If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
إعـــــــلان
Collapse
.
,
See more
See less
عملت حادثة بالسيريون_(لما الطريق يقف اوعى تقف!!)_والحمد لله .
وصلت فى المعاد قابلت المهندس الشيك والمهذب جدا تامر اللى كنت كلمته وانا فى عز الحادثة اخد منه فكرة عن التكلفة وقالى المعاينة مع المهندس مصطفى مدير الاستقبال .
بعد نصف ساعة تقريبا وصل المهندس مصطفى ( وهو رجل ذوق جدا مثل باقى المهندسين ...والله يا جماعة احلى حاجة فى التوكيل ذوق المهندسين ) المهم عمل معايا معاينة وعملى مقايسة للتكلفةاليكم التفاصيل :
قطع الغيار :
1586 شنطة 400 طقم علامات شنطة 651 اكصدام خلفى 860 كبود 789*2 كشاف امامى 260 علامة كبود ( ) كلبسات حسب الحاجة 1250 زجاج شنطة 270 سيليكون زجاج 186 زراع مساحة خلفية
قلتلكم قبل كده ان لمبة الانذار باظت منذ اخر زيارة المهم المهندس مصطفى رغم زحمة الشغل جدا النهاردة عندهم الا انه دخل العربية تحت اشراف المهندس تامر و كان فيوز واتظبط والحمد لله .
وطلبت من المهندس تامر انهم ينظفوا العربية من الزجاج المكسر فى الشنطة وعلى الكنبة وبرده رغم انشغالهم عملوا الللازم الحقيقة ويشكروا اوى .
المهندس مصطفى قالى ان المركز غير مجهز للقيام باعمال سمكرة كبيرة زى الحرفيين مثلا ولكن فقط بيعملوا الحاجات البسيطة جدا لزوم تقفيل الشغل واستنتجت من كلامه ومن المقايسة انهم كمركز صيانة اى تلف فى اى قطعة غيار معناها عندهم تغيير القطعة وليس علاجها ولكن القرار راجع الى العميل .
طبعاً يا باشا حضرتك عندك قطع الغيار لوحدها تقريباً 7041 جم
و حضرتك حتضيف ال 10 % 704 جم من غير مصنعيات
والمصنعيه 2920 جم و بالضريبه حتكون 292 جم
طبعاً و دي وجه نظري الشخصيه الاسعار كتييييييييييييير جداً و خصوصاً ان حضرتك مش مأمن علي العربيه وطبعاً الاسعار شئ مبالغ فيه
فياريت حضرتك تنزل الحرفين وانا متأكد انك حتلاقي طلبك و اقل من كدا بس المهم الشغل يكون عند حد محترف زي ما قولت لحضرتك قبل كدا
بس ياريت برده تعرف التكلفه اد ايه قبل الشغل
أخي الكريم الأمر بيرجعلك في الأول والأخر
في واحد متفرقشي معاه فلوس في سبيل العربيه ترجع زي ما كانت وده شعور فقط الى حد كبير
وفي واحد متفرقشي معاه لأن العربيه كده كده ده شئ طبيعي في مصر ولا قدر الله ممكن تحصل تاني يعني
فمالهاش لازمة المصاريف دي كلها على العربيه
انا رايي الشخصي بس اكيد حسب الوضع اللي فيه العربيه
طبعا انا مش هعلق على مصنعيات التوكيل
لأن بصراحه ده شئ معروف في اي توكيل
واي واحد بيتخيل ان التوكيل ممكن يخلي اسعاره متقاربه للصنايعيه بره التوكيل
يبقى بيفكر في شئ صعب جدا جدا ومش عاوز اقول مستحيل ولكن ده الواقع
لأن التوكيل بيعتبر نفسه حاجه زي اللي صنع العربيه بنفسه
والتوكيلات بتعمل لنفسها مكانه معينة علشان يفضل في شعور غالب الناس اللي مالهومشي في الكلام ده
ان التوكيل ده شئ مميز
وللأسف ده بيبقى بسبب اعتقادنا دائما في بلدنا ان الغالي ثمنه فيه
ولكن صحيح في كثير من الأحوال الغالي بيبقى ثمنه فيه
ولكن كله اصبح بيدخل في كله وصعب على اللي مش عارف انه يفرق
وهيا دي مشكلتنا
يعني على سبيل المثال
الدهان ممكن تسمع اسعار بره التوكيل وهم وببلاش
ولكن مثلا انا واحد من الناس اللي اتحدى اي حد يطلع لون العربيه بره التوكيل صح
انا جربت كتير
وغالي كمان بره التوكيل
وللأسف محدش بيطلع اللون صح ولما جربت التوكيل طلع مظبوط بالظبط
