مميزات وعيوب الماروتى بالتفصيل

[maroty]

الحمد لله خلصت
بس بصراحة يا جماعة مجهود تشكروا عليه وربنا يبارك فيكم كلكم وأشهد الله اني استفدت من مناقشتكم الجميلة
أنا بالمناسبة مبسوط من العربية كا ماركة
لكن انا حظى وحش في اني اشتريت عربية من ناس قبلي كانوا مش مدينها حقها في الاصلاح والصيانة وربنا يعوض عليا في اللي دفعته ولسه بدفعه بس انا مبسوط من الماروتي وممكن لو بيعنها اجيب واحده تانية تكون حالتها أفضل لاني مكانش عندي خبرة في العربيات وللأسف كل الاسف اني اشترتها لوحدي واعتمدت علي الشكل بس قدر الله وما شاء فعل
نصيحتي الاخيرة لكل من هو مقبل علي شراء سيارة مستعملة
وهي
الحالة قبل الموديل
واعيد واكرر
الحالة قبل الموديل
يعني موديل قديم ممكن تكون أحسن من موديل حديث بوضع في الاعتبار حالة العربية مهمة جداًجداًجداًجداًجداًجداًجداًجداًجداًجداًجداًجداًجد اًجداًجداًجداًجداًجداًجداًجداًجداًجداًجداًجداًجداً جداًجداًجداً
وشكراً لكل من ساهم وشارك
ونفع الله بكم الجميع

[pop123]

انا ياجماعة جديد على المنتدى وعندى سيارتى ماروتى 1997 اعرضها الان للبيع وعلى عينى بيعها بس للضرورة احكام لانى على سفر بإذن الله الشهر القادم مع عائلتى والسيارة بحالة جيدة جدا ومش حاقول ممتازة لعدم المبالغة وكانت موجودة اسفل المنزل لتوصيل ابنى للمدرسة وهى لاتحتاج الى مصاريف وانا ثالث يد والرخصة تنتهى فى اخر يناير 2012 ويمكن تجديدها سنتين كمان اى حتى موعد الفحص فى نهاية 2013 وطالب فيها 20000ج قابل للتفاوض والله الموفق وتكون قدم خير لمن يشتريها

[ehababdelwakel]

السلام عليكم و رحمة الله

العربية الماروتي معايا من سنتين و الحمد لله شغالة كويس جدا و بسافر بها مشاوير طويلة من القاهرة ( الاسكندرية - المنصورة .... الخ) و في المشاوير الطويلة معاها استهلاك البنزين بيقل و ممكن تعمل 450 كم في الصفيحة و السرعة ممكن توصل لحد 130 كم/س. و طبعا قطع غيارها متوفرة و رخيصة. عيبها إنها وزنها خفيفو بتعوم فوق 110 كم/س و شنطتها صغيرة.

[singary]

انا معايا 16 الف ممكن اشتري انشاء الله ماروتي موديل كام و تكون امكانياتها اية تقريبا و السعر ده اخري طبعا

[zadgo]

بسم الله ماشاء الله موضوع هايل حببنى فى السيارة جدااااااااااااااااااا
وممكن اجيبها فى يوم من الايام

[zadgo]

ان شاء الله

[dr_viper000]

شوف يا مان
انا مراتى جبت لها واحده موديل 2007 على الزيرو يعنى
ماشية بيها لحد الأن حوالى 25 الف كيلو يعنى هرياها بمعنى اصح
وراحت بيها ميه مرة الساحل ومرسى مطروح مش عايز اقولك
مرة باسالها عيوبها ايه قالت لى عيب واحد بس انها بتجرى اوى
فطلبت تفسير قالت لى لما باسرح الاقيها جايبة 130 او 140
فانا اندهشت طبعا وسالتها امال اقصى حاجة جبتيها كام قالت لى العداد
كام العداد دة قالت لى 150
فقررت اجربها فرحت من اسبوع اعملها الصيانة بتاعه ال 52 الف فى ابو رواش
تصدق قفلت عدادها ال 150 كيلو فى الساعه بسهولة جدا كانى راكب عربية محركها مثلا 2000 سى سى
ولحد الان ما غيرتش فيها حاجه خالص غير تغيير الزيت والفلاتر والابلاتين والكندنسر والبوجيهات يعنى الصيانة الدورية العادية
الابلاتين فى التوكيل ب 20 جنية والكندنسر ب 15 جنية البوجيه الواحد ب 10 فلتر الزيت ب 42 جنية
يعنى انا شايف ان قطع غيارها حلوه اوى اوى ومعمرة كمان عن الفيات كله
فهمنى
وبعدين استهلاك البنزين هى قالت لى انها فولت العربية فى 6 اكتوبر علشان احنا ساكنين هناك وراحت مرسى مطروح فضلت فيها 3 ايام وهى راجعه فى مرسى مطروح فولت تانى لقيتها واخده 18 لتر فقط
تخيل مشوار لمرسى مطروح ولف فى مرسى مكطروح 3 ايام ب 18 لتر
يعنى اتكل على الله واشتريها يا مان
انا مش عايز اقولك انها عملها نص نقل بتتنى الكنبة اللى ورة وتدفس فيها حاجات انا نفسى مستغرب
يا راجل دى مرة جابت فيها تسريحة بتاعت حجرة النوم بالمراية فيها جوه من ورا تخير اى نعم كانت ربطة باب الشنطة لانه ما قفلش طبعا بس شالتهم وجت بيهم حاجة بتاعه 150 كيلو
اتكل على الله يا مان والتوكيل بتاعها محترم لابعد الحدود واسعارة معقولة جدا

