خلاصة الكلام في ثبات الياريس

[asemx1]

العربيه ثباتها حلو فى السرعات المعقوله اكتر من كدا جنون اساسا ولو حد عمل حادثه لقدر الله مش هيطلع سليم واكتر من 120 كم انتحار
عربيتى 2009 كامله اسبويلر :)

[bmya]

ده رايك الشخصي طبعا لكن الموضوع ده معمول مخصوص عشان اللى جرب الياريس بدل الاراء المطلقه.

عموما عايز اقولك ان الطياره البوينج وزنها 56 طن بحمولتها الكامله وبتطييييييييرررر :) والسرعه عند الاقلاع تقريبا 350 كيلو. الموضوع في التصميم اكتر منه اي حاجه تانيه.
قصدي ان القوه اللى بترفع 56 طن تقدر تضغط على العربيه وتثبتها في الارض:)))

اولا طبععا مع احترامي لحضرتك
ده رأيي تمام بس العربيه مع واحد صحبي ثباتها ميفرقش عن السيريون تقريبا افضل بفارق لا يلاحظ
ثانيا معلش يعني طبعا الوزن وان مكانش هو العامل الاساسي للثبات لكنه من احد العوامل في الثبات
ثالثا لا مجال للتشبيه اللي حضرتك زكرته خاااااااااااااالص اسهل حاجه دي اسمها طياره بوينج ودي اسمها عربيه ياريس تقريبا فيه اختلاف
رابعا انا مش شايف انه عيب اني اقول العربيه مش ثابته او ثباتها معقول مش عيب خالص والله
وانا ضربت مثل لعربيتي نفسها ولعربيتي القديمه كانت كريستاله من الزيرو معايا ولحد الان اي حد يقولي ثابته بقوله لاء خفيفه عادي خالص اصل دي عربيات فئه سيتي كاار مش سوبر كار ولا سبورت كار معلش يعني حضرتك واحد صحبي معه S500 موديل 2005 (جمرك) حضرتك لو ركبتها هتعرف يعني ايه ثبات
معلش لو حضرتك بتقولي ثابته ياريت تقولي مقارنه بايه بالظبط وبعدين حاجه كمان ثابته بمعني ايه بالنسبه لحضرتك
العربيه البودي بتاعها مرتفع عن الارض بمسافه كبيره وناس كتير شايفه انها ميزه للطرق بتاعتنا بس برده عوامل الثبات ان العربيه تكون منخفضه وقريبه من الارض (شوف الهوندا سيفيك) اللي مش عجبه المصريين عشان منخفضه
وفعلا الياباني متوسط السعر او معظم الياباني في مصر خصوصا العربيات الشعبيه في مصر لا تتمتع اطلاقا بميزه الثبات علي السرعات الهولاميه اللي بسمعها (ملحوظه اعتراضي مش انها تجيب السرعات الهولاميه لكن اعتراضي كلمه ثابته علي السرعات دي )
حضرتك اركب ميجان وشوف يعني ايه ثبات اركب اوبل حتي لو قديمه وانت تحس انك راكب سجاده انا مش هقول بي ام ولا مرسيدس ولا حتي باسات
وشكرا لحضرتك وياريت ميكونش كلامي زعل حد منييييييييييييي

[Hisham1]

انا مش شايف انه عيب اني اقول العربيه مش ثابته او ثباتها معقول مش عيب خالص والله

فعلا مش عيب بس العيب انك تكون شايف ان ثباتها كويس وتقول مش ثابتة علشان الناس تنبسط

[ahmedbndk]

اسمحولى أشارك برأيى (2009 اتوماتيك)
انا جربت العربية لغاية 150/160 على الدائرى وكان ثباتها كويس جدا طالما أن الطريق لا يوجد به هواء جامد
مره أخرى وأنا راجع على طريق السخنة الجديد وكان الهواء جامد حسيت أن العربية بتعوم من أول 100
ده رأى أعتقد أن العربية تقدر تحس بثباتها لو الجو كويس لكن لو فيه هواء شديد بتعوم بسهولة

[bmya]

فعلا مش عيب بس العيب انك تكون شايف ان ثباتها كويس وتقول مش ثابتة علشان الناس تنبسط

اسمحولى أشارك برأيى (2009 اتوماتيك)
انا جربت العربية لغاية 150/160 على الدائرى وكان ثباتها كويس جدا طالما أن الطريق لا يوجد به هواء جامد
مره أخرى وأنا راجع على طريق السخنة الجديد وكان الهواء جامد حسيت أن العربية بتعوم من أول 100
ده رأى أعتقد أن العربية تقدر تحس بثباتها لو الجو كويس لكن لو فيه هواء شديد بتعوم بسهولة

