيها .. صح ؟

يا إما شاري أسهم في gm ونفسي تبقى الصانع الأول تاني و الكلمتين بتوعي دول هما اللي هايجيبو تويوتا الأرض و أسهمي في gm ترتفع ..صح ؟

أو ممكن أكون بيني و بين ملاكها عداوات شخصية فا بفش غلي في عربيتهم ...صح ؟


فين التريقة على الملاك ؟؟

كان بيتقال اننا بنحلم ...و بنألف ...و بنخترع

قلنا خلاص نسكت

و طلعنا صح ....

بقى في مشكلة بينا و بين العربية ؟؟ ليه هي العربية دي بنى أدم علشان أحط عقلي بعقلها ؟؟؟

و الملاك زعلانين ليه ..؟؟؟

مش عربياتهم كويسه معاهم و الحمد لله ؟

الله يباركلهم فيها -انا باتكلم بجد- يبقى رأيي و رأي الف واحد زيي حتى تغيير الفتيس المفروض انه ولاااا يهز شعره فيهم ولا حتى يضايقهم ..

ولا أنا غلطان

بس اللي بيحصل غير كده ...و هما بيقولوا ان العربية فل الفل و طوب الأرض و ملاك نعرفهم بيلعنو العربية و اليوم اللي جابوه فيها

يبقى من حقي -ده من واجبي- كعضو في منتدى اني أوضح رأيي الشخصي بعد التجربة ورأي الملاك اللي أعرفهم علشان اللي بيشتري يعرف

زعلوا ...و قالوا انتو بتشنعو على العربية علشان بتكرهو تويوتا ...

ودلوقتي لما الوكيل نفسه غير علشان السوق و الملاك اشتكوا -صدق أو لا تصدق- بقينا برضه وحشين ....

يعنى المفروض نقول ياااسلااااام تويوتا ...يبقى غمض يا جدع...أحسن ناس و أحسن عربيات و نبقى حلوين و محايدين و أمامير ....


موضوع التوكيلات التانية ...

أولا أنا مش عامل حملة على تويوتا أنا باقول رأيي في موضوع بعينه ...

و عموما من غير حملات , تابع مشاركاتي عن غبور و منصور

هو مين عِدِل يعني

و بعدين هو الهجوم على توكيل اونطجي ...يزعل الملاك ؟؟؟؟

غريبة قوي

[Sharky]

ايه الماتش الجامد ده انتا بهدلتوا الناس بتوع الكورولا

الغريب ان مفيش حد من ملاك الكورولا بيرد واضح ان التويوتا ضايعة فى المنتدى

هو الكلام على الكرولا يبقى بهدلة لملاكها !!
بصراحة فكر غريب من حضرتك

هو الكرولا لما يبقى فيها عيب و التوكيل يعترف بكده يبقى تويوتا ضايعة فى المنتدى !!
واضح ان حضرتك معلوماتك قليلة عن الكرولا الجنوب أفريقى
أنصحك ان تنزل السوق و تسمع بنفسك الكلام عليه إيه علشان تعرف انه مش فى المنتدى فقط

اللى غريب بجد ان ادارة المنتدى ومشرف القسم ساكتين على الاهانات دية

أين هذه الإهانات أصلا !!!
هو إظهار عيوب سيارة يبقى إهانات لملاكها !!

واحب اطمنك ان ملاكى التويوتا كورولا mmt هم 7 اشخاص طبقاً للاستطلاع اللى عمله أبو عبد الله واللى بيشارك منهم زهق من الجادل والكلام اللى بيودى ولا بيجيب فى حاجة والباقى ترك المنتدى او بطل يدخل على تويوتا فاكيد الوضع هيكون زى ما انت قولت كده

أنا شخصياً همتنع عن الدخول لقسم تويوتا او اترك المنتدى

غريبة قوى هى الحقيقة بتضايق قوى كده !!!
إذا كان التوكيل نفسه بيقول إللى إحنا بنقوله هنا فى المنتدى

واضح اوى يا استاذ أحمد انك عندك مشكلة انت والاستاذ شاركى مع شركة تويوتا والكورولا خاصة

مش عارف حضرتك جبت منين موضوع مشكلة !!
هو الكلام إللى بنقوله من إختراعنا و لا حقائق !!

