مميزات وعيوب الماروتى بالتفصيل

[tarek_wahba]

السلام عليكم انا معاي ماروتي من سنة و نصف ماشاء الله استهلاكها جوة البلد الصفيحة تعمل من 300 - 350 حسب رجلك على دواسة البنزين و خارج البلد 400-420 انا باسافر بيها على120 -140 من السويس للقاهرة و الشرقية و المنوفية تقفيلها حلو على قد سعرها باركب فيها انا و الزوجة و اطفالي 3 12 سنة و 9 سنين و 4 سنين و اكتر من مرة اتحديت بيها و ركبت 3 حجم وسط وراء غير 1 حجم كبير جنبي و لم تلمس الأرض و لا في المطبات و احنا عندنا المطبات ماشاء الله عليها . التوكيل ممتاز قطع غيار ببلاش و لم احتاج فيها اي شئ للأن لا تحتاج بنزين و لا زيت و كفايه ان موتورها ياباني و بجد واسعة من جوة ارجو ان اكون افدتك

[robeir]

ظيب ليه فى ناس بتقول ان الماروتى مش عربيه للسف البعيد يعنى جو البلد بس؟
هل القاعده فيها لمسافه طويله متعبه؟ علشان احنا بنسافر اسكندريه كتير و بفكر اجيبها ؟

[hoss_rona]

ما انا بسافر بيها كتير ومريحه اوى بالعكس عادي مريحه جدا في السفر وبتبقي ناعمه اوى علي سرعات عاليه انا مبسوط بيها اوى كمان بعد ما ركبت الكاسيت بقيت طاير من الفرحه بيها بسم الله مشاء الله

[hossam_chixo]

طيب ياريت توضحلنا ازاى ركبت الكاسيت هل شيلت الساعة ولا اية انا اسمع ان فى ناس بتجيب علبة كاسيت 128 و تلزقها فى التابلوة و تحط فيها الكاسيت
و ياريت لو فى صورة للتوضيح
و شكرا جدا ليك يا hoss_rona

[hoss_rona]

لا انا عملت حوار ال 128 ده وركبته في شارع دمشق

[wessampo]

طب ما فيه مشكلة انا قرأت عنها كثير و هى استهلاك البنزين وهى عندى(9.5 كم فى اللتر) ومش لاقى لها حل وفى عربيات ماروتى كثير قوى ما شاء الله اللهم لا حسد استهلاكا حلو(13و4 1 )فى اللتر يا ريت كل واحد يعطينا خبرتة فى المجال دةولو فى صنايعى (ميكانيكى او سمكرى)شاطر فى الحكاية دى ويا رب نقدر نفيد بعض

[tarek_wahba]

السلام عليكم و رحمة الله و بركاته
بالنسبة لمضوع الكاسيت انا اللي ركبته بنفسي اناقطعت الفبرة من جنب الساعة مباشرة لغاية الاخر على قد الكاسيت و احتجت اخدت جزء من الفبرة اللي في الاخر ( القايم العريض الموجود في اخر الفبرة) و تحت امرك في اي سؤال

[tarek_wahba]

السلام عليكم و رحمة الله و بركاته
ياريت تقوللنا عربيتك شاريها زيرو و لا مستعملة؟
و هل هذا العيب من اول ما اشترتها و لا من فترة؟
و سرعتك المعتادة على هذا الاستهلاك كام؟
و رجلك على دواسة البنزين تقيلة و لا خفيفة؟
و بتعمل معاك الصفيحة قد ايه في السفر؟ و على سرعة كام؟

[wessampo]

انابنقل للثانى على طول بعد ما بقوم بالاول يعنى مش بقيدنفسى لما اوصل ل20 علشان انقل للثانى وكمان بنقل للثالث على30 والرابع على 40 ودة لانى بغير لما بسمع صوت الموتور بيتغير 1 العربية لسة جايبها من 4 شهر موديل 2006 والفترة دى كنت بتعلم السواقة يعنى ولما سالت صاحبها القديم قالى انه بيعمل بيها 13كم فى اللتر بس هى عاملة دلوقتى 9.5كم للتر وكما والله رجلى بتشم الدواسة

[tarek_wahba]

كدة يا باشا رجلك تقيلة اوي على الدواسة و اعتقد ده سبب استهلاك البنزين للعربية في حدود علمي

[freespoken]

