حجزت السيريون بس سعرها زاد 1000 جنيه ,استفسار مهم

[amrosh]

السلام عليكم
انا حجزت الدايهاتسو سيريون الاوتوماتيك 81500 يوم 18 -3
و بأذن الله هاستلمها بكره
بس فى التوكيل قالولى ان سعرها زاد 1000 جنيه من اول شهر 4
و المفروض ادفع فرق الفلوس
مش عارف ادفع و لا لا باعتبار انى حاجز قبل الزياده
و شكرا

[m10_10]

اعتقد علي حسب كلام التوكيل ليا وانا باحجز عربيه اختي ان لو حتى زاد سعر العربيه مليون جنيه هاخدها بالسعر اللي انا حاجز بية...

والله اعلم...

راجع اللينك دة

http://www.nilemotors.net/Nile/showthread.php?t=19685

[معاذ الشرباصى]

لو فى ورق مكتوب او مثبت فيه السعر القديم, عند الحجز للسيارة ساعتها من حقك يلتزموا به

مش عارف بقى لو مفيش يبقى ايه الحل ساعتها, بس فى وكلاء كتير عملوا الحركة دى مؤخرا, و اخرهم وكيل هوندا مع السيفيك, زودها 3100

[أبو عبدالله]

لا طبعا متدفعشي
لأنك حاجز العربيه وهيا كانت موجوده
الكلام ده لو حجزت وبعدين بعتوا يجيبوا لك فلقوا زياده

ساعتها مش بيبقى بأيديهم

[mamado90]

ما تدفعش لانى انا كمان حاجز التريوس من الشهر الماضى ودافع 1000
وقالو لى مؤاخرا انى باخد السيارة بالسعر القديم 139 الف موش 40 الف كما هو الان
بس يجيبوها ما هو انا كمان منتظر اللون الازرق وقالو ادفع دفعنا وجينا نستلم بعد شهر قالو ... معلش اصلو الازرق موش هتيجى مصر تانى ... قولنا خلاص نخش على اللون الفضى ... قالو الشهر الجاى برضه لان اللى عايزها فيها اير باج واية بى اس يا مسهل
ومبروك عليك مقدما سيارتك يا ملك ربنا يباركلك فيها ان شاء الله

[wawoo]

... معلش اصلو الازرق موش هتيجى مصر تانى ...

هههههه ....
يعنى اية الازرق مش حيجى مصر تانى , جديدة دى يصراحة , ...لية هو الازرق بقى ممنوع فى مصر ولا حاجة , و انت بكل بساطة كدة غيرت اللون , ليهم حق والله يعملو اللى هما عوزينة , فهمنى ونبى يعنى اية الازرق مش حيجى مصر تانى دى , عشان ان مش فهم الحتة دى لو سمحت , هو كمان هما يختارو لينا الالونا اللى نركبها ولا اية , دة تهريج والله العظيم اللى بيتعمل دة , هو المواطن المصرى بقى درجة خمسة ولا اية مش من حقة حتى لون ازرق .

[اوان الورد]

ما تدفعش لانى انا كمان حاجز التريوس من الشهر الماضى ودافع 1000
وقالو لى مؤاخرا انى باخد السيارة بالسعر القديم 139 الف موش 40 الف كما هو الان
بس يجيبوها ما هو انا كمان منتظر اللون الازرق وقالو ادفع دفعنا وجينا نستلم بعد شهر قالو ... معلش اصلو الازرق موش هتيجى مصر تانى ... قولنا خلاص نخش على اللون الفضى ... قالو الشهر الجاى برضه لان اللى عايزها فيها اير باج واية بى اس يا مسهل
ومبروك عليك مقدما سيارتك يا ملك ربنا يباركلك فيها ان شاء الله

انا كمان في نفس المشكلة حجزت في منتصف شهر مارس بألف جنيه ومستنية استلام العربية في منتصف ابريل ان شاء الله ومش عارفة حدفع على حسب السعر القديم وقت ما حجزت ولا على حسب السعر بعد الزيادة؟؟ ممكن يا استاذ mamado90 تبقى تقوللي حيعملوا معاك ايه ؟؟ وهل في مشكلة فعلا في حجز الالوان بمعنى اننا بعد ما نحجز ونستنى شهر كاااااامل نيجي نستلم منلاقيش اللون اللي استنينا علشانه ده كله برضه ؟؟ يعني وكأنهم ناقص يفرضوا علينا الالوان اللي عندهم او اللي هما عايزينها دي حاجة غريبة فعلا .. والله وبجد لو ده بقى العادي بتاعهم يبقى توكيل ملوش لازمة الصراحة ...

