الحقونى الماروتى مش عايزة تدور

[بنت مصر]

عربيتى ماروتى 2009 اشترتها من حوالى شهر مستعملة وهى عاملة 20000 كيلو
لسة مغيره لها البوجيهات وبطارية جافة جديدة
انهاردة الصبح حاولت اطلع بيها دارت فى الاول مع الشفاط وبعدين لقيت ان صوت الموتور عالى قوى والشكمان عمال يطلع دخان فقللت الشفاط للنص وبعدين لقيتها فصلت وحلفت ميت يمين ما تدور برغم اى محاولات حتى بالزق

هى احيانا الصبح كانت بترجرج وتقطع شوية بعد الدوراة واول ما اطلع بيها بس بعد كدة بتمشى تمام

انا لسه متعلمة السواقة وبسوق بس من شهر وخايفة اكون عملت حاجة غلط

يا ترى ايه المشكلة ساعدونى

[LORD.ADeL]

اعتقد موبينه او كربراتير عايز يتنضف؟
لانك انتى لسه قايله مغيرة بوجيه وبطاريه
طب غيرت معهم ابلاتين وكوندسر يعنى طقم كهرباء كامل ولا بوجيه بس؟

[بنت مصر]

لا انا غيرت بوجيهات و بطارية بس
طيب انا اخليها تدور ازاى حتى بشكل مؤقت علشان اوديها لميكانيكى

ويا ترى حد يعرف مركز صيانه او ميكانيكى شاطر وامين فى الهرم بما ان كتير من حضراتكم جيرانى

بس اهم حاجة الامانه لان علاقتى بالميكانيكا زى علاقة السويد بالحرنكش
والى هيقول علية هعملة من غير مناقشة

[dr.hazem]

اعتقد البوجيهات بس رطبت من كتر فتح الشفاط بديلي الدخان الاسود اللي طلع يعني بنزين كتير كان داخل عالكربيراتير وده ادى لرطوبة البوجيهات

ممكن تجربي دلوقتي وتعملي زي مقلنا
كونتاكت لحد اما العدادات تستقر ودوسة بنزين واحده وشغلي من غير شفاط هترجرج شويه استني نص دقيقه واديها دوسة بنزين خفيفه جدا هتدور باذن الله

مش محتاجه العربية غير مسايسه


المشكله ان اليومين دول لو البوجيهات رطبت مش بتدور فعلا

وهتتأكدي من كلامي لو فعلا انتي قعدتي تكاركي للعربية كتير عشان تدور
كل مكاركه معناها بنزين عالبوجيهات ورطوبه اكتر



لورد العربية 2009 و20 ألف ملحقتش لسه كوندينسر وابلاتين والكلام ده


عموما زي مبقولك اديها بس نص ساعه راحه
امبارح عملت معايا كده وانا بنضف الكربيراتير كاركتيلها بغباء ومرضيتش تدور رحت صليت الظهر ورجعت دارت من غير حتى دوسة بنزين الحمد لله

[dr.hazem]

لو معاكي حد موجود حاليا ممكن بس تفكي البوجيهات شويه شان ينشفو وتجربي وباذن الله هتشتغل....


وعموما اكيد الكربيراتير هيحتاج يتنضف بس ده لو متعملوش تنضيف قبل كده اطلاقا


تحياتي

[بنت مصر]

حاضر يا دكتور انا هنزل دلوقتى اجرب تانى وربنا يستر و تشتغل علشان اروح اجيب ولادى من المدرسة وماضطرش اخد تاكسى زى الصبح

و يارب ربنا يوفقك فى امتحاناتك وترجع لنا ببشرى النجاح قريب ان شاء الله

[dr.hazem]

حاضر يا دكتور انا هنزل دلوقتى اجرب تانى وربنا يستر و تشتغل علشان اروح اجيب ولادى من المدرسة وماضطرش اخد تاكسى زى الصبح

و يارب ربنا يوفقك فى امتحاناتك وترجع لنا ببشرى النجاح قريب ان شاء الله

آمين يارب
سمي الله وباذن الله العربية هتدور علطول باذن الله يارب وبكرر تاني
افتحي الكونتاكت لحد اما العدادات تستقر ودوسه واحده عالبنزين وشغلي وان شاء الله هتشتغل