اعتثد الردين بيرودو علي بعض
واعتقد ان ده مش اسمه ثبات وعشان كده انا كنت بسأل يعني ايه ثابته بانسبه للي بيقول ثباته
متمشيش في طريق نضيف وفاضي وملفاته واااااسعه ومعظمه طوالي وتمشي 200 وتقولي ثباته
في فرق ان العربيه تبقي ناعمه ومش محسساك انك بتجري ودي اسبابها نعومه المحرك وصوته عزل السياره الجيد نعومه العفشه الدركسيون ماسك نفسه الحاجات دي ممكن تديك عدم احساس بالسرعه
ولذلك تقول ثباته
عموما الخلاصه من تجربتي ومن معرفتي للياريس هي مش ثابته
هي كويسه او معقوله لحد 130 لو فيه تيارات هوا ء هتلاقي العربيه بتلعب معاك

[tamagogo]

وشكرا لحضرتك وياريت ميكونش كلامي زعل حد منييييييييييييي

اكيد طبعا محدش هيزعل منك لان الياريس مش ابويا ولا التويوتا من بقية عيلتي.
الفكره اني عامل الموضوع عشان فيه ناس كتير بتقول انها مالهاش لازمه. فحبيت اشوف بالارقام (الدليل القاطع) مين اللى مبسوط ومين اللى متضايق.
ثانيا طبعا محدش يقدر يقارن الياريس بمرسيدي اس 500 او اوبل فيكترا لان الياريس ارخص بكتير وماينفعش نقول انهم اكثر ثباتا لاني كده بنقارن (الفيل اكبر ولا الزرافه اطول) طبعا ماينفعش نقارن الياريس بالعربيات ديه. وعلى فكره انا كان معايا لانسر 2006 وكانت على الطريق الحراوي بدون هوا على الطريق على 150 خفيفه جدا وبحس اني هتقلب. لكن ماعنديش الاحساس ده خالص على 180 في الياريس.

تاني, السؤال هو لراكب الياريس: هل انت راضي بالثبات والاتزان ولا لا, مش مقارنة باي عربية تانيه؟ طبعا كل واحد واخد في اعتباره سعرها وامكانياتها وكل الاعتبارات التانيه. عشان فيه ناس بتقولي ديه فوق ال 100 خطر. طبعا ده كلام غلط.

بس يا صديقي. كل اللى قصدي عليه الناس اللى راكبه الياريس مبسوطه ولا متضايقه من الثبات. وشايف ان 75% تقريبا مبسوطين ومش متضايقيين , وشايف انها بتكتر في الشارع.

[Hisham1]

اعتثد الردين بيرودو علي بعض
واعتقد ان ده مش اسمه ثبات وعشان كده انا كنت بسأل يعني ايه ثابته بانسبه للي بيقول ثباته
متمشيش في طريق نضيف وفاضي وملفاته واااااسعه ومعظمه طوالي وتمشي 200 وتقولي ثباته
في فرق ان العربيه تبقي ناعمه ومش محسساك انك بتجري ودي اسبابها نعومه المحرك وصوته عزل السياره الجيد نعومه العفشه الدركسيون ماسك نفسه الحاجات دي ممكن تديك عدم احساس بالسرعه
ولذلك تقول ثباته
عموما الخلاصه من تجربتي ومن معرفتي للياريس هي مش ثابته
هي كويسه او معقوله لحد 130 لو فيه تيارات هوا ء هتلاقي العربيه بتلعب معاك

خلاص يا عم الياريس وحشه علشان متزعلش

[tamermagdy]

العربيه رائعه ولحد ال 160 جميله انا وصلت فيها للـ 200 وطلعت كوبرى ونزلت منو 200 والعربيه زى الفل بجد والله بس لازم اللى سايق يكون متحكم كويس فى الدركسيون ..

