اول ميعاد فى صيانة التوكيل بعد شهر ونص!!!!

[ضيف]

تعليقي ليه ؟؟؟

ولا يهمك تعليقي ان الموضوع ان الزيون دائما على حق

يعني المفروض انهم طبعا يراعو مسألة التأخير على مالكي العربيه
وليس لهم عذر في ذلك لأسباب كتير

ولكن المشكلة ان المسالة دي اصلا من قبل ما نتلكم فيها احنا اكيد هما مش هبل او مستبيعين علشان يخلوا الناس تزهق منهم كده علشان حاجه زي كده

لأن انا شوفت فيهم انهم بيحترموا العميل جدا
خصوصا انهم لسه جداد في السوق
ولسه برضه متحكموش في السوق علشان يعمله اللي هما عاوزينه

وعلشان كده انا مستغرب جدا من الموضوع وده ومش لاقيله تفسير

كذلك توكيل رينو غير متحكم بالسوق و لكن لم أقابل مشكلة مماثلة.

[AhmedElsayed]

معلش يا جماعة الله يخليكم احنا مش عايزين ندخل فى مقارنة بين توكيلات
احنا اللى بنتكلم فيه مشكلة عامة بتواجهنا فى كل حاجة وهو ببساطة ان مفيش احترام لحقوق الناس

وهما مش هبل فعلا يااخ عبدالله لكن ببساطة ايه اللى حيخليهم يستعجلوا فى ابو رواش مدام الناس راضية وساكتة والمبيعات شغالة عادى

والدليل على كده انهم بيعملوا اعلانات فى التلفزيون وكان معندهمش اى مشاكل فى الصيانة

لكن لو كانوا اتشكوا فى موضوع المبيعات او كان فى الزام قانونى عليهم ان لازم عدد معين من مراكز الصيانة يكون مفتوح ومتقدرش تبيع الا لما تبقى مراكز الصيانة مقضية العملاء كان زمان ابو رواش اتفتح

على كده بقى ممكن نلاقى واحد فاتح توكيال من غير مركز صيانة اصلا والناس تضرب دماعها فى الحيط

ومبحبش النغمة دى لكن مضطر اقول هو فى توكيل محترم ولا مش محترم يعمل كده فى اى دولة محترمة

[ضيف]

شكرا للرد الواعي و الرصين.
أعتقد بداية تلافي تلك المشاكل بصفة عامة مثلث أضلاعه:
1-رقابة صارمة من الجهات المختصة على الوكيل الرسمي (مهما كانت شخصيته).
2-إلتزام الوكيل أمام تلك الجهات (إلتزام فعلي).
3-أخيرا و مهم جدا قيام العميل بتحديث ثقافته العملية عن ماركة السيارة المقبل على شرائها إذا كانت تلبي إحتياجاته و بنفس الأهمية زيارة مركز/مراكز الخدمة و متابعة مجريات الأمور جيدا حتى لا يفاجأ بما لا يرضيه لاحقا.
أرجو أن أكون أفدت.
شكرا.

[معاذ الشرباصى]

انا عارف ان ناس كتير حتدخل تهتف للتوكيل دلوقتى وتقولى متشوف التوكيلات التانية بتعمل ايه (كان المفروض اننا نفضل نقبل اوضاع غلط ومنطالبش بحقوقنا)

لكن ادى لينك لتقديم شكاوى حماية المستهلك الكترونيا للى عايز يشارك
http://www.cpa.gov.eg/ComplaintForm.aspx

استاذ احمد

اولا حضرتك لك كل الحق انك تضايق من اللى حصل, لأنه شىء مستفز

بس اعيب على حضرتك الجملة اللى محطوط تحتها خط, لأن الحمد لله مفيش حد هنا بيهلل للتوكيل, و لا بيجامل, مكن تقول بيلتمس لهم العذر زيادة

يعنى لما يكون فى موقف ايجابى منهم, بنقوله, و لما يكون فى موقف سلبى بنذكره و ننتقده

بغض النظر

انا كان لى نفس الموقف, و قبل لما الجأ لجهاز حماية المستهلك, اللى هو الخيار الاخير بالنسبة لى

