تفاصيل التأمين مع شركه وثاق للتامين التكافلي

[M.Mosaad]

السلام عليكم و رحمه الله و بركاته
انا عملت موضوع قبل كدة اني كنت عايز شركه تامين كويسة و الحمد لله الاخوة هنا كلهم ربنا يباركلكم محدش بخل بالنصيحه و كنت قلت اني هحاول اجيب صفقه كويسة و ربنا وفقني و عملت التامين مع شركه وثاق للتامين التكافلي انا بصراحه لسة مستلمتش الوثيقه لاني مشغول جدا و مش عارف اروح اجيبها بس اللي سمعته عن الشركه دي انها محترمه جدا
انا سالت علي شوية حاجات كنت بتاكد منها و هي
1- التصليح بيكون في التوكيل طالما معداش 5 سنينعلي انتاج العربيه
2- مفيش محضر طالما الاضرار اقل من 5000 جنيه
3- بنسدد 5% من قيمه التكاليف و الشركه بتتحمل االباقي
4- بنسدد التكاليف في التوكيل و بناخد الشيك بعد 3 اسابيع علي الاكتر
5- لا قدر الله في حاله الهلاك الكلي بناخد 95% من قيمه الوثيقه
6- لو في حادثه لاقدر الله ممكن نروح علي مقر الشركه يصوروا العربيه و بعدين نروح التوكيل يعني مش لازم ننتظر المهندس يروح التوكيل لا عاوزين ننجز يعني و المهندس بيروح التوكيل بعد 48 ساعه علي الاكتر من الاخطار
7- مفيش ونش

طبعا انا لسة مجربتش التعامل معاهم في حاجة و اتمني اني مجربش فانا مش مناكد اذا كانوا كويسيين و لا لأ لكن الناس اللي اتعاملت معاهم بيقولا عليهم محترمين

بالنسبة للتفاصيل بقي

انا عربيتي سيريون 2008 GL بقالها سنه معايا اتفقت معاهم ان سعرها في السوق 65000 الف معترضوش علي المبلغ كانت القيمه حوالي 2.7% يعني حوالي 1800 و كمان اخدت 5% خصم علي المبلغ ليا و لاي حد يتصل من طرفي يعني في النهايه دفعت حوالي 1730 جنيه و رحت الشركه هي في جامعه الدول نزل المهندس صور العربيه و الموتور و اخد رقم الشاسيه

انا لسه ماخدتش الوثيقه انشاء الله لما اخدها هبقي احاول انقل البنود بتاعتها

انا هسيب تمرة تليفون الموظفه اللي اتعاملت معاها و لو الادارة شافت ان دة اعلان ارجو حذف الموضوع انا و الله عامل الموضوع دة لاني استفدت من المنتدي دة جدا و من كل الاخوة اللي فيه و بحاول اقدم خدمه بسيطة للأخوة اللي هنا

هي اسمها الاستاذة ناديه و نمرتها 0124160419
هتقوللها انكم من طرف المهندس محمد اللي معاه العربيه الديهاتسوا االسيريون و اتاكدوا انكم تاخدوا ال 5% الخصم علي نسبه التامين و ثمن العربيه طبعا لو جديدة سعرها بيبقي معروف ولو مستعمل هتتفقوا علي فيمه مناسبه
شكرا لكل الاخوة و اتمني اني اكون فدتكم
و انا بكرر مرة تانيه انا لسة مجربتش خدمتهم كويسة و لا لأ انا رايح علي السمعه

[abou_ruqi]

ده موضوع انا كنت عاملة باحكي فيه تجربتي مع وثاق

http://www.nilemotors.net/Nile/showthread.php?t=79849

انما انا ليا تعليق على حاجات حضرتك كاتبها

3- بنسدد 5% من قيمه التكاليف و الشركه بتتحمل االباقي

لا حضرتك خصموا مني ١٠٪

5- لا قدر الله في حاله الهلاك الكلي بناخد 95% من قيمه الوثيقه

لا حضرتك حتاخد القيمة السوقية للعربية وقت الحادث
وخد بالك كمان ان الحاجة اللي بتتغير بيتخصم منها قيمة اهلاك الحاجة المستبدلة

