خلاصة الكلام في ثبات الياريس

[tamagogo]

سلام عليكم

الكلام كتر قوي على ثبات الياريس وبصراحه اغلب اللى بيتكلموا مامعهومش ياريس اصلا. فعملت الموضوع ده عشان نقطع باليقن في هذا الموضوع. الرجاء الرد على الاستفتاء لمالكي الياريس فقط. وياريت ماحدش يقول اصل شكلها كده مش ثابته فانا هخش اشارك, ياريت اللى يصوت يكون جرب فعلا.

[fahd_628]

الصراحة انا مش مقتنع ان السبويلر فى العربيات الفئة دية ممكن يعمل حاجة !

العجل العريض ماشى بس لازم الجنط يكبر !

الصراحة انا غير راضى ! ( مش عربيتى عربية صديقى )

العربية لغاية 120 - 130 تمام بس بعد كدة مش كويسه !

[a7mode]

العربيه رائعه ولحد ال 160 جميله انا وصلت فيها للـ 200 وطلعت كوبرى ونزلت منو 200 والعربيه زى الفل بجد والله بس لازم اللى سايق يكون متحكم كويس فى الدركسيون ..

[m_o_sakr]

this car have a very light weight, and bad stability, i don't trust it for speeds more than 120km/h if good driver and only .100km/h for normal drivers

[Samir Elshahawy]

ثابته و عن تجربة بمختلف الطرق و السرعات و الملفات الحادة و العادية و أقصي سرعة و صلت بها كانت كالاتي :

- 175 كم/ساعة .. علي الطريق الدائري الساعة 1 صباحا في رمضان الماضي مابين كارفور المعادي و اكاديمية مبارك
- 170 كم/ساعة .. علي طريق القاهرة - السويس و العكس
- 160 كم/ساعة .. علي طريق القاهرة - الاسماعيلية - بورسعيد و العكس
- 140 كم/ساعة .. علي طريق السويس - الاسماعيلية

.... الملفات مابين مدينتي بدر و الشروق (ملفات حادة مع مطالع و منازل) بسرعة حوالي 140 كم/ساعة

الاهم من ده كله ...
الفرامل الجامدة abs العربية بتمسك في الارض و مابتزحفش و لا بتستعرض او تنحرف عن مسارها و الكلام ده عن تجربة 3 مرات بسرعات :
- 160 كم/ساعة علي طريق ممهد و جيد
- 160 كم/ساعة علي الدائري مع ملف حاد
- 140 كم/ساعة و الاطارات بالجانب الايسر كانت في الرمل و الجانب الايمن علي الاسفلت

بالنسبة لي العربية ثاااااااابتة جدااااااااا بشرط ... تكون العربية مظبوطة و مافيش هوا جامد علي الطريق

[tamagogo]

انا عربيتي بسبويلر وشايف ان ثباتها حلو وعاجبني
- سرعة 170 على الدائري وماشي بين العربيات مش خط مستقيم ومش قلقان
- على طريق العين السخنه جبت 200 وبرضه مش قلقان

وعموما عمري ماحسيت بالخطر في المنحنيات وانا طبيعتي بمشي بسرعة.


ياريت باقي ملاك الياريس يكملوا الاستفتاء. بس زي ماقلنل ياريت ملاك ياريس فقط اللى جربوها همه اللى يصوتوا انما لو واحد شايف معتقد خفيفه ورفيعه وعاليه عن الارض عشان كده اكيد هتكون مش ثابته يبقى ياريت يستنى ويشوف راي اصحابها.

[a7mode]

بالنسبة لي العربية ثاااااااابتة جدااااااااا بشرط ... تكون العربية مظبوطة و مافيش هوا جامد علي الطريق

مظبووووووووووووووط

[tamagogo]

على فكره الثبات في الياريس متحقق بطريقتين
- اولا التصميم الايروديناميكي اللى بيخلي الهوا يجي من فوق العربيه فيضغط عليها في الارض. وده متحقق بصوره اكبر بالاسبويلر اللى حاسس فعلا بفرق فيه عن العربيات اللى من غير سبويلر.
- ال ebd وده اللى بيوزع قوة الفرامل في حالة الفرمله فما بيخليش العربية تجنح لو دوست فرمله وانت بتلف على سرعة عالية

[khela]