ايه الكلام دا انا معايا ماروتي 2009 عددها اخره 140
جبت 150 دي منين؟؟ العداد دا مصنعه علي ايدك
ثانيا مفيش حاجه اسمها تقفل العداد يعني لو عداد 140 تجيب ال 140 لان في حاجه اسمها السرعه المثاليه للمحرك يعني لو مفيش احتاك بالاسفلت ومفيش مقومه من الهواء اللي بتضاعف بعد 120 كيلو الماتور يجيب اخر العداد
احنا هنا بنحاول نساعد بعض مش نخترج كلام ونضلل الناس

[dr.hazem]

ايه الكلام دا انا معايا ماروتي 2009 عددها اخره 140
جبت 150 دي منين؟؟ العداد دا مصنعه علي ايدك
ثانيا مفيش حاجه اسمها تقفل العداد يعني لو عداد 140 تجيب ال 140 لان في حاجه اسمها السرعه المثاليه للمحرك يعني لو مفيش احتاك بالاسفلت ومفيش مقومه من الهواء اللي بتضاعف بعد 120 كيلو الماتور يجيب اخر العداد
احنا هنا بنحاول نساعد بعض مش نخترج كلام ونضلل الناس

حضرتك الماروتي كلها عدادها 150
وطبعا كلام حضرتك ان العداد مبيتقفلش مش سليم
وانا مقفل عداد الماروتي ال 150 على طريق العين السخنه
وقفلت عداد الكامري على 220
وناس كتير بتقفل العدادات في عربيات كتيره

كل الفكره انه غلط الواحد يقفل العداد ويمشي عليه فترة طويله

ياريت بلاش الاسلوب اللي حضرتك دخلت بيه الموضوع وكأن الراجل بيكدب ولا حاجه



تحياتي

[ihabchina]

[/IMG]

لا تعليق

[dr_viper000]

حضرتك الماروتي كلها عدادها 150
وطبعا كلام حضرتك ان العداد مبيتقفلش مش سليم
وانا مقفل عداد الماروتي ال 150 على طريق العين السخنه
وقفلت عداد الكامري على 220
وناس كتير بتقفل العدادات في عربيات كتيره

كل الفكره انه غلط الواحد يقفل العداد ويمشي عليه فترة طويله

ياريت بلاش الاسلوب اللي حضرتك دخلت بيه الموضوع وكأن الراجل بيكدب ولا حاجه



تحياتي

طيب تمام انك بتقفل عداد الماروتي والكامري
هبقي اتاكد من العداد وارد عليك لاني بشوفه 140 ممكن مركزتش

[dr_viper000]

زي ما قولت امبير السرعات اخر رقم مكتوب فيه 140 فعلا
ومكمل شرط بعد ال 140

[ihabchina]

ومكمل شرط يبقى معناها ايه ؟

ان سرعتها 150 والصورة اللى انا رفعتها انا على طريق السخنة وجايب 149 وده المرة الوحيدة بس اللى عملتها

[dr_viper000]

ومكمل شرط يبقى معناها ايه ؟

ان سرعتها 150 والصورة اللى انا رفعتها انا على طريق السخنة وجايب 149 وده المرة الوحيدة بس اللى عملتها

تمام يا استاذ ايهاب
بس انا اول مره اشوف عربيه عددها 150 يكون مكتوب 140 بس

[msa142]

انا برضو قولت كدا اول لما اشتريتها بس لما تيجى تحسبها كويس هتلاقى الشرطة الاخيرة هيا 150 كم ... بصراحة تابلوه الماروتى كان محتاج شوية اهتمام من المصنع !!

[castleone]

elkalam da sa7ee7, ana ma3aya ba2alha santeen, basafer beha kol 7etta, we gebt beha 140 abl keda 3ala taree2 masr alex . 3arabeya 7amoola geddan, ro7t beha kol el delta abl keda, web7okm sho3'ly basafer beha matroo7 kol shahr marra, we sa7baha ra2e3. ettekel 3ala Allah