مساعدة فى تغيير كوبلن سيريون ٢٠٠٨

[ows212]

السلام عليكم يا جماعة
عندى مشكلة فى العربية وهو صوت طقطقة لما بالف العربية يمين وهى ماشية ... هل ده كوبلن يمين واذا كان
هل فى نصيحة من حضراتكم اغيره فين وايه سعره ﻷن سمعت انه سعره فى التوكيل معدى ٣٠٠٠ جنيه
ولو الكوبلن ماتغيرش هل فى مشكلة غير الصوت ... ﻷنى متكيف مع كل اصوات السيريون من ساعة ما اشتريتها بما فيها
علبة الدريكسيون وشكرا

[bmya]

هي عربيه حضرتك ماشيه كام الف ؟
تاني حاجه انت بتسمع الصوت ده وانت بتلف بالعربيه يوتيرن يعني ولا وانت واقف وبتجيب الدركسيون يمين وشمال ؟

[mokem]

qeq

[ows212]

هي عربيه حضرتك ماشيه كام الف ؟
تاني حاجه انت بتسمع الصوت ده وانت بتلف بالعربيه يوتيرن يعني ولا وانت واقف وبتجيب الدركسيون يمين وشمال ؟

العربية عاملة ٨٤ الف كيلو الصوت بيكون والعربية ماشية لما باخد يو تيرن شمال او اكسر الدركسيون شمال جامد

[bmya]

يعني صوت متكركر تك تك تك تك تك لحد ما الدركسيون يتعدل ؟
لو كده يبق كبالن فعلا بس لازم تروح لعفشجي يكشفلك كويس وفوكك من التوكيل شوفوا بره اكيد ارخص عند جابر او العالميه

[ows212]

يعني صوت متكركر تك تك تك تك تك لحد ما الدركسيون يتعدل ؟
لو كده يبق كبالن فعلا بس لازم تروح لعفشجي يكشفلك كويس وفوكك من التوكيل شوفوا بره اكيد ارخص عند جابر او العالميه

معلش فين جابر وفين العالمية ؟؟؟
وهل عند حضرتك فكرة التكلفة فى حدود كام

[bmya]

محمد جابر والعالميه في شارع دمشق هما الاتنين قدام بعض دول بيبيعوا جديد مش استيراد وعندهم اصلي وتابواني لكن اسعار معرفش ولهم فرع تاني في الحرفيين ومحمد جابر لهم فرع في شارع الطيران ده قم العالميه 01064444486

[ows212]

شكرا على المعلومة واﻷهتمام
فى معلومة جديدة الصوت بيظهر معايا لما اكون ماشى على طريق غير ممهد ... زلط .. مطبات .. نقر بس لو ماشى على طريق اسفلت الصوت مابيظهرش .... هل ده ممكن يغير فكرة انها كوبلن

[mohamed_rhem]

هل من جديد ؟

[ows212]

هل من جديد ؟

مافيش جديد الوضع على ما هو عليه ... انا نازل التوكيل بعد يومين اعمل صيانة ٨٠ الف وهاشوفها كوبلن ولا علبة دريكسيون

[mohamed_rhem]

ربنا يكرم وتطلع حاجه سهلة ان شاء الله

[ows212]

ربنا يكرم وتطلع حاجه سهلة ان شاء الله

ان شاء الله تكون حاجة بسيطة وشكرا على الاهتمام

[mido elsakkar]

متابع

[aliabutaleb]

ابقى شوف موضوعي ده يمكن ردود الشباب تفيدك

http://www.nilemotors.net/Nile/396431-a.html