الي اصحاب الخبرة بالكورولا 94

[zizophone]

في البداية في ثلاث انواع من المواتير اللي ممكن تتسقط علي العربية دي
وهم 5aوده السعة اللترية 1500 سي سي وده غالبا بيكون وارد اليابان والضفيرة غالبا بتكون يمين ولازم تتعدل الضفيرة للشمال
المحرك التاني 4a وده 1600 سي سي وده بيكون غالبا وارد اوروبا وامريكا وده غالبا بتكون الضفيره شمال وبيركب علي طول بدون تعديل
المحرك التالت 7a وده السعة اللتريه 1800 سي سي وده غالبا بيكون وارد امريكا وبيركب علي طول بدون تعديل في الضفيرة
= بالنسبه ليا
انا مسقط موتور 4a وده وارد امريكا وركب علي طول وطبعا الموتور بالفتيس انا اشتريت الربع كامل بس من غير الصاج يعني كل اللي كان راكب في العربية نقلته عندي زي الردياتير والقربة وخزنة الفرامل والسرفو وكل حاجة ما عدا التكيف لان محبتش اعدل فية والموضوع كلفني 4000 جنية بالتركيب بكل حاجة .
الموتور لوحده في حدود 3000 جنية او اقل شوية
الموضوع ده خد وقت يومين يوم تسقيط ويوم الكهربا

التقيم
المحرك بيولد 115 حصان يعني قوة السحب جامده جدا
التكييف تاثيرة علي الموتور تكاد لا تذكر ( طبعا الموتور بيركب بالباور والكمبروسر وكل حاجه )
الفتيس 4 نقلة القديم كان 3 بس طبعا الاتوماتيك مش مانوال فيه زرار للاوفر درايف

الخلاصة الغلط اللي وقعت فية اني سقط الموتور اللي راكب عليه الفتيس الكهربا وده غلط
يبقي لما يكون في حد عاوز يسقط موتور ياخد باله من الموضوع ده ضروري
انا مسقط الموتور عند واحد في الزقازيق وده لاني شرقاوي
النهايه التجربة ناجحة جدا الحمدلله وفرق جامد لاكن خلي بالك من موضوع الفتيس
وانا تحت امر اي شخص عاوز يسقط موتور ممكن افيده ان شاء الله
رقم تليفوني 0189944888

بجد و بجد مش عارف اشكرك ازااي

كتر الف الف خيرك على المعلومات الواضحة وكتر الف خيرك على روحك الطيبة في المساعدة

واكيد ان شاء الله اول ما حاخد الخطوة حكلم حضرتك دة لو تسمحلي وياريت بعد اذنك لو مش حعطلك تبقي معايا في الموضوع دة لاني مش بفهم قوي في شرا الحاجات دي . وبما ان حضرتك مجرب وعندك حد تثق فيه اعتقد حيبقي الموضوع اسهل شويه وياريت حضرتك تعتبرها كانها عربيتك وانك بتركب لنفسك وشكرا لذوقك وكتر الف خيرك

وكان في سؤال برضة محيرني ؟؟ ينفع اركب فتيس اوتماتيك لعربيتي ال 1300 على طول ولو ينفع يتكلف كام ؟ ومين الي يركبة ؟؟


تقبل تحياتي وشكري ليك

[mr_sameh]

بجد و بجد مش عارف اشكرك ازااي

كتر الف الف خيرك على المعلومات الواضحة وكتر الف خيرك على روحك الطيبة في المساعدة

واكيد ان شاء الله اول ما حاخد الخطوة حكلم حضرتك دة لو تسمحلي وياريت بعد اذنك لو مش حعطلك تبقي معايا في الموضوع دة لاني مش بفهم قوي في شرا الحاجات دي . وبما ان حضرتك مجرب وعندك حد تثق فيه اعتقد حيبقي الموضوع اسهل شويه وياريت حضرتك تعتبرها كانها عربيتك وانك بتركب لنفسك وشكرا لذوقك وكتر الف خيرك

وكان في سؤال برضة محيرني ؟؟ ينفع اركب فتيس اوتماتيك لعربيتي ال 1300 على طول ولو ينفع يتكلف كام ؟ ومين الي يركبة ؟؟


تقبل تحياتي وشكري ليك

ياباشا مفيش شكر علي واجب احنا هنا في المنتدي بنتعلم من بعض وبنفيد بعض بخبراتنا وانا تحت امرك وكلمني في اي وقت وتاكد اني مش هبخل بجهد ان شاء الله
وبالنسبة لسؤالك طبعا ممكن تركب فتيس اتوماتيك مكان المانوال
بس ده هيكلفك في حدود 1500 جنية تقريبا مع ان الموتور بالفتيس علي بعضه هيكلفك في حدود 3000 جنيه او يمكن اقل كمان وفي الاخر انت صاحب الاختيار

[zizophone]

متشكر جدااااااااااااا جداااااااااااا على المعلومات الجامدة دي ومتشكر اكتر على روحك الطيبة وان شاء الله اول ما حاخد القرار حقولك واكلمك لاني مش حلاقي حد يقف معايا احسن منك في الموضوع دة
ومتشكر جدا مرة تانية

[ahmed2000]

الف مبرررررررررروك يا ريس عل الموتور الجديد
يا رب املاهولك بركة واشوفك مقفل العداد مليون كيلو متر ان شا ء اللة