رابطة مالكي السريون

[Eng_aly]

تنورى واهلا وسهلا بيكى

[ows212]

انا كمان نسيت اسجل اسمى فى الرابطة

[aliabutaleb]

كنت لسة في دماغي من كام يوم أهمية إن يبقى فيه موضوع في الدايهاتسو يجمع مالكي السيريون
ومكنتش واخد بالي من الموضوع ده
بس بصراحة حاسس ان المناقشات طلعته شوية عن مساره وهو التعريف بمالكي السيريون
باقترح حاجة من اتنين
يا إما يتعمل موضوع جديد يكون اسمه رابطة مالكي السيريون بجد ويرد فيه كل واحد من مالكي السيارة ويعرف بعربيته ولونها وموديلها
يا إما ننقي الموضوع ده من كل المناقشات ونحطها في موضوع جديد

[ows212]

أنا معاك يا على فى الموضوع ده

[عبد الرحمن اسامه]

ادعولى يا جماعة اكون معاكو قريبا، انا حاليا معايا سوزوكي التو زن موديل ٢٠٠٧ و عليها اقساط لسه لمدة سنتين و نص كده فات حوالي سنه و نص من الاقساط، بس كنت بفكر ابيعها كاش و اكمل انا اقساطها، و احط ثمنها مقدم و ادفع حوالي ٤٠،٠٠٠ و هزود كمان ٢٠٠٠ جنيه عشان يبقي ٥٠٪ مقدم للموديل الاوتوماتيك.
الالتو مش مضايقاني فى حاجة، هيا ممتازه بصراحة الا بعض الحاجات البسيطه، صوت التكييف و المروحة الداخلية عالي جدا، القاعدة مش مريحه في السفر الطويل، شوية عيوب تأفيل منها ان المساحات بايظه من ساعة ما جبتها تقريبا جلدها متاكل شوية، مساحات التخزين في التابلوه مفيش تقريبا.

يعني بصراحة انا بس شبطان في السيريون، من كتر مابتكلمو عنها، رآيكو اعقل و بلاش جنان، ولا اتوكل علي الله و اخطفلس سيريونايا و هيكون عليه ٢ قسط، ١-بتاع الاتو ٧٥٠ فاضلو سنين و نصف ٢- بتاع السيريو هيبقي حوالي ١٢٥٠ لمدة ٤ سنوات.

افيدوني، عقلوني.

[أبو عبدالله]

ادعولى يا جماعة اكون معاكو قريبا، انا حاليا معايا سوزوكي التو زن موديل ٢٠٠٧ و عليها اقساط لسه لمدة سنتين و نص كده فات حوالي سنه و نص من الاقساط، بس كنت بفكر ابيعها كاش و اكمل انا اقساطها، و احط ثمنها مقدم و ادفع حوالي ٤٠،٠٠٠ و هزود كمان ٢٠٠٠ جنيه عشان يبقي ٥٠٪ مقدم للموديل الاوتوماتيك.
الالتو مش مضايقاني فى حاجة، هيا ممتازه بصراحة الا بعض الحاجات البسيطه، صوت التكييف و المروحة الداخلية عالي جدا، القاعدة مش مريحه في السفر الطويل، شوية عيوب تأفيل منها ان المساحات بايظه من ساعة ما جبتها تقريبا جلدها متاكل شوية، مساحات التخزين في التابلوه مفيش تقريبا.

يعني بصراحة انا بس شبطان في السيريون، من كتر مابتكلمو عنها، رآيكو اعقل و بلاش جنان، ولا اتوكل علي الله و اخطفلس سيريونايا و هيكون عليه ٢ قسط، ١-بتاع الاتو ٧٥٠ فاضلو سنين و نصف ٢- بتاع السيريو هيبقي حوالي ١٢٥٠ لمدة ٤ سنوات.

افيدوني، عقلوني.

لا اعقل
بلاش سيريون ممكن شاريد كسر زيرو
العربيه تقفيلها محترم جدا وفرشها وخامتها الداخليه جيده جدا وشكل تابلوه قيم وشيك

اما اقساط سيريون كتير قوي

[عبد الرحمن اسامه]

انت السبب يا ابو عبد الله :bigear: انا بقراء هنا من زمان، و من سنه و ٣ شهور تقريبا بعت عربيتى الرينو ٩ موديل ٨٦ زودت عليها و اشتريت التو بالتقسيط، بس ساعتها كانت اول مره اكتشف نايل موتورز و حببتني جدا في السيريون حاولت اجيبها بس الضمنات مكانتش كافيه كان لازم المقدم يبقي ٥٠٪، و من ساعتها و انا شبطان في السيريون.

ربنا يهديني بقي و اعقل يا إما هتلاقوني شاغال عليها سواق تاكسي عشان اعرف ادفع الاقساط.