يعني القصد ان فيه حاجات وحاجات
وما عليك انت الا انك تنقي الكويس من هنا والكويس من هنا
المهم
انا رايي تشوف سمكري كويس بره التوكيل
والحاجه اللي انت عاوز تغيرها هتشتريها من التوكيل او من خارج التوكيل زي ما تلاقي يعني
لأن الموضوع هيفرق في النهاية في ثمن المصنعيات اكيد طبعا
ثانيا ان ممكن تكون الشنطة او الكبوت ممكن يتسمكروا كويس ويشتغلوا
الا هو انت ليه بتغير الأتنين
ولو ممكن تصور العربيه يبقى افضل
يعني أظن ان العملية ممكن تبقى 3 الاف جنيه فقط بزيادة او نقص
بس ياريت لو تصور العربيه علشان نقدر نفيدك اكتر
[SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
[COLOR="Olive"]قال رسول الله صلى الله عليه وسلم :[/COLOR]
[COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]
لا حول ولا قوة الا بالله
ربنا يعوضك خير ان شاء الله
الحمد لله انكم بخير وده هو الاهم ....وأكيد ربنا أخرك عن شر بالحادثة دي .... ربنا دايما بيجيب الخير للمؤمن ...
اسعار التوكيل غالية جدا .... اعتقد ان فيه ناس في الحرفيين شغلهم ممتاز ... والموضوع ح يبقى بتكلفة قد تصل الى نصف المبلغ بتاع التوكيل ...
سؤال للزملاء .... هو لازم زجاج التوكيل الاصلي ..... مافيش د جريش او امان او سيكوريه .....
انا فاكر مرة كان زجاج عربية مازدا قديم اوي و عملوه مخصوص ... وكان في الحدود المعقولة ...300 افتكر ... وده عشان اتعمل مخصوص
وبعدين ده زجاج خلفي .... يعني مش مشكلة انه يكون اصلي ...
السعر والسيليكون والمصتعية وضريبة المبيعات = 1870 وده كتير اوي
[SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
[SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
[SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]
بالمناسبة بقي يا ريت حد خبير يقولنا إيه الضرر من إن الزجاج ميكنش أصلي يعني إيه اللي ممكن يحصل مثلاَ في أسوأ الحالات .
طبعا انا مش خبير اساسا
ولكن هو بالنسبة لنا في مصر وان الحاجات دي مش مهمه فاكيد مش هتفرق معانا قوي مقارنة بفارق السعر
يعني عندك أول حاجه مثلا
بتبقى تأثير الرمال او اي شئ في الهواء المقابل للسيارة على السرعات على خدش الزجاج ومدى تأثره بالحاجات دي
يعني الزجاج هيشبر بدري ولا هيعيش اكتر
طبعا برضه في فرق في مدى تأثره بالزلط او الطوب اللي ممكن يخبط فيه خصوصا على سرعات
يعني ممكن خبطه تعمل نقره مثلا في الأصلي وفي العادي تعمل شرخ
يعني فرق الخامات هيفرق في الحاجت اللي زي دي
ثالثا مسألة تصادم المشاة
يعني انت عارف ان السيريون حاصلة على نجمتين في حماية المشاة واربعة نجوم في حماية الركاب الكبار
فموضوع حماية المشارة ده اساسا من النادر انك تلاقي عربيه حاصله على شئ فيه
يعني غالب العربيات بيبقى ركاب كبار وركاب صغار
وقلما ان تجد من يراعي حماية المشاة
فطبعا حماية المشاة بيدخل فيها الأكصدام الأمامي وامتصاصه للخبطه والكبوت والزجاج
يعني يمكن الحاجات دي مش مهمة قوي عندنا ولكن هما صنعوا العربيه على هذا الأساس
وانت اللي بتشتري العربيه وتختار
[SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
[COLOR="Olive"]قال رسول الله صلى الله عليه وسلم :[/COLOR]
[COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]
بالمناسبة بقي يا ريت حد خبير يقولنا إيه الضرر من إن الزجاج ميكنش أصلي يعني إيه اللي ممكن يحصل مثلاَ في أسوأ الحالات .
