عملت حادثة بالسيريون_(لما الطريق يقف اوعى تقف!!)_والحمد لله .

[د.محمد الشيخ]

الاخوة الاعزاء ....تحياتى لكم جميعا
امس كنت انا والمدام وابنى عبدالعزيز فى طريقنا من اكتوبر الى ميدان الرماية حوالى الساعة 12 ظهرا وبعد حازم حسن وتوكيل رجب فورد بشوية الطريق وقف ووقفت زى كل الناس ورجلى على الفرامل طبعا وفجأة لقيت العربية طارت حوالى مترين تلاتة وخبطت فى الشاهين اللى كانت امامى ولقيت اكصدام الشاهين فى الارض !!!
عربية نقل محملة سيراميك خبطت فينا بسرعة شديدة رغم محاولته الاحتكاك فى الرصيف للسيطرة على العربية النقل المندفعة بقوة وبسرعة تجاه السيريون العصفورة اللى واقفة فى حالها لا بيها ولا عليها وزاد من سرعة وقوة الصدمة اننا كنا فى منزل الطريق .
طبعا زاد من هول الصدمة صرخات عبدالعزيز ابنى ( 4 سنوات ) من شدة الصدمة ومن هول المشهد خاصة انه بيحب السيريون اوى .
اليكم الصور مع دعواتى لكم جميعا بكل الخيروالسلامة وعدم مرور احدكم بهذه التجربة ابدا:













يا ليت اللى عنده نصيحة ميبخلش بيها

حفظكم الله من كل مكروه

[HeMa_LanCeR]

قدر الله وماشاء فعل
أهم حاجه انك سليم انت والأسره
كل ده يهون فدي ابنك طبعا
وبالنسبه للوقوف مره واحد انا اعاني منه يوميا بس انا بقيت اخلي بالي كويس وابص علي العربيات اللي قدام مش اللي قدامي بس لأنك يوميا هتلاقي عربيات بنفس المنظر ده علي الكوبري
لأنك ممكن تكون بتجري 100 مثلا والكوبري يقف في ثواني والكل يدخل في بعضه كده
بالنسبه للتصليح :
حضرتك مأمن ولا لأ
بالنسبه للجزء الامامي بسيطه ماتقلقش
وبالنسبه للخلفي انا افضل انك تشتري شنطه جديده لو سعرها مقارب للتصليح
وربنا يعوضك عليك بالخير ان شاء الله

[د.محمد الشيخ]

قدر الله وماشاء فعل
أهم حاجه انك سليم انت والأسره
كل ده يهون فدي ابنك طبعا
وبالنسبه للوقوف مره واحد انا اعاني منه يوميا بس انا بقيت اخلي بالي كويس وابص علي العربيات اللي قدام مش اللي قدامي بس لأنك يوميا هتلاقي عربيات بنفس المنظر ده علي الكوبري
لأنك ممكن تكون بتجري 100 مثلا والكوبري يقف في ثواني والكل يدخل في بعضه كده
بالنسبه للتصليح :
حضرتك مأمن ولا لأ
بالنسبه للجزء الامامي بسيطه ماتقلقش
وبالنسبه للخلفي انا افضل انك تشتري شنطه جديده لو سعرها مقارب للتصليح
وربنا يعوضك عليك بالخير ان شاء الله

الف شكر لحضرتك واكيد ربنا قدر ولطف
بس احب اوضح انى لم اقف فجأة بل بالتدريج جدا وبعد توقف تام بحوالى 10 ثوانى وكلنا ريلاكس فى العربية حصلت الحادثة .
العربية غير مؤمن عليها
وشكرا على النصيحة وحابب اعرف هل الشنطة الكاملة بتنزل بالازاز راكب فيها زى الفابريكة ؟
لا اراك الله اى مكروه

[ows212]

قدر الله وما شاء فعل
والحمدلله انكم بخير

[ahmedelzeeny]

الحمد لله على سلامتكم

[د.محمد الشيخ]

