مميزات وعيوب الماروتى بالتفصيل

[eng_ahmed2002]

شوف يا مان
انا مراتى جبت لها واحده موديل 2007 على الزيرو يعنى
ماشية بيها لحد الأن حوالى 25 الف كيلو يعنى هرياها بمعنى اصح
وراحت بيها ميه مرة الساحل ومرسى مطروح مش عايز اقولك
مرة باسالها عيوبها ايه قالت لى عيب واحد بس انها بتجرى اوى
فطلبت تفسير قالت لى لما باسرح الاقيها جايبة 130 او 140
فانا اندهشت طبعا وسالتها امال اقصى حاجة جبتيها كام قالت لى العداد
كام العداد دة قالت لى 150
فقررت اجربها فرحت من اسبوع اعملها الصيانة بتاعه ال 52 الف فى ابو رواش
تصدق قفلت عدادها ال 150 كيلو فى الساعه بسهولة جدا كانى راكب عربية محركها مثلا 2000 سى سى
ولحد الان ما غيرتش فيها حاجه خالص غير تغيير الزيت والفلاتر والابلاتين والكندنسر والبوجيهات يعنى الصيانة الدورية العادية
الابلاتين فى التوكيل ب 20 جنية والكندنسر ب 15 جنية البوجيه الواحد ب 10 فلتر الزيت ب 42 جنية
يعنى انا شايف ان قطع غيارها حلوه اوى اوى ومعمرة كمان عن الفيات كله
فهمنى
وبعدين استهلاك البنزين هى قالت لى انها فولت العربية فى 6 اكتوبر علشان احنا ساكنين هناك وراحت مرسى مطروح فضلت فيها 3 ايام وهى راجعه فى مرسى مطروح فولت تانى لقيتها واخده 18 لتر فقط
تخيل مشوار لمرسى مطروح ولف فى مرسى مكطروح 3 ايام ب 18 لتر
يعنى اتكل على الله واشتريها يا مان
انا مش عايز اقولك انها عملها نص نقل بتتنى الكنبة اللى ورة وتدفس فيها حاجات انا نفسى مستغرب
يا راجل دى مرة جابت فيها تسريحة بتاعت حجرة النوم بالمراية فيها جوه من ورا تخير اى نعم كانت ربطة باب الشنطة لانه ما قفلش طبعا بس شالتهم وجت بيهم حاجة بتاعه 150 كيلو
اتكل على الله يا مان والتوكيل بتاعها محترم لابعد الحدود واسعارة معقولة جدا

[eng_ahmed2002]

ربنا يباركلككم فيها ويكفيكوا شر العين والطريق ,,, وكلة كلة

[volociximab]

يا جماعه بالنسبة للسرعات انا سيارتى التو وزن السيارة واحد طن و بالتالى السيارة غير ثابته بعد سرعة 80 كما انها فى الاساس سيارة مدينة

[boba_medo]

السلام عليكم
عنىدى كام سؤال كده
هوه أفضل أنواع الزيوت لعربية سوزوكى ماروتى 2008 ايه وبيتغير بعد كام كيلو وبكام.
وكمان الكاوتش بيتزود هوا على كام ( الاصلى بتاعها )
وأخيرا هوه فيه طاسات 12 ليها وحوالى بكام
أسف للاطالة

[kokololososo]

مفيش مقارنة بينها وبين ٢٧ و٢٨ الفيات القديم ده لازم يتعدم لإنه مش آمن وكمين لإستنزاف الفلوس عند الميكانيكية
وعيب الماروتي الوحيد انها كاربيرتير
وعندي سؤال الواحد يلحق يشتريها زيرو ولا اتوقفت السنه دي؟

[eng_ahmed2002]

علي فكره انا لاحظت الظلم الشديد اللي الناس بتظلمه للعربيه دي انا معايا ماروتي من 2001 وبجد انا عملت حاجات في العربيه دي مفيش عربيه تستحملها اولا بابا كان بيروح بيها المطار كل يوم لانه شغله هناك وبعديها انا ساكن في الزيتون بابا ساب المطار وبقي شغله قرب العين السخنه كان بيروح كل يوم بيها وبعديها ساب الشغل ده واشتغل في شغل بعد مدينه السلام بساعه وبيروح بيها كل يوم ده غير اللي انا بعمله فيها بصفتي شاب وعايز اعيش حياتي بجري بيها وبشد بيها مع 128 و 127 وبخمس بيها والله العظيم ما في كلمه في كلامي كدب كل ده وبسم الله مشاء الله مفتحتش بقها ولا اتكلمت كل اللي باظ فيها بوجيهات بس من ساعت من جبناها بسم الله مشاء الله وكل سنه بنسافر بيها الاسكندريه وبناخد الطريق علي طول دون توقف في النص وانا شايف انها عربيه محترمه جدا وعمليه جدا ومتستاهلش كل الكلام اللي بيتقال عليها ده انها ضعيفه وخفيفه وكل ده

يا جماعة بعد كل الكلام دة لازم نحترم العربية دى جدا جدا جدا ...... جدا جدا جدا جدا جدا جدا ... لانها تستاهل فعلا

[kokololososo]

السوزوكي مناسب جدا لبلدنا وامكانيتنا والماروتي ممتازة لمن يبحث عن العملية ولايبحث عن الرفاهية والمظهرة
قولوا معايا ماروتييييييييي

[jeeran]

عربية كويسه وناعمة يمكن هي ضيقه شويه من جوه لكن موفره بنزين عن 128 سحب العربية كويس لكن متحس بسرعتها الا بعد 80 كيلو .قطع الغيار رخيصة عن 127 ،128 الصاج ضعيف شوية و العربية قريبة من الارض
ممتازة لو اسرتك 4 افراد
جبت موديل 2011 من قريب رغم ان بتمنها كان تجيبلي اونو 90 او هيونداي اكسل 97 فما فوق وده بسبب ان موديلهل اعلي وسوقها كويس لو حبت ابيع تاني