بنزين 80

[aymanay32]

انا بحط 80 و لا فيه مشاكل الشوائب دي و لا اي كلام من الاشاعات دي اللي مالهاش اصل ... ممكن تكون حصلم مشاكل مع العربيات الحديثة و ده سبب الاشاعات دي

الفرق عندي بس في تسارع العربية و السرعة القصوى غير كده مفيش اي فرق

كمان معندناش طوابير في المنيا

طبعا يا ريس المنيا مافيهاش طوابير
فكرتنى بالمنيا و ايامى اللى قضيتها فى المنيا و برد الشتا هناك و العسل الاسود و بنزين 80 يا جماعة موجود فى المنيا و اللى عاوز يروح المنيا دلوقتى و لو هيروح ملوى يبقى يقوللى اجى معاه

[mrghost]

من ساعه ماجبنا الماروتى زيرو بقالها حوالى سنه والحمد لله بنحط 80 علطول

[love7amada]

انا بدات احط بنزين 80 ومشيت بيه 100 كيلو لغاية دلوقتي
ومش لاقي اي فرق خالص
انا بحط من بنزينة في اول المنيل من عند كوبري الجامعة

[dr.hazem]

قصدك البنزينه اللي ونتا جاي من كوبري الجامعه وداخل المنيل بتبقى عالناحية التانيه ؟؟؟؟

شكلي هتخلوني احط ال80 واجرب


اسلام العربية مبرجلتش منك ونتا بتشغلها الصبح بدري؟؟
يعني الكهربا مظبوطه؟؟؟


تحياتي

[love7amada]

ايوه هيا البنزينه ديه
قريبه من كليتك يا عم
و لا برجلت و لا عملت حاجه
و لحد دوقتي عامل 170 كيلو
ولا حاسس باي فرق
كفايه اني فولت ب 24 جنيه
و مفيش فرق ف الاستهلاك
انا اول مره فولت 92 من كالتكس اللي ف العشرين عملت 287
تاني مره يوم المقابله فولت92 و انا مروح من ايسوو عملت 250 كيلو بالعافيه
دوقتي التفويله التالته بنزين 80 من البنزينه اللي ف المنيل دبه و لحد دوقتي عامل 170 و المؤشرلسه موصلش النص بحاجات بسيطه يعتبر ع النص يعني التفويله ديه ممكن تعمل 300 او 340 كمان

[epnmasr]

لا انصحك ب 80 الا عند الضروره فعلا تأثيره كبير علا السحب والفلتر والكربيراتير وحتى الاجزاء الداخليه للموتور وده نتيجة الحرق واذكر ان حد متخصص قال الكلام ده

[love7amada]

لا انصحك ب 80 الا عند الضروره فعلا تأثيره كبير علا السحب والفلتر والكربيراتير وحتى الاجزاء الداخليه للموتور وده نتيجة الحرق واذكر ان حد متخصص قال الكلام ده

مش بياثر عن تجربة
الهم الصيانة الدورية و متستناش لغاية لما التانك يفضي علي الاخر وتملي لما يبقي علي الربع ع الاقل
والكربيراتير بيتحطلة 80 اساسا
في الكاتلوج مكتوب بيتحط بنزين 85 ومن 85 ل 80 مش هاتفرق

[xxxl]

مع احترامي لجميع الاراء ان عندي سوزوكي فان بحطاها بنزين 80 بس رحت للميكانيكي ظبطلي الكهربا وكل شهر بغير فلتر البزين وماشاء الله ذي الفل

[love7amada]

ايوه هيا البنزينه ديه
قريبه من كليتك يا عم
و لا برجلت و لا عملت حاجه
و لحد دوقتي عامل 170 كيلو
ولا حاسس باي فرق
كفايه اني فولت ب 24 جنيه
و مفيش فرق ف الاستهلاك
انا اول مره فولت 92 من كالتكس اللي ف العشرين عملت 287
تاني مره يوم المقابله فولت92 و انا مروح من ايسوو عملت 250 كيلو بالعافيه
دوقتي التفويله التالته بنزين 80 من البنزينه اللي ف المنيل دبه و لحد دوقتي عامل 170 و المؤشرلسه موصلش النص بحاجات بسيطه يعتبر ع النص يعني التفويله ديه ممكن تعمل 300 او 340 كمان