اتصلت بيهم على الكول سنتر فى قسم الشكاوى و الاقتراحات, و قلت لهم يا جماعة انا ميعادى يوم 23/11, و ده مستحيل لأن كده العربية هتكون عدت الكم المطلوب بكتير, و انا طالب ميعاد يوم كذا او كذا
و بالفعل 3 ايام و كان فى اتصال بيا و تحديد ميعاد فى الفترة اللى طلبتها

بعدها حصل ظرف عندى و مستحيل اروح فى اليوم ده, الو هو 9/11, كلمتهم تانى و قلت لهم انا طالب بتغيير الميعاد, و حصل فعلا و اخدت ميعاد تانى يوم 10/11

كل الاتصالات دى مع بتوع الكول سنتر, و الاتصال الاخير بمركز الخدمة مباشرة, مع الانسة اللى ماسكة الحجوزات, يعنى من غير واسطة او حاجة

هل حضرت جربت كده؟

حضرتك بتقول ان لو حد عنده مشكلة عويصة و محتاجة حل, هل لازم يستنى شهرين: طيب حضرتك معانا هنا عضوة عربيتهم كانت بايظة جامد بسبب مشكلة فى البنزين. راحوا التوكيل مباشرة من غير ميعاد اصلا, و وتم التعامل معهم فى احسن صورة, و الموضوع اتحل و الحمد لله
اتفضل: الموضوع المذكور


انا اقتراحى لحضرتك, اتصل بمركز الخدمة مباشرة, و اطلعهم على الوضع و اديهم مواعيد مقترحة, يعنى اكتر من اختيار لمواعيد و هما فعلا هيتجاوبوا

لو حضرتك شايف ان فى تقصير فعلا ساعتها يبقى ليك كل الحق فى اللى انت تعمله, و كلنا هنؤيدك ساعتها, او على الاقل انا بتكلم على نفسى

احنا امام امر واقع, هما بيحاولوا يتعاملوا معاه و فى نفس الوقت الحلول المتاحة مش هى الافضل. ممكن نتفاعل معاهم مباشرة بالاقتراحات بتاعتنا لتخطى الامر ده الى ان يفتتح مراكز صيانة اخرى: سواء بعمل فترتين عمل فى اليوم, او اتاحة يوم الجمعة او لو فى اقتراحات تانية

عن نفسى كل لما بروح و يبقى عندى اقتراح عن حاجة, او شكوى, بكتبها هناك فى الصندوق اللى موجود فى ساحة انتظار العملاء

يا ريت حضرتك تطلعنا على اخر التطورات, و ان شاء الله الموضوع يتحل بصورة ودية

[AhmedElsayed]

الاستاذ الفاضل معاذ
انا مبدورش على حل لمشكلتى
انا فعلا لما قلتلهم انى حشتكى اتصل بيا واحد فى نفس اليوم وجابلى ميعاد بعد يومين!!!!
وانا رفضت لان الموضوع مش موضوع انا عايز اخلص وادام خدت ميعاد يبقى خلاص المشكلة اتحات

موضوع ان فى حقوق لازم الناس كلها تاخدها مش علشان انا اتنرفزت عليهم او واحد تانى عنده واسطة او واحد ثالث ...الخ

وبعدين ازاى المواعيد دى بتبدا تظهر لما الناس تشتكى
طيب متظهر من الاول للى يتصل يحجز

معلش ياجماعة انا مش متعاطف مع التوكيل نهائيا ولا شايف انه بيحاول يتعامل مع الوضع
ولا شايف ان انا اللى المفروض ادور على مقترحات
هما خدوا وقتهم وزيادة جدا وبقالهم تقريبا 3 سنين فى السوق
3 سنين مش عارفين يحلوا مشكلة زى دى، ناهيك ان المفروض مكنش يتسمحلهم اصلا انهم يبدوا بمركز صيانة واحد

على فكرة ياجماعة ابو رواش اللى كلنا عايشين بنحلم بيها مش حتحل حاجة ولما يتفتح يحينا ويحيكم ربنا العدد اللى بيروح العبور حيتقسم على اتنين وبكده المواعيد بحتبقى عد شهر واحد بس مش شهر ونص، وكام شهر كمان ولا سنة حتى ومع المبيعات حنلاقى الفرعين الحجز فيهم بعد شهر ونص

[Abo_Lina]

ربنا معاكو و الي بتعملوه ده هايعمل قلق للتوكيل و يخليه يتحرك ..
انما السكوت و الذوق عمره ما يعمل حاجة في البلد دي

شهر و نص?
يقدر يعمل كده في السعوية?

