استفسارات سريعه عن الأمبريزا

[m_am]

رجاله السوبارو و الأمبريزا تحديدا , عندي كام استفسار عاجلين عايز اسالكم عليهم في العربيه :

1/ المفروض اظبط الكاوتش على كام ؟؟ لأن السواق اللي طلع معايا من المعرض كان بيقولي على 38 و انا حاسس الرقم مبالغ فيه شويه ؟؟

2/ لما العربيه اتخبطت فتحت الكبوت اطمن , كل حاجه بخير الحمد لله و الدنيا زي الفل بس لقيت ميه القربه قليله انا كنت سألتهم في المعرض ازود ايه قالولي متشغلش بالك في الصيانه كل ده هيتعمل بس انا لما لقيتها قليله قلت اتصرف بقى بصراحه و جبت ميه تبريد لونها احمر كده من بنزينه توتال ؟؟ مناسبه الميه دي ولا لأ و ينفع لو حبيت اغيرها بنوع تاني اضيفهم على بعض عادي و لا فيها مشكله

3/ شاشه البيانات اللي في النص هتجنني , حاولت افهمها من المانويل بس معظم كلام المانويل على النوع اللي بينزل بره فيه اوبشنز اكثر من اللي بينزل في مصر بكثير و لغايه دلوقتي مش عارف افهمها و مش عارف احكم على استهلاك البنزين و متوسط الأستهلاك و المعلومات دي كلها

[vivalamoza]

اجيبك عن السؤال الاول:
ضغط الكاوتش المظبوط هتلاقيه مطبوع على صاج العربية بعد ما تفتح الباب, بص كده مكان ما الباب بيفتح هتلاقى مطبوع ضغط الهواء المظبوط زى الصورة دى كده:
http://www.findanhonestmechanic.com/...sure_Guide.jpg

انا عن نفسى عربيتى ال 2007 الضغط بتاعها 32 قدام و 30 ورا .. 38 ده مبالغ فيه اوى

[m_am]

اجيبك عن السؤال الاول:
ضغط الكاوتش المظبوط هتلاقيه مطبوع على صاج العربية بعد ما تفتح الباب, بص كده مكان ما الباب بيفتح هتلاقى مطبوع ضغط الهواء المظبوط زى الصورة دى كده:
http://www.findanhonestmechanic.com/...sure_guide.jpg

انا عن نفسى عربيتى ال 2007 الضغط بتاعها 32 قدام و 30 ورا .. 38 ده مبالغ فيه اوى

متشكر اوي لحضرتك , هنزل دلوقتي ابص عليها ان شاء الله لأن بقالي اسبوع بلف بالعربيه و لسه مزودتش

انا فعلا استغربت اوي من الرقم عشان كده قلت اتأكد قبل ما ازود

[teto007]

2/ لما العربيه اتخبطت فتحت الكبوت اطمن , كل حاجه بخير الحمد لله و الدنيا زي الفل بس لقيت ميه القربه قليله انا كنت سألتهم في المعرض ازود ايه قالولي متشغلش بالك في الصيانه كل ده هيتعمل بس انا لما لقيتها قليله قلت اتصرف بقى بصراحه و جبت ميه تبريد لونها احمر كده من بنزينه توتال ؟؟ مناسبه الميه دي ولا لأ و ينفع لو حبيت اغيرها بنوع تاني اضيفهم على بعض عادي و لا فيها مشكله

متقلقش خالص من موضوع الميه ده و فعلاً زى ما قلك فى التوكيل هما فى الصيانة حيكشف عليها و يزودها لو عايزة و لو انت كنت عايز تزود ليك ليمت تزود عنده و بالنسبه لنوع الميه اكيد مكتوب فى المانيوال

ححاول اشوف و اقولك

[teto007]

1/ المفروض اظبط الكاوتش على كام ؟؟ لأن السواق اللي طلع معايا من المعرض كان بيقولي على 38 و انا حاسس الرقم مبالغ فيه شويه ؟؟

