استفسارات عن سيريون 1300 مانوال

[MoToRiZeR]

زي ما قال رامي بالزبط يا علا .. بيحسب عدد لفات الموتور
السيريون Glx ال 1500 و ال 1300 اللي كان بينزل في 2007 و هيرجع ينزل كمان فترة فيهم الكاسيت الأصلي للعربية مش زي موديلات Xl , Gl

[bmya]

اسف يا جماعه علي التاخير في الرد
طبعا شكرا لكل الي رد عليه
بس دلوقتي انا عايز اعرف ايه فرق 2007 عن 2008

وبرده ياريت حد يقولي لو عايز مانوال مين عنده مانوال جاهز من غير حجز

[معاذ الشرباصى]

فى عربيتين مانوال واحدة فضى و واحدة شامبين, استلام فورى

عند الوكيل بتاع المعادى

ده رقم المعرض: 0225200008

اسأل على استاذ احمد عبد الرؤف, و قول له انك من نايل موتورز

و هيعملك اللى انت عاوزه

[bmya]

شكرا يا معاذ باشا علي الرد
بس المعرض ده مكانه فين بالظبط في المعادي يواتري لو يوم الخميس هتبقي لسه موججودين ومفيش الوان تانيه اصل انا عايز اللون السماوي

[معاذ الشرباصى]

دى الالوان اللى عنده حاليا

هما بيشتغلوا من الاحد للخميس من الساعة 9ص - 9م

اتصل بيه و اسأل على السماوى

و على العموم لو عاوز مانوال اللون ده, فى دفعة هيبدأ تسليمها فى خلال اسبوعين

ممكن تستنى

[ara]

فيه كمان فرع فى احمد عرابى
انا سالت لحضرتك دلوقتى وقالو برضه فيه فضى و شامبين
رقمهم
33043036

[bmya]

شكرا ياباشا بجد ربنا يكرمكم زي منتم بتساعدونا
شريف

[bmya]

السلام عليكم
للاسف انا يا جماعه ملقيتش مانوال غير في القاهره وانا مش فاضي انزل
فحجزت اتوماتيك Gl
ياتري الاتوماتيك بتاعها حلو ولا ايه يعني اخباره ايه في الشد والسحب بتاعه حلو ولا ايه واستهلاكه في البنزين عامل ايه
وياتري التكييف بياثر علي العربيه ولا ايه
العربيه غلييت علي فكره بقيت مانوال 78500
اتوماتيك 83200

[MoToRiZeR]

غليت تاني !! يا خبر .. ده كدة داخلة في 3 الاف جنيه زيادة في سنة واحدة
بالنسبة للاوتوماتك 1300 ابو عبد الله هو اللي يقدر يفيدك في الموضوع لأنه معاه 1300 اوتوماتك و لكن قد يتأخر في الرد لأنه بيمر بظروف وفاة والده اسكنه الله فسيح جناته

و التكييف بيأثر سنة عالعربية كأي عربية يعني .. و لكن السحب برده بيبقي حلو و لكنه بيبقي ممتاااز و التكييف مقفول

نصيحة : لو انت بتاع شد و حرق هات مانيوال .. لو مش فاضي تنزل القاهرة فضي نفسك او استني اما تفضي .. هو الواحد بيشتري عربية كل اد ايه :)

و لكن عموما دي سيريون و دي سيريون و إن شاء الله تتبسط في اي من الخيارين

[aliabutaleb]

نصيبك يا علا بقى في غلو الأسعار ده
بس إنتي كدة كدة كنتي متوقعاه
قدر الله وماشاء فعل
ويا ترى ال 1300 GLX بقت بكام هي كمان؟

أخونا bmya
ألف مبروك مقدماً على العربية
وان شاء الله مش هاتندم أبداً سواء مانيوال او أوتوماتيك

[bmya]

شكرا ياجماعه لكل اللي رد عليه

انا ان شاء الله هستلمها يوم الاربع القادم وربنا يكرم
انا والله كان نفسي اجيبها مانوال بس المشكله اني م فاضي وزهقت من غير عربيه
كان الله في عون اللي بيركب مواصلات
وعشان كده قلت اريح دماغي بقه واجيب اتوماتيك خصوصا ان انا اصلا كل عربيه ركبتها كانت اتوماتيك بس كنت عايز اغير

[OlaOsman]

نصيبك يا علا بقى في غلو الأسعار ده
بس إنتي كدة كدة كنتي متوقعاه
قدر الله وماشاء فعل
ويا ترى ال 1300 GLX بقت بكام هي كمان؟

حلو أوي.. كده بأه بالنسبة لي الGLX إنننننننننننننسى يا عمرو

و الله لا حسد طبعا بالنوسبة للي حجزوا على السعر القديم :)

[معاذ الشرباصى]

1300 glx ب 88 الف

[معاذ الشرباصى]

على فكرة يا باشا

الدفعة الجديدة من العربيات وصلت, و التسليم فى القاهرة المفروض يبدأ على اخر الاسبوع كده

يعنى ممكن تخلى المعرض يجيبلك المانوال لو عاوز, و اللون اللى تحبه

[bmya]

والله يا معاذ باشا الوكيل بتاعها في المنصوره اللي هو اسمه نايل أوتو
بيقولي مينفعش انه يجبلي
وانا قلتله ان فيه في الوكيل اللي فرع المعادي وقلتله لو ينفع يبعت يجبلي منه قالي مش هينفع ؟!!!!