الليجاسي كويسه و لكن ...

[Kazzaz]

350 الف جنيه ؟؟؟ مش كثير يا جماعه المبلغ ده و اعتقد هايخلي الناس تبعد عنها طبعا .. انا اهو واحد بحب السوبارو جدا بس لو معايا المبلغ لييه اجيبها مع اني مثلا ممكن اجيب مرسيديس ؟؟
مش المفروض لو عايزيين الانتشار يرخصوا شويه زي ما عامليين في الامبريزا ؟

[ahmad--ezzat]

طبعا كلامك صح نا اجيب مرسيدس احسن الفين مره

[Ahmed Hassan]

اقرب مرسيديس ليها ب ٣٢٠ الف (رسمي) و ٣٤٥ في المعارض و ١٦٠٠ سي سي

عموما محدش من اللي بيركبو سوبارو بيحسبها كده ابدا

[Kazzaz]

مانا يا احمد والله بحب السوبارو جدا و تعبت علي ما جبتها ..
بس انا بتكلم لو انت معاك المبلغ ده هاتجيبها ؟؟ ولا هاتفكر في حاجه الماني سواء مرسيدس او بي ام او فولكس او اودي ؟ اعتقد ان عشان سوقها يمشي في مصر لازم سعرها ينزل و ينزل جامد كمان .. مجرد وجهه نظر

[Ahmed Hassan]

مانا يا احمد والله بحب السوبارو جدا و تعبت علي ما جبتها ..
بس انا بتكلم لو انت معاك المبلغ ده هاتجيبها ؟؟ ولا هاتفكر في حاجه الماني سواء مرسيدس او بي ام او فولكس او اودي ؟ اعتقد ان عشان سوقها يمشي في مصر لازم سعرها ينزل و ينزل جامد كمان .. مجرد وجهه نظر

انا بحب السواقه و بستمتع بالعربيات
الوحيده اللي ممكن افكر فيها من دول هيه البي ام و تكون ٢٠٠٠ سي سي (على الاقل)
بس عايز اقولك حاجه... مش برضى اقولها علشان الناس مش بتصدق. انا بسوق بي ام ٣٢٠ موديل ٢٠٠٨ و باستمتع بسواقتها .. بس ثباتها مش زي السوبارو خصوصا لو الطريق مش مستوي

بسوق مرسيدس سي كلاس ٢٨٠ موديل ٢٠٠٨(٣٠٠٠ سي سي) متخلفه في الجري!! بتجيب ٢٥٠ و انت مغمض بس مش بستمتع بسواقتها... و برضو على فواصل الكباري مقدرتش امشي على ١٦٠ زي السوبارو. يعني من الآخر السوبارو لو فيها موتور قوي هتلاقي عربيه تانيه خالص.

فولكس و اودي لا مش هفكر فيهم

[Kazzaz]

والله انا صعبانه عليا الامبريزا بالذات .. يعني لما يبقي موتور الفيرنا اقوي منها حاجه تكرهك في الجمارك و البلد و تحس اننا متخلفيين بجد يعني تخيلها كده بال2.5 تبقي وهميه بجد ...
انا عارف الليجاسي اكيد جامده انا اتوهمت بيها بس لما شفت السعر حسيت اني فقت كده .. دي لو مثلا كانت 200 250 كانت تبقي وهميه بس انها تدخل في كاتجوري المرسيديس و البي ام و عايزه تقنعني اشتريها هاقولها لا للاسف .. انا حاسس اني بقيت بحب السوبارو و كمان بقيت تصعب عليا ههههههههه

[M.Osman]

اعتقد ان موضوع التسعير مش في ايد الوكيل بس... لكن برضه بسبب الجمارك على السعة اللترية الكبيرة (نسبياً) لمحرك الليجاسي..

