دايهاتسو تتراجع عن ما تم الاتفاق عليه بخصوص الزيت

[aliabutaleb]

الفترات اللى كنت بتجمع فيها الزيت يا باشا كانت تعتبر متقاربة..... لكن المشكلة انه مع موبيل 1 و تغييره كل 10000 حكاية تجميع الزيت هتبقى مشكلة لانه انت كده هتستنى سنة على الاقل عقبال متجمعلك 3 لتر

ممكن يبقى له فايدة تانية
إن الواحد بدل ما يشتري العبوة الـ 4 لتر يشتري 3 بس
ويكمل الـ 0.1 بجزء من العبوة الباقية من تغيير الزيت اللي قبله
وكدة يبقى وفر سعر لتر تقريباً.

لكن المسألة فى التراجع الدائم عن كل ما يريح المستهلك المصرى و يجعله ياخد حقه...... حركة سخيفة خلتهم يسقطوا من نظر الواحد شوية الصراحة.....

أستاذ ماهر
انا بصراحة مش معترض على التراجع بقدر اعتراضي على عدم إعلامنا
مش عاجبني إحساس طرف من طرفي العلاقة بين توكيل ومستهلك إنه بيمن على الآخر
بالرغم من إن العلاقة ذات منفعة متبادلة، إحنا محتاجين التوكيل كمكان محترم وموثوق فيه بنقوم بصيانة سياراتنا فيه، والتوكيل كمان محتاج لنا لنا عشان يرسخ سمعة طيبة بين العملاء لأن الطبيعي إن هدفه الأول والأخير يكون رضا العميل واللي بينعكس بدوره على تعظيم ربحه.
إنما لو طرف أحس إنه بيمن على الآخر بيحصل خلل وشرخ في العلاقة دي

[OlaOsman]

يعني من الآخر كده إدارة الصيانة قلبت على نايل موتورز

طيب يعني لما أروح صيانة ال5000 يوم السبت أقول لهم انا من نايل موتورز و لا بلاش أحسن يعاملوني معاملة خاصة؟

[bmya]

الصراحه انا مبحبش اغير موبيل 1 عشان بيقعد فتره طويله جداااااااا خصوصا ان انا استخدامي موزع علي عربيتين مش السيريون بس وعشان كده ال10000 عشان يخلصوا فيها سنه او اكتر بالنسبهلي عشان كده بغير موبيل 5000 وفي الصني نفس الكلام واللي تحتاج تغير زيت قبل التانيه بحوط الباقي فيهاا
وفي حل تاني ان حضرتك تغير زيت بره مش في الاتوكيل وتجيب العبوات الواحد لتر وزي ابو حمزه ماقال نسبه ال0.1 تحوطها من الباقي ودي نسبه ضئيله جدا اعتقد لن تؤثر في الزيت بفرض ان خواص الزيت هتتغير والله اعلم

[Imhotep]

ممكن يبقى له فايدة تانية
إن الواحد بدل ما يشتري العبوة الـ 4 لتر يشتري 3 بس
ويكمل الـ 0.1 بجزء من العبوة الباقية من تغيير الزيت اللي قبله
وكدة يبقى وفر سعر لتر تقريباً.



أستاذ ماهر
انا بصراحة مش معترض على التراجع بقدر اعتراضي على عدم إعلامنا
مش عاجبني إحساس طرف من طرفي العلاقة بين توكيل ومستهلك إنه بيمن على الآخر
بالرغم من إن العلاقة ذات منفعة متبادلة، إحنا محتاجين التوكيل كمكان محترم وموثوق فيه بنقوم بصيانة سياراتنا فيه، والتوكيل كمان محتاج لنا لنا عشان يرسخ سمعة طيبة بين العملاء لأن الطبيعي إن هدفه الأول والأخير يكون رضا العميل واللي بينعكس بدوره على تعظيم ربحه.
إنما لو طرف أحس إنه بيمن على الآخر بيحصل خلل وشرخ في العلاقة دي

هو يبدو انهم شبعوا زى ما علق قبل كده احد الاخوة..... لانهم اولا لغوا اتفاق كان مريح الناس..... ثانيا لم يعلمونا به و هم يعلمون جيدا اننا سنعرف عن طريق مجتمعنا داخل نايل موتورز و استخدموا سياسة فرض الامر الواقع و على المتضرر انه يشرب من الزيت..... ثالثا ولانهم شبعوا فخلاص مش فارق معاهم نايل موتورز و السمعة الطيبة اللى خدوها على حسه...... انا واحد من الناس اللى كانت من اهم اسباب شرائى للسيارة هو راحة الناس مع التوكيل وهو الذى كان الاعضاء هنا يعبرون عنه دائما فيما سبق..... ربنا يستر بقى على مستوى الخدمة نفسه لان الحركة دى طلعت نزلت فهى لا تزيد عن حركة نص كم لكن الاهم هو مستوى الخدمة فى المجمل......