قدر الله وما شاء فعل
والحمدلله انكم بخير

الحمد لله على سلامتكم

الف شكر والحمدلله

[momenhamdy]

الف حمد لله علي السلامه يا استاتذي الفاضل
و علي سلامه الاسره الكريمه

طبعاً انا فهمت من مشاركه سابقه ان حضرتك مش مأمن علي العربية
بالنسبة للتصليح حضرتك ممكن تسمكر الجزء الي في باب الشنطه الخلفي بس عايزه واحد محترف علشان يطلعوا زي الفابريكه و طبعاً حضرتك حتحتاج زجاج خلفي

وممكن حضرتك تشتري الباب فابريكه بس حيكون غالي طبعاً انا عندي في الجين 2 غيرت باب الشنطه الخلفي كان بحوالي 2500 جم ( الباب بيكون من غير الازاز الخلفي حضرتك )

بالنسبه للكبوت ممكن حضرتك برده تسمكره عن واحد يكون محترف
و ممكن تغيره
و طبعاً الكلام دا راجع الي الميزانيه الي حضرتك حتضعها للتصليح و لكن لو طلع ان التكاليف الخاصه بالتصليح هي هي تكلفه القطعه بيفضل طبعاً تغيرها بالفابريكه

محلوظه اخري : حاول حضرتك تكشف علي شاسيه الاكصدام الامامي و الخلفي ( الشنب ) و دا بيكون خلف الاكصدام الفيبر
و انا قولت لحضرتك كدا علي اساس برده ان الاكصدام الفيبر بيكون فيه مرونه و دا الي حصل معايا في العربيه افتكرت ان الاكصدام سليم و ان مفيش اضرار غير كدا فجأت ان شاسيه الاكصدام عايز يتغير فياريت حضرتك تكشف عليه ( و ان شاء الله يكونوا سلام ) و برده ممكن يتعدلوا مفيش اي مشكله ( و خصوصاً لو الشاسيه الاكصدام ملحوم في العربيه زي الفيرنا مثلاً و لكن انا لا اعتقد ان السيريون كدا )

وربنا يكفيك و يكفينا شر الحوادث
و حفظك الله و حفظ اسرتك الكريمه
وربنا معاك

[shrafoo]

قدر الله وما شاء فعل
حمدا لله على سلامتكم وسلامة الاسرة الكريمة
ربنا يعوض عليك

[Eng_aly]

ربنا يعوض عليك والحمد لله ان حضرتك والاسرة الكريمه بخير ...والف سلامه على عبد العزيز من الخضدة ...بخصوص سواق النقل فهم معظمهم كدة مش فارق معهم يخبطونا يموتونا مش مشكلة ربنا ينتقم منهم

[YoussefMostafa]

قدر الله وماشاء فعل

الف سلامة علي حضرتك وعلي الاسرة الكريمة وده طبعا اهم حاجة

ان شاء الله السيريون ترجع زي الاول

[ahm3d ham>ed]

الحمدلله على سلامة الاسرة وسلامتك
بس السيريون شكلها عضمها حلو وبتستحمل
وربنا يعوض عليك والحمدلله

[semihuman]

ربنا يصبرك و الحمد لله علي كل شئ

[fahd_628]

المهم سلامتك

حمد لله على سلامتك

[king_de_egypt]

الحمد الله على كل شىء و الحمد الله ان ابنك بخير و زوجتك و انت المهم انكو بخييييير و ربنا يقدرك و ان شاء الله ترجع العربيه احسن من الاول

[توفيق طة]

الحمد الله ان الأسرة بخير وعافية وهذا الذى حدث بتفاصيلة هو حفظ من الله سبحانة وتعالى ولا تعترض على ارادة الله فهو خير حافظ لنا جميعا وفى النهاية جت فى الحديد وقدر الله وحفظك من كل مكروة .رأى الشخصى شوف سمكرى حريف يستطيع باذن الله أن يعيدها الى حالتها الأصلية حسب الصور ممكن لكن لازم تشترى الزجاج الخلفى من التوكيل وأمرك لله .

تحيـــــــاتى