الحمد لله استلمت التريوس 2009 و رخصتها - معلومات و سؤال

[amir]

ياريت بعد الفتره دي كلها تدينا تقييم للعربيه لأن في جماعه قرايبي ناويين عليها اوتوماتك

متبخلش علينا بالنصائح و الرأي لأن التيريوس ملهاش مواضيع مفيده في القسم فياريت تكون انت اول واحد مالك للعربيه يكتب عنها تفاصيل كتير

[melhefnawy]

السلام عليكم

للأسف أنا مش مبسوط , فيه كذا حاجة مش متظبطة في العربية و في صيانة الألف ما عاملوش فيها حاجة

1- رجة في الدريكسيون عند ال 100 و ال120 , قالولي ترصيص بس أنا مستغرب ديه لسة ماعملتش 5000
2- الفرامل بتعمل صوت ساعات لما باثبت رجلي عليها
3- فيه حاجة غريبة بأه أوي , بعد مشوار مثلاً و أبطل العربية , اسمع صوت جاي من الموتور كأن فيه حاجة بتنقط كدا تفضل فترة وبعدين تخلص الصوت ده و مش فاهم ايه االي بينقط ده
4- برده أنا مستغرب من موضوع تغيير الزيت كل 5000 هل ده طبيعي , مش المفروض Mobile XHP ده يتغير كل 3000

أنا حجزت صيانة ال 5000 ولو محلوليش المشاكل ديه أنا شكلي هاتخانق

[albasha37]

الأخ الفاضل انا عندي السيارة منذ حوالي اربعة أشهر واسمح لي اجاوبك على اسئلتك حتى تطمئن

1- رجة في الدريكسيون عند ال 100 و ال120 , قالولي ترصيص بس أنا مستغرب ديه لسة ماعملتش 5000

ده كان عندي نفس المشكلة ورحت وفعلا عملوا لي ترصيص وانتهت المشكلة تماما وهذا شئ طبيعي جدا في سيارة مرتفعة عن الأرض وبمقاس 16

2- الفرامل بتعمل صوت ساعات لما باثبت رجلي عليها

لاتعليق ماشفتهاش قبل كده وماحصلتش معي


3- فيه حاجة غريبة بأه أوي , بعد مشوار مثلاً و أبطل العربية , اسمع صوت جاي من الموتور كأن فيه حاجة بتنقط كدا تفضل فترة وبعدين تخلص الصوت ده و مش فاهم ايه االي بينقط ده

فعلا كلامك مضبوط وده لأن السيارة بها من الأسقل حاجة عاملة كده مثل القصدير وهو ورق مثل ورق الأمونيوم حتى لايسخن الموتور ولتساعده على الاحتفاظ بالموتور بارد لأقصى وقت ممكن ودي ميزة وليست عيب بدليل انك اذا كنت في الصيف والجو حار جدا هنا في دبي ورغم ذلك عندما اشغل السيارة بالاحظ ان حرارة السيارة منخفضة جدا وتظل لمبة الحرارة مضاءة حتى يسخن الموتور وده بصراحة بيسعدني جدا ان حرارة الجو لاتؤثر أو لاتصل إلى الموتور



4- برده أنا مستغرب من موضوع تغيير الزيت كل 5000 هل ده طبيعي , مش المفروض Mobile XHP ده يتغير كل 3000

زيت التوكيل اللي بيجي مع السيارة أو اللي بتغيره في التوكيل بيقعد 5000 كيلوا لكن فيه انواع رديئة بتقعد بس 3000 كيلوا وممكن وانت بتغير زيت تطلب زيت رخيص وتغيره كل 3000 كيلوا فقط ولكن لاانصحك بذلك

مبروك عليك السيارة وصدقني اختيارك موفق جدا وربنا يحميها لك

[nonalaziza]

السلام عليكم ورحمة الله وبركاته
انا معايا تيريوس بلاتينيوم 2009 4*4 العربيه لسه عاملالها صيانه الالف النهارده
والعربيه الحم لله جميله
انا فعلا كان عندي صوت زي صفاره لما اجي ادوس فرامل حتي لو بالراحه بس لما سالت المهندس تامر قاللي دي علشان بس جديده وقالي علي حاجات بصراحه مفهمتهاش سير وكنابير وحاجات كده
هما هناك ناس بجد زوق جدا قولهم علي اللي مضايقك وهما هايعملوه
وطمنا عملت ايه

[Imhotep]

3- فيه حاجة غريبة بأه أوي , بعد مشوار مثلاً و أبطل العربية , اسمع صوت جاي من الموتور كأن فيه حاجة بتنقط كدا تفضل فترة وبعدين تخلص الصوت ده و مش فاهم ايه االي بينقط ده

فعلا كلامك مضبوط وده لأن السيارة بها من الأسقل حاجة عاملة كده مثل القصدير وهو ورق مثل ورق الأمونيوم حتى لايسخن الموتور ولتساعده على الاحتفاظ بالموتور بارد لأقصى وقت ممكن ودي ميزة وليست عيب بدليل انك اذا كنت في الصيف والجو حار جدا هنا في دبي ورغم ذلك عندما اشغل السيارة بالاحظ ان حرارة السيارة منخفضة جدا وتظل لمبة الحرارة مضاءة حتى يسخن الموتور وده بصراحة بيسعدني جدا ان حرارة الجو لاتؤثر أو لاتصل إلى الموتور

انا كمان بسمع نفس الصوت و لما سألت واحد صاحبى معاه العربية من سنتين قالى انه فسروله الصوت زى مالاخ الفاضل قال لانه فيه طبقة عازلة اسفل السيارة من فايبر حرارى هى اللى بتعمل صوت الطقطقة ده، لذلك اعتقد ده شئ طبيعى

[Imhotep]

طب انا عندى تساؤل برضه....... حد عنده كومبريسورالتكييف صوته عالى قوى، خاصه على السلانسيه، وممكن يعمل هزة ملحوظة باينة داخل الصالون؟

ياريت حد يفيدنى اكون متشكر جدا.....

[saadbasha]

مليون مبروك
وعقبال الحبايب وانا معاهم
ان شاء الله