هقول اتقلبت ازاي

[Ahmed Hassan]

هو انت عندك تراكشن كونترول ؟؟؟ دطب في المانوال الموضوع ده بيتم ازاي؟

لا مفيش تراكشن كنترول... بس نظام الدفع الرباعي المستمر في السوبارو المانيوال بيسمح بتغيير القوه الواصله للعجل لانه مش بيعمل توحيد للاكسات زي العربيات ال 4x4

بيتم عن طريق حاجه اسمها viscous coupling جوه ال center differential

[Mustafa_Farouk]

السلام عليكم

يا جماعة فيه عربية امبريزا متبهدلة جداً أو مقلوبة وتقريباً منتهية واقفة جنب بنزينة مصر اللي في ميدان سفير، عند ماك ميدان سفير مصر الجديدة، مش عارف باءة إذا كانت هي دي ولا واحدة تانية، أنا قلت اأول لكو عشان لو حد معدي من هناك يشوف حجم الخسائر اللي فيها. هي موديل ٢٠٠٧ أو ٢٠٠٦ لأن ملامح مش بينة

[Ahmed Hassan]

السلام عليكم

يا جماعة فيه عربية امبريزا متبهدلة جداً أو مقلوبة وتقريباً منتهية واقفة جنب بنزينة مصر اللي في ميدان سفير، عند ماك ميدان سفير مصر الجديدة، مش عارف باءة إذا كانت هي دي ولا واحدة تانية، أنا قلت اأول لكو عشان لو حد معدي من هناك يشوف حجم الخسائر اللي فيها. هي موديل ٢٠٠٧ أو ٢٠٠٦ لأن ملامح مش بينة

لو العربيه اللي قصدك عليها سودا... فدي ٢٠٠٣ - ٢٠٠٥

[Mustafa_Farouk]

لو العربيه اللي قصدك عليها سودا... فدي ٢٠٠٣ - ٢٠٠٥

yes, i think this one because it's black in front of MacDonald's Safir, it's another car ,destroy till the end

[khalid_adel]

بص يا سيدي
اولا حمد الله على السلامه واحمد ربنا انك بخير دائما
ثانيا اللي بيقول ان ال awd بالذات في السوبارو صعب التحكم فيه ده اكيد مجربهاش في مواقف سيئة او خطره زي ما حصل معايا كتيييير والحمد لله عدت على خير
اهم نقطه لما يحصل تعويم للعربيه لاي ظرف رجلك ماتلمسش الفرامل ولا دبرياج ممكن تدوس بنزين او متدوسش وتعتمد على الدركسيون فقط حسب قوة الانزلاق ( او بسيط دوس بنزين مع الدركسيون لو جامد متدوسش)
بصو تخيل انك داخل ملف جامد شمال وفجاءه لقيت شوية ميه ولا زيت ايه اللي حيحصل
لو امامي حتلاقي نفسك مكمل طوالي والعربيه مش بتلف مع الملف وتمشي استريت
لو خلفي عادي (من غير انظمه تحكم مرسيدس و بي ام المتطوره او ما شابه ) العربيه حتلف حوالين نفسها احلى لف للصبح
الموضوع ده حصل معايا كتير وانا بالسوبارو
ادخل الملف(شمال مثلا ) العربيه تتزحلق (دريفت) شمال اكتر لدرجه انها شبه تعرض اقوم كاسر الدركسيون كله يمين اول ما تلم سنه بعد ما عرضت جامد كده اقوم دايس بنزين لحد ما تحدف يمين واقوم رادد شمال تاني
وقلبي يدق شويه :)
وبس اكمل طريقي عادي
اللي كنت بحسه مع ان الموقف خطير وطبعا بشوف ستر ربنا بس بحس اني كنت بلعب بالعربيه ماشاء الله من كتر ما هي سموووث اوي في الحركه
( على فكره اما لما ابتدي يحصل معايا كده وحسيت انه سهل اوي بقيت بلعب بالعربيه لما اشوف شويه ميه ولا رمله ناعمه وده خلاني اتعلم ميكانيكيه التحكم في العربيه بس بجد بجد اسهل في التحكم مما تتخيلو )
لكن طبعا ساعة القدر مفيش حاجه تمنعه ولو كانت بوجاتي
والحمد لله مره تانيه ليك انك سليم وبجد مال الدنيا فدى اي حاجه وحشه لاقدر الله كان ممكن تحصلك

[Mustafa_Farouk]

الله ينور يا خالد

[ramyar]

يا فندم حمدلله علي سلامتك وعلي فكره السرعه مالهاش كبير
80 تقلب العربيه

[د.محمود صلاح]

حمداً لله على السلامة ,,, صاحب الموضوع أين انت واخبارك ايه ؟

[elassar2010]

حمداً لله على السلامة

[H_Shaker]

على فكرة ساعة المطر الناس بتفتكر إن المية بتكون هي اللي بتزحلق لكن كتير بيكون لو في زيت اتدلق قبل كده بتيجي المية تبقى ترفعه فوق (جرب تحت شوية مية على زيت في كوباية وشوف) فـبيكون الزيت هو اللي على الوش والكلام ده بيكون بعد ماالدنيا تبطل مطر بشوية عشان المية بتكون اتشربت في اسفلت... بالنسبة لل differential في ال impreza فـهو differential عادي... اللي بيوزع el-power على حسب eltraction ده اسمه limited slip differential وده في wrx وال sti...

بالنسبة لل control على العربية فـهو فعلا زي ما أستاذ خالد قال العربية قدامك حلين ليها... الاول هو طريقة إنك تسقط نقلة وتكلبش الموتور... الطريقة التانية هي ال power cornering أو إنك تدوس بنزين مش تفضل قاعد مستنيها تلم نفسها والطريقة دي في ال AWD بتكون أحسن حاجة لانك بتقدر توجه العربية تاني...أنا عن نفسي كذا مرة كنت هروح فيها ولقيت إنك تساقط نقلة وتدوس بنزين مع دوران الدركسيون في الاتجاه المعاكس للعربية... وخلي بالك إن أول لما تلاقيها ابتديت تلم نفسها تعديل الدركسيون عشان متمشيش الناحية التانية وتكون مصيبة... لو راحت الناحية التانية بعد ماتعدل برده اعكس الدركسيون لحد ماتعديل منك... طبعا ساعة القدر مش هاتفتكر اسمك أصلا ولا حتى إنت راكب إيه أساسا بس ربنا يستر علينا كلنا...

السلام عليكم

[ramyr]

فى نفس يوم المطر ده انا كنت ماشى 80-100 و محصلش اى حاجة خالص بالعكس كنت حاسس ان العربية لزقت اكتر فى الارض