هل ستخسر تويوتا السوق المصرى بتغيير الموديل الناجح 2007

[vitara]

أعتقد أن تويوتا مصر ستخسر الكثير بتغيير موديل 2007 وتنزيل موديل جديد
فكيف يكون عندهم موديل ناجح جدا و مكتسح مثل 2007 ناجح شكلا و سعرا و الاداء وباع اكثر من 22 الف سيارة فى عام واحد و يمكن ان يبيع اكثر فى 2008 وخصوصا بعدإرتفاع سعر اللانسر ولا يوجد سيارة جيدة تحت الـ100 الف جنيه و تركوا هذه الشريحة من السعر للصينى و الكورى
ليس فى مصر فقط تويوتا ستخصر, ولكن موديل 2007 ذو الموتور 2nz-fe
الـ1300 سىسى بيبيع كويس جدا فى تايلاند واندونسيا الهند الصين تايوان سنغافورة الفلبين باكستان ماليزيا

http://en.wikipedia.org/wiki/Toyota_Corolla

و معظم الدول الافريقية (ما عدا تونس) بتبيع الـ1300 سىسى كويس قوى

http://www.toyota.co.jp/worldwide/toyota/africa.html

انا كان نفسى اشترى الكورولا فى سبتمبر الماضى ولكننى للاسف لم اجدها، ساضطر للانتظار شهور و ربما سنوات حتى نهضم الموديل الجديد و يحقق المبيعات الكثيرة التى تؤكد نجاحه او فشله ونتعرف على العيوب الجديدة و تتوافر قطع غيارها
عندى سؤال
طالما موديل ناجح جدا شكلاً و سعراً فلماذا يجازفون بموديل جديد؟
اكيد حايكون اغلى 30 او 40 الف جنيه و مش يابانى كمان ؟؟؟

[أبو عبدالله]

و مش يابانى كمان ؟؟؟

مبتفرقشي لأنها برضه من تويوتا

ولكن احب ان اضيف انهم يرون السوق العالمي اكيد أحسن مننا لأننا لسنا بكفائتهم ولسنا لدينا المعلومات التي هم يعرفونها فهم عندهم خبرات ليست عندنا لوجودهم في السوق من عشرات السنين

واحب ان اضيف ان الكورولا أعلى موديل سيارات مبيعا في العالم منذ ان قُدمت للسوق العالمي أكثر من 23 مليون سيارة في العالم .......... متهيألي يعني الموضوع صعب انهم بعد ده كله يعملوا حركه كده ليست مدروسه وتخسرهم زي ما قلت حضرتك فللموضوع جوانب اخرى لا نعلمها ورءا اخرى لا نراها ................. ويا خبر النهارده بفلوس بكره هيبقى ببلاش

[vitara]

شكرا للاهتمام ابو عبد الله
احيانا كثيرة ....ارى سيارات زيرو لموديلات قديمة
هل يمكن لهم ان يستمروا ببيع موديل 2007 اثناء عام 2008 ؟
للمحافظة على نسبة مبيعاتهم على الاقل
و كل عام و الجميع بخير

[mado_1977]

التغيير سنه الكون لو اننا مغريناش كنا فضلنا دلؤقتي مع سيارات قديمه زي ال124 ,125 ,123,131, ومثلهم كتيير المهم ان التغيير يكون للاحسن مش للاسوأ احنا عموما المصريين عندنا اشتياق للماضي اكتر من المستقبل وبنخاف دايما من التجديد واسألوا اللي بتفرجوا علي مسلسل فاروق :P

[Sharky]

احنا عموما المصريين عندنا اشتياق للماضي اكتر من المستقبل وبنخاف دايما من التجديد

+ 1

[yahyanaabil]

المشكله ان دايما الجديد بيبقى غالى لانهم بيحملو الزبون تكاليف الابحاث بتاعت الجديد وسعرالكورولا الجديده على ما اعتقد انه مش حيناسب الطبقى العظمى من الشعب اللى تقدر تشترى عربيه والا كانت الافنسيس انتشرت زى الكورولا

[mtema99]

الجديد فيه تكنولوجيا اكتر جوده اكتر امان اكتر استهلاك بنزين اقل

[Heshaam]

الكلام ده جميل

ولكن فعلا الأسعار فيها زيادة مش طبيعية؛ فهل ده على المستوى العالمي ولا عندنا إحنا في السوق المصري بس