لو كلامنا صحيح و دا الواضح يبقى المشكلة مش عندنا

[sa3dawy]

صحيح يا جماعة..

الكورولا الجديدة نازلة 1300 سىسى..

ياترى معقولة يكون الموتور بتاع الياريس..

والا دا الموتور الجديد ال 105 حصان الى نزل فى الياريس بره...

على فكرة انا لقيت فى انجلترا ...ان الياريس بتنزل دلوقتى ب موتور 1.33 و 105 هورس باور....وبفتيس ام ام تى....تخيلوا بقى ...

بصراحة يا جماعة ...

انا شايف ان تويوتا...لبخت كتير اوى ....وعملت حوارات وقلق ملوش لازمه..

والمستهلك المصرى كان كفاية عليه التويوتا الخليجى...او اليابانى...الاتوماتيك العادى ...ويريحوا دماغهم...

لكن الحوارات الى عملوها دى...

صراحة انا مثلا كنت من عشاق الكورولا..

وكن بفكر جديا فى الفترة القادمة....او فى اقرب فرصة...ان اقتنيها ...خصوصا انها ام ام تى و124 حصان ...واوبشنز كتير...

بس بعد القلق دا الواحد ليه يقامر بفلوسه...

عموما الجولف 5 دلوقتى عليها خصم بمناسبة اوتوماك....149 الف تخيلو...يعنى برقبة الكورولا واليابانى كله ....

نفسى اغير بجد واجيب الجولف او الفيكترا...قبل ما العروض دى تنتهى او يخلص المخزون

[Sharky]

ربنا يبارك لك
و إن شاء الله تبدل سيارتك بإللى انت عايزه

[midnightman_74]

هههههه جامدة جداً ان الوكيل اعترض هو كمان

بس دا اعتراضه اوى وحش خلى الاتوماتيك 160 الف جنبه وأستلم كمان 3 شهور

بلاش تويوتا أحسن

لية بس بلاش تويوتا احسن؟؟؟

مش مصر كلها كانت بتستنى ان الفتيس الفظيع المريع MMT مينزلش وينزلوا الاوتوماتيك العادى!!

هنقول بقى 160 كتير ودى جنوب افريقى

ماقوش في الورد عيب قالوا ياأحمر الخديـــن

[dr_waswas]

بسم الله الرحمن الرحيم

انا واحد من ملاك ال لكرولا النوب أفريقي

ماشي بيها لحد دلوقتي 4000 كيلو

طبعا اترددت كتير قبل ماجيبها لحوارات الفتيس

طبعا فيه فرق بينها وبين الفتي الاوتوماتيك العادي

قبل العربية دي انا كنت بركب كرولا 2003 خليجي

فيه فرق حقيقي بين الاتنين

بس انا ماجيبتش لبجديدة خليجي لسببين

فرق الاوبشن
واختلاف قطع الغيار المتوقع

ممكن يكون التوكيل هيغير النظام تاني ويعملها فتيس اوتوماتيك عادي
ودا من حقه

اولا لان النظام الجديد مش مغري
ولان اننا كمصريين اعداء التكنولجيا الجديدة

بس دا مايمنعش ان فعلا لو الفتيس العادي نزل يبقى كويس
لان فيه ناس مش مستريحة من فتيس المالتي

فالموضوع اني مش برد وانا من ملاكها اني فعلا زهقت
لاني كل ما بدخل بلاقي الكل بيتكل عن العيب
مع اني مش شايفه هيب دا نظام فيه اللي بيتقبله وفيه اللي بيرفضه

فارحمونا
انا طبيعي هتخنق ما كل شوية واحد قاعد يقولي عربيتيك وحشة
فتيسها تعبان
فأكيد في النهاية هكره ارد

كل اللي اتقال خلاص مش هيرجع وض تاني
انا جيبت عربية رغم الكلام الكتير عليها ومستريح فيها
وناس كرهتها قبل ماتجيبها
وناس معاها العربية مش طايقاها


ياجماعة انا اول مالعربية دي نزلت السوق وقبل حوارات الفتيس
انا كنت رافضها عشان انها جنوب
افريقي
بكلامكم الكتير عنا بالسلب والايجاب
لاني احطها في دماغي مع نزول سعرها

