Tweet
عجبتنى الصوره الاخيره حلوه اوى تسلم اديك ياباشا
-
-
السلام عليكم
ياريت ياشباب لو حد يقدر يفيدنى بمعلومات عن الماروتى
لانى زهقت فى اللف على العربيات الفيات القديمة اللى اصاحبها مفكرينها انها اثار وبيطلبو فيها اسعار مبالغ فيها خالص وبالنسبة للمعلومات فياريت حد يقولى الاول هل العربية با مانه حريمى ولا شبابى لان فى الغالب بشوف بنات وحريم راكبينها وثانيا هل العربية ممكن تسافر سفر مثلا رايح جاى 350 كيلو اسبوعيا ؟؟
وبالنسبة لعداد المؤشر اعلى سرعه فيها كام اعتقد 140 ولا اكثر ؟
بالنسبة لسعر عربية ماروتى موديل مثلا 2006 او 2007 مستعملة لكن
نضيفة ومش محتاجها مصاريف فهل تعمل سعر كام ؟
قطع غيارها اخبارها ايه هل موجودة واسعارها رخيصة ؟؟
شكرا شباب واسف على الاطالةComment
-
وعليكم السلامالمشاركة الأصلية كتبت بواسطة a77med مشاهدة المشاركة
اهلا بيك يا مان نورتناا
شوف بدون رغي كتير منى هحط لك لينك عن اخ هنا كان عايز تستفسر زيك
مع انك لو قريت الموضوع هنا من اوله للاخرة مش هتحتاج للاي سؤال بس شكلك مكسل
((:
واذا ما فهمت حاجه اسئل وباذن الله نرد عليك
تحياتى..LORD.ADELComment
-
و رجعت اخيرا للمنتداى المحبوب بعد طول غياب.....تحياتى لكل الاخوه هنا ....و الصور فعلا روعه خصوصا العربيه البيضاء...و للاسف الفوانيس الموجوده دى المفروض انها فوانيس ال2008 اللى بتنزل بره....لكن عندنا فى مصر كل حاجه مختلفه و ال2008 بتنزل شكل ال2007 و حاجه زى الفل يعنى....
و اللى عايز الفوانيس دى موجوده فى التوفيقيه و سعرها فى حدود 200 جنيه للاربع فوانيس...و عندى كمان رقم الراجل اللى بيستوردهم لو حد احتاجه
تحياتى للجميهComment
-
شكرا ع المعلومه بس انا اخدت بالي من حاجه كل قطع الغيار الي موجوده في احمد حلمي مش اصلي او بمعني تاني كلها حاجات صيني
ياجاااااامعه انا جبت فانوس من عندهم بي 60 جنيه و بعد ماجبته لاقيته مختلف تماما عن الاصلي
في وزنه و حتي قواعده الي بيثيت عليها
ياريت لو حد يعرف مكان بيبيع القطع الاصليه و يكون مضمون ياريت يبعته :)Comment
-
منور يا تامر بعدالغيبه الطويله ,, اخبار العربيه ايه معاك ؟؟؟
بصراحه يا m7salah الفوانيس لومش اصليه بتفرق جدا بعدفتره بتطفى كده و مش بتديك اضاءه كويسه ,, فانت معاك حق ابعد عن الصينى و غنيله :)[RIGHT][COLOR="black"][B][caps]Mohamed Badr[/caps][/B][/COLOR][/RIGHT]Comment
-
اوك بس الاصلي نجيه منين ؟
التوكيل غالي ؟ فين بقي نلاقيه ؟Comment
-
والله ياباشا انا محتاجتش قبل كده الا فانوس اشاره و جبت المضروب و الفرق واضح دلوقتى
بس كان فى عضو هنا قال ان الحسنيه فى المنصوره فيها كل حاجه اصلى و تقليد و مضروب و معصور و كل حاجه !![RIGHT][COLOR="black"][B][caps]Mohamed Badr[/caps][/B][/COLOR][/RIGHT]Comment
-
انا ان شاء الله ناوى اشترى ماروتى بس لى كام سؤال
سمعت من البعض ان الماروتى بتكون خفيفة فى السرعة العالية فهل ده حاجة تخوف يعنى ممكن تبقى خطر
تانى حاجة سمعت ان فى ناس بتقابلها مشاكل مع ان العربية زيرو ولازم تظبط فيها حاجت عشان تكون كويسة وانا الصراحة عاوز اجيب عربية زيرو عشان اشترى دماغى من اى حاجة
ارجو الرد عشان اخد القرارComment