[aliabutaleb]

ربنا يستر بقى على مستوى الخدمة نفسه لان الحركة دى طلعت نزلت فهى لا تزيد عن حركة نص كم لكن الاهم هو مستوى الخدمة فى المجمل......

بخلاف مشكلة علبة الدركسيون المزمنة اللي مش لاقيين لها حل وقاعدين يجربوا فانا في رأيي مستوى الخدمة مقبول جداً ودي بعد ما عملت بعربيتي 36500 كم وكلها صيانات داخل التوكيل.

[aliabutaleb]

يعني من الآخر كده إدارة الصيانة قلبت على نايل موتورز :h_angry[1]:

طيب يعني لما أروح صيانة ال5000 يوم السبت أقول لهم انا من نايل موتورز و لا بلاش أحسن يعاملوني معاملة خاصة؟

هي مش هاتفرق خالص يا علا
ولا بالسلب ولا بالإيجاب
حتى الخصم مخدتهوش آخر مرة
فالظاهر إن دايهاتسو كمان رجعوا في كلامهم في مسالة الخصم
انا بصراحة ولا مرة طلبته وفي المرتين اللي فاتوا كان بيتحط من غير طلب
مش عارف بقى رجعوا في كلامهم ولا دي بركات السيستم الجديد اللي شغالين عليه
في كل الأحوال هي مش بتفرق كتير فالخصم مش بقيمته وإنما مجرد لفتة طيبة من جانبهم.

[Maged.Sarwat]

السلام عليكم ورحمة الله وبركاته
الأخوة الأعزاء
كلنا فاكرين المسلسل الممل اللي عاصرناه منذ شهور قليلة بخصوص كمية الزيت المناسبة التي يجب وضعها وكيفية حسابها.
وبدون الدخول في تفاصيل مكررة بدون داعي أذكركم بهذا الاقتباس الشهير:



يؤسفني إني أقول إن توكيل دايهاتسو قد تراجع عن ما تم الاتفاق عليه مسبقاً بخصوص المحاسبة على أساس كمية الزيت الموضوعة بالفعل.
والمؤسف أكثر إن هذا التراجع قد تم بدون أي سابق إنذار لأعضاء نايل موتورز اللي كان التوكيل خصهم بهذا الإعلان.
وهذا الكلام بناء على ما تم بالفعل مع أكثر من عضو في مركز الصيانة، وبناء على محادثة غير مجدية مع م. محمد عبد الصمد منذ أيام قليلة.

انا حبيت بس أنوه عن تغيير الموقف اللي تم عشان كل واحد مننا يروح للصيانة سواء في مركز العبور أو مركز أبو رواش إنه يبقى عارف إنه هايحاسب على 4 لتر زيت بدلاً من الكمية اللي بيتم وضعها بالظبط.
مع ملاحظة إن هناك تعليمات الآن بضرورة إعطاء العميل الكمية المتبقية من الزيت الخاص به.

وهذا فقط للعلم.

يا جماعه أنتم بتلوموا التوكيل على أنه سحب العرض واخبرناش وإن مافيش حد من التوكيل بيرد علينا وإن الأنسة (مي) مابتعبرش حد هنا في نايل موتورز
طب ماهو الأولى إن الإدارة الكريمة لنايل موتورز وللا سيادة المشرف هما إللي يردوا على الأعضاء ويتابعوا جدية العروض ويوضحوا للأعضاء الموقف على حقيقته ويشيلوا المواضيع المثبته على الفاضي وكأنها أعلانات للوكيل إللي لا يفي بوعوده الوهميه

في النهاية العيب مش على الوكيل

ده انا عايز اقولك بقه ان فيه واحد اعرفه بيخلط زيت موبيل1 مع زيت موبيل ال5000 وعايش حياته ههههههههههههه

على فكره غلط جدا أنه يخلط زيت تخليقي بزيت عادي لأختلاف خصائص كل زيت عن الأخر

[bmya]

منا عارف انه غلط بس هو مقتنع انه كده بيعمل خليط متميز