[mohamed_rhem]

ده موضوع انا كنت عاملة باحكي فيه تجربتي مع وثاق

http://www.nilemotors.net/nile/showthread.php?t=79849

انما انا ليا تعليق على حاجات حضرتك كاتبها
لا حضرتك [gdwl]خصموا مني ١٠٪[/gdwl]
لا حضرتك [gdwl]حتاخد القيمة السوقية للعربية وقت الحادث[/gdwl]
وخد بالك كمان ان الحاجة اللي بتتغير بيتخصم منها قيمة اهلاك الحاجة المستبدلة

كلام منطقي 100% لان لو فرضا مثلا سيارتك وقت ما امنت عليها كانت مثلا ب 80 الف
وحصل لها حادثه لا قدر الله بعد سنتين ونقول مثلا قيمتها 65000 يبقي حتاخد علي ال 65000

اما موضوع ال 10% فطالما انت مضيت علي 5% فمنحقك تتمسك بالمكتوب في العقد

[MoToRiZeR]

شكراَ لك يا محمد عالموضوع
إن شاء الله ممكن أروحلهم قريب لأن عايز أخلص موضوع التأمين ده

كنت عايز أعرف يا جماعة قيمة الإهلاك عند غيير قطعة تالفة بتتحسب إزاي ؟
و يا محمد انا عندي بعض النقر في البابين اليمين و كمان شرخ في الزجاج الأمامي .. دول إيه وضعهم من التأمين ؟

هل المنطقة كلها بتتطلع برة التأمين ؟ طب لو حصل شرخ تاني في الزجاج أثناء سريان التأمين ؟

[OlaOsman]

متابعة باهتمام

[M.ABDEEN]

بصراحة هي شركة تامين محترمة جدا وسمعت ده من ناس كتير ومعظم اللي بياخدوا من معرض محمد زكي بيتعاملوا معاهم والحمد لله البيكانتو والسيراتو مامن عليهم عند وثاق ويارب ما نحتاجش لده وربنا يكفينا شر الطريق والناس المؤذية

[M.Mosaad]

شكرا ليكم خلص علي الردود
بال نسبة للاخ العزيز abou_ruqi انا بنقل معلومات سمعتها منهم لاني كنت بستفسر عنها و زي ماقال الاخ mohamed_rhem اعتقد ان الشروط اللي هتبقي في الوثيقه هي اللي بيتم الالتزام بيها و انا من رايي 5% او 10 % مش هتفرق كتير طالما ناس محترمين زي مامعظم الاخوة قالوا و في نفس الوقت تامين تكافلي و بالنسبة لقيمه العربيه في حاله لاقدر الله الهلاك الكلي الوثيقه بيبقي مدتها سنه واحدة فبالنسبة للتامين علي المستعمل خلال السنه العربيه مش هتنزل كتير و كمان خد بالك من حاجة انا متعاقد علي قيمه 65000 للعربيه و هي اقل قيمه ممكن تجيبها فكدة كدة هتبقي خسرانه في حاله الهلاك الكلي لاقدر الله لكن خغضت في قيمه التامين اللي دفعته في الاول و خلال السنه العربيه سعرها كمستعمل عمرة ماهيقل عن 65000 لانها دلوقتي في حدود 72000 انا بتكلم عن السيرون 2008 GL استعمال سنه
الاخ العزيز mohammedsamirabdeen ربنا يسمع من بقك و تبقي فعلا شركه محترمه
الاخ العزيز MoToRiZeR هما صورا العربيه و طبيعي انا عندي برضة شوية خدوش من شوية ناس معقدة نفسيا فاعتقد ان اي حاجة برة الخدوش دي تخذع للتامين و برضة انا عحاول اتاكدلك او لو عاوز انت تتصل مباشرة بالموظفة دي تستفعهم احسن و بالنسبة للاهلاك دي انا مش فاهمها اوي بصراحه ممكن احد الاخوة يبقي يشرحلنا

