تجربة جامدة مع الماروتى

[alking_2006]

اولا مبروك عليك الماروتي وربنا يحفظهالك
وعاملها معامله كويسه علشان تعيش معاك ومتهلكهاش
ثانيا
انا كنت عاوز اسأل حضرتك اسئله اذا سمحت
اكيد انت شفت اكتر من ماروتي
ايه اخبار حالات العربيه واسعارها ؟
ايه الاماكن اللي دورت فيها على ماروتي؟
الموديل ده في تكييف ولا لا ؟
معلش انا اسألتي كتير
بس انا بفكر في ماروتي تكون معايا بعد فتره مش طويله ان شاء الله
ومحتاج اعرف الاماكن والاسعار والحالات واذا كانت مزوده بتكييف ولا لا علشان مش هعرف اركبها من غير تكييف حتى لو هركبوا
شكرا لسعة صدرك

الله يبارك فيك يا جميل ربنا يخليك

ايه اخبار حالات العربيه واسعارها ؟
ايه الاماكن اللي دورت فيها على ماروتي؟

و الله انا بصراحة مروحتش شفت الا العربية دى و ساعتها كان معايا ميكانيكى و شكرلى فيها و عجبتنى فتوكلت على الله و اشتريت

لكن انا شفت اكتر من عربية فعلا لكن من غير مروح اتفرج على الطبيعه و دا من خلال موقع مصراوى مبوبه - قسم السيارات و اخر ماروتى شفتها كانت موديل 97 كانت عاملة 20500 لكن انا عربيتى اقل شوية علشان رشه شنطه و انا رضيت بيها على كدا علشان على قد فلوسى و كدا كدا مش مأثرة على حاجة و انا جايبها علشان اتعلم فيها

و عربية تانيه كانت 97 و كانت عاملة 16750 و مش عارف ليه 750 بالذات و اتصلت بيه و من كلامه عرفت انها عفشتها متبهدله و السقف متقشر و كذا حاجة و كمان الراجل لسه شاريها من 10 شهور و عايز يقنعنى انه موطبها لكن مدام موطبها يبقى عايز يبيع ليه؟ علشان كل ما يصلح حاجة و يصرف , تقوم حاجة تانيه تطلعله - المهم الاصل فى العربية الماتور لو كويس الباقى مقدور عليه لكن لو كمان العربيه محتاجه عمره و لا حاجة طبعا هتبقى مش مستاهله

لما تروح تشوف عربيه مستعملة خد معاك ميكانيكى و عفشجى علشان الميكانيكى يكشفلك على الماتور و دنيته و العفشجى يكشفلك على العفشه بتاعة العربية من مساعدين و كدا .....

الموديل ده في تكييف ولا لا ؟

الموديل اللى انا اشتريته دا موديل 99 و دا من غير تكييف هوا فيه مروحه مش اكتر يعنى مجهز يركبله تكييف لكن انا بصراحة مش ناوى علشان مش عايز احمل على الماتور و احرق بنزين كتير

اى اسئلة انا عنيا ليك

[mahmoud_magdy]

شكرا لرد حضرتك وربنا يباركل في العربيه
وتتهنى بيها ان شاء الله
ودعواتك بقى ربنا يكرم واجيب الماروتي بسرعه
وعموما قصة التكييف دي مش هتاثر كتير على الموتور
وحكاية استهلاك البنزين فمتقلقش منه خالص
الاستهلاك بيكون قليل وعلى حسب سواقتك برده
يعني لو هتسوق بهدوء وبالراحه الاستهلاك هيكون قليل
ولو سقت بسرعه هتستهلك كتير
واصلا هيا بتستهلك بنزين قليل مش كتير

[Abdm]

معقول اللغه دي مش مفهومه :o_stupid[1]:
عموما ان شاء الله هغيرها طلباتك اوامر حضرتك :e_braces[1]:

يا باشا ربنا يخليك . المكتوب كلام عربى وجنبة كلام بلغة غريبة غير العربى
اللى حضرتك هتعملة هتتدخل على أسمك بالضغط علية هتظهرلك صفحة . فى الناحية اليمين هتلاقى مكان مكتوب فية معلومات عن العضو هتدوس علية وتنزل عند الآقامة والسيارة وتدوس جنبها كلمة تحرير القائمة أو تحرير الكلام يعنى علشان تقدر تعدلة وبعد ما تعدلة وتلغى اللغة الغريبة وتسيب العربى تضغط حفظ . ولو فى أى سؤال أنا أى خدمة فى أى وقت
وبالتوفيق أن شاء الله

[mrghost]

ربنا يباركلك فيها يارب

[alking_2006]

ربنا يباركلك فيها يارب

يا رب تسلم و ربنا يخليك يا جميل

[abogogo]

يا باشا ربنا يخليك . المكتوب كلام عربى وجنبة كلام بلغة غريبة غير العربى
اللى حضرتك هتعملة هتتدخل على أسمك بالضغط علية هتظهرلك صفحة . فى الناحية اليمين هتلاقى مكان مكتوب فية معلومات عن العضو هتدوس علية وتنزل عند الآقامة والسيارة وتدوس جنبها كلمة تحرير القائمة أو تحرير الكلام يعنى علشان تقدر تعدلة وبعد ما تعدلة وتلغى اللغة الغريبة وتسيب العربى تضغط حفظ . ولو فى أى سؤال أنا أى خدمة فى أى وقت
وبالتوفيق أن شاء الله

اولا الف مبروك لصاحب العربية ربنا يديله خيرها ويكفيه شرها
ثانيا الاخ ادم الراجل قاصد يكتب بالغة دي وهي العبرية ممكن يكون في كلية آداب عبري ومن الكتابة دي ممكن يلاقي زميل او حد مثلة وعلى فكرة من عرف لغة قوم امن شرهم ودي اللغة الوحيدة الي المفروض يكون على الاقل نعرف قشور عنها بجانب الانجليزي او الفرنساوي او الالماني