عايز اركب تكييف فى الماروتى

[noni67]

يا جماعه اخجلتم تواضعى واللهى
ده لا اختراع ولا حاجه
ده بس حل لمشكله المحرك الضعيف اللى مش بيستحمل مكيف
على العموم انا تحت امركم بس لازم نرسى على محرك 50 ويا ريت يكون 70 او 90 سى سى بتاع موتسيكل من الموتسيكلات الصينى ويكون بمرش علشان التدوير ما يكونش بالشد
اما موضوع الصوت فا ما فيش صوت ممكن تسمعه لانى باخد وصله من المحرك ده على شكمان العربيه الأصلى وانا طبعا تحت امركم
عايزين حد بس يكون جنب زجمار يسالنا فى شارع 26 يوليو على محرك موتوسيكا 50 او 70 او 90 سىس بالمارش يعمل كام تقريبا
والباقى عليا مش تقلقوا
اتفقنا

[loma_satanic]

ياريت تساعدنا كلنا وتبقى برائه اختراع وربنا يكرمك فى شركه من الشركات العملاقه انا معايا رينو 1100 سىسى وكان متركب فيها تكييف

[loma_satanic]

فى واحد اشترى الماتور بى 230 جنيه اللى هوا 50 سىسى يارت المهندسس يرد علينا والف شكر ليه

[Sameh]

فكرة ممتازة يا أستاذ noni67 ، بس فيه حاجة أنا قلقان منها وهى وجود تانك البنزين الصغير بتاع الموتور الإضافى داخل حوض الموتور ، يعنى بنزين جنب حرارة عالية من الموتور + الحرارة الزيادة بتاعة التكييف ، و 5 لتر بنزين مش قليل فى حالة لو الحرارة دى أدت لإشتعال البنزين لا قدر الله وخصوصاً إن إستعمال التكييف وملئ التانك الصغير ده غالباً هيكون فى الأيام الحر أساسأ
فإيه رأيك لو تعمل أى نوع من الحماية أو العزل بمادة عازلة للحرارة لتانك البنزين زيادة فى الأمان وتثبته أبعد ما يكون عن مصادر الحرارة داخل الحوض
ولاحظ كمان حاجة إن البنزين مش شرط يشتعل لا قدر الله ، بس هو سائل متطاير بشدة ولما يكون التانك مليان عند نصه مثلاً مش بالكامل هيكون فيه كمية من بخار البنزين محبوسة فى أعلى التانك فوق البنزين السائل وبتحاول الخروج ودى خطورتها أعتقد هتبقا أكبر بكتير سواء عشان خطورة حصول إنفجار محدود أو تسربها ومن ثم إحتمالية إشتعالها عند ملامستها لجسم فرن الشكمان أو بلوك الموتور مثلاً
حضرتك إيه رأيك ؟ أنا شايف إنك تحاول نفكر فى عامل الأمان برضه لأن اللى بيركب العربية دى أغلى شخص فى حياتك وممكن مايعرفش يتصرف فى المواقف الطارئة زى ما انت تعرف تتصرف

[tahayt]

السلام عليكم
اولا هى فكرة فصل حركة التكييف عن موتور العربية فكرة ممتازة يا باشمهندس ناصر بس بردة نلام استاذ سامح صح 100 فى ال 100
انا عندى فكرة تانية بس مش عارف امكانية تنفيذها و مدى جدواها و تكلفتها و هى اننا نجيب موتور DC ببطارية قابلة للشحن من كهرباء المنزل وتكون البطارية ممكن تتشال عشان تتشحن و تركب تانى بس كدة هنحتاج كل فترة نشحنها و نحطها (كل خروجة مثلا) بس الموضوع عاوز دراسة للنقاط الاتية:
1-هل يوجد مواتير dc (تيار مستمر) فى السوق مناسبة للتكييف (عاوزين نعرف التكييف كام حصان) و ما هو سعر الموتور و حجمة و وزنة
2-هل توجد بطارية فى السوق قابلة للشحن تقدر تشغل الموتور لمدة مناسبة قبل ان تحتاج للشحن مرة اخرى وكذلك ما هو سعرها و حجمها و وزنها
و على فكرة انا مهندس ميكانيكا و شفت فى مجال شغلى مواتير 10 حصان بتشتغل فترة كبيرة ببطاريات لو حصل انقطاع للكهربا
الاساسية بس بصراحة خبرتى و معرفتى بالسوق مش مساعدانى اوى انى احدد مدى امكانية هذة الفكرة و يا ريت لو فى مهندسين خبرة يقولولى رايهم حتى لو الكلام مش عاجبهم و يارت البشمهندس سبعاوى و الباشمهندس ناصر يشوفو الكلام دة
عشان نستفاد من خبرتهم الجميلة
و كل سنة و انتم طيبين

[noni67]