علي العموم انا هحاول انشاء الله لما استلم الوثيقه انقلها بحيث تقروها بتمعن و لو عايزين تعديل بنود فيها ممكن تسالوها و تبقي مرجع للي عايز يامن

[M.Mosaad]

علي فكرة في موضوعي التاني اللي كنت عامله لما كنت بسال علي شركه تامين محترمه احد الاخوة mohameduoser كان حاطط لينك بتاعه شركه تامين شامل واضح انها كويسة http://www.safetyp.com/ و دي اللينك لو حد اتعامل معاها ياريت يقولنا لانها ممكن تبقي احسن من وثاق علشان كلنا نستفاد

[MoToRiZeR]

تم التوجه للشركة إنهاردة انا و علي باشا (أبو حمزة) و تم عمل اللازم و أخدنا الخصم بتاعك يا محمد :)
المستوي العام مقبول .. بس أكتر حاجة ضايقتني إن مفيش أي إيصال للفلوس اللي دفعتها فلوس الوثيقة و الواحد بيمشي و معهوش ولا ورقة تثبت إنه عمل معاينة و دفع فلوس ! و إتأكدت من كذا حد في الشركة "يا جماعة هو ده عادي؟!" قالولي أه و الوثيقة هتطلع بكرة متقلقش .. يا تري حصل معاك كدة يا محمد ولا انا إتقلبت ولا إيه :)

بس شكراَ لك طبعاَ علي إفادتك لينا في الموضوع انا الحقيقة موضوع التأمين ده كان بيلعبلي في دماغي لأنه خلصان من حوالي 6 شهور و ماشي كل ده وسط السيرك المصري و انا مش مأمن بس ربنا بيسترها الحمد لله .

لو لسة مخدتش الوثيقة ممكن نتفق انا و إنت و أبو حمزة و نتقابل نجيب الوثائق مع بعض و أهي فرصة نقابلك و نتعرف عليك .

[aliabutaleb]

حمداً لله على السلامة يا محمود :)
شكراً ليك يا أستاذ محمد على المساعدة في الموضوع
محمود وانا النهاردة أخدنا ضربة شمس محترمة :)
بصراحة مكان الشركة غير موفق على الإطلاق
على رأي محمود، كان أولى الشركة تاخد مقر في 6 أكتوبر أو في أي مكان فاضي شوية عن كدة
انا مدفعتش النهاردة
بس يا محمود انا فاكر السنة اللي فاتت لما أمنت اول سنة مع الجمعية برضة دفعت الفلوس من غير ايصال.
ربنا يستر بقى وميقلوش بأصلهم

بالمناسبة، العربية اتقدرت قيمتها بـ 75 ألف
(القيمة مرنة لو كانت العربية كاش مش تقسيط، ممكن المالك يختار القيمة اللي هو عاوزها)
وكان المبلغ المطلوب دفعه 1995 بعد خصم الـ 5%.
بخصوص الخدوش اللي موجودة في الاكصدام هما قالولنا حاجة وهي انها بتطلع دهان الاكصدامات خارج التأمين. دهان فقط
وممكن عملها في أي وقت والرجوع للتأمين لإلغاء استثناء الجزء المخدوش.

[M.Mosaad]

الحمد لله انا و الله كنت بحاول ارد حزء من جمايل الناس اللي في المنتدي دة لاني استفدت منه جدا و الناس هنا كلها بتتسابق علشان تساعد بعض و انا و الله العربيه دي مكنتش بفكر فيها اساسا لكن الاخوة هنا كانوا سبب رئيسي ربنا جعله علشان اجيبها و فعلا كانت صفقه رابحه الحمد لله علي الرغم من كم الانتقادات اللي التوكيل بياخدها الايام دي و هو يستاهلها بصراحه بس هي كعربيه فعلا جميله جدا
علي فكرة انا و الله لسة مخدش الوثيقه لان مواعيدي مقفوله اوي
و بالنسبة لموضوع الدهان دة طب لاقدر الله الاكصدام حصل فيه حاجة و عايز يترش مش هيدفعهوا يعني اصل الاكصدام كله بيعتبر قطعه واحدة يعني مش بيرشوا في التوكيل جزء و الباقي لأ ممكن ابو حمزة تفسير اكتر للموضوع دة
بالنسبة للايصال انا كنت عامل التامين قبل كدة مع التوكيل و مكنشي فيه ايصال برضة و لا حاجة اعتقد الموضوع بيبقي ثقة بس انا كلمتها من كام يوم قالتلي الوثيقه جاهزة تعالي خدها المشكله في مواعيدي انا لاني ساكن في مدينه نصر و الشركه في جامعه الدول و مواعيد شغلي ملخبطة اوي الايام دي
انت عربيتك ايه يا ابو حمزة الموديل يعني اصل بنتقول اتقدرت ب 75000 لاني انا عامل عربيتي علي 65000 ( 2008 gl) يعني دفعت 1730 بعد الخصم
انا لو هقدر اروح الايام الجايه هبقي اقول و نتفق علي معاد نتقابل حاجة تشرفني جدا و الله