جبتك يا عبد اللطيف تعني لقيتك يا عبد اللطيف عاوز تتعان

احييك يا استذ احمد السيد الي بتعمله ده اول الطريق الصح و ربنا معاك

[AhmedElsayed]

انما السكوت و الذوق عمره ما يعمل حاجة في البلد دي

شهر و نص?
يقدر يعمل كده في السعوية?

الله ينور عليك هو ده اللى بقوله بالظبط
يقدر يعمل كده فى حد غير المصريين
بالرغم من انه توكيل محترم وشغال فى اكتر من دولة لكن بس المصريين هما اللى اتعمل فيهم كده والموضوع شغال عادى ومفيش اى مشاكل

[أبو عبدالله]

الاستاذ الفاضل معاذ
انا مبدورش على حل لمشكلتى
انا فعلا لما قلتلهم انى حشتكى اتصل بيا واحد فى نفس اليوم وجابلى ميعاد بعد يومين!!!!
وانا رفضت لان الموضوع مش موضوع انا عايز اخلص وادام خدت ميعاد يبقى خلاص المشكلة اتحات

موضوع ان فى حقوق لازم الناس كلها تاخدها مش علشان انا اتنرفزت عليهم او واحد تانى عنده واسطة او واحد ثالث ...الخ

وبعدين ازاى المواعيد دى بتبدا تظهر لما الناس تشتكى
طيب متظهر من الاول للى يتصل يحجز

معلش ياجماعة انا مش متعاطف مع التوكيل نهائيا ولا شايف انه بيحاول يتعامل مع الوضع
ولا شايف ان انا اللى المفروض ادور على مقترحات
هما خدوا وقتهم وزيادة جدا وبقالهم تقريبا 3 سنين فى السوق
3 سنين مش عارفين يحلوا مشكلة زى دى، ناهيك ان المفروض مكنش يتسمحلهم اصلا انهم يبدوا بمركز صيانة واحد

على فكرة ياجماعة ابو رواش اللى كلنا عايشين بنحلم بيها مش حتحل حاجة ولما يتفتح يحينا ويحيكم ربنا العدد اللى بيروح العبور حيتقسم على اتنين وبكده المواعيد بحتبقى عد شهر واحد بس مش شهر ونص، وكام شهر كمان ولا سنة حتى ومع المبيعات حنلاقى الفرعين الحجز فيهم بعد شهر ونص

أستاذ احمد كلامك مظبوط ومفيش مشكلة
ولكن المشكلة ان الواحد لما بيقيس حاجه مش لازم من وجهة نظره تبقى صحيحه

يعني حضرتك لما قولتلهم انك هتشتكي ليه بتعتبرها انك هددتهم وعلشان كده اعطوك ميعاد جديد
ما يمكن حضرتك لو كنت عملت زي معاذ ما عمل بالظبط وقولتلهم ان الميعاد ده مش هينفع ومش مناسب
كانو ساعتها عملو نفس اللي عملوا برضه
ما هيا حصلت مع معاذ بالظبط

يعني ممكن يكون بيبقى في مواعيد احتياطي لمثل الحاجات دي
وده اللي واضح ليا


وبعدين موضوع ابو رواش ده اسمحلي اختلف في قياسك تماما لعدة اسباب
أولها ان حضرتك مركز صيانة ابو رواش
اكبر من بتاع العبور اضعاف

يعني مش هتبقى بالنص زي ما حضرتك حسيبها

ممكن اعرف موديل عربيتك ايه ولونها وحضرتك ميعاد صيانتك امتى بالظبط

[aliabutaleb]

يعني حضرتك لما قولتلهم انك هتشتكي ليه بتعتبرها انك هددتهم وعلشان كده اعطوك ميعاد جديد