ربنا معاكي


تحياتي

[dr.hazem]

وخلي بالك من حاجه
حسيت من كلامك انك بتمشي والعربية بارده


عربيتنا من الانواع اللي بتحتاج تسخين
وعلامة ان العربية وصلت للحراره المناسبه ان موشر الحراره يوصل لحرف السي

اول ميوصل يبقى كده العربية جاهزه للتحرك

قبلها غلط لان العربية لسا الزيت بتاعها موصلش للمرحله اللي تخليه يزيت كل الاجزاء المتحركه

ربنا يسترها علينا في الشتا ده شكله مش هيعدي بالساهل


ههههههههههههههههههه


اتدفوا كويس وخدو بالكو من نفسكم ومحدش ينزل من غير كمامه لان التراب صعب جدا



تحياتي

[LORD.ADeL]

والله يادوك مش مقياس عادي ممكن من الاستخدام واى عامل يؤدي بس برضو اؤيد كلامك
بس اها ادينا بنفرض ع كل شي له علاقه بالكلام اللى اتقال
وعموماا حضرتك اعمل زي ما دك قاليك وباذن الله خير
وخدي باليك اهدي ع عربيه وخصوص ف شتاء لانه رخم اوي مع عربيتنا للاسف
يعنى توقعى منها اي حاجه واهدي عليها بالذات الصبح تعملى زي ما دك قاليك كدة ؟
وتهدي لحد ما تسخن خااااالص ع سي او بعدة بشويه وتحركه وحدة وحدة
واى وقت تانى غير صبح اديها دقيقيتن وامشي بعدها وحدة واحدة براحه لحد ما تسخن
والله مستعان

[بنت مصر]

آمين يارب
سمي الله وباذن الله العربية هتدور علطول باذن الله يارب وبكرر تاني
افتحي الكونتاكت لحد اما العدادات تستقر ودوسه واحده عالبنزين وشغلي وان شاء الله هتشتغل


ربنا معاكي


تحياتي

سميت يا دكتور وقريت ايه الكرسى كمان بس بردة مفيش فايدة العربيه زعلانه منى خالص النهاردة ومزعلانى منها كمان

حاولت ادور زى ما قلتلى بس المردة دى المارش ماقمش خالص
مع اول تكة المؤشرات نورت وبعدين لما حاولت ادور المارش ادى صوت مكتوم و الانوار طفت وحسيت زى ما يكون فى صوت بكرة بتلف فى المكان بتاع المارش

خايفة موت اكون تقلت على المارش الصبح وانا بحاول ادور اكتر من مرة ويكون باظ منى وطبعا انهاردة الاحد وكل الصنايعية قافلين

المهم فى جراج جنب البيت والراجل الى شغال فيه لما شافنى محتاسة وهتنقط حاول يساعدنى الصبح بزقها وبعد الظهر لما سمع صوت المارش قالى انه البطاريه ريحت لما تقلت فى الدوارة الصبح ومحتاجة شحن قلتله دى جديدة قالى حتى لو جديدة مش عارفة كلامة صح ولا بيفتى

[بنت مصر]

والله يادوك مش مقياس عادي ممكن من الاستخدام واى عامل يؤدي بس برضو اؤيد كلامك
بس اها ادينا بنفرض ع كل شي له علاقه بالكلام اللى اتقال
وعموماا حضرتك اعمل زي ما دك قاليك وباذن الله خير
وخدي باليك اهدي ع عربيه وخصوص ف شتاء لانه رخم اوي مع عربيتنا للاسف
يعنى توقعى منها اي حاجه واهدي عليها بالذات الصبح تعملى زي ما دك قاليك كدة ؟
وتهدي لحد ما تسخن خااااالص ع سي او بعدة بشويه وتحركه وحدة وحدة
واى وقت تانى غير صبح اديها دقيقيتن وامشي بعدها وحدة واحدة براحه لحد ما تسخن
والله مستعان

والله بسخن يا جماعة بقعد حوالى 5 دقايق اسخن الصبح وبعدين بمشى واحدة واحدة كدة على الاول لغاية اول الشارع