وعلى فكرة اللي دارس تسويق
يعرف ان اللي بيحصل دا اكبر دعاية لعربية

نفكر كويس
الكرولا الشكل اللي قبل الجديد دا بصراحة كان اكبر شكل استمر مع كرولا وكانت مصر كلها مليانة بالعربية دي
لدرة ان محافظتي ما لا يقل عن 10000 عربية منها
مرة واحدة غير الشكل والفتيس وغلى سعرها
بصراحة العربية دي قعدت حوالي 8 شهور سوقها واقع
لان القديمة بيشكلها تكسب
وكان لسه في منها كتير في السوق ش اتباع
ودي ادارة فن التسويق

على فكرة انا بعترف للكرولا انها نجحت في تسويق منتجاتها

كفاية ان العربية اللي مش مرغوبة
النهاردة لو نزلت بالفتيس الاوتو العادي الكل هيجيبها
مجرد بس انه هيبقى مستريح بفكرة الفتيس المعدل
سبحان الله

[Dr.Mohamed]

يا جماعه 160 كتير جدااا على العربيه
طب ما الواحد يشترى جيتا بكماليات اعلى واكيد احسن مليون مره من الكورولا او يشترى جولف او سكودا
وعلى فكره دلووقتى ال كورولا الاوتو الباسيك عامله 146 باين يعنى زى السيفيك وبالتالى السيفيك هتكسب
التوكيل بيلبخ و بيعك المفروض وبالعقل والمنطق الفتيس الجديد يبقى اغلى من الاوتوماتيك العادى مش العكس
وبعدين ازاى عربيه ناس تبقى شارياها ب 160 وبعدين تنزل 150 وبعدين دلوقتى ب 145 الادفانسيد
مش كل دى خساره للعربيه لو صاحبها جه يبيعها
بصراحه الكسبان فى الهيصه دى كلها و اللبخ فى سوق العربيات واحد زى غبور وعربيات هيونداى الى واخده فئه سعريه معقوله و عربيات جودتها عاليه وبدون مشاكل
الانترا انتشرت اوى اوى و الى كانوا بيقولوا السيراتو هتاكل الجو منها مش صحيح الانترا واضح انها افضل بكتير بغض النظر عن الكماليات او الضمان ما الصينى بتنزل بكماليات برضه
ربنا يصبرنا

[Ahmed Samy]

الانترا انتشرت اوى اوى و الى كانوا بيقولوا السيراتو هتاكل الجو منها مش صحيح الانترا واضح انها افضل بكتير بغض النظر عن الكماليات او الضمان ما الصينى بتنزل بكماليات برضه
ربنا يصبرنا

الكلام كله ماشي كويس و ماعنديش تعليق جوهري عليه

بس لفتت نظري حتة "واضح انها أفضل بكتير "

و كلمة "واضح" تحديدا ...

وعموما ..انا مش معترض ...اللي حضرتك تشوفه واضح يبقى صح

الأماني لا تصنع شيئا ... بل الحقائق هي الحقائق

[Sharky]

يا جماعه 160 كتير جدااا على العربيه
طب ما الواحد يشترى جيتا بكماليات اعلى واكيد احسن مليون مره من الكورولا او يشترى جولف او سكودا
وعلى فكره دلووقتى ال كورولا الاوتو الباسيك عامله 146 باين يعنى زى السيفيك وبالتالى السيفيك هتكسب
التوكيل بيلبخ و بيعك المفروض وبالعقل والمنطق الفتيس الجديد يبقى اغلى من الاوتوماتيك العادى مش العكس
وبعدين ازاى عربيه ناس تبقى شارياها ب 160 وبعدين تنزل 150 وبعدين دلوقتى ب 145 الادفانسيد
مش كل دى خساره للعربيه لو صاحبها جه يبيعها

هو مضطر يعمل كده علشان يخلى الـ mmt سعره مغرى و يبع الستوك اللى باقى عنده و بعد كده يرجع الاتوماتيك العادى لسعره الطبيعى

عشنا و شوفنا الكرولا و هى سعرها بيقل زيرو كل شوية بعد ما كان الشكل القديم كل سنة سعره بيزيد !