انا اسف اني اقولك اولا فين الطريق اللي تجمع فية الياريس 200 و انا كنت من ملاك الياريس و للاسف السيارة غير امنة بالمرة علي السرعات العالية بعد 130 لكن في وسط البلد هي عربية مثالية جدا جدا

[safeeagent]

دي سيتي كار يعني غير مؤهله للجري على الارقام العجيبه اللي بسمعها
ممكن بس اللي بيقول ثابته على ال180 يقولي ايه معنى الثبات بالنسبه له؟؟
دا الشركه المصنعة شخصياً متضمنكش على السرعه دي!!
الياريس عربيه جميله وانا مش ضدها في حاجه باستثناء سعرها المبالغ فيه بس امتلاكك للعربيه مش معناه انها الافضل
وبعدين في حاجه بالنسبه للديناميك :لو الهواء بيضغط على العربيه من فوق فالهواء بيعدي من تحت العربيه برضو وبيرفعها
ودا عن تجربه مع السيئه كورولا 2002.وياريس 2006 مانيوال بجد لازم يشوفو حل في الارتفاع ده
ونصيحه للي عايز يعرف الثبات شكله ايه يركب مرسيديس زلمكه او سوبارو امبريزا واعرف يعني ايه ثبات جيد ويتكلم عن الياريس هتقولولي دي عربيات اغلى منها هقولك اركب فيات لينيا تيربو وهي في رينج سعر الياريس وشوفو الثبات شكله ايه والسرعه شكلها ايه

[bmya]

انا اسف اني اقولك اولا فين الطريق اللي تجمع فية الياريس 200 و انا كنت من ملاك الياريس و للاسف السيارة غير امنة بالمرة علي السرعات العالية بعد 130 لكن في وسط البلد هي عربية مثالية جدا جدا

دي سيتي كار يعني غير مؤهله للجري على الارقام العجيبه اللي بسمعها
ممكن بس اللي بيقول ثابته على ال180 يقولي ايه معنى الثبات بالنسبه له؟؟
دا الشركه المصنعة شخصياً متضمنكش على السرعه دي!!
الياريس عربيه جميله وانا مش ضدها في حاجه باستثناء سعرها المبالغ فيه بس امتلاكك للعربيه مش معناه انها الافضل
وبعدين في حاجه بالنسبه للديناميك :لو الهواء بيضغط على العربيه من فوق فالهواء بيعدي من تحت العربيه برضو وبيرفعها
ودا عن تجربه مع السيئه كورولا 2002.وياريس 2006 مانيوال بجد لازم يشوفو حل في الارتفاع ده
ونصيحه للي عايز يعرف الثبات شكله ايه يركب مرسيديس زلمكه او سوبارو امبريزا واعرف يعني ايه ثبات جيد ويتكلم عن الياريس هتقولولي دي عربيات اغلى منها هقولك اركب فيات لينيا تيربو وهي في رينج سعر الياريس وشوفو الثبات شكله ايه والسرعه شكلها ايه

قلنا كده قالوا اطلعوا من البلد

[Hisham1]

يا اخواني احنامش عايزين نتكلم عن ارقام كبيرة 180 و 200 وحاجات غريبة كده علشان السرعات دي ماتنفعش على طرق مصر ولا تنفع نمشي بيها بأغلب العربيات اللي في مصر علشان متبقاش العواقب وخيمه لا قدر الله
الكلام على الثبات بيختلف تقديره من واحد للتاني ممكن واحد يسوق العربيه ويحس انه مش قادر يتحكم فيها وواحد تاني بيسوقها وشايف انه بيقدر يتحكم فيها هي دي النقطه والسرعة مش مطلوبة اولا واخيرا
انا من رأيي انها عربية ممتازة وبالتوفيق للجميع وربنا يبارك لكل واحد في عربيته ايا كانت وشكرا للجميع

ونصيحه للي عايز يعرف الثبات شكله ايه يركب مرسيديس زلمكه او سوبارو امبريزا واعرف يعني ايه ثبات جيد ويتكلم عن الياريس هتقولولي دي عربيات اغلى منها هقولك اركب فيات لينيا تيربو وهي في رينج سعر الياريس وشوفو الثبات شكله ايه والسرعه شكلها ايه

موضوع الثبات بتاع العربيات عموما بيختلف من واحد للتاني شوف الموضوع اللي عامله أحد الأعضاء الكرام عن ثبات ال امبريزا

http://www.nilemotors.net/Nile/99332-2009.html

والله الموفق

[safeeagent]

انا عارف موضوع الامبريزا الجديده اللي طرو عفشتها مع انها تظل الافضل في التحكم على السرعات العالية علشان الawd بس انا بتكلم عن القديمه بتاعت 2006 جباره لو حد جرب يركبها مش هيقدر يقارنها بعربيه تانيه لانك بتلف الدركسيون وواثق 100% ان العربيه عمرها مهتقول لأ وده اسمه ثبات انما تجيب ياريس وتمشي بيها في خط مستقيم على سرعه اعلى من مستوى العربيه ومتتقلبش دا مش معيار ابداً للثبات الثبات !