باتفق معاك يابو عبد الله
تعليقاً على الجزء المقتبس
انا لما اشتكيت من بعد المعاد كلموني واعطوني المعاد اللي طلبته من غير ولا تهديد ولا حتى حدة في الكلام
انا مقتنع إن ممثل خدمة العملاء خصوصاً في دايهاتسو للأسف شاهد ما شافش حاجة وبالتالي مش باقسى عليه في كلام
أخذت عليهم تأخرهم في الرد على شكوتي كام يوم
بس في الآخر وللأمانة هما في الاخر اعطوني المعاد اللي انا طلبته

انا فاهم وجهة نظر أخينا أحمد
وعارف انه عاوز يقول ان فيه مشكلة مزمنة يجب أن يوجد لها حل
وإن الشكوى في التوكيل وتحديد معاد مش حل
وأظن معظمنا متفق معه في رأيه
بس هارجع وأقول بالرغم من إني باعاني معاناة شديدة من توكيل العبور لكن انا أكيد فيه ملابسات وتفاصيل مش ملم بيها مأخرة افتتاح أبو رواش لأن مش منطقي إن التوكيل شايف أد ايه هو بيخسر رصيد عند ملاك دايهاتسو وهو واقف موقف المتفرج
وبالتالي مش قدامي غير الانتظار
وإني أحاول أحجز معاد بدري بقدر الامكان مادامت هي صيانة دورية

سبب تاني لرد فعلي اللي أنا معترف إنه سلبي هو إني مقتنع إن الشكوى في حماية المستهلك وماشابه مش هاتقدم جديد ومش هاتحل مشكلة

[tamohsen]

علي فكره توكيل تويوتا كان عنده نفس المشكله
ولما خدمه العملاء كانوا بيتصلوا علشان يعملوا survey عن مستوي الخدمه
اشتكيت مرتين عن المشكله ديه
واقترحت انهم يزيدوا ساعات العمل لغايه 8 مساءا مثلا

الحقيقه بعد فتره فعلا استجابوا
وده خلي المواعيد مبقتش بعيده + إمكانيه الصيانه وسط الأسبوع بعد مواعيد شغلي من غير ما اضطر اخد إجازه أو اروح يوم السبت

[AhmedElsayed]

يا اخ عبد الله بصرف النظر عن كان تهديد ولا طلب ولا خلافه

النقطة ان مينفعش تطلب من كل الناس انهم لما يتصلوا ياخدوا ميعاد انهم يقولوا دورلنا على ميعاد قريب
طيب لو كل اللى فى نايل موتورز مثلا طلبوا ميعاد تانى حيجيبوا مواعيد احتياطى منين؟

والعملا اللى ميعرفوش حكاية ان حيبقى فى استجابة وفاكر ان المواعيد اللى بيخدها هى دى المواعيد فعلا يعمل ايه؟

معلش مفيش حاجة اسمها التمسلهم عذر لانى مش بتكلم على واحد كسر عليا فى الشارع وقالى معلش
انا بتكلم عن مؤسسة كبيرة عندها تخطيط وتنظيم لامورها وعارفة ان الصيانة مهمة زى التسويق
ممكن يتاخر شهر او شهرين او تلاتة نقول فعلا ظروف لكن كل الفترة دى معلش ميتقالش عليها ظروف
واذا مكنش عارف يحل مشاكله كل ده يبقى ميحملناش احنا يحاول يحل مشكلته بمليون حل
زى مقلنا يسمح بمراكز معتمدة زى متوكيلات كتيرة عاملة
يزود ساعات العمل اهو الاخ على بيقول تويوتا زودوا لغاية 8 مساء (اعتقد ان التوكيلين عبد اللطيف وفى نفس المنطقة علشان محدش يقول اصل العبور مينفعش نشتغل فيها بالليل)

يشتغلوا جمعة

يلغى ساعة البريك (حتفرق برده)

ادى مليون اقتراح اتقال ولا حد سال

خلاص يبقى احنا عملنا اللى علينا وادناله بدل الفرصة عشرة ومعملش حاجة
وشوفوا اذا مجاش شهر يناير ولا فبراير ولقيت الحجز بعد شهرين ونص

اما مركز حماية المستهلك فالحقيقة هو عمل شغل كتيرمع توكيلات كتير ووصل مع توكيلات انه اجبرهم يرجعوا ثمن العربية او بيدلوها بعربية جديدة ودى حاجة مش متعودين عليها فى مصر ابدا