بالنسبه لضغط الكاوتش شوف الصفحه دى من المانيوال بتقول 33 العجل الامامى و الخلفى 32



أعتقد 32 و 30 دة للمانيوال مش ال CVT

[Ahmed Amin]

مية توتال اللي أنت حطيتها مفهاش مشاكل وإن شاء الله مش هتعمل لك مشاكل,,
لو المية نقصت تاني يفضل تزود بمياة مقطرة, ودي بتجيبها من أي بنزينة أو محل أكسسوار.
وأوعي تحط مياة خضراء علي اللي عندك أبداً,

لأن السوبارو وكل الجديد عمتاً بينزل بمياة حمراء أو أي لون أخر بس بتكون OAT
المية الخضراء القديمة IAT وفيه منها جديد أخضر OAT
ال OAT وال IAT لو اتخلطو علي بعض بيعملو لون بوني وطبقى زي الجيل وبيسدو دورة التبريد مع الوقت لأن مينفعش يتخلطو ببعض.

طلب صغير بقي, ياريت لما تروح التوكيل أو الصيانة الجاية, تسألهم لي لو لسه عندهم نوع المية دي,
P/N SOA868V9210
دا شكل الجركن,


ولو لاقيت عرفني,, ونصيحة مني هات منها لنفسك جركن أو أتنين لأنها مية ممتازة جداً وبقت قليلة دلوقتي, وأحسن من مية توتال ون المية بتاعت تويوتا البينك الجديدة, وكل الجديد بقي تعبان,
لكن بتاعت سوبارو دي وبتاعت تويوتا الحمراء القديمة اللي الواحد بيلاقيها دلوقتي بطلوع الروح أفضل نوعين مياة من الناحية الكيميائية.

[teto007]

مية توتال اللي أنت حطيتها مفهاش مشاكل وإن شاء الله مش هتعمل لك مشاكل,,
لو المية نقصت تاني يفضل تزود بمياة مقطرة, ودي بتجيبها من أي بنزينة أو محل أكسسوار.
وأوعي تحط مياة خضراء علي اللي عندك أبداً,

لأن السوبارو وكل الجديد عمتاً بينزل بمياة حمراء أو أي لون أخر بس بتكون OAT
المية الخضراء القديمة IAT وفيه منها جديد أخضر OAT
ال OAT وال IAT لو اتخلطو علي بعض بيعملو لون بوني وطبقى زي الجيل وبيسدو دورة التبريد مع الوقت لأن مينفعش يتخلطو ببعض.

طلب صغير بقي, ياريت لما تروح التوكيل أو الصيانة الجاية, تسألهم لي لو لسه عندهم نوع المية دي,
P/N SOA868V9210
دا شكل الجركن,


ولو لاقيت عرفني,, ونصيحة مني هات منها لنفسك جركن أو أتنين لأنها مية ممتازة جداً وبقت قليلة دلوقتي, وأحسن من مية توتال ون المية بتاعت تويوتا البينك الجديدة, وكل الجديد بقي تعبان,
لكن بتاعت سوبارو دي وبتاعت تويوتا الحمراء القديمة اللي الواحد بيلاقيها دلوقتي بطلوع الروح أفضل نوعين مياة من الناحية الكيميائية.

++1

[m_am]

متقلقش خالص من موضوع الميه ده و فعلاً زى ما قلك فى التوكيل هما فى الصيانة حيكشف عليها و يزودها لو عايزة و لو انت كنت عايز تزود ليك ليمت تزود عنده و بالنسبه لنوع الميه اكيد مكتوب فى المانيوال

ححاول اشوف و اقولك

انا فعلا كنت سايب الموضوع خالص بس لما بصيت و لقيتها قليله و انا اساسا عندي هسس من عربيتي القديمه في موضوع الميه قلت مبدهائ بقى انا لسه في 300 كيلو قدامي وقت ع الصيانه ازود و ابقى اسألهم في التوكيل ايه الصح , متشكر اوي لمسعداتك المستمره دي ربنا يبارك فيك

