مميزات وعيوب الماروتى بالتفصيل

[m7nsh]

السلام عليكم
كل سنه و انتم طيبين كلكم و عيد سعيد و يارب الي معندوش عربيه يجيب عربيين العيد الي جاي
ياشباب انا سافرت بي كاتيتا العين السخنه بليل و بصراحه نور الفوانيس ضايع و كنت ماشي بطريقه برايد و كمان طلعت بيها علي حجر بس ربنا ستر
المهم انا عاوز اغير النور لي نور اصفر الواطي و العالي
حد يعرف اجيب نور ايه مناسب ؟ كام و ات و منين
و هل انا ممكن اركبهم بي نفسي ولا لازم اروح للكهربائي ؟ و ادفعله كام

ع فكره العربيه بتسحب في 12 كيلو لتر بنزين يعني 240 كيلو في الصفيحه و رحت التوكيل كذا مره بتاع الدقي و بيقولي اتظبتط يا باشا
و شكلي كده حاروح اظبتها عند اي حد اروح لي ميكانيكي ولا كهربائي و ادفعله كام ؟
اصل انا اول مره اسوق اصلا و عربيتي عامله 2000 كيلو و لسه ابيض معلش

اهلا بيك ياباشا و انت بالصحه و السلامه :)
بس هو كاتيتا ده اسم عربيتك الماروتى بقى صح ؟
انت طبعا تركبهم عند كهربائى لأنك هتحتاج تركب كتاوت معاهم ,, و انت انزل اى محل اكسسوارات و اساله على اللمض هتلاقى 90 \ 100 و 200\ 260 و اسعارها بتتفاوت من 30 جنيه الأتنين لحااااد 140 ( حسب النوع فيلبس مثلا و لا صينى ولا المانى ولا ايه )
حوار البنزين 12 كيلو معدل مش وحش فى اللتر اطلاقا .. انا المعتاد بتاعى يعتبر 13 بس اوقات فى الروقان بوصله 14 و15 بس لاحظ ان القياده الأقتصاديه دى بتبقى عاوزه شويه تمرس ع السواقه نفسها و حضرتك بتقول انك جديد ,, انت ممكن تشوف قسم الورشه فيه مواضيع حلوه عن كيفيه توفير البنزين ,, شوفها يمكن تفيدك ,, بس من رايى 12 مش وحش اطلاقا

بس عاوزينك بقى تعرفنا بنفسك وبتدرس ولا ايه ؟؟
ومنورنا دايما ياباشا ومنتظرين منك مشاركاتك

[m7salah]

شكرا ياحبيبي ع التوضيح
انا مهندس اتصالات و كهرباء كمان تصور
طيب هو اي محل بيبيع اللمض دي ولا زم اقول للراجل ماروتي ؟
و اجيب الفيلبس ولا اي ماركه و السلامه ؟
و ده تمن الاتين العالي و لا تمن الي اتنين الواطي ؟ ولا هو الاربع لنض بي 130 جنيه ؟
و ادي الكهربائي كام :)
اصل انت عارف لما الصانيعي بيشوف العربيه جديده بيطمع و عاوز فلوس كتيررر

اه كاتيتا دي اسمها و دي كلمه اسباني معناها الفار الصغير
Catia

[m7nsh]

الله ؟ مهندس اتصالات ؟؟ زمييييييييل يعنى :)
بس انا لسه بدرس فى سنه تالته
اى محل بيبيعها ,, و اى لمض تركب بس يكون نوعها h4 ( تلاته شوكه يعنى بلغه الصنايعيه ) ,,واللمبه دى بتكون عالى وواطى فى لمبه واحده :)
انا لسه عاوز اعمل الحوار ده بس شكلها هترسى على اى لمض يرشحها الكهربائى لأنه مركبها لعربيات تانيه وفارقه
المصنعيه مش عارف لأنى لسه معملتهاش :) بس لا اعتقد تزيدعن 20 30 بندق
تحياتى ليك يا باشا :)

[smart_1985]

أستاذى الفاضل
أنا الاّن فى نفس موقفك....محتار بين الماروتى و ال128....عايز أعرف....مادام ال128 أوسع....ليه قررت تشتلرى ماروتى ؟؟
هل ال128 مش حاتستحمل السفر زى الماروتى مثلا؟؟؟
انا فعلا محتار لأن ال128 فعلا أوسع بكتيييير بس شاكك فى كفائتها خصوصا من حيث السفر...
أرجو الإفاده

