حد يعرف اي معلومة عن تقسيط ماروتي

[MEDO84EG]

المشكله في هل هو حلال؟

[Abdm]

المشكله في هل هو حلال؟

يا أخ ميدو أنا كتبت قبل كدة اللى قلقان من بعض البنوك

فية البنوك الآسلامية ذى بنك فيصل وبنك التمويل المصرى السعودى

وفية شركات بتعمل تقسيط مباشر مع العميل بدون بنوك ذى

توكيل كيا eim وأكيد فى أماكن تانى كتير أسلامية

اللى هيور هيلاقى . وأحنا كلنا مش بس حضرتك بنحاول نتحرى الحرام وبنبحث عن الحلال

اللهم أكفنى بحلالك عن حرامك وأغننى بفضلك عمن سواك

والله الموفق والمستعان

[MEDO84EG]

استاذ ابدم
شكرا ليك
بس متزعلش عن سؤالي حلال او لا
انا مش قصدي ازعلكم
اكيد كلكم بتدوروا علي الحلال
بس اللي انا ملاحظه
بالنسبه للتقسيط
( الماروتي علي سبيل المثال ) بياخدوا زياده علي تمنها حوالي 16 الف و انا مستكتره و لا ده عادي عند الكل
مده التقسيط 5 سنين و مقدم 25%

[Abdm]

استاذ ابدم
شكرا ليك
بس متزعلش عن سؤالي حلال او لا
انا مش قصدي ازعلكم
اكيد كلكم بتدوروا علي الحلال
بس اللي انا ملاحظه
بالنسبه للتقسيط
( الماروتي علي سبيل المثال ) بياخدوا زياده علي تمنها حوالي 16 الف و انا مستكتره و لا ده عادي عند الكل
مده التقسيط 5 سنين و مقدم 25%

حضرتك المبلغ 16000 جنية دة معناة فائدة ربحية 12 % سنويا ودة ما بيحصلش خالص حتى لو مش دافع أى مقدم خالص عمرها ما بتعدى 10 % بالعكس بتبدأ من 6% و 7 % و8 % بالكتير قوى وفى بنك التمويل المصرى السعودى دة بنك أسلامى كويس جدا الفائدة الربحية السنوية 7.5 % لمدة 5 سنوات ومقدم يبدأ من 20 %
والله الموفق

[HAMZAWY]

انا سالت فى بنك التمويل المصرى السعودى
اقل مقدم 20 %
اطول فترة تقسيط 7 سنوات
الفائدة 8.5%
بس فى مشكلتين لازم تامن على العربية وفى غرامات تاخير والاتنين دول (على ما اعتقد والله اعلم) مايخلوش الموضوع اسلامى

[Abdm]

انا سالت فى بنك التمويل المصرى السعودى
اقل مقدم 20 %
اطول فترة تقسيط 7 سنوات
الفائدة 8.5%
بس فى مشكلتين لازم تامن على العربية وفى غرامات تاخير والاتنين دول (على ما اعتقد والله اعلم) مايخلوش الموضوع اسلامى

لو ظهر أن بنك التمويل مش أسلامى فى أماكن تانية كتيير
منقول من الآخ arakysolom

السلام عليكم و رحمة الله و بركاته
النصيحة لحضرتك انك تبحثي عن تقسيط اسلامي و التقسيط الاسلامي بيكون حسب علمي مع (كونتاكت - الشركة العالمية للسيارات (عبد اللطيف جميل) -بنك فيصل الاسلامي - بنك التمويل السعودي )
و هذا رقم الدكتور علي السادوس استاذ الفقه لتعرفي ما هي الشروط الواجبه في التقسيط حتي يكون اسلامي0222717370

[MEDO84EG]

طب يا رجال بالنسبه للمصري السعودي بدفع 20% يعني حوالي (9500)جنيه و لو عاوز اقسط علي 5 سنين هدفع شهري كام

[Abdm]

يعنى حضرتك قول هتدفع 10000 جنية الباقى 28000 على 5 سنوات فى فائدة ربحية حوالى 7.5 % تقريبا حضرتك هتدفع 650 جنية شهرى .. لو عايز تقلل القسط أدفع مقدم أكبر شوية يعنى 15000 جنية أو 18000 أو 20000 هتلاقى القسط وصل من 400 : 500 جنية
والله الموفق والمستعان

[MEDO84EG]

ياه يعني هياخدوا فوق تمن العربيه 11 الف زياده بس الظاهر ان حضرتك عارفهم كويس طيب ايه الشروط بتاعتهم و كمان و قبل كل شيء هل ده حضرتك سألت فيه شيخ و قال حلال ؟

[MEDO84EG]

اهم حاجه يكون حلال

[Abdm]