ده اللي اقصده بالظبط يا محمود
بالاخص انه زجاج خلفي .... يعني مش معرض لضغط رياح ولا خبط زلط او ما شابه ... وكمان مش في وش السائق والركاب .... يعني مدي الخطورة مش كبير زي الامامي
انا مثلا عربية والدي موديل 1977 الزجاج الامامي اتغير كتيييير ... لكن الخلفي لسة بتاع الفابريكة
يبقى ليه ندفع فيه 1800 جنية لو متوفر زجاج جريش او سيكيوريه
[SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
[SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
[SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]
طبعاً يا باشا حضرتك عندك قطع الغيار لوحدها تقريباً 7041 جم
و حضرتك حتضيف ال 10 % 704 جم من غير مصنعيات
والمصنعيه 2920 جم و بالضريبه حتكون 292 جم
طبعاً و دي وجه نظري الشخصيه الاسعار كتييييييييييييير جداً و خصوصاً ان حضرتك مش مأمن علي العربيه وطبعاً الاسعار شئ مبالغ فيه
فياريت حضرتك تنزل الحرفين وانا متأكد انك حتلاقي طلبك و اقل من كدا بس المهم الشغل يكون عند حد محترف زي ما قولت لحضرتك قبل كدا
بس ياريت برده تعرف التكلفه اد ايه قبل الشغل
وربنا معاك و ان شاء الله خير
وتقبل تحياتي
الف شكر ولو حد يدلنا على سمكرى خبرة وثقة يبقى كتر خيره
أخي الكريم الأمر بيرجعلك في الأول والأخر
في واحد متفرقشي معاه فلوس في سبيل العربيه ترجع زي ما كانت وده شعور فقط الى حد كبير
وفي واحد متفرقشي معاه لأن العربيه كده كده ده شئ طبيعي في مصر ولا قدر الله ممكن تحصل تاني يعني
فمالهاش لازمة المصاريف دي كلها على العربيه
انا رايي الشخصي بس اكيد حسب الوضع اللي فيه العربيه
طبعا انا مش هعلق على مصنعيات التوكيل
لأن بصراحه ده شئ معروف في اي توكيل
واي واحد بيتخيل ان التوكيل ممكن يخلي اسعاره متقاربه للصنايعيه بره التوكيل
يبقى بيفكر في شئ صعب جدا جدا ومش عاوز اقول مستحيل ولكن ده الواقع
لأن التوكيل بيعتبر نفسه حاجه زي اللي صنع العربيه بنفسه
والتوكيلات بتعمل لنفسها مكانه معينة علشان يفضل في شعور غالب الناس اللي مالهومشي في الكلام ده
ان التوكيل ده شئ مميز
وللأسف ده بيبقى بسبب اعتقادنا دائما في بلدنا ان الغالي ثمنه فيه
ولكن صحيح في كثير من الأحوال الغالي بيبقى ثمنه فيه
ولكن كله اصبح بيدخل في كله وصعب على اللي مش عارف انه يفرق
وهيا دي مشكلتنا
يعني على سبيل المثال
الدهان ممكن تسمع اسعار بره التوكيل وهم وببلاش
ولكن مثلا انا واحد من الناس اللي اتحدى اي حد يطلع لون العربيه بره التوكيل صح
انا جربت كتير
وغالي كمان بره التوكيل
وللأسف محدش بيطلع اللون صح ولما جربت التوكيل طلع مظبوط بالظبط
يعني القصد ان فيه حاجات وحاجات
وما عليك انت الا انك تنقي الكويس من هنا والكويس من هنا
المهم
انا رايي تشوف سمكري كويس بره التوكيل
والحاجه اللي انت عاوز تغيرها هتشتريها من التوكيل او من خارج التوكيل زي ما تلاقي يعني
لأن الموضوع هيفرق في النهاية في ثمن المصنعيات اكيد طبعا
ثانيا ان ممكن تكون الشنطة او الكبوت ممكن يتسمكروا كويس ويشتغلوا
الا هو انت ليه بتغير الأتنين
ولو ممكن تصور العربيه يبقى افضل
يعني أظن ان العملية ممكن تبقى 3 الاف جنيه فقط بزيادة او نقص
بس ياريت لو تصور العربيه علشان نقدر نفيدك اكتر
معاك حق فى كل كلمة ابوعبدالله والاجتهاد فى الحصول على نفس الخدمة او السلعة ذات نفس الجودة بسعر اقل اراه من الواجب خاصة فى مثل هذه الايام الصعبة على الاقل عشان ربنا يبارك لان اسعار التوكيل دى عايزة واحد اما يكون وارث ومتعبش فى الفلوس او انه يكون بيكسب من الهوا او اخيرا انه يكون حرامى ! لا سمح الله .
على فكرة انا منزل صور فى اول مشاركة
والف شكر على الاهتمام
Comment