أنا و السيريون 150000 كم من الحب والسعادة

[askoda]

بسم الله الرحمن الرحيم

كان يا مكان كان في ولد اسمه أحمد شاف بنوتة حلوة إلي اسمها سريون ومن ساعة لما شافها وحس بحاجة غريبة بتشدو ليها كل شوية عايز يشوفها ويروح يقف قدام بيتها وكل ميشوفها يتنح قدمها
طبعاً زي أي شاب لسة في مقتبل حياته فكر كتير في شريكة حياته اللي جاية وأخد رأي كل الناس اللي حواليه أهل وصحابو بس للأسف محدش شجعو إنو يروح ويطلب اديها غير خطيبته
المهم مطولش عليكم
أحمد عمل كل اللي ممكن يتعمل عشان ينول شرف إن يتقدم ويطلبها وفعلاً قدر أحمد إنو يدفع تمن دبلة الخطوبة 1000 جنيه ، طلب إن يشوفها على إنفراد وكانت واقفة في الباركينج إلي قدام المعرض راح وقف معاها و وعدها إنو هيعمل كل اللي ممكن يتعمل عشان ربنا يتملهم الموضوع على خير وحدد معاد الفرح بعدها بإسبوع بس المشكلة إن أحمد مكنش معاه المهر كلو اللي كان ساعتها 77000 جندي ، فضل أحمد يفكر ويدعي ربنا إنو يكرمو ويعرف يكمل المهر قبل إنقضاء الاسبوع وفعلاً ربنا كرموا وعرف يكمل المهر واستلم العروسة يوم 18-03-2008 من معرض مدينة نصر

ومن هنا بدأت رحلة أحمد مع السريون وال-150000 كم من السعادة والحب

........في الحلقة القادمة بداية الرحلة وأول مشكلة وازاي عرف أحمد يحتوي العلاقة

[Imhotep]

ربنا يتمم لكم على خير :)

[mohamed_rhem]

انا ما شاء الله داخل علي 75.000 كم بسيريون 1

ربنا يباركلك ويباركلنا

[ZOoOoMA]

ههههههههههههههه عجبني قوي اسلوبك في طرح الموضوع ربنا يباركلك فيها و يديك خيرها و يكفيك شرها

[EslaM_NagY]

عقبال الاولاد ان شاء الله :d

[S O P H O S]

لا يا باشا لازم تكمل
الموضوع شكله رائع ونتمني متغبش فتكملة القصة
علشان مننساش الموضوع ..

[Hosaam]

عظمة . على عظمة . على عظمة ، الله يا خبر هييه وبعدين .

[askoda]

أولاً شكراً لكل الناس إلي ردت عليا
ثانياً نكمل بقى

أحمد طبعاً كان طاير من الفرحة وهوا مروح بالعروسة الجديدة على البيت وهيا مشية كدة واثقة من نفسها و كل الناس إلي كانو مش موافقين انبهروا لما شافوها وجربوا يقعدوا معها بس طبعاً مش على إنفرد لأن أحمد مكنش سايب حد يقرب لها خالص وكل يوم يحمييها بنفسو عشان معندناش سريون تتكشف على رجاله غرب

بس يا خسارة فرحتهم مطولتش كتير لأن العروسة إتخبتط بعد 15 يوم بس على كوبري 6 أكتوبر ورجعت تاني على بيت أبوها وهي مروحة في السكة كمان ودانها اليمين اتكسرت ...إلي هيا المرايا

المشكلة إن أحمد كان فرحوا كان فاضل عليه 15 يوم بس على خطبتو الحقيقية إلي كانت السببب في إن أحمد والسريون يرتبطوا بعض من الأول والسريون كانت وعدتها انها في المقابل هتبقى معاها يوم الفرح

طبعاً أحمد مسكتش وراح مع السريون على بيت أبوها عشان يطلب منهم انهم يخلو بالهم منها كويس ويرجعهالو في أقرب وقت

وفي اليوم الموعود كانت العروسة السريون جاهزة عشان تزف أحمد ومراتو وتكون جمبهم وسند لهم في بداية الحياه الجديدة في التجمع الخامس إلي كان عايشين فيه لوحدهم تماماً

وبكدة تبقى حكاية السريون الأولى في حياة أحمد في نصها الحلقة إلي جية نكمل مع بعض ازاي انتهت العلاقة إلي كان كلها حب ومودة وإيه السبب إلي خلا أحمد يسيب حببتو السريون

[mohamed_rhem]

جااااااااااااااااااااااااااااامد موووووووووووووووووت في انتظار باقي الحلقات

[EslaM_NagY]

لالالالالالالالالالالالالالالالالالالالالالالالالا لالا متقولش اتطلقتواااااا دا انا اموت فيهاااااا

[Imhotep]

:b4_592:

أحمد طبعاً كان طاير من الفرحة وهوا مروح بالعروسة الجديدة على البيت وهيا مشية كدة واثقة من نفسها و كل الناس إلي كانو مش موافقين انبهروا لما شافوها وجربوا يقعدوا معها بس طبعاً مش على إنفرد لأن أحمد مكنش سايب حد يقرب لها خالص وكل يوم يحمييها بنفسو عشان معندناش سريون تتكشف على رجاله غرب

بس يا خسارة فرحتهم مطولتش كتير لأن العروسة إتخبتط بعد 15 يوم بس على كوبري 6 أكتوبر ورجعت تاني على بيت أبوها وهي مروحة في السكة كمان ودانها اليمين اتكسرت ...إلي هيا المرايا

المشكلة إن أحمد كان فرحوا كان فاضل عليه 15 يوم بس على خطبتو الحقيقية إلي كانت السببب في إن أحمد والسريون يرتبطوا بعض من الأول والسريون كانت وعدتها انها في المقابل هتبقى معاها يوم الفرح

:_alshmokh11:

هههههههههههه...... مراتك الاولانية قفشت عليك لما عرفت انك هتجيبلها ضرة فقالت تلاعبك و تشغلك بيها شوية هههههههههه

[askoda]

هههههههههههه...... مراتك الاولانية قفشت عليك لما عرفت انك هتجيبلها ضرة فقالت تلاعبك و تشغلك بيها شوية هههههههههه

ههههههههههههههههههههههههههههه جامد الاستنتاج دة تصدق أول مرة ييجي فبالي

[Imhotep]

ههههههههههههههههههههههههههههه جامد الاستنتاج دة تصدق أول مرة ييجي فبالي

مالهاش تفسير تانى يا جوز الاتنين :)

[eng_maged]

متابع

[bmya]

اخيررررررررررا يا احمد كتبته استمر يا معلم
:))