[midnightman_74]

يا جماعه 160 كتير جدااا على العربيه
طب ما الواحد يشترى جيتا بكماليات اعلى واكيد احسن مليون مره من الكورولا او يشترى جولف او سكودا
وعلى فكره دلووقتى ال كورولا الاوتو الباسيك عامله 146 باين يعنى زى السيفيك وبالتالى السيفيك هتكسب
التوكيل بيلبخ و بيعك المفروض وبالعقل والمنطق الفتيس الجديد يبقى اغلى من الاوتوماتيك العادى مش العكس
وبعدين ازاى عربيه ناس تبقى شارياها ب 160 وبعدين تنزل 150 وبعدين دلوقتى ب 145 الادفانسيد
مش كل دى خساره للعربيه لو صاحبها جه يبيعها
بصراحه الكسبان فى الهيصه دى كلها و اللبخ فى سوق العربيات واحد زى غبور وعربيات هيونداى الى واخده فئه سعريه معقوله و عربيات جودتها عاليه وبدون مشاكل
الانترا انتشرت اوى اوى و الى كانوا بيقولوا السيراتو هتاكل الجو منها مش صحيح الانترا واضح انها افضل بكتير بغض النظر عن الكماليات او الضمان ما الصينى بتنزل بكماليات برضه
ربنا يصبرنا

يا دكتور محمد الكورولا الشكل الجديد بعيدة كل البعد عن الموديل اللى قبلة فى الثبات والكمليات
حضرتك اركبها وجربها وبعدين احكم
ولا تقل كثيراعن العربيات اللى حضرتك قلتها

16 صباب – 5 سرعات mmt– جنوط 16 – مرايات كهرباء بلون السيارة – فوج لايت – تكييفاوتوماتيك – باور – راديو cd 6 اسطوانات - 6 سماعات abs –ebd –bas – - 7 ايرباج – مفتاح مشفر – سنتر لوك – زجاج كهرباء - مقابض الابواب بلون السيارة- التحكم من عجلةالقيادة – مثبت سرعة – حساس مطر – مفتاح ذكى – زينون – رشاشات فوانيس - تانك 55 لتر

[Dr.Mohamed]

الكلام كله ماشي كويس و ماعنديش تعليق جوهري عليه

بس لفتت نظري حتة "واضح انها أفضل بكتير "

و كلمة "واضح" تحديدا ...

وعموما ..انا مش معترض ...اللي حضرتك تشوفه واضح يبقى صح

الأماني لا تصنع شيئا ... بل الحقائق هي الحقائق

منا ما ينفعش اقول اكيد يا استاذ احمد
حضرتك شوف السيراتو نازله من امتى و مش منتشره خالص انا ما شفتش ولا عربيه منها لحد دلوقتى
عكس الانترا بشوف منها جديد كل يوم وناس اعرفها بتشتريها لسه مع انه ادامهم السيراتو
يمكن السيراتو عايزه وقت زى اانترا
وشكرا لحضرتك

[rhamed09]

أحب اوضح انا مش مع او ضد ولكن كلام فة منتدى حتى يستفيد الكثير لاننى مش من ملاك تويوتا

العربية ما اخويا وساعات بسوقها كثير

انا أقولك المشاكل اللي ممكن تكون موجودة ...

يا إما نفسي فيها ومش طايلها فا بعيب فيها .. صح ؟

يا إما شاري أسهم في gm ونفسي تبقى الصانع الأول تاني و الكلمتين بتوعي دول هما اللي هايجيبو تويوتا الأرض و أسهمي في gm ترتفع ..صح ؟

أو ممكن أكون بيني و بين ملاكها عداوات شخصية فا بفش غلي في عربيتهم ...صح ؟


فين التريقة على الملاك ؟؟

كان بيتقال اننا بنحلم ...و بنألف ...و بنخترع

قلنا خلاص نسكت

و طلعنا صح ....

بقى في مشكلة بينا و بين العربية ؟؟ ليه هي العربية دي بنى أدم علشان أحط عقلي بعقلها ؟؟؟

و الملاك زعلانين ليه ..؟؟؟

مش عربياتهم كويسه معاهم و الحمد لله ؟

الله يباركلهم فيها -انا باتكلم بجد- يبقى رأيي و رأي الف واحد زيي حتى تغيير الفتيس المفروض انه ولاااا يهز شعره فيهم ولا حتى يضايقهم ..

