مميزات وعيوب الماروتى بالتفصيل

[marmar9680]

السلام عليكم
كنت عايزة اعرف مؤشر الحرارة لو بيجى على النص كده طبيعى والا لاء ولغاية فين يكون كويس
وبالنسبة للفتيس بيكون تقيل فى الاول والتانى

[Abdm]

مؤشر الحرارة عند النصف كويس وطبيعى وأخرة الشرطة اللى بعد النصف بشوية على طول
فعلا الفتيس بيكون تقيل فى الآول والتانى لكن لو ربطى الفتيس و وكمان شوية زيت للتلين على أجزاء الفتيس من جوة أو فك الكوتشة اللى على الفتيس من جوة العربية وتزيتى أجزاء الفتيس بشوية زيت أو شحم هيكون مائة مائة
والله الموفق

[LORD.ADeL]

معدل عادي مفيش منه قلق لاكن القلق اذا مؤشر عدااا النص
وبعدين راحعي ديما ع ميه الخضر فى الاربة بتاعت الكربراتير
--
بخصوص فتيش عادي انتى بس اضغطي ع الدربياج لاخرة وحاولي تضبطي ايدكي فى نقلات علشان النقلات تروحى فى مسارها الطبيعي
لاكن مفيش قلق منها لان موضوع دة عادي فى ماروتي انتى عربيتك موديل كام

[marmar9680]

ألسلام عليكم
انا متشكرة على الرد جدا
عربيتى موديل 2008
هى المياة فى الإربة مفروض تكون لغاية فين
والكوتشة فى الى موجودة فى الفتيس اى ميكانيكى ممكن يعملها والا الافضل انى اسبها

[LORD.ADeL]

الشكر لله
شوفى ميه الاربة فى عنديك مستوين لازم تكون ع الاقل فوق المستوى تاني
وبخصوص فتيس اي مكانيكي بس صانيعي كويس وشغال فى عربيات سوزوكي عالاقل يشوفيك التروس ويقوليك اذا كان محتاج تغير زيت ولا زيت تمام وكدة

[mesaharaty]

هى المية إللى فى القربة بتاعت الكربراتير ولا الرادياتير ؟؟؟

[Abdm]

السلام عليكم أية يا لورد عادل أنت فينك يا باشا بقالك كتير غايب ومشاركاتك بقت قليلة قوى لية . أنت روحت فين ؟؟
وفين محنش راح فين
يا ريت تكونوا بخير وصحة وسلامة وأبقى طمنى

[Abdm]

هى المية إللى فى القربة بتاعت الكربراتير ولا الرادياتير ؟؟؟

المية اللى فى القربة بتاعت الريداتير بتاع التبريد للعربية والموتور

الكاربراتير بتاع حرق البنزين وبيدخل فية بنزين فقط من التانك الخارجى بتاع البنزين

والله الموفق

[bayoumisoft]

السلام عليكم
انا اشتريت عربية ماروتى موديل 2008 وعاملة 14000كم

اشترتيها بكام وازاى؟

يا ترى عن طريق النت ولا منين؟

[KSA2011]

شكرا جزيلا على الموضووع

[marmar9680]

السلام عليكم
انا اشتريتها من ناس برة النت
28000 جنية
لو سمحت كنت عايزة اعرف معدل استهلاك البنزين داخل القاهرة بالنسبة للعربية بيكون كام

[marmar9680]

كنت عايزة اعرف السنتر والانذار بيكلف كام واعمله فين وهل فعلا علشان اعمله لازم يفك كيس المصنع

[khaled_amer]

كنت عايزة اعرف السنتر والانذار بيكلف كام واعمله فين وهل فعلا علشان اعمله لازم يفك كيس المصنع

"



طبعا لازم يتفك و يتعمل عند اي حد بتاع كماليات "مثلا ادريان الهرم او المهندسين" و ناس تانيه كتيييير
و معدل استهلاك البنزين حوالي 250 كيلو لكل 20 لتر جوه البلد

[bayoumisoft]

السلام عليكم
انا اشتريتها من ناس برة النت
28000 جنية
لو سمحت كنت عايزة اعرف معدل استهلاك البنزين داخل القاهرة بالنسبة للعربية بيكون كام

ممكن اعرف منك اية اخبار العربية معاكى؟

[marmar9680]

العربية الحمدلله كويسة بس انا ليا بعض الاستفسارات
.انا فولتها ومشيت بيها حوالى 290 كم وبعدين فولتها تانى حطيت 24.5 لتر بنزين 90 عايزة اعرف المعدل كده كويس والا لاء
.فى عضة فى الفتيس عند الاول والتانى
.احيانا بحس ان فى حاجة بتخبط فى المطب ده عادى والا فى عيب فى العفشة
.لما بكون ماشية على سرعة مثلا من اول ال40 واجى اهدى ويوصل المؤشر لغاية20 واجيب التانى بحس ان سحبها وحش
معلش انا طولت عليكم بس يا ريت الرد على استفساراتى .