لأن دايما الشركات بتحاول تطور من منتجاتها بأقل تكلفة يعني المفروض إن التكلفة الفعلية للإنتاج تقل ولو زودنا عليها تكلفة البحوث والتطوير فممكن يرتفع السعر بصورة طفيفة إن لم يظل ثابتا أو يهبط نسبيا في بعض الأحيان

أنا شايف إن الأسعار ديه مش طبيعية وخصوصا بالنسبة للعربيات الياباني الجديد (عدا الامبريزا ودي اللي مخلياني مش مرتاح لأسعار باقي السيارات)

ده رأيي وأرجو اللي عنده إضافة ما يبخلش علينا بيها

[mtema99]

لا عندنا احنا بس
و ديه اسعار حاطتها الوكلاء + داخل فيها الجمارك + ضريبه المبيعات
بدليل سعر ال 1800 في السعوديه مكملش ال 40000 فاضيه انا بتكلم عن 1800
و سعر الهاتشباك بتاعها اللي هي اوريس AURIS في اوروبا نفس الاسعار القديمه ما زادتش

[الريس]

عادي جدا ان في موديلات تفشل لتويوتا او على الاقل لا تحقق نفس النجاح كسابقاتها
و ممكن نفتكر هو فيكام تويوتا رموش في الشوارع
تقريبا مفيش
و حتى العيون لا يعتبر موديل ناجح اوي زي اللي قبله او اللي بعده
و يا تري فين الايكو
عموما خلينا نشوف

[mtema99]

معاك حق فده
و الدليل ان من اول العيون لحد الرموش 4 سنين بس و جه الموديل ده لما تويوتا حست انه وحش
بس الموديل الجديد بشتى موديلاته
اوريس هاتشباك 1800 بنزين و 2200 تيربو ديزل
بلايد هاتشباك 2400 بنزين و 3500 بنزين
اكسيو سيدان (للسوق الياباني فقط) 1400 و 1800 و 2000 بنزين و 2200 ديزل
فيلدر ستيشن 1400 و 1600 و 1800 و 2000 بنزين و 2200 ديزل
و سباسيو (ده اللي نازلنا و نازل لكل دول العالم اجمع عدا اليابان) 1400 و 1600 و 1800 و 2400 بنزين و 2200 ديزل
عامل ضجه جامده و مبيعات خرافيه حلوه جدا و نسب امان و تكنولوجيا رهيبه تقترب من فئات اعلى

[vitara]

شكل فوانيس دموع (امريكا 2005) مع موتور 1400سىسى موديل 2007 لاوروبا

http://www.carsplusplus.com/specs200...a_140i_gle.php

yahyanaabil
عندك حق
السعر .......مهم جدا
علشان نشترى بقى

Heshaam
السعر العالى عندنا بس والابحاث و التطوير بيغطوه من مبيعاتهم فى امريكا واستراليا
و دايما السيارات اللى بتيجى عندنا فى مصر بتبقى شكل قديم و موتور قديم
مثلا 2007
http://en.wikipedia.org/wiki/Image:2004_Toyota_Corolla_(Japanese-spec)_01.jpg
هو شكل الكورولا 2004 امريكا مع موتور 1300 سىسى 2nz-fe انتاج يابانى والسيارة مجمعة فى مصانع جنوب شرق اسيا
من مصانع تايلاند باكستان
خط انتاج مخصوص لافريقيا و روسيا
ومن الجيل التاسع عام 2000 E-120 مش حتى الجيل الجديد العاشر
ومش VVT-I زى بقية العالم
و سعره هناك اقل من 8 الاف يورو
لانه قديم فى كل شئ موتور و شكل

ياريت الجديد تحت الــ100 علشان نقدر نشترى
زى اخواننا بتوع جيل 2007

[vitara]

http://en.wikipedia.org/wiki/Image:2004_Toyota_Corolla_(Japanese-spec)_01.jpg

[Nile Heart]

ومش VVT-I زى بقية العالم
و سعره هناك اقل من 8 الاف يورو
لانه قديم فى كل شئ موتور و شكل

ياريت الجديد تحت الــ100 علشان نقدر نشترى
زى اخواننا بتوع جيل 2007

معلش الجزء ده عندك غلط

عربيتى مو 2003 موتورها VVT-I وكل الكورولا فى مصر من 2001
الشكل الجديد (اللى خلاص هايتغير) بالموتور ده

[vitara]

nile heart

عربيتك كورولا 1300 سىسى و vvt-i ????
عربيتك 1600 سىسى 3zz-fe ؟
استيراد ؟
صح