ولا أنا غلطان

بس اللي بيحصل غير كده ...و هما بيقولوا ان العربية فل الفل و طوب الأرض و ملاك نعرفهم بيلعنو العربية و اليوم اللي جابوه فيها

يبقى من حقي -ده من واجبي- كعضو في منتدى اني أوضح رأيي الشخصي بعد التجربة ورأي الملاك اللي أعرفهم علشان اللي بيشتري يعرف

زعلوا ...و قالوا انتو بتشنعو على العربية علشان بتكرهو تويوتا ...

ودلوقتي لما الوكيل نفسه غير علشان السوق و الملاك اشتكوا -صدق أو لا تصدق- بقينا برضه وحشين ....

يعنى المفروض نقول ياااسلااااام تويوتا ...يبقى غمض يا جدع...أحسن ناس و أحسن عربيات و نبقى حلوين و محايدين و أمامير ....


موضوع التوكيلات التانية ...

أولا أنا مش عامل حملة على تويوتا أنا باقول رأيي في موضوع بعينه ...

و عموما من غير حملات , تابع مشاركاتي عن غبور و منصور

هو مين عِدِل يعني

و بعدين هو الهجوم على توكيل اونطجي ...يزعل الملاك ؟؟؟؟

غريبة قوي

هدى أعصابك شوية
تعالى نتكلم بالعقل هو حضرتك بتخاطب مين بالكلام فى المنتدى؟
عندك 3 اختيارات :
ا- التوكيل : هو التوكيل بيدخل على المنتدى علشان توجه لية رسالة
ب- اللى عايز يشترى العربية : طب ما المفروض حضرتك تكتب لينا تقرير عن مشاكل الفتيس وعيوبه وتجربة للسيارة
يعنى تقرير محترف بما انك راجل فاهم علشان اللى عايز يشترى يتنور ويفهم هو بيشترى اية بدل المعجزات والكلام ده
ج- ملاك العربية فى المنتدى : طب هو حد اشتكى لك

يا ريت نركز وشوف انت بتخاطب مين وانت تعرف التريقة جت منين

انا موافقك على موضوع ان الميول والدافع المستميت وأحيانا العنصرية من بعض الأشخاص ناحية سياراتهم
يعنى انا دخلت امبارح على منتدى الرينو ولقيت الناس معجبة بعربياتها ماشى حقهم بس اللى بيكلم على اى عربية وحش بتلقى الف رد عليه من أعضاء الرينو ومسمين نفسهم الوحوش نفس الأمر على عصابة الاوبل وهكذا .... علشان كده انا قولت على تويتا ضايعة فى المنتدى

ممكن أعرف من سيادتك بس هى اية المشكلة فى الفتيس اللى مخليه بايظ من وجهة نظرك ؟

هو الكرولا لما يبقى فيها عيب و التوكيل يعترف بكده يبقى تويوتا ضايعة فى المنتدى !!
واضح ان حضرتك معلوماتك قليلة عن الكرولا الجنوب أفريقى
أنصحك ان تنزل السوق و تسمع بنفسك الكلام عليه إيه علشان تعرف انه مش فى المنتدى فقط



أين هذه الإهانات أصلا !!!
هو إظهار عيوب سيارة يبقى إهانات لملاكها !!




غريبة قوى هى الحقيقة بتضايق قوى كده !!!
إذا كان التوكيل نفسه بيقول إللى إحنا بنقوله هنا فى المنتدى




مش عارف حضرتك جبت منين موضوع مشكلة !!
هو الكلام إللى بنقوله من إختراعنا و لا حقائق !!

