مميزات وعيوب الماروتى بالتفصيل

[coco511]

السلام عليكم ورحمة الله وبركاته

انا عضوه جديده في المنتدى واصلا كنت بدور على رأي أي حد عن الماروتي
لقيت نفسي قاعده 3 ساعات اقرأ 35 صفحه دول لحد ما الوقت بقى 1 ونص مساءا
وكنت خلاص حانزل اشتري العربيه دلوقتي من كتر اللي قريته عنها
بس
شوفوا بقى انا سوقتها ساعتين تقريبا متواصل موديل 2009 وكنت بتعلم عليها في مدرسة قياده
يعني اطلع في الزحمه وكده لاني بسوق بس لسه مبتدئه
المشكله بقى عندي حاجتين اتنين بس وعايزه حد يطمني
اولا الجييير بتاعها متعب جدا
والستيرينج برضه حسيت انه جامد شويه هو طبعا مش باور ولا هاف باور كمان وطبيعي يكون جامد شويه بس انا مش ارتاحت خالص مش عارفه ليه وحاسه اني على الارض خالص تحت كده

قوليلي بقى مشكله الجيير ديه والستيرينج

وطبعا مشاويري حتبقى مش طحن يعني

والكلاتش كمان بينطر مره واحده مني

ردوا عليا بسرعه عشان مستعجله لشراء عربيه صغيره
انا في اسكندرية حد يساعدني

[m7salah]

كل ده علشان انت لسه بتتعلم بس
انا قولت كده في الاول برضوا بس لما حاتجيبها و تاخد عليها مش حاتحس بي المشاكل دي
هي مش تقيله بس هي مش باور و اتكل ع الله و جيبها

[m7salah]

اسعار قطع غيار الماروتي

حد وصل لي اسعار قطع الغيار ؟ او عنده فكره عنها؟

[coco511]

طيب ليه ناس كتير بتبيع الماروتي وكمان 2008 و 2009؟!!!
وهل اقدر اشتريها مستعمل؟ ولا اكيد بتتباع لاسباب جامده وحاله سيئة؟
ولو حد يعرف ميكانيكي ولا اي حد كويس في اسكندرية يفحص العربيه بضمير في حالة شراء المستعمل

[coco511]

معلش ، عندي ملاحظة لو ممكن
انا مستغربه ان الكل بيشكر في العربيه بطريقة غريبه والعيب الوحيد ان الشنطه صغيره!!!!!

بس كده ؟يعني معقول العربيه مش فيها اي مشاكل كده؟
ولا انا وقعت وسط مندوبين وموظفي الشركة نفسها؟ههههههههههههه

[LORD.ADeL]

ههههههههههه
عمى وعم عيالى بتاع الضرايب
ايه شغل الأعلانات ده يا سيدنا ؟؟!
بس والله وانت كمان يا راجل ليك وحشه ,, فينك بقى ؟؟ انشالله خير

هههه
حشيش قلبي والله وحشينى يا باشااا ايه رئيك اصل اليومين اللى غبتهم كنت بشوف اعلانات كتير بعيد عنك خخخ فضاا بقا ...
والله يابااشاا اصلا مافى عندي نت بالبيت للاسباب تكنولجيا خاص بالسنترال الموقر عندنااا هع بس كدة
وانت عامل ايه واخبار قرموطي ايه ها روقتو ولا لا

[LORD.ADeL]

السلام عليكم
ازيكم جمعيا
عاوز اقوللكم ان ميكروباص شلي فانوس و اكصدام و طبعا المسامح كريم
المهم انا قولت 170 جنيه و كل حاجه حاتتصلح
رحت التوكيل سالت ع الاكصدام و الكشاف و ردايتر كمان و كانت المفجاءه كنت حاسس اني راكب لانوس او هيواندي مثلا
فاونس امامي 135 جنيه
ااكصدام 660 جنيه
راديتر 770 جنيه
و حاجه تنقط بجد

