اول ميعاد فى صيانة التوكيل بعد شهر ونص!!!!

[AhmedElsayed]

انا خلاص قرفت من التوكيل ده
كل الناس بتشكر فى دايهاتسو وتوكيل محترم
لكن انى اتصل احجز صيانة يقولى بعد شهر ونص !!!!!!!!!!!ده بقى كلام غير مقبول
فى الصيف كان الحجز بعد 3 اسابيع وقالولنا علشان ضغط الصيف والسفر
طيب ايه المشكلة دلوقتى، ودى صيانة دورية، طيب لاقدر الله لو واحد عنده مشكلة جامدة فى العربية يقعد بيها شهرين؟!!!!!!!!

ياريت ياريت محدش يجبلى سيرة ابو رواش وانه خلاص حيتفتح لان دى سورى بقت اسطوانة مشروخة ملهاش اى قيمة عندى


انا لو مسئول فى البلد دى اوقف استيرادهم لاى عربية لغاية لما يقدروا يعملوا صيانة للى موجود عندهم
ساعتها ابوراوش ده حيخلص هوا، لكن دلوقتى هما معندهومش مشكلة وعادى فى ساعة بريك فى النص واجازة جمعة مفيش مشكلة

لو انا توكيل فعلا مهتم بالناس كنت زودت ساعات العمل ولغيت اجازة الجمعة لان الضغط يبقى على الموظفين مش على العملا اللى ملهمش ذنب


انا كلمت جهاز المستهلك النهاردة وقالولى ممكن يتحركوا فيها لان فيها ضرر على المستهلكين وحبعتلهم كل الورق علشان تبقى شكوى رسمية

ياريت ياجماعة نتحرك وتقدموا اكتر من شكوى لحماية المستهلك علشان متبقاش شكوى وحيدة

ومنبقاش متعاطفين مع التوكيل اوى كده لان ده بقى استهبال زيادة عن اللزوم

[AhmedElsayed]

انا عارف ان ناس كتير حتدخل تهتف للتوكيل دلوقتى وتقولى متشوف التوكيلات التانية بتعمل ايه (كان المفروض اننا نفضل نقبل اوضاع غلط ومنطالبش بحقوقنا)

لكن ادى لينك لتقديم شكاوى حماية المستهلك الكترونيا للى عايز يشارك

http://www.cpa.gov.eg/ComplaintForm.aspx

[Sharky]

أولا أحييك على موقفك الإيجابى
ثانيا ربنا يعينك و تحل مشكلة تأخر حجز الصيانة فى توكيل دايهاتسو

[aliabutaleb]

بجد إحنا لينا الجنة من اللي بنشوفه في المواعيد

[AhmedElsayed]

يا اخ على

مهو بصراحة التوكيل ليه حق يعمل كده
مدام احنا ساكتين

حد يقولى كده ابو رواوش ده بتسمعوا عنه من امتى
انا سمعت الف مرة انه حيخلص سبتمبر 2007!!!!!! يعنى بقالنا 14 شهر مخلصش
طيب وحتى لما يخلص حيفرق اد ايه على حجم المبيعات الحالى؟
يعنى المواعيد حتبقى بعد 3 اسابيع بس مش بعد شهر ونص؟
وكده نبوس ايدينا وش وضهر ونفرح نقول الحمد لله اهو احسن من توكيلات تانية كتير!!!!!!!!!!1

غير كده مش راضى يفتح مراكز معتمدة وسايبنا نضرب دماغنا فى الحيط
مرة تانية لا قدر الله لو واحد عنده مشكلة خطيرة فى العربية، مطلوب منه يستنى شهر ونص علشان يرضوا يكشفوا على العربية؟ مش يصلحوها لا بس علشان يستقبلوها

وطبعا لو عملنا حاجة بره التوكيل يبقى علطول نسمع حتطلع من الضمان

[aliabutaleb]

حد يقولى كده ابو رواوش ده بتسمعوا عنه من امتى
انا سمعت الف مرة انه حيخلص سبتمبر 2007!!!!!! يعنى بقالنا 14 شهر مخلصش

أنا شخصياً كنت حاسبها على أول شئ اتقال وكنت فاكر اني هاعمل صيانة الـألف في أبو رواش
أيامها الواحد كان متفااائل أوي
ولو ربنا مد في عمري ل يوم 15/11 هاعمل صيانة الـ 15 ألف برضة في العبور
ويمكن أعمل كمان صيانة الـ 35 هناك

[OlaOsman]

ده انا على كده لازم أحجز صيانة الألف من دلوقتي.