حاجة كدا زي الكامري اللي بأكتر من نص مليون .. و كل دا عشان مستوردة بالكامل و سعة المحرك بتاعها

[ahmad--ezzat]

. انا بسوق بي ام ٣٢٠ موديل ٢٠٠٨ و باستمتع بسواقتها .. بس ثباتها مش زي السوبارو خصوصا لو الطريق مش مستوي

بسوق مرسيدس سي كلاس ٢٨٠ موديل ٢٠٠٨(٣٠٠٠ سي سي) متخلفه في الجري!! بتجيب ٢٥٠ و انت مغمض بس مش بستمتع بسواقتها... و برضو على فواصل الكباري مقدرتش امشي على ١٦٠ زي السوبارو

اعتقد ان الموضوع دخل فى منطقه نفسيه....يعنى عشقك للسوبارو هو اللى بيتكلم....لكن فى الواقع ستابيلتى ال سى كلاس اكيد مفيش كلام احسن من السوبارو بالاضافه اللى الراحه والامان المتناهى فى المرسيدس....السوبارو عربيه كويسه بس كل شىء له اخر وكل حاجه على قدها....
من الممكن مقارنه السوبارو بالسيفيك والمازدا والكرولا لكن السى كلاس والاس كلاس والبى امات صعب التفاهم...كده فى ظلم للامبريزا

[nobody]

الفكرة كلها إن البي إم والمرسيدس بيتجمعو في مصر فجماركهم قليلة تقريبا 70%
أما الليجاسي عشان مستوردة فجماركها 235%
يعني مثلا في السعودية الليجاسي ب 70 ألف ريال والبي إم 320 ب 150 ألف ريال وده الفرق الحقيقي مابينهم

[Mosso]

معلش بس انا عايز اقول حاجه,
انا عن نفسي لو عايز اشتري عربيه,
بصراحه هشتري العربيه الي بحبها سواء هتكون بعامل نفسي او عملي,
ده طبعا ميمنعش ان يكون في منطق وانا بشتري يعني مثلا مش عشان بحب الفيرنا مجيبش بي ام !!!!
بس انا نفسي نبطل عقدة البي ام و المرسيدس و الياباني و الالماني بقه عشان نقدر نتقدم,
عن نفسي لو الصين عملت عربيه محترمه و كلفتها جامد ايه المانع اني اشتريها!!!
الفرق في ثمن المرسيدس و البي ام عن اي عربيه تانيه هما ,
1-ثمن العلامه الغنيه عن التعريف
2-تعمدهم زيادة الرفاهيه لانها فعلا سيارات رفاهيه,
يعني المواد الخام لازم تكون من اغلى الخامات حتى لو مش باينه او مش مستعمله لكن اهم حاجه ان العربيه كلها معموله و متكلفه و طبعا ده يديها فخامه و سعر,

انما في رأيي الشخصي لو معايا 350 هجيب امبريزا wrx,
انا عن نفسي بفضلها عن الفئه التالته,
يمكن عشان انا مش بستلطف الفئه التالته (رأي شخصي)
و هفضلها عن الc-class و الاودي A4 لان انا بحبها و عارف ادائها كويس قدام العربيات دي,
انما لو ما اتاحتليش الفرصه اجيبها هجيبهم ان شاء الله ( وعد مني ),

سؤال للاستاذ احمد نوبيرا : هل حضرتك سقت السي كلاس و الليجاسي قبل كده بحيث تقدر تحكم على الاستابيليتي بتاعهم؟

تنويه: كل الكلام الي فوق ده بيعبر عن رايي الشخصي و انا مسؤول عنه
(عشان محدش ييجي يقتلني و يقوللي انت بتقارن سوبارو ببي ام!!! دي الماااااااااني )

[Kazzaz]

بس يا mosso الWRX دخلت في موضوع تاني خالص ولا تقارن بالبي ام ولا لا المرسيدس ... انا كنت بتكلم علي الليجاسي علي اساس انها منافسه للعربيات التقيله الالماني في مصر .. و بقول انها مستحيل تنافس بالسعر ده ووجدها في مصر زي عدمه .. ده راي

