61 خابور للاربع كاوتشات فى سيارة ماتيريا ... فى ساعة واحدة

[thefirst2005]

خد منه الفلوس اللي تقدر عليها. شوف كاوتش بريدجستون my01 سعره معقول.. او هات كومهو kh11بردو كويس

شكرا Ahmed Hassan وهاعمل كدة ان شاء الله

[thefirst2005]

خلى بال حضرتك كمان ان خطر تمشى بالعربيه بكم هذه الخوابير اللى هيا فى الاصل غلط اصلا
اتمنى اكون قدرت افيدك و الحمد لله انها جت على قد كدا

شكرا يا احمد على النصيحة ... الف شكر

[thefirst2005]

kisho55555 طبعا لو انت عايز تلحم الكاوتش افضل حاجة اللحام الداخلى .. ومتخليش اى حد يحط خابور .. لان له تاثير سلبى على المنطقة اللى حوالين الخابور ...

شكرا kisho55555 على النصيحة الغالية.

د.محمود صلاح الموضوع ده ( تفتيح الشغل بلغتهم ) اصبح منتشر ويحتاج وقفة مثل التي فعلتها معاهم , وتحذير وتنبيه لكل المعارف والزملاء وبالطبع اعضاء المنتدى

شكرا د. محمود ...ربنا يفتح دماغهم ان شاء الله.

[thefirst2005]

بو عبدالله: انا رايي كده برضه
خد منه اللي تقدر عليه وكمل وهات نوع كويس أفضل
وربنا يجعله في ميزان حسناتك ان شاء الله
وعلى فكره الصح هو من اتلف شيئا فعليه اصلاحه فعلا

شكر للاخ العزيز ابو عبدالله ... ربنا يجازيك خير عشان كل ما بحتاجلك بلاقيك بتساعدنى بأخلاص.

memo_p910 بتاع الورشه هو الي خرملك الكاوتش وانت مش واخد بالك والزجاج مستحيل يخرم الكاوتش اصلا حتى لو بقاله 10 سنين والحركه دي حصلت مع ناس كتيير ما تسبش حقك نهائي مع الاوغاد دول لازم تروحله وتاخد تمن الكاوتش وتطلع عينه وتكسب ثواب عشان مايعملهاش مع حد تان

شكرا memo_p910 ... وان شاء الله هاطلع عينه.

windsofchange يفضل تجيب نفس مقاس الكاوتش بتاعك عشان يديك قراية كيلومتر صح وده اللي انسب لعفشة عربيتك والله اعلم....

شكرا windsofchange وان شاء الله هاجيب نفس المقاس.

[thefirst2005]

السلام عليكم ورحمة الله وبركاته
على حد خبرتي إن الكاوتش ينفع له الخوابير بس في المناطق الجانبية من فردة الكاوتش أما في المناطق الواجه ما ينفعش علشان الدعامة السلك داخل الكاوتش تتهتك بكل خابور
أرجو إني أكون أفدتك

شكرا shaltot وان شاء الله هسأل مهندس نجاد فى المنتدى على الموضوع دة.

[thefirst2005]

ربنا يعوض عليك و درس و زى ما بيقوله العلام مش ببلاش

عند حق العلام مش ببلاش .... شكرا mohamedhamam

[thefirst2005]

يا ريت الآدارة تتفضل بنقل الموضوع دة للمنتدى العام علشان الكل يقرأة

يا ريت يا استاذ Abdm وشكرا على الرد.

[thefirst2005]

حصلتلى مرة لما روحت لواحد صاحبى فى اسكندرية , كأنها مسابقة يلحق يركب كام خابور فى الدقيقة

شكرا Moe86 على الرد.. هى كانت معايا فعلا مسابقة.

[thefirst2005]

+111111111111

شكرا mohamed_rhem

[thefirst2005]

انا مش فاهم انت مدفعتش فلوس ولا دفعت بس لو مدفعتش ومشيت خلاص كبر دماغك وربنا يعوضك خير
لو دفعت ربع جنيه بقا روح هاته من اللى يتشددله

شكرا ahmed1718، انا ما دفعتش اى حاجة خالص، بس بردة مش هسيب حقى ان شاء الله.

[thefirst2005]

يا راجل ده لو الواحد خبط عربية من غير ما يقصد بيصلح غلطته و يدفع ثمن التصليح للراجل اللي إتخبط علشان مالوش ذنب.
حاجه تانيه مهمة جداً. علشان ماحدش يتنصب عليه بنفس الطريقه، أنا رأيي إنك لازم تقول دي أنهي بنزينه علشان الناس تبطل تتعامل معاهم تاني.

معلش ما فيش حد بيتعلم ببلاش.

البنزينة دى بنزينة التعاون فى المعصرة- حلوان على اليمين وانت رايح حلوان بجوار مخزن لبيع حديد التسليح.

[thefirst2005]

ده موضوع لنفس الطريقة ربنا ينتقم منهم...

http://www.nilemotors.net/nile/118492-a.html

على فكرة امبارح حصل معايا فى نفس المحل ومسكتهم مسحت بيهم البلاط ... قولتلو يزود هو لقيتة ماسك كوريك وبيفك العجلة وشغال مع نفسة.

قولتلة انت مش سامعنى ولا اية ... انا بقولك زود هوا بس.

بعد كدة مشيت رحت لاقرب محل كاوتش لقيت ضغط العجلة 45 والمفروض تبقى 30.

يعنى العجلة كانت مضبوطة اصلا، وعلى فكرة كانوا موقفين واحد بردة قالى ان العجلة نايمة.

المكان: شارع السودان امام معرض الشركة المتحدة بتاعت دايهاتسوا (كنت بدفع قسط العربية).

شكرا mhoss

[thefirst2005]

متسيبوش ولا يصعب عليك .. والله أنا لو مكانك لأخليه يجيب الكاوتش ولو اقدر اسجنه هسجنه .. لأن ده نصاب وحرامي . مش واحد غلبان وضرك من غير ما يقصد .. فيه فرق كبيييييييييييييييييييييييييييير

ان شاء الله هاعمل كدة. شكرا Eng.Sameh

[thefirst2005]

فعلا تسامح مين

انت تاخد منهم تمن كاوتش جديد لان اللي عندك ده خلاص

اولا لان الخابور ده الشركات المصنعة بتقول انه حل مؤقت ولا غناء عن اللحام الدائم

والكلام ده اكدهولي المهندس نجاد خبير بردجستون بالمنتدي

شكرا mohamed_rhem على المعلومة المهمة دى.

[thefirst2005]

ألف سلامه لزوجة حضرتك, و قدر الله ماشاء فعل.
انا اول ما ركبت عربيات حصل معايا نفس الموقف في بنزينة و مع الوقت و التعلم و كدة عرفت ان عمري ما اعمل حاجة في الكاوتش جوة اي بنزينة ابدا, و ابعد عن الخوابير خالص, ولا يهمك يا فندم ياما بنقع في مشاكل.

شكرا Samir_Adel ، انا اتعلمت الدرس كويس.