والحقيقة الناس اهتموا وبيكلمونى يوميا تقريبا علشان يجمعوا كل البيانات والمستندات

فاهو تجربة نفعت اهلا وسهلا منفعتش ادينا عملنا اللى علينا وفهمنا الناس اللى فى التوكيل انكم فوقوا شوية علشان العملا بتوعكم ليهم حقوق

غير كده انا مش حقف عند حماية المستهلك وبس
لا حبدا ابعت للجرايد يعنى ملحق الاهرام، بريد الاهرام،.....الخ
وبكده التوكيل يتعلم ان الموضوع مش تسويق واعلانات ومبيعات كويسة وكده يبقى كله تمام
لا الموضوع انك عندك عميل بتحافظ عليه وبتخدمه بعد كده لان العميل ده هو اللى بيعملك تسويق سلبى او ايجابى ولان سمعتك كلها جاية من العميل ده

وفى الاخر الناس هنا المفروض متتضايقش من تصرفى ده
لانى اولا مش بتجنى عليهم ولا انا واحد مثلا مدسوس وبحاول ابوظ سمعة توكيل
ثانيا لان فى الاخر دى خطوة بتهدف لمصلحة كل الناس مش مصلحتى انا بس

[أبو عبدالله]

استاذ احمد السيد
مفيش حد زعلان ولا متضايق ان شاء الله
هو التوكيل مش بتاعنا
ومصلحة الجميع عندنا هيا اول اولوياتنا ان شاء الله
وعمرنا ما دافعنا عن حاجه ليست صحيحه

يعني لن نتحامل على احد على حساب اخر
لأنه مش بيأكلونا ولا بيشربونا وحتى لو كده صدقني انا اول واحد هقف امامهم برضه
وعلى فكره توكيل دايهاتسو غير عربيتين قبل كده لأصحابهم بدون الرجوع لحماية المستهلك ولا اي جهة تانيه
يعني عملوها من غير اي ضغط

هل ده بيدل انهم بيستهتروا بالناس

[Sharky]

يا اخ عبد الله بصرف النظر عن كان تهديد ولا طلب ولا خلافه

النقطة ان مينفعش تطلب من كل الناس انهم لما يتصلوا ياخدوا ميعاد انهم يقولوا دورلنا على ميعاد قريب
طيب لو كل اللى فى نايل موتورز مثلا طلبوا ميعاد تانى حيجيبوا مواعيد احتياطى منين؟

والعملا اللى ميعرفوش حكاية ان حيبقى فى استجابة وفاكر ان المواعيد اللى بيخدها هى دى المواعيد فعلا يعمل ايه؟

معلش مفيش حاجة اسمها التمسلهم عذر لانى مش بتكلم على واحد كسر عليا فى الشارع وقالى معلش
انا بتكلم عن مؤسسة كبيرة عندها تخطيط وتنظيم لامورها وعارفة ان الصيانة مهمة زى التسويق
ممكن يتاخر شهر او شهرين او تلاتة نقول فعلا ظروف لكن كل الفترة دى معلش ميتقالش عليها ظروف
واذا مكنش عارف يحل مشاكله كل ده يبقى ميحملناش احنا يحاول يحل مشكلته بمليون حل
زى مقلنا يسمح بمراكز معتمدة زى متوكيلات كتيرة عاملة
يزود ساعات العمل اهو الاخ على بيقول تويوتا زودوا لغاية 8 مساء (اعتقد ان التوكيلين عبد اللطيف وفى نفس المنطقة علشان محدش يقول اصل العبور مينفعش نشتغل فيها بالليل)

يشتغلوا جمعة

يلغى ساعة البريك (حتفرق برده)

ادى مليون اقتراح اتقال ولا حد سال

خلاص يبقى احنا عملنا اللى علينا وادناله بدل الفرصة عشرة ومعملش حاجة
وشوفوا اذا مجاش شهر يناير ولا فبراير ولقيت الحجز بعد شهرين ونص

اما مركز حماية المستهلك فالحقيقة هو عمل شغل كتيرمع توكيلات كتير ووصل مع توكيلات انه اجبرهم يرجعوا ثمن العربية او بيدلوها بعربية جديدة ودى حاجة مش متعودين عليها فى مصر ابدا

