نيتروجين للسيريون

[bmya]

السلام عليكم

يا جماعه حد جرب يحوط نيتروجين في السيريون انا ملاحظ ان مفيش حد اتكلم عن الموضوع ده خالص
علي العموم انا روحت انهارده حطيت نيتروجين وفعلا حسيت بفرق كبيير في النقر والمطبات بقيت اطري وانعم
بس فيه حاجه الراجل ملالي الكاوتش علي 28 مش عارف ليه
لما قلتله الكتالوج 31 قالي عارف بس ده لطرق بره ياباشا ناعمه مش هتحس بحاجه لكن 31 هنا هتحس انك ماشي علي قالب طوب
قلتله انا اصلا كونت بحوط30 هواؤ عادي قالي هتدبدب منك وهتبقي ناشفه وقالي جرب

انا عايز اعرف بقه اروحله اخليه يزودها 30 تاني ولا اسيبها كده هي كده ناعمه وكيسه بس تقريبا حاسس الدركسيون اتقل شويه مش عارف بجد ولا ده احساس عشان انا عارف ان العجل ناقص عن العادي
ارجو الافاده

[medo_sirion]

لازم تزودها

[bmya]

ايه ياعم الرد المختصر ده انت بخيل ولا ايه

[Ahmed Hassan]

طبعا تروح تزودها. و على فكره الضغط الموصى به من الصنع لازم تلتزم بيه سواء بتستعمل هواء أو نيتروجين

[bmya]

شكرا يا احمد باشا علي الرد
انا برده مشيت من عنده وانا مش مقتنع بان الضغط يبقي اقل من الكتالوج ب 3 درجات انا بزوده 30 يعني اقل ب درجه وحده عشان ميبقاش ناشف اوي بس 3 فعلا كتير هروح ان شاء الله بكره ازوده 30

وعلي فكره كنت عندك في بورسعيد يوم الخميس اللي فات بلد جميله جدا ماشاء الله وانا بحب انزلها كتير

[Ahmed Hassan]

بورسعيد نورت بيك.
هل عندك مقاس لضغط الكاوتش؟ انصحك تجيب واحد ديجيتال من عند راديو شاك و لما تزود الكاوتش سواء هواء أو نيتروجين زوده درجتين او تلاته زياده. و تركن العربيه تحت البيت (يستحسن في مكان ضل) و تنزل بليل تقيس ضغط الكاوتش و تضبطه على الدرجه اللي في الكتالوج. الضغط في الحاله دي هوه الي بيسمى cold tire pressure و ده اللي بيكون مكتوب في الكتالوج او على الستيكر اللي في العربيه

[MoToRiZeR]

شريف باشا .. الأستاذ بلية متخصص في نصيحة الناس في كل مكان بإنهم يعملوا العجل علي 28 في الصيف قال إيه عشان تبقي ناعمة و عشان متفرقعش

بغض النظر بقي عن كلام الشركة الأم اللي عاملة العربية أساساَ و عارفة أنهي ضغط هوا مناسب لحمولتها

و اللي بيحصل اما تقلل الضغط إن الإطار بيريح عالأرض أكتر و الجزء المعرض للأسفلت و الإحتكاك بيكون أكبر فا بيبقي عرضي أكتر إنه يفرقع و بيزود إستهلاك البنزين و بيقلل عمر الإطار

لذلك لازم تزوده طبعاَ و متسمعش كلامه في حاجة عشان بلية ده مؤذي و موجود في حتة .. لسة بلية في بنزينة عالصحراوي بزود عنده و حتي بعد ما وريته مكتوب 31 في قايم العربية حسسني إني مجنون

[bmya]

ربنا يخليك يا احمد باشا منوره باهلها والمقاس ده بكام في راديو شاك ونوعه نضيف يعني يستجمل ولا تعبان

محمود باشا والله انا بتخنق جدا من الكلام مع الصنايعيه بجد بزهق خصوصا انهم بيقعدوا يفتوا وخلاص فهو قاعد يقنع فيه ويقولي جرب ومش هتخسر وكلام من ده كتيير فقلت انا كده كده كنت رايح اركن العربيه ساعتها قلت اريحه واريح نفسي وامشي وارجعلوا بكره ان شاء الله اخليه يزودها واقوله معجبنيش ال 28 وخليها 30
بس انا قلت برده اخود رأئ اخواني في المنتدي واسالكم علي حد جربه مع السيريون وفرق ولا ايه
اصل انا خاسس انها بقيت انعم بس مش عارف بقه عشان هو مقلل ضغط الهواء في العجل ولا عشان النيتروجين فعلا احسن حد يعرف؟