التفويله اللي ب 80 عملت معايا 305 لل 24 لتر
فولت 80 تاني من بنزينه تانيه و دوقتي قبل النص و عامل 150 كيلو

يعني ماشي بال 80 حوالي 455 كيلو و مفيش شكاوي خالص منه
ده ال 92 كان بيخلص اسرع منه

[egypt_slave2000]

يا جماعه بلاش سذاجه الماروتى نسبة انضغاط المحرك 8.8 : 1 على ما تذكر من الدليل والكتالوج بتااعها وده يعنى انها تشتغل بكفاءه على خليط من التمانين والتسعين ، مساله الشوائب دى اشاعات او غش من البنزينه اللى انت بتمون منها انما الحقيقه لا ، البنزين التمانين خالى من الرصاص والشوائب انما الطاقه الحراريه الناتجه عن حرقه اقل من الناتجه عن حرق التسعين ، لكن تصميم الماتور اصلا مصمم للتمانين فمفيش مشكله ، لو حطيت اتنين وتسعين يبقى بترمى فلوس فى الارض لان العربيه مش مصممه للاستفاده منه اصلا

[exact]

يا جماعه بلاش سذاجه الماروتى نسبة انضغاط المحرك 8.8 : 1 على ما تذكر من الدليل والكتالوج بتااعها وده يعنى انها تشتغل بكفاءه على خليط من التمانين والتسعين ، مساله الشوائب دى اشاعات او غش من البنزينه اللى انت بتمون منها انما الحقيقه لا ، البنزين التمانين خالى من الرصاص والشوائب انما الطاقه الحراريه الناتجه عن حرقه اقل من الناتجه عن حرق التسعين ، لكن تصميم الماتور اصلا مصمم للتمانين فمفيش مشكله ، لو حطيت اتنين وتسعين يبقى بترمى فلوس فى الارض لان العربيه مش مصممه للاستفاده منه اصلا

يعني ايه سذاجة...هو حضرتك بتكلم ناس عبط؟؟؟
كده ميصحش

[love7amada]

التفويله اللي ب 80 عملت معايا 305 لل 24 لتر
فولت 80 تاني من بنزينه تانيه و دوقتي قبل النص و عامل 150 كيلو

يعني ماشي بال 80 حوالي 455 كيلو و مفيش شكاوي خالص منه
ده ال 92 كان بيخلص اسرع منه

التفويله التانيه لحد دوقتي 230 كيلو و لسه موصلتش لربع التانك
ومفيش شكوي من البنزين و لا ف مطالع و لا ف حاجه

[aymanay32]

يا جماعه بلاش سذاجه الماروتى نسبة انضغاط المحرك 8.8 : 1 على ما تذكر من الدليل والكتالوج بتااعها وده يعنى انها تشتغل بكفاءه على خليط من التمانين والتسعين ، مساله الشوائب دى اشاعات او غش من البنزينه اللى انت بتمون منها انما الحقيقه لا ، البنزين التمانين خالى من الرصاص والشوائب انما الطاقه الحراريه الناتجه عن حرقه اقل من الناتجه عن حرق التسعين ، لكن تصميم الماتور اصلا مصمم للتمانين فمفيش مشكله ، لو حطيت اتنين وتسعين يبقى بترمى فلوس فى الارض لان العربيه مش مصممه للاستفاده منه اصلا

الله ينور عليك يا باشا
هوه دة الكلام المظبوط اللى انا مستنى حد يقوله
كلام صح ميه فى الميه
بس ينطبق على الموتور بتاع الحديث مش التسعينات
انا بحط 80 بعد ما كنت بحط 90 و اول تفويله كنت هطب ساكت بعد ما شغلت الموتور و حسيت ان الموتور هيفرقع او العربية هتبوظ و مرعوب من ال80 بس بعدها مغيرتوش لانى لقيتها مش فارقة اوى

و بالمناسبة فيه موضوع كان معمول عن البنزين ال80 ياريت تقروه




.

[love7amada]

انا صاحبي كان معاه ماروتي 94 و كان بيفو 80 ع طول بس وطى الكهرب و الدنيا كانت فل معاه
بس انا موطتش كهربا و لا حاجه هيا كانت تمام

[meero_boy2000]

انا شايف انه ال90 حل وسط لحد ما البنزين يغلى وكلنا هنتقابل في المترو مع بعض بإذن واحد احد وكل واحد لازق بادج نايل موتورز على صدره

هههههههههههههه لاء جامده بجد