نصيحة بخصوص موتور شاريد اتوماتيك 1990

[medo5th]

ياشباب ربنا يجازيكم خير حد يقولى قطع غيارها موجوده ولالا عشان انا ناوى اجيب واحده ان شاء الله وحاله الفتيس الاوتوماتك معاكم ولا اخلينى فى المانوال ؟؟

هااااات ياباشا و الله عربية ممتازة بس مش كل قطع الغيار هاتلاقيها جنبك
بالنسبة للفتيس مش بطال و حلو على 1000 سى سى
فيه حاجات كنت لازم اجيبها م الوكاله
انا جبت من هناك مارش 400 ج
قاعدة موتور خلفى ... دى اساسا مش موجودة و نادرة جداااا جبتها 270 ج و اغلى حاجة فيها هما المساعدين اللى قدام
و ممكن تركبهم تايوانى او صينى بس اليابانى ركب و انسى طبعا

[medo5th]

فلتر تويوتا اى موديل والا ايه ؟؟؟ يعنى اقول للبائع ادينى فلتر زيت تويوتا فقط ؟؟؟ارجو التوضيح لىهمية وشكرا على المعلومة ربنا يبارك فيك

انا روحت عند واحد بتاع قطع غيار عااادى جدا
قولتله عايز فلتر زيت شاريد 90 ادانى فلتر اندونيسى و هو كان كاتب عليه بالقلم ( تويوتا ) سالته هو دا يمشى ع الاتنين قالى اه و لما روحت اغير الزيت ف المشحمة الراجل سألنى انت جبت معاك فلتر ليه دا عندنا منه ... يعنى هو موجود ومفيهوش مشكلة
بالنسبة لموضوع تويوتا دا
حصل ماعيا و انا بصلح الكربرارتير و الراجل فحصه و كتب على الايصال تويوتا فا شكل كدا فيه حاجات كتير مشتركة و شبه بعض ع الاقل ف التصنيع

[sohbamody]

تسلمو يارجاله على الردود

انا فعلا حبيت العربيه دى ومن متابعتى للمنتدى بقالى فتره باخد بالى انها موجوده فى الشارع صحيح مش منتشره اوى بس موجوده وليها زباين كتير وباذن الله قطع غيارها متوفره بناء على كلام اغلب الاعضاء وانا عشان من القاهره اصلا شغلى جنب الحرفيين وانا من فيصل فسهل اروح عند نوح او زيدان والحاج سيد الفراش

فأنا هتوكل على الله واشترى واحده خصوصا ان الميزانيه على القد شويه
دعواتكم ليا ياشباب الاقى واحده بحاله كويسه

[medo5th]

تسلمو يارجاله على الردود

انا فعلا حبيت العربيه دى ومن متابعتى للمنتدى بقالى فتره باخد بالى انها موجوده فى الشارع صحيح مش منتشره اوى بس موجوده وليها زباين كتير وباذن الله قطع غيارها متوفره بناء على كلام اغلب الاعضاء وانا عشان من القاهره اصلا شغلى جنب الحرفيين وانا من فيصل فسهل اروح عند نوح او زيدان والحاج سيد الفراش

فأنا هتوكل على الله واشترى واحده خصوصا ان الميزانيه على القد شويه
دعواتكم ليا ياشباب الاقى واحده بحاله كويسه

تلاقى ان شاء الله
انما كويسة دى بقى محتاااااجة تركيز
بالله عليك يا شيخ ابوس ايديك و رجليك متجبش اى حد فتااى علشان متلبسش زيى
اهم حاجة ترفع العربية ف بنزينة كأنها هاتتغسل علشان تعرف ايه الاخبار و حالتها من تحت
و الله العظيم انا لو صورتلك الحوض عندى هاتقول العربية دى موديل 2000 مش 90 ممتاااااز
بس لو نزلت لحد تحت العربية ... اعوذ بالله ..نيله
بس انا راضى و الحمد لله
المهم انت خد بالك و انت بتشترى