يا جماعة انا عندى تفسير لموضوع الثبات دة بتاع الياريس بس مش متاكد ياريت تفكروا معايا
انا لاحظت ان فية ناس كتير اشتكت من ثبات الكورولا الجديدة كمان فهل معقول تويوتا تصنع عربيات مش ثابتة؟
لو نلاحظ ان العربيتين نازلين بباور كهرباء انا مجربتوش بس سمعت انة بيخلى الدركسيون خفيف جدا و بيخوف فى السرعات الكبيرة فهل هو دة الى بيدى الناس احساس بان العربية مش ثابتة
ياريت المتخصصين والى بيجربوا عربيات كتير خصوصا باور كهرباء يفيدونا

[tamagogo]

[quote]لو نلاحظ ان العربيتين نازلين بباور كهرباء انا مجربتوش بس سمعت انة بيخلى الدركسيون خفيف جدا و بيخوف فى السرعات الكبيرة فهل هو دة الى بيدى الناس احساس بان العربية مش ثابتة [/
quote]

كلام معقول.

[Samir Elshahawy]

يا جماعة انا عندى تفسير لموضوع الثبات دة بتاع الياريس بس مش متاكد ياريت تفكروا معايا
انا لاحظت ان فية ناس كتير اشتكت من ثبات الكورولا الجديدة كمان فهل معقول تويوتا تصنع عربيات مش ثابتة؟
لو نلاحظ ان العربيتين نازلين بباور كهرباء انا مجربتوش بس سمعت انة بيخلى الدركسيون خفيف جدا و بيخوف فى السرعات الكبيرة فهل هو دة الى بيدى الناس احساس بان العربية مش ثابتة
ياريت المتخصصين والى بيجربوا عربيات كتير خصوصا باور كهرباء يفيدونا

الباور الكهرباء بعد سرعة معينة بيفصل و الدريكسيون بيتقل معاك و بالتالي مالوش علاقة بمسألة الثبات علي السرعات العالية

[ابوشريف]

الباور الكهرباء بعد سرعة معينة بيفصل و الدريكسيون بيتقل معاك و بالتالي مالوش علاقة بمسألة الثبات علي السرعات العالية

كلام مضبوط

وكمان الباور الكهرباء افضل كتير من الباور الهيدروليكى لانه بيتقل الدركسيون تدريجيا كلما زادت السرعه

لكن فى الباور الهيدروليكى اعتقد بيخفف الدركسيون كلما زادت السرعه لان كمبرسور الباور متعلق بسرعة دوران المحرك

ياريت الناس اللى معاها باور هيدروليكى تشارك وتفيدنا اكثر

[madoo]

يا جماعة انا عندى تفسير لموضوع الثبات دة بتاع الياريس بس مش متاكد ياريت تفكروا معايا
انا لاحظت ان فية ناس كتير اشتكت من ثبات الكورولا الجديدة كمان فهل معقول تويوتا تصنع عربيات مش ثابتة؟
لو نلاحظ ان العربيتين نازلين بباور كهرباء انا مجربتوش بس سمعت انة بيخلى الدركسيون خفيف جدا و بيخوف فى السرعات الكبيرة فهل هو دة الى بيدى الناس احساس بان العربية مش ثابتة
ياريت المتخصصين والى بيجربوا عربيات كتير خصوصا باور كهرباء يفيدونا

مش كده خالص انا عندى فى الماتيريا باور كهربا ناعم حرير على السرعات البطيئه وعلى السرعات العاليه ثابت جدا واحساس ملوش حل
بلاحظه او لو انا بعمل كيك داون على سرعه بتاع 30 او كده فجاه بلاقى الباور فصل والدريكيسون حجر فى ايدى والعربيه وبتزود سرعتها

[noon_eg]

كلام مضبوط

وكمان الباور الكهرباء افضل كتير من الباور الهيدروليكى لانه بيتقل الدركسيون تدريجيا كلما زادت السرعه

لكن فى الباور الهيدروليكى اعتقد بيخفف الدركسيون كلما زادت السرعه لان كمبرسور الباور متعلق بسرعة دوران المحرك

ياريت الناس اللى معاها باور هيدروليكى تشارك وتفيدنا اكثر

حتى الباور الهيدرولك يا باشا بيتقل مع السرعه وبيثبت الدركسيون كل ما السرعه زادت ده الطبيعى فى اى بور ستيرنج سواء كهرباء او هيدرولك

[sa3dawy]

خلاصة الكلام .... تصميم الياريس العالى عن الارض نسبيا والكراسى المرتفعة وتصميم التابلوة والباور الاليكتريك بيدوا انطباع ان الياريس مش ثابنة على السرعات العالية ..لكن جرب تاخد بيها ملف على 100 -120 .. مش هتسنع اى صوت او تعويم فى العربية .. وهوا دا معنى الثبات ...
الياريس تباتها جميل حتى 120-140 .. لكن فوق كدا ملهاش لازمة اصلا السرعات دى