والحقيقة الناس اهتموا وبيكلمونى يوميا تقريبا علشان يجمعوا كل البيانات والمستندات

فاهو تجربة نفعت اهلا وسهلا منفعتش ادينا عملنا اللى علينا وفهمنا الناس اللى فى التوكيل انكم فوقوا شوية علشان العملا بتوعكم ليهم حقوق

غير كده انا مش حقف عند حماية المستهلك وبس
لا حبدا ابعت للجرايد يعنى ملحق الاهرام، بريد الاهرام،.....الخ
وبكده التوكيل يتعلم ان الموضوع مش تسويق واعلانات ومبيعات كويسة وكده يبقى كله تمام
لا الموضوع انك عندك عميل بتحافظ عليه وبتخدمه بعد كده لان العميل ده هو اللى بيعملك تسويق سلبى او ايجابى ولان سمعتك كلها جاية من العميل ده

وفى الاخر الناس هنا المفروض متتضايقش من تصرفى ده
لانى اولا مش بتجنى عليهم ولا انا واحد مثلا مدسوس وبحاول ابوظ سمعة توكيل
ثانيا لان فى الاخر دى خطوة بتهدف لمصلحة كل الناس مش مصلحتى انا بس

إنت صح و بتتكلم صح
ربنا يوفقك و تغير السلبيات إللى موجودة فى توكيل دايهاتسو

[معاذ الشرباصى]

اسمحلى هعلق على نقطة نقطة

النقطة ان مينفعش تطلب من كل الناس انهم لما يتصلوا ياخدوا ميعاد انهم يقولوا دورلنا على ميعاد قريب
طيب لو كل اللى فى نايل موتورز مثلا طلبوا ميعاد تانى حيجيبوا مواعيد احتياطى منين؟

والعملا اللى ميعرفوش حكاية ان حيبقى فى استجابة وفاكر ان المواعيد اللى بيخدها هى دى المواعيد فعلا يعمل ايه؟

اولا التوكيل حاليا بينصح الناس انها تحجز بدرى بسبب الضغط العالى فى المواعيد.

حضرتك اللى ليك انك لما تتصل و يبقى عندك ظروف و عاوز تبكر الميعاد, يقدموه لك, لكن ازاى يلاقوا مواعيد تناسب كل اعضاء نايل موتورز و كده, دى حاجة متخصناش. انا كعميل كل اللى يهمنى انى الاقى ميعاد يناسبنى

اما العميل اللى ميعرفش الموضوع ده, اكيد انا مش هشيل هم كل ملاك دايهاتسو. اى حد هيحصل معاه مشكلة فى الميعاد, هيعمل حاجة من اتنين: يا إما هيعمل شكوى زى ما انا عملت او حضرتك عملت, او هيلجأ لصيانة العربية خارج التوكيل.

معلش مفيش حاجة اسمها التمسلهم عذر لانى مش بتكلم على واحد كسر عليا فى الشارع وقالى معلش
انا بتكلم عن مؤسسة كبيرة عندها تخطيط وتنظيم لامورها وعارفة ان الصيانة مهمة زى التسويق
ممكن يتاخر شهر او شهرين او تلاتة نقول فعلا ظروف لكن كل الفترة دى معلش ميتقالش عليها ظروف
واذا مكنش عارف يحل مشاكله كل ده يبقى ميحملناش احنا يحاول يحل مشكلته بمليون حل
زى مقلنا يسمح بمراكز معتمدة زى متوكيلات كتيرة عاملة
يزود ساعات العمل اهو الاخ على بيقول تويوتا زودوا لغاية 8 مساء (اعتقد ان التوكيلين عبد اللطيف وفى نفس المنطقة علشان محدش يقول اصل العبور مينفعش نشتغل فيها بالليل)

يشتغلوا جمعة

يلغى ساعة البريك (حتفرق برده)

ادى مليون اقتراح اتقال ولا حد سال

خلاص يبقى احنا عملنا اللى علينا وادناله بدل الفرصة عشرة ومعملش حاجة
وشوفوا اذا مجاش شهر يناير ولا فبراير ولقيت الحجز بعد شهرين ونص

محدش قال التمس لهم عذر خالص

هما بدأوا اخر 2006, يعنى بقالهم حوالى سنتين فى السوق

فى السنتين دول عندهم مركز خدمة فى القاهرة, و مراكز معتمدة فى كل من: الاسكندرية, المنصورة و الاقصر