موضوع الشتا دة مقلق قوى بالنسبالى لان استخدامى الاساسى للعربيه هيكون فى الشتا والصبح بدرى علشان اودى الولاد المدرسه يعنى هى ساعة الصبح وزيها الظهر و بعد كدة انا استعمالى خفيف جدا ومش بخرج كتير

على العموم انا رايحة اغير الزيت ان شاء الله وهغير معاه الفلاتر كلها وهخلى كهربائى يبصلى على الحاجات الى قلتوا عليها وانضف الكربراتير كمان علشان العربيه ما يبقلهاش حجة

بس ايه هيه الموبينه دى كهربا هى كمان ولا ايه

[dr.hazem]

سميت يا دكتور وقريت ايه الكرسى كمان بس بردة مفيش فايدة العربيه زعلانه منى خالص النهاردة ومزعلانى منها كمان

حاولت ادور زى ما قلتلى بس المردة دى المارش ماقمش خالص
مع اول تكة المؤشرات نورت وبعدين لما حاولت ادور المارش ادى صوت مكتوم و الانوار طفت وحسيت زى ما يكون فى صوت بكرة بتلف فى المكان بتاع المارش

خايفة موت اكون تقلت على المارش الصبح وانا بحاول ادور اكتر من مرة ويكون باظ منى وطبعا انهاردة الاحد وكل الصنايعية قافلين

المهم فى جراج جنب البيت والراجل الى شغال فيه لما شافنى محتاسة وهتنقط حاول يساعدنى الصبح بزقها وبعد الظهر لما سمع صوت المارش قالى انه البطاريه ريحت لما تقلت فى الدوارة الصبح ومحتاجة شحن قلتله دى جديدة قالى حتى لو جديدة مش عارفة كلامة صح ولا بيفتى

طيب هوا انا كنت هقولك الصبح لو صوت المرش مطلعش يبقى البطاريه فيها حاجه
والحقيقه لما قلتي ان البطاريه متغيره كنت هقولك منها
عموما
البطاريه لما بتركب جديد خصوصا الجافه لازم يتعمل بيها مشوار كويس عشان تشحن
وهيا فعلا ممكن تكون ريحت
اما المارش هقولك قواعد استخدامه ولو عملتيها متقلقيش عليه

لما تدوري
اقصى مده تفضلي مدية فيها مارش هيا 7 ثواني
دي اقصى مده
بعدها لو مدارتش العربية لازم تنتظري عالاقل 15 ثانيه وبعدين تكرري المحاوله

لو عملتي كده متقلقيش عالمارش اطلاقا

حاليا البطاريه عشان تتشحن حاجه من اتنين

يا اما تديها مشترك من عربية تانيه وتدوري وتعملي بيها مشوار حلو
او توديها لكهربائي او بتاع كاوتش ساعتين زمن وتديله 5 جنيه يشحنها


وعموما بعد كل ده لو مدارتش العربيه اعتقد هنا خلاص لازم كهربائي يشوفها وربنا يكون معاكي

المشكله ان حضرتك معنديكيش القدره انك تنزلي وتراجعي على الاسلاك اللي طالعه من الموبينه وكده
وبالتالي مقدامكيش غير انك تجربي شحنها زي مقلت سابقا

واعتقد بعد كل ده هتشتغل باذن الله

وابقي قوليلنا عملتي ايه وربنا ييسر الاحوال ان شاء الله

[aymanay32]

تحذير

اوعى تودى البطارية لحد يشحنهالك ب 5 جنية
ارجو عدم تنفيذ هذه التوصية
انتى بطاريتك جديدة اطلعى بيها على المحل اللى شارياها منه علشان اهم حاجة الضمان و لو حتى هياخد منك اكثر من 5 جنية
لان البطارية لو فيها عيب و بتاع الشحن قعد يعك فيها و يلخبط هتروحى المحل اللى شارياها نته فى الاخر يقولك الضمان كدة مع السلامة انما لو روحتيله الاول الضمان شغال معاكى تمام و لو فعلا فيه عيب فى البطارية هيغيرهالك بواحدة جديدة