[Mamdoh Elarby]

السلام عليكم و رحمة اللة

انا يا جماعه لازم اهني نفسي و شركتي ان جه عندنا ناسمحترمين من نايل موتورز المحترم.....
بس معلش يا جماعه واجبي اني اصحح اي معلومه غلط انا كنت شوفها عشان لا قدر الله عند حدوث اي شيء متبقاش شركة وثاق شكلها وحش قدامكو.....
انا اولا يا جماعه هقولكوا علي انواع الخصومات ( علي فكرة الخصومات و انواعها و نسبتها موضوعه من قبل الهيئة المصرية للرقابة علي التأمين و ليست نابعه من اهواء الشركة و بيكون ساري علي كل الشركات العاملة في مصر )

1- خصم الاصلاح في التوكيل
( ده بيكون 10% من قيمة التعويض يتحمله العميل اذا رغب الاصلاح في التوكيل و ده بيكون من اجمالي قيمة الفاتورة )
علي فكره القرار ده منزلاه الهيئة من شهر سبتمبر اللي فات فقط

2- خصم الاستهلاك
( ده بيكون مقابل ان اثناء الحادثة تلفت قطع غيار قديمة و الشركة بتركب لحضرتك قطع غيار جديدة فالخصم ده بيكون مقابل استعمال القط التالفة )
و بيتم احتسابه كالأتي اذا كانت السياره موديل السنه بيكون الخصم 5% من قيمه قطع الغيار فقط و ليس المصنعيات و بيزيد 5% كل سنه نعدي من عمر السيارة حتي يتوقف عند 25 % و ده اقصي حد حتي لو العربيه موديلها عدي من 30 سنة )

3- خصم التالف و ده بيكون 5% في جميع الاحوال و ده بيكون مقابل احتفاظ العميل بقطع الغيار النالفة

طبعا يا جماعة ديه تحملات اجبارية تفرضها هيئة الرقابة علي التأمين فباتالي هي غير مكتوبة صراحة في عقد التأمين و بيفرضوا علي كل العملاء ...

بس يا جماعه هو في اخر نوعين من التحملات واحد منهم حسب رأي الاداره و واحد منهم حسب رغبة العميل

نيجي لأول واحد و ده بيكون اذا رأت الشركة ان معدل استهلاك السيارة عالي ( اذا كانت ماشية كيلومترات اعلي من المعدلات المعقولة او اذا كانت فيها خبطات او تجريحات فوق الطبيعي و ده قيمته بنكون مبلغ ثابت ما بين 200 او 300 جنيه عن كل حادث )

اما تاتي نوع و بكون حسب رغبة العميل و بيفرضه علي نفسه اما انه بيعملوا خصم 25 % من قسط التأمين ( طبعا النوع ده قليل اوي اللي بيلجألوه )

يا جماعه اخر نوعين دول يكتبوا صراحة في عقد التأمين....

ده يا جماعة كل اللي بيتعلق بموضوع الخصومات و التحملات التي يتحملها العميل و لاشيء غيره ...

طبعا انا اسف جدا ان حضراتكوا تكونوا فهكتوا الموضوع غلط من بعض الزملاء بس اكيد ان ممكن حضرتك مكنتش فاهم قصدها بالظبط....