[medo_sirion]

بيقلل عمر الإطار
تمام كدة كل مانقص الهواء بيقلل عمر الافتراضى بتاع الكاوتش

[aliabutaleb]

انا ملحقتش أقارن بين الكاوتش بالنيتروجين وبالهوا العادي
لأني أول ما استلمت العربية قبل ما أروح رحت على بريدجستون فضيت الأربعة من الهوا ومليتهم نيتروجين
لكن كنت في مطروح من شهرين وكان فيه عجلتين ريحوا مني لأنهم اتخرموا وكنت أربع ولا خمس مرات في اليوم بازودهم بكومبريسور هوا عادي
ساعتها بس عرفت الفرق بين النيتروجين والهوا العادي
فعلاً النيتروجين حسيت إنه خللى العربية أنعم وأطرى كتير مع المطبات
ولما رجعت اسكندرية اول حاجة عملتها إني فضيت الاربعة تاني ومليتهم نيتروجين
بس انا مش باتنازل أبداً عن إني أخللي الكاوتش على 31 مهما كانت افتاءات الباشمهندس بلية :)

[GMakram]

انا اول مره اعرف انى المفروض املئ الكاوتش على 30 من يوم ماجبت العربيه عامله 28,شكرا على المعلومه وبلاش حد يتريق عليا لو سمحتوا :)

[bmya]

لا ياباشا ده المفروض 31 كمان بس انا عن نفسي بتعب من المطبات بقول كفايه 30
لكن لما عملتهم نيتروجين الراجل عملهم 28 بس حسيت ان الدركسيون تقل شويه فهروح اعملهم تاني 30

[Ahmed Hassan]

ربنا يخليك يا احمد باشا منوره باهلها والمقاس ده بكام في راديو شاك ونوعه نضيف يعني يستجمل ولا تعبان

محمود باشا والله انا بتخنق جدا من الكلام مع الصنايعيه بجد بزهق خصوصا انهم بيقعدوا يفتوا وخلاص فهو قاعد يقنع فيه ويقولي جرب ومش هتخسر وكلام من ده كتيير فقلت انا كده كده كنت رايح اركن العربيه ساعتها قلت اريحه واريح نفسي وامشي وارجعلوا بكره ان شاء الله اخليه يزودها واقوله معجبنيش ال 28 وخليها 30
بس انا قلت برده اخود رأئ اخواني في المنتدي واسالكم علي حد جربه مع السيريون وفرق ولا ايه
اصل انا خاسس انها بقيت انعم بس مش عارف بقه عشان هو مقلل ضغط الهواء في العجل ولا عشان النيتروجين فعلا احسن حد يعرف؟

انا مش فاكر تمن المقاس بالضبط بس لو انا فاكر فهوه في حدود ١٥٠ جنيه و انا شاريه من حوالي سنه و نص و شغال كويس لحد الآن

[MoToRiZeR]

انا جربته من سنة و محستش بفرق أوي
بس انا رايح بردجستون بكرة هكشف عالعجل عشان بينزل لوحده بشكل عجيب .. و كله !

و بالمرة أضرب نيتروجين و أربط العفشة و هقولكم رأيي تاني .
بالمناسبة يا جماعة هو ينفع أزبط زوايا في بردجستون ؟ حد عملها للسيريون قبل كدة ؟
العربية عندها حدفة شمال كدة ظاهرة جديد مش ظريفة
ولا أبقي أعملها في التوكيل

[MoToRiZeR]

جورج باشا زي ما شريف قال المقاس المزبوط 31 و هتلاقيه مكتوب عالقايم بتاع باب السواق :)
و انا هعمل زيارة لراديو شاك اسأل علي مقاس الهوا بالمرة بكرة .

يا ريت كل واحد يخلي معاه كمان كمبروسر صغير إحتياطي و وصلة بطارية لأن انا إتقرصت من الحاجات دي و عرفت أهميتها حتة لو العجل و البطارية جداد :) و طقم مفاتيح صغير كدة عشان تعرف تفك بيه الصواميل الصغيرة زي بتاعة قطاش البطارية