احنا مظلومين

[أحمد كمال]

باين من كلام حضرتك انك مش عضو برونزى وبس انتا كمان تاجر يا باشا الهيبة فضاحة شوية
حضرتك انا اتعرض عليا اروح المغرب مع مجموعة من اصحاب ونشتريها من هناك بس الحكاية مكملتشى
لان ناس من المغرب قالتلنا ان سعرها 6 الاف دولار يعنى 33 الف جنية + دمغات ومصاريف يعنى الحكاية ممكن تخش معاك فى 40 الف غير مصاريفك ورحلتك
وبالنسبة للتجار
عارف حضرتك فودافون وخدة العربيه من bmw بكام 180 الف والعربيه بتباع 250 الف
وكمان واحد من الاعضاء فى المنتدى العام قال ان عمة اشترى باجيرو زيرو ونزل من تمنها 50 الف
وكان مكتوب فى الاهرام مقالة فى يوم ان العربية اللانوس والفيرنا بعد التقفيل فى المصنع والبيع للمستهلك المفروض تتباع 35 الف ويكون التاجر كسبان كمان فيها 5 الاف بس عندنا مينفعشى تكسب 5 الاف بس فى عربيه
والقصة بتاعت اللوجان مينفعشى تتباع بسعرها الحقيقى فى مصر لاسباب انها هتوقف بيع عربيات كتير
من فقتين او تلاته على الاقل يعنى ان الكورى كله هيضرب ومش هيتباع وهتاخد نصيب من اليابانى كبير
فلازم تنزل بالسعر دة علشان تبقى منافس للفيرنا واللانوس
اللى مبيكسبشى غير تلات او اربع الاف فى العربية هو المعرض و الموزع لكن التاجر ياكولنا بالدليل
سعر العربيات نزلت فى كل العالم الا هنا

استاذي

انا مش تاجر ..... و عيب اوي اسلوبك ده انك تقول لي الهيبة فضاحة و الكلام الفارغ ده

انا موظف في شركة محترمة لا تعمل في مجال السيارات اطلاقا

و بعدين حضرتك مش معنى انك مختلف معايا في الرأي انك تهاجمني كده

ثانيا حضرتك اسال Sharky من قسم رينو هيقول لك ان العربية في المغرب ارخص من هنا ب 10 الاف جنيه بس

ثالثا ماكانش حد غلب و حضرتك ما رحتش جبتها ليه

رابعا هتبقى من غير ضمان

خامسا هتبقى اسمها داتشيا مش رينو لان مفيش حاجة في المغرب اسمها رينو لوجان

سادسا اما حضرتك ربنا يغنيك من رزقه الواسع و تبقى تروح للتوكيل تشتري خمسين عربية BMW مرة واحدة اكيد هيبقى من حقك تاخد خصم زي ده

بالاضافة ان من اسباب الخصم اللي عملته BMW لفودافون انها اخدت دعاية مجانية على عربياتها على حس حملة فودافون ......

سادسا فيه سلع كتير في البلد اما تجيبها من برة بتجيبها ارخص

سابعا اتشطروا الاول على السرقة الكبيرة و النهبة العظيمة (جمرك السيارات) و بعدها ابقوا اتشطروا عالتاجر و الوكيل

ثامنا حضرتك واضح انك ما قراتش اتفاقية اغادير كويس

الاتفاقية بتقول ان السلعة المغربية هتخش مصر بدون جمرك و العكس

بس فيه ضريبة مبيعات و رسم تنمية برضه ......

يعني ايه؟

حضرتك لو العربية جاية من اوروبا تمنها 30 الف

بتدفع عليها جمرك 40%

يعني بتبقى 42 الف

حلو كده؟

لا مش حلو

بتدفع عليهم ضريبة مبيعات تقريبا 25% (مش متاكد من الرقم)

الضريبة عالعربية + الجمرك مش عالعربية بس

يعني ال 42 بيبقوا 52500

حلو؟

لا مش حلو

بتدفع رسم تنمية 5% على العربية بعد الجمرك و الضريبة

يعني ال 52500 بيبقوا 55125

و ده سبب ان العربية اللوجان مش نازلة بالسعر ده


ان العربية جاية بدون جمرك من المغرب ..... بس اصلا و هي داخلة المغرب متجمركة 30% (الميزة الوحيدة ان المغرب جمركهم اقل مننا ب 10% من تمن العربية في بلدها)