اما بالنسبة للمشكلة دى فانا باقترح تشيكى على كل الاسلاك
ممكن سلك من سلوك البوجيهات يكون مش واصل كويس و خصوصا ان مكانهم ضيق فممكن الكهربائى و هو بيركبهم ما زقهمش كويس او فيه سلك فيهم ملمس و مش داخل فى الصامولة اوى
و ممكن تكون الصامولة كانت مفكوكة شوية و مش مربوطه على الاخر و فكت و بكدة فصلت

المقصود الصامولة اللى فى البوجية


ممكن السلك اللى هتلاقيه طالع من الاسبراتير و رايح البوبينة على ايدك اليمين يكون ملمس و مش واصل كويس و ده كل اللى محتاجة تزقيه جوه شوية
كمان بصى على السلك اللى طالع من البوبينة و رايح الاسبراتير هل سليم ولا لاء و يقفل تفكيه و تشوفى الطرفين سلام و لا فيهم قطع


البوبينة هتلاقيها فى الوش و لونها اسود و شكلها اسطوانى وراكب عليها حاجة بيضاء مستطيلة خزف

الاسبراتير هتلاقيه بين العمه و هيه عبارة عن حاجة مدورة و زى ما المدام بتاعتى بتقول عليها زى الطبلة و لونها اسود و بين البطارية و طالع منه اسلاك سوداء و هيه دى اسلاك البوجيهات و منهم سلك واحد فقط رايح الى البوبينة
و هيه اسلاك سميكة و طرية فى سمك القلم الرصاص
بالنسبة للميكانيكى فيه عندى فى المريوطية واحد و جنب اسلام واحد شوفى انتى ساكنة فين و مين اقرب ليكى

[love7amada]

انا اللي جني جربته و اعرف ناس مجرباه من زمان و كان شغال ف توكيل تيوتا ف السعوديه هوا ف شارع العشرين في فيصل

[بنت مصر]

طيب هوا انا كنت هقولك الصبح لو صوت المرش مطلعش يبقى البطاريه فيها حاجه
والحقيقه لما قلتي ان البطاريه متغيره كنت هقولك منها
عموما
البطاريه لما بتركب جديد خصوصا الجافه لازم يتعمل بيها مشوار كويس عشان تشحن
وهيا فعلا ممكن تكون ريحت
اما المارش هقولك قواعد استخدامه ولو عملتيها متقلقيش عليه

لما تدوري
اقصى مده تفضلي مدية فيها مارش هيا 7 ثواني
دي اقصى مده
بعدها لو مدارتش العربية لازم تنتظري عالاقل 15 ثانيه وبعدين تكرري المحاوله

لو عملتي كده متقلقيش عالمارش اطلاقا

حاليا البطاريه عشان تتشحن حاجه من اتنين

يا اما تديها مشترك من عربية تانيه وتدوري وتعملي بيها مشوار حلو
او توديها لكهربائي او بتاع كاوتش ساعتين زمن وتديله 5 جنيه يشحنها


وعموما بعد كل ده لو مدارتش العربيه اعتقد هنا خلاص لازم كهربائي يشوفها وربنا يكون معاكي

المشكله ان حضرتك معنديكيش القدره انك تنزلي وتراجعي على الاسلاك اللي طالعه من الموبينه وكده
وبالتالي مقدامكيش غير انك تجربي شحنها زي مقلت سابقا

واعتقد بعد كل ده هتشتغل باذن الله

وابقي قوليلنا عملتي ايه وربنا ييسر الاحوال ان شاء الله

بالنسبة للبطارية هى بقالها اسبوعين راكبة من عند اولاد بيومى الى فى الدقى وهى فارتا المانى وراجعة بالعربية من عندة لغاية الهرم و بعدها بيوم روحت بيها مصر الجدريدة ورجعت الهرم يعنى عملت مشاوير كويسة معقولة علشان سبتها الجمعة والسبت الى فاتو من غير تدوير تنام الاحد

وبعدين زوجى لما رجع بالليل امبارح عملها حكاية المشترك دى من البطارية بتاعتة وبردة مفيش فايدة

انا هحاول اجيب كهربائى انهاردة يشيك على البوجيهات وطقم الكهرباء وربنا يسها وتدور بقى علشان زهقت