ملحوظة : ياريت حضرتك تبص على صندوق الرسائل الخاصة بتاعة حضرتك..

[wawoo]

ونستنى شهر كاااااامل نيجي نستلم منلاقيش اللون اللي استنينا علشانه ده كله برضه ؟؟ يعني وكأنهم ناقص يفرضوا علينا الالوان اللي عندهم او اللي هما عايزينها دي حاجة غريبة فعلا .. والله وبجد لو ده بقى العادي بتاعهم يبقى توكيل ملوش لازمة الصراحة ...

.

لما تيجى تستلم يقولك فى اللون الاحمر اية رايك دة تحفة , تقولة انا حاجز اسود , يقولك لاء اصلا الاسود مش حيجى مصر تانى , انا عاوز افهم هوة احنا بنشترى قميص و لا عربية , هوة اية اى لون موجود و خلاص حيسلمك منة , اية المنطق دة , خلاص العميل مبقاش لية اى احترام لهذة الدرجة , و سهل جدا ياخد اى حاجة , هى وصلت فعلا للمستوى دة من التعامل ولا انا فاهم غلط .
يا جماعة كل واحد يتمسك باللون اللى هوة عوزة , دة انت لو بتشترى قميص و ملقتش اللون بتاعك بتقول للمحل مع السلامة , ما بلك بقى بسيارة حتعيش معها عمر بحالة , محدش يتنازل عن حقة فى اللون بتاعة تحت اى ظرف , و لو معندهمش اللون اسحب العربون و شوف ماركة تانية .
المفروض التوكيل بتبعت طلبات الالوان للشركة و هى بتوفر اللون المطلوب , اما ان التوكيل يجيب كمية من لون معين عشان رخيص,و يبيع فيها لحد ما تخلص و طز فى الزبون.
كل موديل بينزل بالوان معينة و انت ليك كامل الحق فى اختيرا ما يناسبك منها ,انت دافع فلوس , دى مش عربية طلعالك فى كيس الشبسى ,
تنازل الناس عن حقوقها هوة اللى بيوصل للتعامل دة .

[معاذ الشرباصى]

ده رابط فيه الوان التريوس المتاحة على موقع دايهاتسو, و طبعا الازرق واحد منهم

http://www.daihatsu.com/catalogue/terios/short/exterior/index.html

و على فكرة كان فى تريوس ازرق, فى معرض دايهاتسو المعادى من اسبوعين

[Mzeid]

لا طبعا متدفعشي
لأنك حاجز العربيه وهيا كانت موجوده
الكلام ده لو حجزت وبعدين بعتوا يجيبوا لك فلقوا زياده

ساعتها مش بيبقى بأيديهم

+10000000000 :):):):)

[Mzeid]

ربنا يبارك لك فيها إن شاء الله و يمنع عنك أي سوء. :):):):)

[أبو عبدالله]

يا اخواني مش كل حاجه نمسك فيها ونعمل عليها هليله وانهم بيظلموا الناس
هو مش هيخسر حاجه لما يجيب اللون الأزرق ولكن في الوان بيتوقف تصنيعها من سنه لسنه ويتم استبدالها بألوان تانيه
ومتهيألي حصل كده برضه في السيريون

يعني المسالة مش بأيد الوكيل وهو مش هيخسر شئ يعني

وعالعموم اللون الأزرق بتاع التيريوس بصراحه خطير وبيعجبني جدا

[OlaOsman]

بس مش ملاحظين يا جماعة ان بأه اللي يحجز السيريون بيستنى شهر على ما يستلمها؟ انا فاكرة اول ما سجلت في المنتدى كان الناس بتتكلم على استلام تاني يوم الحجز و حاجات غريبة كده

هل ده بسبب الإقبال المتزايد على شراء العربية و لا ايه؟

[أبو عبدالله]

هل ده بسبب الإقبال المتزايد على شراء العربية و لا ايه؟

أكيد انه فعلا بسبب الأقبال اللي عليها

[ows212]

هو النقطة دى صحيحة ... الفترة دى مافيش غير الموديل المانيوال وال1500 فقط وكمان مش كل الالوان .... بس حسب ما اتقللى فى التوكيل ان فى شحنة عربيات هاتييجى يوم 15/4 ...