و الي مستفزني برده انالسوبارو الامبريزا في اي حته في العالم الموتور بتاعها وحش .. الا هنا حاطنلها موتور من التسعينات تقريبا و الهورس باور بتاعه في اللمونه :) :) اي عربيه تطلع منك حتي الفيرنا علي ما اعتقد تطلع منك حتي بس ده طبعا بيتعوض في حاجات تانيه كثير و لو الواحد سويق برده ;) .. و تجي علي الليجاسي تلاقي امكانيات وهميه بس الي بينافسها مخليها ملغيه من السوق ده غير اني لولا ان عندي نت و بحب ادور قبل ما اشتري و عارف شويه في العربيات ماكنتش هاعرف يعني ايه سوبارو اصلا و هافتكرها صيني من قله الدعايه ليها في مصر الي تعتبر 0 تقريبا

امتي هانبقي بلد محترمه بقي زي بقيت البلاد و نلغي الجمارك علي العربيات بقي

[Mosso]

بص يا محمد,
الليجاسي من نفس الفئه باعة الكامري و الاكورد,
الكامري تقريبا بـ650 و الاكورد ب460 تقريبا,
واخد بالك ان في فرق 300 الف جنيه بينهم و بين الليجاسي؟!!!
المشكله ان هنا في مصر عندنا عقدة المرسيدس و البي ام,
تليها عقدة دي الماااااااااااااااااني,
تليها عقدة دي ياباااااااااااااااااااني,
السبب في ان المرسيدس و البي ام منتشرين هنا هو انهم تجميع محلي,
فده مديهم ميزة انهم يقللوا من الثمن جامد لانهم لا بيتحاسبوا بنفس الضريبه ولا الجمارك ولا سعر الايد العامله,
فده مخلي الكامري مثلا سعرها اغلى او قريب جدا من سعر الE-class !!!!!!
فطبعا طبعا طبعا محدش هيفكر فيها,
انما سعر 350 على الليجاسي انا مش شايفه غالي قوي الصراحه (في ظل هبل الجمارك )
الي يخلي عربيه passat 1,4 بـ 275 الف
او الرينو اللاجونا الـ1,6 بـ235 الف
مش عايز عريه 2,0 تبقى ـ350 !!!

[khalid_adel]

طبعا كلامك صح نا اجيب مرسيدس احسن الفين مره

اهو كلامك ده يا احمد اللي فيه تعصب وعدم معقوليه يا راجل دانت لو بتقارنها بعجله ولا توك توك مش حتقول 2000 مره ومتنساش ان الالمان اللي قالو عن السوبارو انهم اتمنو لو هما اللي صنعوها
نيجي لقى للنقطه التانيه والرد اللي رده احمد حسن على فكره انا معاك 100% ومش لان احنا الاتنين معانا سوبارو لا والله لاني جربت تقريبا كل انواع العربيات في مصر من 525 و330 (موديل 2009 )لحد 128
وبجد وبامانه مفيش عربيه من دول ريحتني في سواقتها ولا استمتعت بالسواقه زي الامبريزا ( حتقولو ده مجنون بيجيب بي ام لسوبارو )
حقولك جرب كده تاخد مطب هوا على الدائري مع ملف جامد في وسط غرزه كمان ( وده حصلي كتير ) ونفس الموضوع بال 525 او 330
بص انا مقلتش البي ام حتعوم طبعا لا بس انا بتكلم في سهوله ( smooth) وانك مش خايف والموضوع سهل اوي غير البي ام بتحس انك بتقفش في الدركسيون وبالذات مع نقطه الارتفاع في مطب الهوا العربيه تيجي تحدف لكن ال dsc بيشتغل ويثبتها كان حد مسكها من الجنب عشان متعومش بس ده بالنسبالي مش مريح لانه بيخض بجد مع اني عارف انها مش حتعوم بس الحمد لله في السوبارو بعمل كده وانا مش بحس باي قلق اصلا
بصو ياجماعه ياريت كلامنا يبقى موضوعي اكتر وعن واقع تجربه عمليه وليس عن معتقدات وموروثات ذهنيه اللي مبتنفعش حد غير انها جايبانا ورا والناس كلها بتتقدم واحنا واقفين محلك سر

[Ahmed Hassan]