لو كلامنا صحيح و دا الواضح يبقى المشكلة مش عندنا

مش فاهم هو التوكيل اعترفلك ان العربية فيها عيب
اللى اعرفة ان الحقيقية ديه اما يكون معاك حاجة رسمية تثبت بيها كلامك غير كده ممكن يكون اجتهاد

واذا كان العربية نزل منها اتوماتيك عادى وانت فسرته ان ده عيب فى الفتيس والتوكيل بيلحق نفسه
دا على كدة اللانسر الشارك فيها مشاكل كثير علشان الوكيل لسة بينزل الشيب القديم

انا مختلف معاك ان مينفعش تحكم على حاجة فى وجود ازمة فى قطاع السيارات وان الفتيس ممكن ميكونش مناسب لناس كثير بس مفهوش عيب

ولكم جزيل الشكر

[Dr.Mohamed]

يا دكتور محمد الكورولا الشكل الجديد بعيدة كل البعد عن الموديل اللى قبلة فى الثبات والكمليات
حضرتك اركبها وجربها وبعدين احكم
ولا تقل كثيراعن العربيات اللى حضرتك قلتها

16 صباب – 5 سرعات mmt– جنوط 16 – مرايات كهرباء بلون السيارة – فوج لايت – تكييفاوتوماتيك – باور – راديو cd 6 اسطوانات - 6 سماعات abs –ebd –bas – - 7 ايرباج – مفتاح مشفر – سنتر لوك – زجاج كهرباء - مقابض الابواب بلون السيارة- التحكم من عجلةالقيادة – مثبت سرعة – حساس مطر – مفتاح ذكى – زينون – رشاشات فوانيس - تانك 55 لتر

هى لا تقل بس كفئه سعريه و لخبطه كل شوى الواحد هيحتار يا باشا
انا هقولك سبب كلامى
واحد زيى عايو اشترى عربيه ودى اول عربيه ليا بقالى 4 شهور
دخلت المنتدى وما انا ما عرفش اى حاجه فى اى حاجه ومش عارف اذا ده كويس ولا لا بس اكيد كويس لانى عرفت حاجات كتيره
كنت داخل المنتدى وانا حيران ما بين الانسر والانترا
الناس قالتلى الانسر لا وما تستاهلش الفلوس الى بتدفع فيها بالنسبه لحاجات تانيه احسن موجوده بنفس لاسعر مش عشان هى وحشه
واستقريت على الانترا
ولما نويت اشترى لقيت الانترا الى موجوده مفيش فيها اير باجز ولا ايى بى اس الى تبع غبور
وكل فتره بتصل بيهم مفيش فايده
الخليجى منها بينزل فيها ايرباج بس مفيش ايى بى اس ولا اى بى دى و دى حاجه بعتقد انها مهمه دلوقتى فى اى عربيه و بتنقذ ناس كتير من الموت فى حوادث وكمان انت هتدفع اكتر من 100 الف واول مره ليا
قالولى استنى السيراتو واستنيتها وللاسف الناس خوفتنى من الخامات فيها وبصراحه كمان الصور الى نزلها الباشمهندس غازى للانتريور بتاع العربيه يخوف وكمان والدى رافض فكره السيراتو ومصر على الكورولا
الكورولا انت عارف الكلام الى بيتقال كل يوم وبالنسبه للفتيس واول تجربه ليا ما ينفعش اخاطر برضه بفتيس الناس الى خبره فى السواقه بتتكلم عليه
وفكرت فى السيفيك خوفونى من قطع الغيار و انها واطيه
يعنى لساتى فى نفس الحيره بس اقرب حاجه ليا دلوقتى هى الكورولا الاوتوماتيك بس المشكله بيقولوا هتستلم بعد 3 شهور وانا مش مقتنع بموضوع الحجوزات دى
معلش طولت عليك يا باشا بس عشان تعرف انا بتكلم على اساس ايه
وشكرا لحضرتك

[أبو عبدالله]

أحب اوضح انا مش مع او ضد ولكن كلام فة منتدى حتى يستفيد الكثير لاننى مش من ملاك تويوتا

العربية ما اخويا وساعات بسوقها كثير



هدى أعصابك شوية
تعالى نتكلم بالعقل هو حضرتك بتخاطب مين بالكلام فى المنتدى؟
عندك 3 اختيارات :
ا- التوكيل : هو التوكيل بيدخل على المنتدى علشان توجه لية رسالة
ب- اللى عايز يشترى العربية : طب ما المفروض حضرتك تكتب لينا تقرير عن مشاكل الفتيس وعيوبه وتجربة للسيارة
يعنى تقرير محترف بما انك راجل فاهم علشان اللى عايز يشترى يتنور ويفهم هو بيشترى اية بدل المعجزات والكلام ده
ج- ملاك العربية فى المنتدى : طب هو حد اشتكى لك