ياه يعني هياخدوا فوق تمن العربيه 11 الف زياده بس الظاهر ان حضرتك عارفهم كويس طيب ايه الشروط بتاعتهم و كمان و قبل كل شيء هل ده حضرتك سألت فيه شيخ و قال حلال ؟

حضرتك لو دفعت مقدم كبير ذى ما أنا قولت يعنى 15000 أو 20000 هتلاقى نفسك دافع حوالى 7000 فقط زيادة فوق المبلغ . الشروط هتختلف من مكان لآخر حسب المكان اللى أنت عايز تتعامل معاة وليكن مثلا بنك فيصل الآسلامى ... حضرتك أتصل أنت بيهم وأعرف كل التفاصيل كويس وبعدان زيادة تأكيد أسأل أنت بنفسك شيخ كويس ويكون عالم ...مش متدين وخلاص

اهم حاجه يكون حلال

أنا أفضل أن حضرتك زيادة تأكيد أسأل أنت بنفسك شيخ كويس ويكون عالم ...مش متدين وخلاص علشان تكون مطمن ومستريح .. وربنا يعفو عنا جميعا ويغفر لنا ذنوبنا وأسرافنا فى أمرنا ويصلح أحوالنا ويوفقنا الى كل ما فية الخير أمين يا رب العالمين .. والله المستعان

[MEDO84EG]

جزاكم الله خيرا يا اخي ربنا يبارك فيك
و لو ان في اشاعه بتقول ان كل التقسيط اللي شغال اليومين دول مش حلال

[MEDO84EG]

صحيح الكلام ده و لا ايه

[Abdm]

جزاكم الله خيرا يا اخي ربنا يبارك فيك
و لو ان في اشاعه بتقول ان كل التقسيط اللي شغال اليومين دول مش حلال

حضرتك سئلت فى الموضوع دة كتير قوى وممكن ما تلاقيش حد يرد عليك غيرى وأنا لما بلاقى أنسان محتاج نصيحة ما بتأخرش ونصحتك كتيييييييير جدددددددددااااااااا وقلتلك الخلاصة وأنت بردة مصر أنك تسئل نفس السؤال ومش عايز تتعب نفسك وتسئل أنت بنفسك فى دار الآفتى أو شيخ يكون عالم علشان تكون مطمن ومستريح ومش عارف أنت هدفك تسئل وخلاص ولا زيادة مشاركات ولا أية بالضبط . يا ريت تريح نفسك وتريحنا وتسئل أنت بنفسك .....وأنا كتبتلك قبل كدة

أنا أفضل أن حضرتك زيادة تأكيد أسأل أنت بنفسك شيخ كويس ويكون عالم ...مش متدين وخلاص علشان تكون مطمن ومستريح .. وربنا يعفو عنا جميعا ويغفر لنا ذنوبنا وأسرافنا فى أمرنا ويصلح أحوالنا ويوفقنا الى كل ما فية الخير أمين يا رب العالمين .. والله المستعان

صحيح الكلام ده و لا ايه

حضرتك سئلت فى الموضوع دة كتير قوى وممكن ما تلاقيش حد يرد عليك غيرى وأنا لما بلاقى أنسان محتاج نصيحة ما بتأخرش ونصحتك كتيييييييير جدددددددددااااااااا وقلتلك الخلاصة وأنت بردة مصر أنك تسئل نفس السؤال ومش عايز تتعب نفسك وتسئل أنت بنفسك فى دار الآفتى أو شيخ يكون عالم علشان تكون مطمن ومستريح ومش عارف أنت هدفك تسئل وخلاص ولا زيادة مشاركات ولا أية بالضبط . يا ريت حضرتك تريح نفسك وتطمن نفسك وتسئل أنت بنفسك .....وأنا كتبتلك قبل كدة

أنا أفضل أن حضرتك زيادة تأكيد أسأل أنت بنفسك شيخ كويس ويكون عالم ...مش متدين وخلاص علشان تكون مطمن ومستريح .. وربنا يعفو عنا جميعا ويغفر لنا ذنوبنا وأسرافنا فى أمرنا ويصلح أحوالنا ويوفقنا الى كل ما فية الخير أمين يا رب العالمين .. والله المستعان


ودة أخررررررررررررر رد عندى فى الموضوع دة ...وربنا يهدينا جميعا ويصلح حالنا ......

وجزاك الله خيرا

[MEDO84EG]

استاذي العزيز
انا عامل موضوع علشان اجمع اراء ناس مجربين الشيخ بيقول علي حسب المكان انا بحب اجمع معلومات علشان اعرف من الناس اللي مجربه و بالتالي اتحرك و مش عارف يعني ليه الناس مضايقه انا مش بزعج حد دنا بتكلم في صلب الموضوع اللي انا عامله و كمان بسأل تاني من باب جمع معلومات اكتر يا ريت متكونش زعلان حقك عليا