-
بص يا عمرو
اول حاجه قصدك بالسرعه العاليه كام ؟؟ عموما انا علطول بمشى بيها 100 - 120 و جبت بيها 140 كذا مره و مفيش مشاكل الحمد لله خالص
تانى حاجه : عمرها ما هتكون زيرو ومحتاجه ظبط ,,, ده كلام غير صحيح بالمره
انا برده من ساعت ما جبتها ما غيرتش الا زيت و البنزين و الموبينه ضربت منى و غيرتها ده فى خلال سنه ( الموبينه دى حاله فرديه جدا ) و عامل 16500 كده دلوقتى
اتوكل على الله عربيه حلوه و ع القد و تتحب فعلا[RIGHT][COLOR="black"][B][caps]Mohamed Badr[/caps][/B][/COLOR][/RIGHT]Comment
-
متشكر ياباشا على الرد بس انا لى سؤال كمان لو انا روحت بيها من اكتوبر لمدية نصر يوميا ده هياثر على العربية لان سمعت ان العربية مش بتاعة هرك مع العلم ان احافظ على صيانتها
Comment
-
------عمرها ما هتكون زيرو ومحتاجه ظبط ,,, ده كلام غير صحيح بالمره ------
اصل انا لقيت ناس على سبيل المثال بتقول ان كهربيتها عالية وعاوزة تتظبط
تانى حاجة بالنسبة للتوكيل الواحد احتار من كتر الكلام مش عارف يتعامل مع التوكيل ولا ينفضComment
-
عادي قضيها وعيش حياتك وتمام ولو عايز تسافر سافر وازي خالصالمشاركة الأصلية كتبت بواسطة amrshaban مشاهدة المشاركةمتشكر ياباشا على الرد بس انا لى سؤال كمان لو انا روحت بيها من اكتوبر لمدية نصر يوميا ده هياثر على العربية لان سمعت ان العربية مش بتاعة هرك مع العلم ان احافظ على صيانتها
وعالمشوار اللى بتقول عليه لا تقلق توكل ع الله لان دة تقريبا شغلك واكيد هتريح العربيه فترة الشغل
فا مفيش مشكل وع فكرة حتى لو مرتحتش مافيش مشكل بس انت ما تقرص عليها لو ختها صد رد اما اذا ريحتها اقرص وشد وعيش حياتك
ومبروك مقدمااا واهلا بيك معنا وياريت نشوفك كتيرLORD.ADELComment
-
شوف يا عمرو زي ما قالك محمد فى ردة السابقالمشاركة الأصلية كتبت بواسطة amrshaban مشاهدة المشاركة
عربيه تمام ومافيهاش حاجه يعم دي هتكون زيرو عارف معنه زيرو يعنى مايتحط فيها مفط ولا مفتاح غير بعد ال1000 ك
وبخصوص اللى قلته دة بيكون فى حاله ان عربيه لما بتقفلها بتترعش جامد ومروحه شغاله او غيرت بنزين الى 80 وبردو مش اساس واذا كانت بتكال بنزين بتروح تضبط كهرباء وكربراتير غير كدة مافيش حاجهLORD.ADELComment
-
بصراحة صحبة حلوة ومعلومات جميلة عن عربية شعبية ولذيذة اخوكم ابو جنة معايا ماروتي 94 طبعا مش زي الزيرو بس والله عربية حلوة ومريحة كنت راكب سيات 133 وبيتلز و 127 توب و127 بندا , بصراحة مارتحتش الا للماروتي قطع غيار رخيصة و اقتصادية , فعلا عربية على اد امكانيات الشباب في مقتبل الحياة
وللمعلومية انا عندي برومة في الباب قلت اسأل عن الباب استراد نمرة 1 تخيلوا وجدت تمن الاربعه باب بـ 800 جنيه يعني الباب بـ200 جنية احسن من السمكرة والدوشة وعلى فكرة باب الموديلات الجديدة يركب على الموديلات القديمة الفانوس الخلفي كاملا بـ 35 جنية يابلاش يعني بـ 2000 جنيه تخليى عربيتك زيرو , لي صديق عنده مازدا 3 ربنا يحفظكم ويحفظنا العربية اتخبطت وهيه واقفة صرف عليها 21000 جنية , ففي ظل الظروف الصعبة الحالية الماروتي تكسب
[mshosh2]http://www7.0zz0.com/2013/05/08/17/903528565.jpg[/mshosh2]Comment
Comment