اعتقد ان الموضوع دخل فى منطقه نفسيه....يعنى عشقك للسوبارو هو اللى بيتكلم....لكن فى الواقع ستابيلتى ال سى كلاس اكيد مفيش كلام احسن من السوبارو بالاضافه اللى الراحه والامان المتناهى فى المرسيدس....السوبارو عربيه كويسه بس كل شىء له اخر وكل حاجه على قدها....
من الممكن مقارنه السوبارو بالسيفيك والمازدا والكرولا لكن السى كلاس والاس كلاس والبى امات صعب التفاهم...كده فى ظلم للامبريزا

انت حكمت عليا ان حكمه فيه عامل نفسي مع اني قلت اسبابي. في حين ان جملة " ستابيلتي ال سي كلاس أكيد أحسن من السوبارو" ملهاش موقع من الاعراب غير انها بدوافع نفسيه او فكره مسبقه (الا اذا كنت جربت الاتنين في نفس الموقف و نسيت تقول). انا قولت اسبابي و قلت بالتحديد الموقف اللي اللي بنيت عليه رأيي.. و مع ذلك انا قلت انا بستمتع بالسواقه و المعايير اللي بقيس عليها تخالف عن معظم الناس.

[ahmad--ezzat]

اهو كلامك ده يا احمد اللي فيه تعصب وعدم معقوليه يا راجل دانت لو بتقارنها بعجله ولا توك توك مش حتقول 2000 مره ومتنساش ان الالمان اللي قالو عن السوبارو انهم اتمنو لو هما اللي صنعوها
نيجي لقى للنقطه التانيه والرد اللي رده احمد حسن على فكره انا معاك 100% ومش لان احنا الاتنين معانا سوبارو لا والله لاني جربت تقريبا كل انواع العربيات في مصر من 525 و330 (موديل 2009 )لحد 128
وبجد وبامانه مفيش عربيه من دول ريحتني في سواقتها ولا استمتعت بالسواقه زي الامبريزا ( حتقولو ده مجنون بيجيب بي ام لسوبارو )
حقولك جرب كده تاخد مطب هوا على الدائري مع ملف جامد في وسط غرزه كمان ( وده حصلي كتير ) ونفس الموضوع بال 525 او 330
بص انا مقلتش البي ام حتعوم طبعا لا بس انا بتكلم في سهوله ( smooth) وانك مش خايف والموضوع سهل اوي غير البي ام بتحس انك بتقفش في الدركسيون وبالذات مع نقطه الارتفاع في مطب الهوا العربيه تيجي تحدف لكن ال dsc بيشتغل ويثبتها كان حد مسكها من الجنب عشان متعومش بس ده بالنسبالي مش مريح لانه بيخض بجد مع اني عارف انها مش حتعوم بس الحمد لله في السوبارو بعمل كده وانا مش بحس باي قلق اصلا
بصو ياجماعه ياريت كلامنا يبقى موضوعي اكتر وعن واقع تجربه عمليه وليس عن معتقدات وموروثات ذهنيه اللي مبتنفعش حد غير انها جايبانا ورا والناس كلها بتتقدم واحنا واقفين محلك سر

انت حكمت عليا ان حكمه فيه عامل نفسي مع اني قلت اسبابي. في حين ان جملة " ستابيلتي ال سي كلاس أكيد أحسن من السوبارو" ملهاش موقع من الاعراب غير انها بدوافع نفسيه او فكره مسبقه (الا اذا كنت جربت الاتنين في نفس الموقف و نسيت تقول). انا قولت اسبابي و قلت بالتحديد الموقف اللي اللي بنيت عليه رأيي.. و مع ذلك انا قلت انا بستمتع بالسواقه و المعايير اللي بقيس عليها تخالف عن معظم الناس.

هو انا هروح فين وسط ملاك السوبارو ههههههههههه
لا بص يا استاذ احمد..انا ركبتت ال c280 عربيه نزلت منها مبلم...السيفيك بالنسبالها صفر على الشمال فى الراحه والعزل والعفشهبجد رهيبه...عشان كده سعرها عالى...فأنا فى اعتقادى ان السوبارو مش هتبقى بنفس الكفأئه والله اعلم..لان المرسيدس حاسس انها سيستم تانى خالص...انا عمرى ماركبت سوبارو للاسف...بس المرسيدس حاجه روعه...وشكراااااااا