بنزين 80

[amrfares]

هل ممكن وضع بنزين 80 للماروتي ؟
هل ممكن وضع 80 والتنك به 90 والعكس ؟
ارجو النصيحه ؟

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[kamalsalem]

هي مش الماروتي دي كاربراتير؟ لو كربراتير اكلها 80 ولا يهمك... هي بتحبه

[m7nsh]

عادى جدا مفيش اى مشاكل

[love7amada]

انا بحط 92
بجد لو اتطمن ان 80 عادي
هحطه من بكره

[msfahim]

اعتقد ان الزملاء هنا حذروا منه لأنه مليان شوائب ممكن تسد الكربراتير واللى وفرته حتدفعه اضعاف وسحب العربيه يبقى ضعيف ويطلع عليك ريحه حرقه و انت سايق و مش حتستحمل تقعد فى صالون العربيه و أخيرا لو لقيت بنزين 80 اصلا.

[abofarah]

مظبووووووط

اعتقد ان الزملاء هنا حذروا منه لأنه مليان شوائب ممكن تسد الكربراتير واللى وفرته حتدفعه اضعاف وسحب العربيه يبقى ضعيف ويطلع عليك ريحه حرقه و انت سايق و مش حتستحمل تقعد فى صالون العربيه و أخيرا لو لقيت بنزين 80 اصلا.

مظبوط كــــلام مظــبوووووووط

[beetleMOSH]

80 ده لعنه
انا كنت ماشى بيه فتره
ده غير قرف الطوابير و تستنى العربيه لما تيجى تفضى البنزين
و ممكن متلاقيش و تعد تلف
وجع دامغ يا عم
ال 90 اه الضعف
بس انت بتشترى نفسك من البهدله كلها اول حاجه
و تانى حاجه
بتحافظ على موتورك
ده انا 1200 و العربيه كانت بتسقف كل ما تكبس
و ظبط تاكيهات و كهربا و عملت قرد و برضه مفيش

كمان كنت قريت قبل كده ان البنزين ده فيه ماده كده اللى هى يتخليه لونه احمر
دى بترفع من ددرجه حراره الموتور مع الحتراق ( والله اعلم )

[exact]

اخواننا مش بيشجعوا 80....واحنا مش معاهم

[kamalsalem]

انا شايف انه ال90 حل وسط لحد ما البنزين يغلى وكلنا هنتقابل في المترو مع بعض بإذن واحد احد وكل واحد لازق بادج نايل موتورز على صدره

[love7amada]

بما انك بتقولوا 90 يبقي مش هاتفرق لما نحط 92
هاتفرق كام في التفويله اقل من 5 جنية
ويبقي انظف نوع وخلاص

[LORD.ADeL]

80 وزي الفل الحمدلله وعن تجربه فى اكثر من عربيه

[aymanay32]

ال80 فعلا مشكلة و ال90 بردة مشكلة
بس لو حطيتهم فى بنزينة زبالة
اما لو بنزينة نظيفة فمفيش مشكلة حط 90 او 80 و ميهمكش
و البنزينة مش من منظرها تقول نظيفة لاء من تنكها اللى تحت الارض
نظيف و اللى شغالين فيها امناء مش حاطين مياه على البنزين
لان بعض البنزينات بيكون الخزان تحت الارض مخروم او به بارومة و بيحطوا مياه علشان تجزى معاهم فى السعر و تسرب البنزين فى الارض

و كدة كدة هتمون مياه فى التنك سواء كانت شغالة 80 او 90
كل ما انت مطالب به انك تحط من بنزينة محترمة

[love7amada]

طيب يا جماعه عايزين نعمل حصر بالبنزينات النضيفه عشان الواحد ميضحكش عليه
يعني البنزينات الكيسه ف ال 80
و ال 90
و ال 92

[ahmedfaid8181]

اسؤا بنزينه ممكن تفول منها هي موبيل اللي قدام نادى الشمس (جسر السويس) ناصية شارع احمد عصمت لانى لسه مفول منها امبارح 92 و كان التانك فاضى خالص و من ساعتها و العربية عمالة تسقف منى على السرعات البطيئة يعنى لما يكون rpm واطى (يعنى لازم اقرص جامد علي النزين عشان مسمعش تسقيف) لكن لما بيعلى rpm العربية بتبقى طبيعية مع فرق طفيف في السحب عرفت من كده انهم كده شكلهم فولوا ليه بنزين 80 و انا مخدش بالى
غالبا كده الواحد لازم بعد كده يستنضفلوا بنزينة و ميفولش غير منها عشان ميضحكش عليه

[MaZaGAngeE]

انا بحط 80 و لا فيه مشاكل الشوائب دي و لا اي كلام من الاشاعات دي اللي مالهاش اصل ... ممكن تكون حصلم مشاكل مع العربيات الحديثة و ده سبب الاشاعات دي

الفرق عندي بس في تسارع العربية و السرعة القصوى غير كده مفيش اي فرق

كمان معندناش طوابير في المنيا