طبعا يا جماعه اي استفسار او اي حاجة غي مفهومه تاني انا موجود بالخدمة...

اخوكم / ممدوح العربي

[abou_ruqi]

السلام عليكم و رحمة اللة

انا يا جماعه لازم اهني نفسي و شركتي ان جه عندنا ناسمحترمين من نايل موتورز المحترم.....
بس معلش يا جماعه واجبي اني اصحح اي معلومه غلط انا كنت شوفها عشان لا قدر الله عند حدوث اي شيء متبقاش شركة وثاق شكلها وحش قدامكو.....
انا اولا يا جماعه هقولكوا علي انواع الخصومات ( علي فكرة الخصومات و انواعها و نسبتها موضوعه من قبل الهيئة المصرية للرقابة علي التأمين و ليست نابعه من اهواء الشركة و بيكون ساري علي كل الشركات العاملة في مصر )

1- خصم الاصلاح في التوكيل
( ده بيكون 10% من قيمة التعويض يتحمله العميل اذا رغب الاصلاح في التوكيل و ده بيكون من اجمالي قيمة الفاتورة )
علي فكره القرار ده منزلاه الهيئة من شهر سبتمبر اللي فات فقط

2- خصم الاستهلاك
( ده بيكون مقابل ان اثناء الحادثة تلفت قطع غيار قديمة و الشركة بتركب لحضرتك قطع غيار جديدة فالخصم ده بيكون مقابل استعمال القط التالفة )
و بيتم احتسابه كالأتي اذا كانت السياره موديل السنه بيكون الخصم 5% من قيمه قطع الغيار فقط و ليس المصنعيات و بيزيد 5% كل سنه نعدي من عمر السيارة حتي يتوقف عند 25 % و ده اقصي حد حتي لو العربيه موديلها عدي من 30 سنة )

3- خصم التالف و ده بيكون 5% في جميع الاحوال و ده بيكون مقابل احتفاظ العميل بقطع الغيار النالفة

طبعا يا جماعة ديه تحملات اجبارية تفرضها هيئة الرقابة علي التأمين فباتالي هي غير مكتوبة صراحة في عقد التأمين و بيفرضوا علي كل العملاء ...

بس يا جماعه هو في اخر نوعين من التحملات واحد منهم حسب رأي الاداره و واحد منهم حسب رغبة العميل

نيجي لأول واحد و ده بيكون اذا رأت الشركة ان معدل استهلاك السيارة عالي ( اذا كانت ماشية كيلومترات اعلي من المعدلات المعقولة او اذا كانت فيها خبطات او تجريحات فوق الطبيعي و ده قيمته بنكون مبلغ ثابت ما بين 200 او 300 جنيه عن كل حادث )

اما تاتي نوع و بكون حسب رغبة العميل و بيفرضه علي نفسه اما انه بيعملوا خصم 25 % من قسط التأمين ( طبعا النوع ده قليل اوي اللي بيلجألوه )

يا جماعه اخر نوعين دول يكتبوا صراحة في عقد التأمين....

ده يا جماعة كل اللي بيتعلق بموضوع الخصومات و التحملات التي يتحملها العميل و لاشيء غيره ...

طبعا انا اسف جدا ان حضراتكوا تكونوا فهكتوا الموضوع غلط من بعض الزملاء بس اكيد ان ممكن حضرتك مكنتش فاهم قصدها بالظبط....

طبعا يا جماعه اي استفسار او اي حاجة غي مفهومه تاني انا موجود بالخدمة...

اخوكم / ممدوح العربي

تمام يا استاذ ممدوح ،هو ده تقريبا اللي حصل معايا

[MoMohsen]

طب لو عربيتى موديل 2001 ينفع بردة أأمن عليها و لا مربوطة بعدد سنين معينه؟

[Mamdoh Elarby]

abou_ruqi الحمد لله انها تمت علي خير و يارب متحتاجش للتأمين تاني ابدا ان شاء الله

MoMohsen اه يا فندم مفيش اي مشكله 2001 قريب مش بعيد اوي برده