حد يعرف اي معلومة عن تقسيط ماروتي

[MEDO84EG]

السلام عليكم و رحمه الله و بركاته
ازيكم يا منتدي لذيذ
بصراحة انا احترمت تعاونكم مع بعض جدا و دا اللي خلاني اتشجع و اطلب مسعادتكم خاصة اني لاقيت الناس متعاونة جدا و بجد ناس بجد
رغيت كتير معلش
طلبي هو اني عاوز اعرف مكان بيقسط الماروتي اسلامي لاني ناوي اشتري تقسيط و سمعت ان المقدم حوالي 9000 جنيه و قسط 600 لمدة 5 سنين
يا ريت حد يقولي ده كده صح و لا ايه و العربيه ماروتي 2010
اسف جدا للاطاله و اتمني مساعدتكم لاني ناوي اشتريها ان شاء الله و لا ايه رأيكم فيها؟

[Abdm]

يا باشا العربية كويسة وجميلة جدا وعلى قد الآمكانيات واقتصادية وعملية بس هى عربية تنفع أسرة صغيرة. زوج وزوجة وطفلين أو تلاتة ولو حجم كبير أتنين يقعدوا وراء فى الكنبة حلو أوى مستريحين مش أكتر

من ناحية التقسيط الآسلامى بنك التمويل المصرى السعودى بمقدم 20 % ولو معاك أكتر يبقى أحسن علشان تقلل القسط وبالتوفيق ان شاء الله

[goda]

المقدم 10000 القسط 688 بالظبط علي 5 سنوات بنك بلوم

[MEDO84EG]

شكرا ليكم كتير علي الرد
انا سالت في مكان و قالي علي 9000 مقدم و 600 شهري لمدة 5 سنين
و بالنسبة ليا احنا فعلا اسرة سغيرة بس خايف من انها واطية و لا ايه رأيكم

[Abdm]

شكرا ليكم كتير علي الرد
انا سالت في مكان و قالي علي 9000 مقدم و 600 شهري لمدة 5 سنين
و بالنسبة ليا احنا فعلا اسرة سغيرة بس خايف من انها واطية و لا ايه رأيكم

لا ما تخافش هى مش واطية خالص العربية ارتفاعها كويس أوى وكمان لما بتحمل فيها ما بتوطاش ولو أنت ناوى عليها ما تقلقش وأتكل على الله

[MEDO84EG]

جزاكم الله خيرا علي التعاون
مش عارف اشكركم ازاي
بس ليا طلب بايخ كمان
حد سمع عن بنك اسلامي اسمه بنك ابوظبي الاسلامي ؟
اصلي سألت في معرض علي التقسيط قاللي ان البنك ده اسلامي و هو التقسيط من خلاله النهايه مفهمتش اوي
بس قاللي مقدم 9000 و قسط 600 لمده 60 شهر
انا شايفه افضل عرض الاقيه و لا حد عنده عرض احسن

[emad981]

أحسن حل بنك ناصر الاجتماعى

السلام عليكم و رحمة الله وبركاته
انا لسه جايب ماروتى 2010 قسط من بنك ناصر الاجتماعى بالسويس، و كانت تفاصيل الموضوع كاتالى:

1- عرض سعر للسيارة من اى معرض بيتعامل مع البنك : ثمن العربية من المعرض 38 الف + 200 جنيه ضريبة (بلطجة من صاحب المعرض كاش)
2- 15% مقدم للبنك من مبلغ العربية (5700 جنيه يعنى)
3- 127 جنيه مصاريف إدارية للبنك
4- المبلغ المتبقى بعد إضافة الربحية هو 43605 جنيه
5- القسط الشهرى على 7 سنوات هايكون : 520 جنيه + حوالى 20 مصاريف = 570 جنيه

المطلوب:
5 صور بطاقة
2 صورة بطاقة 2 ضامن
مفردات مرتب الضامن الاول و الثانى (من غير تحويل المرتب للبنك)
شوية امضاءات و اختام فى البنك و تراخيص المرور و تركب العربية يامعلم

على العموم مرفق شيت اكسل تغييير فيه المبلغ الاصلى يديك التوزيعة بالكامل و القسط النهائى

يارب اكون فدتك

[MEDO84EG]

الف الف الف شكر لكل اللي ساعدنا بالرد بس بالنسبه لموضوع بنك ناصر و لاد الايه واخدين ربح 11 الف طب يا تري سألت شيخ او حد قالك دول اسلامي و لا لا؟
ربنا يباركلك فيها و يجعلها خير عليك

[emad981]

