استفسارات عن سيريون 1300 مانوال

[bmya]

فعلا ياباشا عندك حق
بس زي ما قلت قبل كده انا مش هقارنها بحاجه غير بعربيتي القديمه
كانت لانسر 99 اتوماتيك وطبعا انت عارفالموديل ده من لانسر جاااااااامد
يارب ان شاء الله تطلع احسن منها

[ows212]

الف مبرووووك يا باشا على العربية ... عربية ممتازة ومش هاتندم باذن الله

بس المشكله الناس في مصر مش بيسكتو كل واحد يعد يقولك دي صغير خساره 83000

انا عندى ال 1500 سى سى ... كل ما كنت اقول لحد ب 90 الف يسكت كان فى صاعقة نزلت عليه ... مع ان لو قلت الرقم ده على لانسر فاضية هايقلولى عربية هايلة
.................هى دى ثقافة الشعب .........

[ows212]

يا باشا الناس في مصر بتقيس العربية بالمتر مش بالأداء بتاعها و امكانياتها و تصميمها
متسمعش كلام اللي يقولك دي صغيرة علي سعرها
انا شايفها احسن من عربيات كتير اكبر منها حجما في نفس الفئة السعرية
اضافة الي انها واسعة من جوة جدا اكتر من عربيات كتير سيدان !

يعني اللي بيتكلم مبيبقاش ركبها و بيفتي
و اما بيركبها بتعجبه و يغير رأيه

احسن حاجة تكبر دماغك و تستمتع بعربيتك و تدلعها و هي هتديك احلي شغل
الف مبروك يا باشا

هو ده الكلام الصح

[معاذ الشرباصى]

شريف باشا

مش هنقول مبروك و لا ايه؟

استلمت و لا لسه؟

[bmya]

السلام عليكم اسف يا جماعه اني بتاخ في الرد بس غصب عني والله

يا جماعه قولولي مبرووووك الحمد الله استلمتها الاربع
السياره لونها سماوي زي ما قلت قبل كده بس انا لسه ممشتش بيها غير 52 كيلو بسسسسسس وكمان مزودتش عن 90 كم/الساعه عشان التليين بس هي عربيه بصراحه ماشاء الله عليها تحففففه
وانا هعمل موضوع جديد عن رايي فيها

[MoToRiZeR]

تماااام الف مبروك يا باشا و ربنا يديك خيرها و يكفيك شرها
و شكل كدة من الانطباعات الأولي انها عجبتك

[bmya]

الحمد لله ياباشا هي حلوه بس اول حاجه زعلتني منها اوي لانها حاجه هايفه وموجوده في اي عربيه
هي لمبه التحذير بتاعت الابواب والشنطه اللي بتكون في التابلوه ولمبه حزام الامان
وكمان فيه صوت غريب كده لسه مش عارف هو ايه