يا ريت نركز وشوف انت بتخاطب مين وانت تعرف التريقة جت منين

انا موافقك على موضوع ان الميول والدافع المستميت وأحيانا العنصرية من بعض الأشخاص ناحية سياراتهم
يعنى انا دخلت امبارح على منتدى الرينو ولقيت الناس معجبة بعربياتها ماشى حقهم بس اللى بيكلم على اى عربية وحش بتلقى الف رد عليه من أعضاء الرينو ومسمين نفسهم الوحوش نفس الأمر على عصابة الاوبل وهكذا .... علشان كده انا قولت على تويتا ضايعة فى المنتدى

ممكن أعرف من سيادتك بس هى اية المشكلة فى الفتيس اللى مخليه بايظ من وجهة نظرك ؟



مش فاهم هو التوكيل اعترفلك ان العربية فيها عيب
اللى اعرفة ان الحقيقية ديه اما يكون معاك حاجة رسمية تثبت بيها كلامك غير كده ممكن يكون اجتهاد

واذا كان العربية نزل منها اتوماتيك عادى وانت فسرته ان ده عيب فى الفتيس والتوكيل بيلحق نفسه
دا على كدة اللانسر الشارك فيها مشاكل كثير علشان الوكيل لسة بينزل الشيب القديم

انا مختلف معاك ان مينفعش تحكم على حاجة فى وجود ازمة فى قطاع السيارات وان الفتيس ممكن ميكونش مناسب لناس كثير بس مفهوش عيب

ولكم جزيل الشكر

يااااااااااااااه
انت فين من زمان يا راجل

كلامك مظبوط مليون الميه
واحييك على رايك السديد ان شاء الله

وانا اتفق معاك في كل كلمة قلتها بجد
لأن انا من الناس اللي قالت الكلام ده من قبل ولا حياة لمن تنادي

والله انا مسورو ان في حد بيقول الكلام ده غيري بجد

[Sharky]

ممكن أعرف من سيادتك بس هى اية المشكلة فى الفتيس اللى مخليه بايظ من وجهة نظرك ؟

حضرتك لما الاقى فى منتديات اوربية ان معظم ملاك الكرولا الفيرسو من موديلات 2003 الى فوق اللى كانت بتنزل بنفس الفتيس mmt بيشتكوا من مشكلة مشهورة فى هذا الفتيس و هى الـ N- problem و هى ان الفتيس يعلق و السيارة ماترداش تنقل و كمان بيخللى السيارة تفصل و هى شغالة !

و اجى الاقى اتنين فى المنتدى حصلهم الموقف دا و غيره الكمبيتور المسئول عن النقل و اللى تمنه بـ 20 الف جم و تم تغييره فى الضمان ببلااش

و لما اسمع نفس المشكلة من أخو صديق لى باع السيارة من كتر ما كانت بتقف منه فى الطريق بسبب نفس المشكلة و التوكيل قالوا دا سببه الحرارة و الرطوبة و لما بيسخن الفتيس بيحصلوا كده يعنى بعد تغيير الكمبيوتر معرض انه يتكرر نفس العطل
يبقى حضرتك شايف نه دا مش عطل فى الفتيس

مش فاهم هو التوكيل اعترفلك ان العربية فيها عيب
اللى اعرفة ان الحقيقية ديه اما يكون معاك حاجة رسمية تثبت بيها كلامك غير كده ممكن يكون اجتهاد

لما مهندسى الإستقبال فى مركز الصيانة بيقولوا كده من كتر شكاوى الناس منه
و لما التوكيل يقرر إستيراد الـعادى فقط
و لما التوكيل ينزل سعره كل شويه و دا بيحصل لأول مرة فى موديلات الكورلا فى مصر
و لما جنوب أفريقيا تلغى إنتاجه و تقرر استبداله بالأتوماتيك العادى
و لما يكون بطل نزوله فى اوربا برضه


يبقى دا حضرتك معناه إيه
التوكيل مش حيقول رسمى الكلام دا لحد ما يخلص الـ 180 سيارة الستوك الباقيين منه علشان يعرف يخلص منهم