يا جماعه انا اسق لتاخيرى فى الرد لانشغالى بتجهيز سيارة لرالى الفراعنه اعزورونى
موضوع تانك فى حوض المحرك اناما قولتهوش تماما
انا قلت حياخد بنزين من تانك العربية الاصلى عن طريق راجع البنزين والصوت هيوصل ماسورة من المحرك ده لماسورة شكمان العربية الاصلى
وكده يبقى ما فيش مشكله
بخصوص العضو اللى اشترى المحرك ب 230 جنيه ده سعر وهمى ياريت يبعت لى على الخاص وانا مستعد للتنفيز بس مش قبل يوم 14 اكتوبر القادم علشان اكون خلصت الرالى
ارجو الاستاز اللى اشترى المحرك يكلمنى على الخاص علشانننصق مع بعض وندعوا كل الاخوه الافاضل بعد يوم 14 يحضروا التركيب والتجارب ان شاء الله
اما موضوع براءة الاختراع دى مش عايزنها كفايه ان العربيات الصغيرة تركيب مكيف ما يحملشعلى المحرك الاصلى
وبعدين اصل الفكرة دى مش اختراع ولاحاجه دى فكرةجت لى لما شوفت اتوبيسات فيها مكيف شغال على محرك لوحده فى شنطة الاتوبيس وبعدين لحظت ان دنابر الخرسانه هى كمان شغالة بمحرك لوحده فقلت انفذهاوكانت اول عربية رينو 5 بتاعه ايمن صديقى ربنا يمسيه بالخير للاسف ما اعرفش عنهحاجه دلوقتى خالص لانه سافر من 7 سنين وما اعرفش عنه حاجه
اشكركم واتمنى تواصلونى علشان ننفذ الفكرة

[amarakl]

الماروتى بتنزل فى الهند بتكييف وفى مصر بيطلبوها من غير تكييف علشان السعر وكانت بتنزل زمان بتكييف
الكمبروسور يابنى صغيير جدا والموتور مش بيهلك بسرعها
لو عايز تركبلها تكييف هيكلفك من 2000 الى 3000 جنيه على حسب الكمبروسور جديد ولا أستيراد
وده عند المهندس محمد أمين شارع مؤنس افندى وده بعد وزاره الداخليه اللى فى عابدين وقوله بس انت طرف المهندس عمرو وهو هيقوم بالواجب
أنا ركبت عنده قبل كده والعربيه زى الفل

[Sameh]

السلام عليكم
اولا هى فكرة فصل حركة التكييف عن موتور العربية فكرة ممتازة يا باشمهندس ناصر بس بردة نلام استاذ سامح صح 100 فى ال 100
انا عندى فكرة تانية بس مش عارف امكانية تنفيذها و مدى جدواها و تكلفتها و هى اننا نجيب موتور dc ببطارية قابلة للشحن من كهرباء المنزل...................

إيه رأيك لو أخد كهرباء من دينامو العربية ؟

يا جماعه انا اسق لتاخيرى فى الرد لانشغالى بتجهيز سيارة لرالى الفراعنه اعزورونى
موضوع تانك فى حوض المحرك اناما قولتهوش تماما
انا قلت حياخد بنزين من تانك العربية الاصلى عن طريق راجع البنزين...........

كدة تمام أنا كنت فاكر من تانك صغير

[tahayt]

سامح باشا......
لو خدنا الكهرباء من الدينمو يبقى كدة بردة خدنا الباور من موتور العربية عشان هوة اللى بيحرك الدينامو و هوة اللى بيشحن البطارية

[kimoboy]

Tell us about your review about the AC in your car.

الماروتى بتنزل فى الهند بتكييف وفى مصر بيطلبوها من غير تكييف علشان السعر وكانت بتنزل زمان بتكييف
الكمبروسور يابنى صغيير جدا والموتور مش بيهلك بسرعها
لو عايز تركبلها تكييف هيكلفك من 2000 الى 3000 جنيه على حسب الكمبروسور جديد ولا أستيراد
وده عند المهندس محمد أمين شارع مؤنس افندى وده بعد وزاره الداخليه اللى فى عابدين وقوله بس انت طرف المهندس عمرو وهو هيقوم بالواجب
أنا ركبت عنده قبل كده والعربيه زى الفل

[bassemali]

ياجماعه كان في واحد عامل إعلان لبيع عربيته الماروتي موديل 2005 مكيفه وكان مركب التكييف في التوكيل وكلفه وقتها 3600 جنيه وأنا كلمت الراجل وسألته وقاللي ان التكييف ماكانش مأثر نهائي على العربيه وأن تكييفها كان معقول جدااااااااا يعني حلو مش وحش وكمان العربيه معاه من 2005 يعني حوالي 5 سنين وماشيه 40000 كيلو بالتكييف وقاللي بالنص : ان تأثير التكييف ع العربيه كان ولا الهوا.

[bassemali]

أه نسيت أقول كمان ان الراجل أصلا باع العربيه من شهر كده يعني مالوش مصلحه في أنه يكذب .

[loma_satanic]

انا هبعت رساله للراجل اللى اشترى الماتور بى 230 جنيه ونتفق معاه ومع المهندس بعد 14/10
وربنا يكرمنا كلنا

[noni67]

وأنا تحت امركم من بعد 14\10 ان شاء الله
ادعولى ربنا يوفقنافى رالى الفراعنه
وأوعدكم بتغططيه كاملةبس للاسف مش يويمة يعنى بعد ما ارجع ان شاء الله علشان الموديم مشبيشتغل فى الصحرا علشان ما فيش ارسال جوه الصحرا للشبكات الارضية
ربنا يكرم ان شاء الله ونعمل مركز كويس ونعدى باذن الله

[kimoboy]

Ok give us update
Thanks

انا هبعت رساله للراجل اللى اشترى الماتور بى 230 جنيه ونتفق معاه ومع المهندس بعد 14/10
وربنا يكرمنا كلنا