حد معاه رقم التوكيل عشان حجز الصيانة و يقول لي أعمل ايه بالظبط؟

[Hassan Khalil]

ده انا على كده لازم أحجز صيانة الألف من دلوقتي.

حد معاه رقم التوكيل عشان حجز الصيانة و يقول لي أعمل ايه بالظبط؟

الف ايييييييييه ؟؟؟؟:k20::k20:
انتي لسه معملتيش الف كيلو لحد دلوقتي يا علا !!!!!!!!!!

[OlaOsman]

الف ايييييييييه ؟؟؟؟:k20::k20:
انتي لسه معملتيش الف كيلو لحد دلوقتي يا علا !!!!!!!!!!

ههههههههههههه كنت عارفة ان أكيد حد هايعلق يقول كده

لأ و كمان لسه هاحجز الصيانة عشان لو المعاد بعد شهر و لا شهر و نص هايبقى يادوب

[Sharky]

ربنا يبارك لكى فيها يا علا

[Hassan Khalil]

ربنا يبارك لك فيها يا علا ...
......
و يباركلها فيكي :)

[OlaOsman]

ربنا يبارك لكى فيها يا علا

ربنا يكرمك يا شاركي :)

[OlaOsman]

ربنا يبارك لك فيها يا علا ...
......
و يباركلها فيكي :)

جديدة و يباركلها فيكي دي :)

بس حلوة برضه :)

جزاك الله خيرا يا حسن

[ضيف]

انا خلاص قرفت من التوكيل ده
كل الناس بتشكر فى دايهاتسو وتوكيل محترم
لكن انى اتصل احجز صيانة يقولى بعد شهر ونص !!!!!!!!!!!ده بقى كلام غير مقبول
فى الصيف كان الحجز بعد 3 اسابيع وقالولنا علشان ضغط الصيف والسفر
طيب ايه المشكلة دلوقتى، ودى صيانة دورية، طيب لاقدر الله لو واحد عنده مشكلة جامدة فى العربية يقعد بيها شهرين؟!!!!!!!!

ياريت ياريت محدش يجبلى سيرة ابو رواش وانه خلاص حيتفتح لان دى سورى بقت اسطوانة مشروخة ملهاش اى قيمة عندى


انا لو مسئول فى البلد دى اوقف استيرادهم لاى عربية لغاية لما يقدروا يعملوا صيانة للى موجود عندهم
ساعتها ابوراوش ده حيخلص هوا، لكن دلوقتى هما معندهومش مشكلة وعادى فى ساعة بريك فى النص واجازة جمعة مفيش مشكلة

لو انا توكيل فعلا مهتم بالناس كنت زودت ساعات العمل ولغيت اجازة الجمعة لان الضغط يبقى على الموظفين مش على العملا اللى ملهمش ذنب


انا كلمت جهاز المستهلك النهاردة وقالولى ممكن يتحركوا فيها لان فيها ضرر على المستهلكين وحبعتلهم كل الورق علشان تبقى شكوى رسمية

ياريت ياجماعة نتحرك وتقدموا اكتر من شكوى لحماية المستهلك علشان متبقاش شكوى وحيدة

ومنبقاش متعاطفين مع التوكيل اوى كده لان ده بقى استهبال زيادة عن اللزوم

أرجو قراءة تعليق الزميل الفاضل (أبو عبد الله) قريبا.

[أبو عبدالله]

تعليقي ليه ؟؟؟

ولا يهمك تعليقي ان الموضوع ان الزيون دائما على حق

يعني المفروض انهم طبعا يراعو مسألة التأخير على مالكي العربيه
وليس لهم عذر في ذلك لأسباب كتير

ولكن المشكلة ان المسالة دي اصلا من قبل ما نتلكم فيها احنا اكيد هما مش هبل او مستبيعين علشان يخلوا الناس تزهق منهم كده علشان حاجه زي كده

لأن انا شوفت فيهم انهم بيحترموا العميل جدا
خصوصا انهم لسه جداد في السوق
ولسه برضه متحكموش في السوق علشان يعمله اللي هما عاوزينه

وعلشان كده انا مستغرب جدا من الموضوع وده ومش لاقيله تفسير