بنك ناصر و الماروتى

شكرا لك أخى على دعائك و جعله الله فى ميزان حسناتك. بالنسبة لمسئلة اسلامى من عدمه، الموضوع ببساطة المضطر يركب الصعب، انا من السويس و البنوك الاسلامية عندنا منعدمة يكاد يكون واحد فقط و هو بنك فيصل الاسلامى، و لا اعتقد انه يعطى قروض سياروة "الله اعلم" و لكن معظم البنوك الاخرى تأخذ ارباح خيالية، و كان الحل الأمثل هو بنك ناصر و اجرائته بتخلص بسرعه، مجرد يومين و اللى بيعطل الدنيا كالمعتاد هوا المعرض طبعا قعدت مستنى حوالى عشرة ايام بس الحمدالله جبهالى و رخصتها من يومين الحمدالله. انا اعرف ان الموضوع قد ينحرف الى مسئلة المساعدة على المرابا و لكن ما بيدى حيلة ........... هيا رفاهية مفيش كلام بس صحتنا خلاص فى الأواخر و ده حال كل الشباب دلوقتى و كله عايز يركب عربية و خاصة لو متجوز بقى و عندك طفل مثلا........ اعتقد اننا فى زمان يحاسبنا الله فيه باعتبارات اخرى "الله اعلم و رسوله" ..... على العموم ربنا يرحمنا و يغفر لنا و يحمينا من شرها.

[MEDO84EG]

اولا شكرا ليك كتير علي المساعده ربنا يجعلها في ميزان حسناتك
ثانيا الحرام حرام في كل وقت و لازم نتمسك بالدين مهما حصل و بالله عليك راجع ضيخ في امرك و اساله عن كيفيه الخلاص لو قالك ان في وزر
و ربنا يعافيك من كل سوء

[romeo_6887]

طب معلش سؤال في التقسيط
انا ممكن ادفع حتي 60 % من تمنها
بس مش شغال شغل حكومي
و معرفش حد شغال شغل حكومي
فايه الوضع بالظبط ؟

[Abdm]

طب معلش سؤال في التقسيط
انا ممكن ادفع حتي 60 % من تمنها
بس مش شغال شغل حكومي
و معرفش حد شغال شغل حكومي
فايه الوضع بالظبط ؟

حضرتك بنك hsbc بيمول السيارات وممكن يكون الضامن أى حد مش شرط موظف طالما دخلك يقدر يسدد القسط ممكن زوجة أو أخ أى حد مش مشكلة وهما عندهم القسط بيكون تقريبا لازم 40 % أو 50 % من المرتب الكلى
كل المطلوب عرض أسعار من المعرض أو التوكيل اللى أنت عايز منة العربية + مفردات مرتب الكلى + وصل نور أو تليفون + تحويل مرتب
الفائدة الربحية حسب مدة التقسيط من 7.5% الى 8 %
وممكن حضرتك تسئل فى بنك الآسكندرية
أهم حاجة ما تروحش للمعرض الآول وتخلية هو اللى يحولك على بنك لآن هو دة اللى حرام أولا ثم هيأخذ نسبة فأئدة أعلى لية وللبنك
أتعامل مع طرف واحد فقط معاملة مالية واحدة وما تتدفعش حاجة للمعرض وحاجة للبنك
يا أما تقسط تقسيط مباشر مع المعرض من غير بنك . أو بنك مباشر وتجيب لة عرض أسعار فقط وتتدفع القدم للبنك وتقسط الباقى بردة مع البنك بدون تدخل المعرض ماديا

والله الموفق والمستعان

[MEDO84EG]

بس الخوف من موضوع الربا و كده لازم نسأل شيخ

[romeo_6887]

حضرتك بنك hsbc بيمول السيارات وممكن يكون الضامن أى حد مش شرط موظف طالما دخلك يقدر يسدد القسط ممكن زوجة أو أخ أى حد مش مشكلة وهما عندهم القسط بيكون تقريبا لازم 40 % أو 50 % من المرتب الكلى
كل المطلوب عرض أسعار من المعرض أو التوكيل اللى أنت عايز منة العربية + مفردات مرتب الكلى + وصل نور أو تليفون + تحويل مرتب
الفائدة الربحية حسب مدة التقسيط من 7.5% الى 8 %
وممكن حضرتك تسئل فى بنك الآسكندرية
أهم حاجة ما تروحش للمعرض الآول وتخلية هو اللى يحولك على بنك لآن هو دة اللى حرام أولا ثم هيأخذ نسبة فأئدة أعلى لية وللبنك
أتعامل مع طرف واحد فقط معاملة مالية واحدة وما تتدفعش حاجة للمعرض وحاجة للبنك
يا أما تقسط تقسيط مباشر مع المعرض من غير بنك . أو بنك مباشر وتجيب لة عرض أسعار فقط وتتدفع القدم للبنك وتقسط الباقى بردة مع البنك بدون تدخل المعرض ماديا

والله الموفق والمستعان

مش مفردات المرتب دي في الشغل الحكومي ؟
و انا كاتب اني مش شغال شغل حكومي

[Abdm]

مش مفردات المرتب دي في الشغل الحكومي ؟
و انا كاتب اني مش شغال شغل حكومي

يا باشا مفردات المرتب أو شهادة دخل أو شهادة بيانات بالدخل ودية موجودة فى كل الشركات سواء كانت حكومة أو خاصة أو عام أو أستثمارى ودة أول طلب

فى طلب تانى ممكن يطلب وبردة موجود وهو جواب تحويل مرتب لآى مكان أو بنك ودة بردة متاح

والله الموفق والمستعان