عشان كده اللوجان المعربي ارخص من الروماني باقل من 10 الاف جنيه


و بعدين لو متضايق من التجار اوي

اعمل زيي و اشتري مباشرة من الوكيل زي مانا باعمل

و فاصل في خصومات

[أحمد كمال]

و يا ريت حضرتك تقرا التوقيع بتاعي قبل ما تتهمني اني تاجر

"لا للأوفر برايس
ما تدفعش مليم زيادة - لو كلنا عملنا كده التجار هتخبط راسها في الحيط و هتضطر تبيع بالرسمي"

تفتكر ده توقيع تاجر ازاي؟

[alisleman]

و يا ريت حضرتك تقرا التوقيع بتاعي قبل ما تتهمني اني تاجر

"لا للأوفر برايس
ما تدفعش مليم زيادة - لو كلنا عملنا كده التجار هتخبط راسها في الحيط و هتضطر تبيع بالرسمي"

تفتكر ده توقيع تاجر ازاي؟

اولا انا اسف لانك فهمت كلامى غلط
لان الهيبة فضاحة انتا فهمتها غلط دى كلمة بتدل على انك واحد من مستوى عالى بمعنى انك راجل ليك هيبة
زى مايكون ابن باشا ومش عارف يتعامل مع الشعب دى كدة هيبة فضاحة ارجو ان تكون فهمتها
وتتقبل اسفى ثانيا
وعاوز اقول لحضرتك حاجة اذا كان الجمارك ولا التجار ولا الوكلاء كل دة عصابة واحنا واقعين فيهم

[wessoo]

و يا ريت حضرتك تقرا التوقيع بتاعي قبل ما تتهمني اني تاجر

"لا للأوفر برايس
ما تدفعش مليم زيادة - لو كلنا عملنا كده التجار هتخبط راسها في الحيط و هتضطر تبيع بالرسمي"

تفتكر ده توقيع تاجر ازاي؟

انا مش شايف ان الراجل كلمك وحش كلامه مقنع جدا انا اللى شايفه انك منحاز للتجار اوى وهو لازم يقول عليك تاجر وكلمة الهيبة فضاحة دة كدة بيمدح فيك

[أحمد كمال]

اولا انا اسف لانك فهمت كلامى غلط
لان الهيبة فضاحة انتا فهمتها غلط دى كلمة بتدل على انك واحد من مستوى عالى بمعنى انك راجل ليك هيبة
زى مايكون ابن باشا ومش عارف يتعامل مع الشعب دى كدة هيبة فضاحة ارجو ان تكون فهمتها
وتتقبل اسفى ثانيا
وعاوز اقول لحضرتك حاجة اذا كان الجمارك ولا التجار ولا الوكلاء كل دة عصابة واحنا واقعين فيهم

انا مش شايف ان الراجل كلمك وحش كلامه مقنع جدا انا اللى شايفه انك منحاز للتجار اوى وهو لازم يقول عليك تاجر وكلمة الهيبة فضاحة دة كدة بيمدح فيك

و لا يهمك ... و على فكرة لا انا ابن باشا و لا غيره انا زي زيك باشتري و باتسرق كل يوم !

بس صدقني انا مش بادافع عن تجار و لا يحزنون الفكرة كلها اننا نتكلم بالحقائق و المنطق

يعني موضوع اللوجان المغربي الناس كلها كانت فاهمه العربية هتخش بلوشي بس هي الاتفاقية مش كده

انا بس باسرد الحقايق

يعني مش انحياز و لا حاجة

النهيبة الكبيرة يا جماعة هي الجمرك و ضريبة المبيعات و رسم التنمية

و هي دي اللي بتخلي العربية تمنها ينضرب في اتنين لو كانت 1600 سي سي و نازل

و يتضرب في تلاتة اربعة لو اكتر



التجار حرامية ...... و بيبيعوا باوفر برايس .... و خاربين السوق

عايز رايي؟ محدش يشتري باوفر برايس ...... اشتري بسعر الوكيل و بس

و الاحسن تشتري من الوكيل و خلاص و اشتري دماغك