[m_am]

بالنسبه لضغط الكاوتش شوف الصفحه دى من المانيوال بتقول 33 العجل الامامى و الخلفى 32



أعتقد 32 و 30 دة للمانيوال مش ال cvt

علم , يبقي ان شاء الله و انا مروح ازود على 33 و 32 , بجد انا عاجز عن شكر حضرتك ربنا يبارك فيك

[m_am]

مية توتال اللي أنت حطيتها مفهاش مشاكل وإن شاء الله مش هتعمل لك مشاكل,,
لو المية نقصت تاني يفضل تزود بمياة مقطرة, ودي بتجيبها من أي بنزينة أو محل أكسسوار.
وأوعي تحط مياة خضراء علي اللي عندك أبداً,

لأن السوبارو وكل الجديد عمتاً بينزل بمياة حمراء أو أي لون أخر بس بتكون oat
المية الخضراء القديمة iat وفيه منها جديد أخضر oat
ال oat وال iat لو اتخلطو علي بعض بيعملو لون بوني وطبقى زي الجيل وبيسدو دورة التبريد مع الوقت لأن مينفعش يتخلطو ببعض.

طلب صغير بقي, ياريت لما تروح التوكيل أو الصيانة الجاية, تسألهم لي لو لسه عندهم نوع المية دي,
p/n soa868v9210
دا شكل الجركن,


ولو لاقيت عرفني,, ونصيحة مني هات منها لنفسك جركن أو أتنين لأنها مية ممتازة جداً وبقت قليلة دلوقتي, وأحسن من مية توتال ون المية بتاعت تويوتا البينك الجديدة, وكل الجديد بقي تعبان,
لكن بتاعت سوبارو دي وبتاعت تويوتا الحمراء القديمة اللي الواحد بيلاقيها دلوقتي بطلوع الروح أفضل نوعين مياة من الناحية الكيميائية.

متشكر اوي لنصيحتك اني محطش مياه خضراء على الحمراء انا مكنتش اعرف المعلومه دي الصراحه

انا ان شاء الله مش هتحاج مياه تاني لغايه لما اروح صيانه الألف و هسألهم هناك ايه الصح و هسأل عن النوع ده ان شاء الله و هبلغك

[svneleven]

المفروض تزود و الكاوتش لسه بارد. يعني الأحسن تزود و أنت لسه طالع الصبح.

[m_am]

المفروض تزود و الكاوتش لسه بارد. يعني الأحسن تزود و أنت لسه طالع الصبح.

علم يا فندم , اول مره اعرفها , بارك الله في حضرتك

[teto007]

انا فعلا كنت سايب الموضوع خالص بس لما بصيت و لقيتها قليله و انا اساسا عندي هسس من عربيتي القديمه في موضوع الميه قلت مبدهائ بقى انا لسه في 300 كيلو قدامي وقت ع الصيانه ازود و ابقى اسألهم في التوكيل ايه الصح , متشكر اوي لمسعداتك المستمره دي ربنا يبارك فيك

يا باشا انت تؤمر وبعديين متشغلش بالك بالميه اليابانى عموماً والسوبارو خصوصاً نادر جداً فيهم موضوع السخونه دة

[Ahmed Hassan]

القربة اصلا مش بتتملي على الاخر. متزودش حاجه.
التوكيل كان بيستعمل ميه موبيل لونها بيكون اخضر. بس انا كنت بجيب معايا ميه توتال و بتكون لونها احمر.

[m_am]

القربة اصلا مش بتتملي على الاخر. متزودش حاجه.
التوكيل كان بيستعمل ميه موبيل لونها بيكون اخضر. بس انا كنت بجيب معايا ميه توتال و بتكون لونها احمر.

مهو في صيانه الألف وراني مستوى الميه يبقي لغايه فين و قعد يطمني و يقلي متشغلش بالك دي لايف تايم الميه و مش هتلاقيها بتقل ولا حاجه