حجزت السيريون بس سعرها زاد 1000 جنيه ,استفسار مهم

[m10_10]

بالنسبه للاستلام بعد فترة بيكون عشان الالوان اللي بتنزل ممكن لون معين يبقي عليه اقبال والتاني لا فعشان كدة بستني الدفعه اللي بعدها...

انا عن نفسي استلمت تاني يوم عشان اخترت اللون الشامبين وكان موجود...

تاني حاجه ان كل شهر بتنزل دفعه جديدة بتنزل تقريبا يوم 12 - 15 من كل شهر وبيكون عندهم علم بالالوان اللي هاتيجي... بس بيعرفو الدفعه اللي جايه فيها الوان كذا وكذا...

بس مابيبقوش عارفين الدفعه اللي بعد اللي جايه فيها الوان ايه...

يعني لو احنا في شهر اربعه بيعرفو دفعه شهر خمسه لكن مابيبقوش عارفين دفعه شهر 6..

[amrosh]

لو فى ورق مكتوب او مثبت فيه السعر القديم, عند الحجز للسيارة ساعتها من حقك يلتزموا به

مش عارف بقى لو مفيش يبقى ايه الحل ساعتها, بس فى وكلاء كتير عملوا الحركة دى مؤخرا, و اخرهم وكيل هوندا مع السيفيك, زودها 3100

شكرا على الرد يا باشا
هوه فعلا مافيش ورقه
بس انا اخدتها بالسعر القديم لانى اصلا كنت منزل فيها 1000 جنيه
والحمد لله

[amrosh]

اعتقد علي حسب كلام التوكيل ليا وانا باحجز عربيه اختي ان لو حتى زاد سعر العربيه مليون جنيه هاخدها بالسعر اللي انا حاجز بية...

والله اعلم...

راجع اللينك دة
http://www.nilemotors.net/Nile/showthread.php?t=19685

شكرا على الرد المفيد

[amrosh]

لا طبعا متدفعشي
لأنك حاجز العربيه وهيا كانت موجوده
الكلام ده لو حجزت وبعدين بعتوا يجيبوا لك فلقوا زياده

ساعتها مش بيبقى بأيديهم

بصراحه لما حجزت العربيه ما كانتشموجوده لانى طلبت اللون النبيتى و هو قاللى لو لون تانى انا كنت جبتهولك على طول بس النبيتى الطلب عليه كتير و هاستنى شويه .
و انا خدتها بالسعر القديم لانى اصلا كنت منزل فيها 1000 جنيه
و على العموم شكرا جزيلا لحضرتك على ردك الكريم
وعايز اقول ان حضرتك من اهم اسباب اقتناعى بالسيريون و شرائى لها

[amrosh]

ما تدفعش لانى انا كمان حاجز التريوس من الشهر الماضى ودافع 1000
وقالو لى مؤاخرا انى باخد السيارة بالسعر القديم 139 الف موش 40 الف كما هو الان
بس يجيبوها ما هو انا كمان منتظر اللون الازرق وقالو ادفع دفعنا وجينا نستلم بعد شهر قالو ... معلش اصلو الازرق موش هتيجى مصر تانى ... قولنا خلاص نخش على اللون الفضى ... قالو الشهر الجاى برضه لان اللى عايزها فيها اير باج واية بى اس يا مسهل
ومبروك عليك مقدما سيارتك يا ملك ربنا يباركلك فيها ان شاء الله

شكرا يا باشا على ردك و ذوقك
و عقبال ما تستلم التيريوس قريب ان شاء الله
وربنا يباركلك فيها و يعطيك خيرها و يكفيك شرها

[amrosh]

ربنا يبارك لك فيها إن شاء الله و يمنع عنك أي سوء. :):):):)

شكرا على ذوقك يا باشا
و عقبال ما نباركلك على ال gen 2 قريب باذن الله

[أبو عبدالله]

ما تدفعش لانى انا كمان حاجز التريوس من الشهر الماضى ودافع 1000
وقالو لى مؤاخرا انى باخد السيارة بالسعر القديم 139 الف موش 40 الف كما هو الان
بس يجيبوها ما هو انا كمان منتظر اللون الازرق وقالو ادفع دفعنا وجينا نستلم بعد شهر قالو ... معلش اصلو الازرق موش هتيجى مصر تانى ... قولنا خلاص نخش على اللون الفضى ... قالو الشهر الجاى برضه لان اللى عايزها فيها اير باج واية بى اس يا مسهل
ومبروك عليك مقدما سيارتك يا ملك ربنا يباركلك فيها ان شاء الله

على فكره اللون الأزرق موجود بفرع المصرية للسيارات في المنصورة وكاملة
لو تحب
انا شوفتها بقولت لما اقولك يمكن يهمك اللون
هو بصراحه بيعجبني جدا اللون ده