كتيتاااا الف الف سلامه ياباشاا علها وقبل عليك قدر الله وماشاء فعل معلش
عوضك ع الله بخصوص التوكيل انساا محدش بيفكر يجب منه حاجه لانه سعرة اوفرررر
فكك منه وتعامل انت برااا وريح دماغك نصيحه لانى اتعاملت معهم وبرة
قطع غيارها مش الغيار مش هفيدك اوي للاسف فى الاسعار لاكن انا كا عندي كم عنوان
ختهم من كم مموضوع هنا عن امكان لبتوع قطع الغيار
1-سوق التوفيقية المول الجديد اللى داخل السوق
2-محمد حسنى الساحل روض الفرج
3-محلات أحمد حلمى عند أول شارع شبرا من رمسيس
والاخير دة انصحك بيه وبعده توفقيه لانهم اللى احمدحلمى دول اساس للسوزوكي فل يا صحبي
وربنا يعوضك عليك باذن الله
.....((:

[LORD.ADeL]

معلش ، عندي ملاحظة لو ممكن
انا مستغربه ان الكل بيشكر في العربيه بطريقة غريبه والعيب الوحيد ان الشنطه صغيره!!!!!

بس كده ؟يعني معقول العربيه مش فيها اي مشاكل كده؟
ولا انا وقعت وسط مندوبين وموظفي الشركة نفسها؟ههههههههههههه

اهلا بكي يا كوكو
شوفى العربيه ماشاء الله عامه مع شباب هنا ومعايا الحمدلله تمام
وبخصوص ان كل بيشكر لانها فعلا تمام....
امااا شنطه فهيا صغيرااا ايوة لان بس شغاااله عادي يعنى بما انك هتستخدميها استخدام شبابي فاعادي
واذا عايزة مساحه اكبر اثنى الكنابه ورااا اقفليها وهتدليك مساحه فل ((:
وعن البيع عادي ناس كتير بيتجب عربيات وتاخد وقتها معهم وتغيرها كتير اوي فى ناس هواااء التغير الدائم هههه انا اعرف واحد جاب عربيه فى رمضان وبعدها بعد العيد عادي ههههههههههههه لا تقلقي وعن المستعمل
روحي اي بنزينه عندك كبيرة وتمام وافحصي العربيه هيرفعوها لكي ويشوفها اي اللى فيها ماكنشي شوفى فرع التوكيل اللى عندك ورحي لهم وهما هيقومو معاكى بالوجب
ومبروك مقدمااا

[LORD.ADeL]

شباب الماروتيه جبتلكم حبه صور لوووووز للدلوعه بتعتنا شغل برااا وقوللي رائكيكم








ولو دورنا هنلاقي كتير ....

[LORD.ADeL]

الصور دي بقا للاخر موديل نازل ف هند رئيكم






ع فكرة الفانوس الخلفي دة انا شفته هنا فى عربيه ايه رئيكم اللى موجود ولا دة افضل ((:

ودة الامامي وشبكة


طبعا الموديل دة افضل من اللى معنا بكتير غير انه نازل باسطوانه غاز وبنزين يعنى من اوفر لاوفر
بس الشكل الجديد لها جااامد عن نفسي اذا لاقيت فوانيس دي هجبها وش
منتظر رئيكم
((:

[coco511]

ارجوكم حد ينقذني بسرعه
عايزه ماروتي مستعمل بحاله كويسه ورخيصه
في اسكندرية

يعني مش تبهدلني مصاريف واعطال
وتكون سليمه

انا عارفه ان اكيد حد حيساعدني متعشمه فيكوا خير
بسرررررررعه قبل الشتا

[LORD.ADeL]

فين الشباب.......

[Lion_Heart]

صور جميلة و عربيات متظبطة تمام .

[LORD.ADeL]

الماروتية فين ..........................

[m7nsh]

صور جاحده والله يا لورد
ربنا يسهل و نلعب شويه فى العربيه ,, اى منظر
فين صحيح الناس ؟؟