[smart_1985]

لو ال128 أوسع بمراحل.....يبقى ليه الماروتى !!!!
أنا واقع فى الحيره دى دلوقتى و مش عارف أشترى ايه....(طبعا بتكلم فى 128 2006)
أفيدووووووووووووني

[bayoumisoft]

الله ؟ مهندس اتصالات ؟؟ زمييييييييل يعنى :)
بس انا لسه بدرس فى سنه تالته
اى محل بيبيعها ,, و اى لمض تركب بس يكون نوعها h4 ( تلاته شوكه يعنى بلغه الصنايعيه ) ,,واللمبه دى بتكون عالى وواطى فى لمبه واحده :)
انا لسه عاوز اعمل الحوار ده بس شكلها هترسى على اى لمض يرشحها الكهربائى لأنه مركبها لعربيات تانيه وفارقه
المصنعيه مش عارف لأنى لسه معملتهاش :) بس لا اعتقد تزيدعن 20 30 بندق
تحياتى ليك يا باشا :)

هههههههههههههههه

وانا برضة مهندس اتصالات

اية الصدف دى

[smart_1985]

أنا قررت أجيب ماروتى 2008 ان شاء الله يا جماعة....بس كان ليا سؤال للباشمهندس M7nsh
انت قلت انك بتحط بنزين 80 فعلا و مش حاسس بفرق فى السحب خالص ولا الفرق بسيط ؟؟
و هل وطيت الكهربه و لا لأ ؟؟

[m7nsh]

فى فرق فى السحب بس مش اللى هو يخليك تدفع بدل 20 فى التفويله تدفع 40
ووطيت الكهربا فعلا :)
و مبروك عليك مقدما :)

[LORD.ADeL]

السلام عليكم جميعاااا
عيدكم مبارك كلكم والله وحشتونى جداا وخصوصاا محمد محنش باشاا قرموووطي ((:
اخباركم ايه يا جماعه واهلا وسهلا بكل من انصم لينا بيومي بااااشااا و كتيتاااا
تشرفنا يا رجاله ومنورين وياريت ديما تكونو منورناا هناااا اخوكم عادل اللورد
وعربيتى اسمها كباكاااا (:

[LORD.ADeL]

فى فرق فى السحب بس مش اللى هو يخليك تدفع بدل 20 فى التفويله تدفع 40
ووطيت الكهربا فعلا :)
و مبروك عليك مقدما :)

هههههههههههه
احسبها صح تفولها صح
خخخخخخخ

[m7nsh]

ههههههههههه
عمى وعم عيالى بتاع الضرايب
ايه شغل الأعلانات ده يا سيدنا ؟؟!
بس والله وانت كمان يا راجل ليك وحشه ,, فينك بقى ؟؟ انشالله خير

[m7salah]

السلام عليكم
ازيكم جمعيا
عاوز اقوللكم ان ميكروباص شلي فانوس و اكصدام و طبعا المسامح كريم
المهم انا قولت 170 جنيه و كل حاجه حاتتصلح
رحت التوكيل سالت ع الاكصدام و الكشاف و ردايتر كمان و كانت المفجاءه كنت حاسس اني راكب لانوس او هيواندي مثلا
فاونس امامي 135 جنيه
ااكصدام 660 جنيه
راديتر 770 جنيه
و حاجه تنقط بجد

[m7nsh]

بص ,, لو مأمن اتوكل على الله فى التوكيل بس بعد متكون ظبطت مع شركه التأمين
لو مش مأمن فكك تمامااااا من التوكيل و خلصها بره بره عند اى سمكرى شاطر

و قدر الله و ماشاء فعل ,, متزعلش نفسك
اهم حاجه صحتك ,, و فعلا اللى ييجى فى الحديد يغور
و ابقى طمنا عملت ايه ؟؟

[m7salah]

الحمد لله علي كل شي
هو الصاج مش اطبق الحمد لله
حد يعرف اسعار قطع غيار الماروتي بكام خارج التوكيل ؟

[khpopo]

فى واحد كويس متخصص سوزكى كنت اتعاملت معاه من سنتين ورا فولفو الى فى شارع التحرير مش عارف ان كان موجود ولا لسه بس ان عنده كل حاجه وباسعار كويسه والى قال لى عليه واحد من التوكيل
ربنا يوفق