معلش بأه انا مبقوووووووق من العربية ومن اللي يقول بعد كده بنزين
انا معايا العربيه من 17/10/08 يعني موديل 2009 واليكم الآتي:
1- العربية كحجم وامكانيات وكل الكلام ده ....... ممتازه (((بالنسبة للحجم والفلوس طبعا))))))))))
2- انا حتنجنن من العربية استهلاك البنزين فيها عالي ايوه عاااااااالي وجدا، لانها بتعمل 1 لتر : 10 كم فقط داخل البلد ..ايوه وبتعمل 1 لتر : 12ز5 كم خارج البلد وانا مش مصدق لغاية دلوقتي وحاسس اني اتخدعت وان كل الناس يا أما مبتحسبش الاستهلاك يا اما بيسوقو للعربية
وعلي فكره انا رحت التوكيل وقالولي نفس الكلام اللي انا كاتبه وان ده الاستهلاك بتاعها ((لازم تحسب الاستهلاك علي السريع ومتزيدش عن 90كم ومتبقاش محملة والكلام الفاضي ده وبعد ده كله من 12 : 15كم لكل 1 لتر يبقى ده المعقول بتاعها
وكمان رحت لمهندس ميكانيكي وقالي اطلع علي السريع برده .... ولما رحتله بعدها قالي يبقا ده هوا استهلاكها وانا مش شايف حاجه بتاكل بنزين
بقه ده اسمه كلاااااااااااااااااااااااااااااام انا متغاااااااظ اوي

انا ياجماعة محدش رد عليا وقاللي اعمل ايه في البنزين ده وكمان انا شايف ناس عندها نفس الشكوي اهه طب يبقي في ايه؟؟؟؟ هل في حاجه بتتظبط في العربيه ياريت حد يفيدنا انا كتبت كتير في الموضوع ده ومحدش فادني لكن كل بيقول ده مش معقول لأ استهلاكها اقل من كده بكتير لكن محدش قالي اعمل ايييييييييييييييييييييييييييييييه؟؟؟؟؟؟؟؟؟؟؟؟؟؟

[gouda]

انا ياجماعه معروض عليا ماروتى بس الغريب
انها اوتوماتيك حد يعرف عنها حاجه
هى موديل 96 وبيقول خليجى عشان الاوتوماتيك
منزلش منها مصر وطالب فيها 14 ياريت تيفدونى عشان انا المفروض اخلص فيها بكره وشكرا

[tmedhat]

الموضوع حلو قوى
قتلتم الماروتى بحثااااا

[wessampo]

السلام عليكم ورحمة الله وبركاتة
امبارح عرفت معلومتين وهما فى زيارة للميكانيكى:k10:

1-مسمار السلانسية ابيض و راسة مضلعة تحت فلتر الهوا بالظبط وعند الكاربياتير لما تقفلة فانت كدة بتعلية على الاخر يعنى بتسرع السلانسية وطبعا لما تفتحة فانت كدة بتهدى السلانسية على الاخر

2-وفى نفس الحتة مسمار لونة لصفر ودة بتاع ظبط الهوا ودة طبعا ماينفعش نيجى ناحيتة طبعا

3-لمابتفتح الكبوت تحت خاص هتلاقى مسمار قلاوظ ودة بتاع
مقياس زيت الكرونة والجير بوكس

4- ولما سالتة عن الزيت الموبيل 1 10000 قالى ان من تانى يوم لونة بيتغير وطبيعى انة يبقى بنى غامق بعد شهر وان دة طبيعة المبيل 10000
5- ولما قلتلة عايز اعمل كشف لكبس الموتور علشان مشكلة معدل استهلاك البنزين وانى حاسس ان فى علاقة بين غمقان الزيت الجامد لدرجة متعرفش هو اسود ولا بنى غامق راح كاتم الشكمان بايدة وما في ثوانى والعربية بطلت وايدة كان عليها شوية سواد خفيف وزى مية بسيطة فقالى ولاتعمل كشف لكبس الوتور ولا حاجة
طب يا جماعة اية فى الكلام دة صح واية غلط



(((انا كنت منزل الكلام دة بشكل منفصل فى موضوع منفصل بس للافادة انا اختارت احطة هنا)))

[mohsobhy30]

السلام عليكم
عندي مشكلة بسيطة ... كنت بركن العربية وخبط حجر رصيف من الامام. الاكصدام الامامي أتفك من الجنب الشمال حاولت أركب الاكصدام بس للأسف ماركبش عشان البن بتاع الاكصدام المسئول عن تركيب الاكصدام مع وش العربية الصاج أتكسر روحت التوكيل فرع الدقي قالي أروح فرع أبو رواش بس أنا مستبعد المشوار. حد ممكن يفيدني ويقولي أعمل الاكصدام فين.. أرجو الافادة..وشكرآ