[sohbamody]

بص يا كبيرنا ابعتلى رقمك على الخاص

انا فعلا قدامى كام واحده وكنت عايز اخد نصيحتك وبالمره اول مخلص فيها ان شاء الله اجى معاك اظبط الى محتاج تظبيط عندى

انا قدامى 2 واحده 1000 وشكلها عايزه شغل كتير وواحده تانيه 1300
انا بصراحه اهم حاجه يكون ماتورها بفتيسه سليم عشان الاوتوماتك قديم وكده طبعا والباقى امره سهل
حسب السعر المعروض برده بس فى فرق فى الاتنين فكنت عايز مشورتك
ولو تعرف ميكانيكى كويس من الى انت روحتله قلى اخده معايا بس يكون شغال فى الدايهاتسو
شاريد عشان ميتكررش الى حصل معاك ان شاء الله
منتظر ردك ياريسنا وبكرر شكرى لكل الاعضائ الى حببونى فى العربيه دى قبل مشتريها وانا نويت بسببهم ان شاء الله ربنا يجازيهم خير ويديهم خيرها ويكفيهم شرها اللهم امين

[medo5th]

بص يا كبيرنا ابعتلى رقمك على الخاص

انا فعلا قدامى كام واحده وكنت عايز اخد نصيحتك وبالمره اول مخلص فيها ان شاء الله اجى معاك اظبط الى محتاج تظبيط عندى

انا قدامى 2 واحده 1000 وشكلها عايزه شغل كتير وواحده تانيه 1300
انا بصراحه اهم حاجه يكون ماتورها بفتيسه سليم عشان الاوتوماتك قديم وكده طبعا والباقى امره سهل
حسب السعر المعروض برده بس فى فرق فى الاتنين فكنت عايز مشورتك
ولو تعرف ميكانيكى كويس من الى انت روحتله قلى اخده معايا بس يكون شغال فى الدايهاتسو
شاريد عشان ميتكررش الى حصل معاك ان شاء الله
منتظر ردك ياريسنا وبكرر شكرى لكل الاعضائ الى حببونى فى العربيه دى قبل مشتريها وانا نويت بسببهم ان شاء الله ربنا يجازيهم خير ويديهم خيرها ويكفيهم شرها اللهم امين

دا رقمى

01154258585

جرب تكلمنى لو لاقيته مقفول كلمنى بعد 7 علشان المكان اللى انا فيه مفيهوش شبكة للاسف
فى انتظار مكالمتك

[geo_yacoub]

الفلتر هو كان مكتوب عليه تويوتا والراجل اللي بيغير الزيت هو اللي حطه واول مره غيرت فلتر استغربت برضه كده وسألته هيمشي عليه ، قالي ياباشا الاتنين واحد مش اول عربيه شاريد اغيرلها فلتر :d

[upaupa]

الفلتر هو كان مكتوب عليه تويوتا والراجل اللي بيغير الزيت هو اللي حطه واول مره غيرت فلتر استغربت برضه كده وسألته هيمشي عليه ، قالي ياباشا الاتنين واحد مش اول عربيه شاريد اغيرلها فلتر :d

اشكرك يا اخى وتقبل تحياتى

[sohbamody]

طب تمام كده اوى يعنى اغلب قطع غيارها تويوتا ههههههههههههه
ربنا يخليلنا اليابان

[sohbamody]

ياجماعه محصلش نصيب فى العربيه الى شوفتها
انا بدور على واحده اوتوماتك 1000 او 1300
لو فى حد قدامه واحده حالتها كويسه يبعتلى على الخاص

[medo5th]

ياجماعه محصلش نصيب فى العربيه الى شوفتها
انا بدور على واحده اوتوماتك 1000 او 1300
لو فى حد قدامه واحده حالتها كويسه يبعتلى على الخاص

ليه ايه اللى حصل ؟؟ انا حاولت اكلمك علشان اعرف