و بالرغم من ده محدش بيثق انه يعمل صيانة لعربيته الا فى التوكيل. يعنى الناس بيجوا سواء من اسكندرية او من الصعيد او حتى من وجه بحرى علشان يعملوا الصيانة هنا (و انا معاهم فى الموضوع ده لأنى بثق فى التوكيل فقط)

حضرتك ممكن تطرح اسم مركز خدمة واحد معتمد تثق فيه و سمعته حلوة؟ و الله انا دورت على اسم اقترحه عليهم ملقتش خالص

بالنسبة للاقتراحات الخاصة بمواعيد الاجازة زى يشتغلوا الجمعة, او يعملوا الفترة المسائية فالفكرة مطروحة عندهم, و بدأت بموضوع ال "2manoperation" اللى اختصرت وقت الشغل فى العربية لاكتر من النصف تقريبا و بذلك مركز الصيانة بقى يستوعب عدد اكبر بكتير

و على اثره بدأوا يتصلوا بالناس اللى حجزن متأخر علشان يقدموا لهم مواعيد الصيانة بعد التغييرات الاخيرة

لكن نقطة الغاء ساعة البريك, اظن دى ظالمة جدا لأن العمال مش "مكن", و ساعة البريك دى تستغل لصلاة الظهر, بالاضافة الى الاكل. و بلاقى عمال بيخلوصا بسرعة و يبداوا يشتغلوا فى العربيات قبل انتهاء البريك علشان ينجزوا الناس

اما مركز حماية المستهلك فالحقيقة هو عمل شغل كتيرمع توكيلات كتير ووصل مع توكيلات انه اجبرهم يرجعوا ثمن العربية او بيدلوها بعربية جديدة ودى حاجة مش متعودين عليها فى مصر ابدا

والحقيقة الناس اهتموا وبيكلمونى يوميا تقريبا علشان يجمعوا كل البيانات والمستندات

فاهو تجربة نفعت اهلا وسهلا منفعتش ادينا عملنا اللى علينا وفهمنا الناس اللى فى التوكيل انكم فوقوا شوية علشان العملا بتوعكم ليهم حقوق

غير كده انا مش حقف عند حماية المستهلك وبس
لا حبدا ابعت للجرايد يعنى ملحق الاهرام، بريد الاهرام،.....الخ
وبكده التوكيل يتعلم ان الموضوع مش تسويق واعلانات ومبيعات كويسة وكده يبقى كله تمام
لا الموضوع انك عندك عميل بتحافظ عليه وبتخدمه بعد كده لان العميل ده هو اللى بيعملك تسويق سلبى او ايجابى ولان سمعتك كلها جاية من العميل ده

ممكن حضرتك نفكر مع بعض, جهاز حماية المستهلك ممكن يعمل ايه اكتر من انه يجيب لحضرتك ميعاد بدرى؟

مش هيقدر يجبرهم يفتحوا مركز جديد فى التو و اللحظة
مش هيقدر يوقف استيرادهم لعربيات
مش هيقدر يجبرهم على تعيين مراكز خدمة معتمدة

كل اللى ممكن يعمله يناشد التوكيل سرعة الانتهاء من مركز ابو رواش, او اعادة النظر فى موضوع مراكز الخدمة المعتمدة, لكن انه يعملهم حاجة جامدة... شبه مستحيل

طيب ليه بدل ما ابدأ الموضوع بشكوى فى جهاز حماية المستهلك, ابدأ الاول مع التوكيل, و اوصل لل Top Managment بتاعتهم و لو لقيت الموضوع مش جايب همه, ساعتها يبقى ده الحل التانى ( مع احتفاظى برأى انهم مش هيقدروا يعملوا حاجة)

يعنى هنا فى المنتدى فى اى شكوى لأى عضو, لو وصل لحارة سد مع التوكيل, بنقوله ابعت للشركة الام, و لو مفيش رد يبقى جهاز حماية المستهلك

انا معنديش اسلوب انى اقولك طب ما تشوف التوكيل الفلانى بيعمل ايه فى عملائه و كده, لكن لو تحب اقولك على لسته توكيلات عريقة جدا فى مصر, لغاية قريب كان يملكوا مركز صيانة واحد فقط على مستوى الجمهورية!!!!

و ده مش مبرر بسوقه لتوكيل دايهاتسو انه يكون زيهم, لأ انا فعلا اتمنى احصل منهم على احسن خدمة, و علشان كده بحاول ابقى ايجابى, و اى حاجة شايفها تقصير من ناحيتهم او محتاجة مجهود اكتر بتصل على رقم 16168, قسم الشكاوى و الاقتراحات, و بكتب ورقة فى مركز الصيانة, و ببلغ الناس هناك, و بلاقى استجابة فعلا

وفى الاخر الناس هنا المفروض متتضايقش من تصرفى ده
لانى اولا مش بتجنى عليهم ولا انا واحد مثلا مدسوس وبحاول ابوظ سمعة توكيل
ثانيا لان فى الاخر دى خطوة بتهدف لمصلحة كل الناس مش مصلحتى انا بس

اولا محدش مضايق على الاطلاق من تصرف حضرتك (او على الاقل انا)
بس علشان اكون صريح معاك, مستغربه.
يعنى الناس اتصلوا بيك و ادوك ميعاد بعد يومين و انت رفضته!!!!
اكيد مش هتصلح الكون بين يوم و ليلة, و فى تأكيد من التوكيل انهم هيخلصوا ابو رواش فى شهر مارس 2009. ايه اللى هيضر لو استنينا ال 4 شهور دول؟
اصل ده مركز اضعاف المركز الحالى(على الاقل 4 اضعاف) اكيد مش هيتبنى بين يوم و ليلة
حضرتك راجع مشاركاتى فى قسم الدايهاتسو, لما بلاقى حاجة كويسة بقول عليها, و لما بيكون فى تقصير بذكره برضه


انا كعميل طلباتى تتلخص فى معاملة كويسة, و توافر قطع غيار باستمرار و بأسعار فى المتناول, و سهولة حجز للصيانة

بحاول معاهم باستمرار, و بذكر لهم باستمرار اوجه القصور اللى شايفها, لأن دى منظومة كاملة, و التغيير فيها بياخد وقت سواء رضيت ام لم ارضى, فلازم يبقى نفسى طويل و ابحث عن نتائج على المدى البعيد مش بين يوم و ليلة.

اتمنى انى اكون قدرت اوصل وجهة نظرى لك

و اتمنى فعلا ان حضرتك تتقبل كلامى بصدر رحب :)

(و بعيد عن كل ده نتمنى نتشرف بمعرفتك فى مقابلة الدايهاتسو الثانية :) )

[AhmedElsayed]

ردك يا استاذ معاذ بيتلخص فى نقطة واحدة (مدام انا كويس ومشاكلى محلولة يبقى مليش دعوة بالباقى) وده مع احترامى ليك انا مختلف معاك فيه وللاسف هو ده سبب لجزء كبير من مشاكلنا فى الحياة عامة ان خلاص مدام انا تمام يبقى مليش دعوة

ومش عايز بصراحة اكمل فى مناقشات حولين نقطة "التمس لتوكيلك عذرا"
اللى شايف "انه ليس فى الامكان افضل مما كان" ده رايه ومقدرش محترمش رايك واقدره لان مفيش حد عميل للتوكيل ولا بيقبض منه ولا الكلام الفارغ بتاع نظرية المؤامرة

واللى شايف ان اللى بيعمله التوكيل نوع من التهريج والاستهتار برده ده راى لازم نحترمه

وفى النهاية انا حكمل فى موضوع حماية المستهلك- اللى الناس مش فاهمه سبب اصرارى عليه ايه- لان الجهاز ده معمول ليه لو الناس مش حتستخدمه فى حالات زى دى، ولو مكنوش حيعملوا حاجة مكنوش اهتموا، او حتى لو مجرد ضغط يبقى مارسنا حقنا فى الشكوى

وبعدين انا قلت حماية المستهلك مرحلة اولى

المرحلة التانية حتبقى ضغط بصورة اكبر من خلال الجرايد واظن دى حتأثر اكتر من اى حاجة لانها حتبقى سمعة التوكيل

فى النهاية مش حقدر اقولك غير ارجو انكم برده تكونوا بتتقبلوا راى بصدر رحب