الحقونى الماروتى مش عايزة تدور

[بنت مصر]

تحذير

اوعى تودى البطارية لحد يشحنهالك ب 5 جنية
ارجو عدم تنفيذ هذه التوصية
انتى بطاريتك جديدة اطلعى بيها على المحل اللى شارياها منه علشان اهم حاجة الضمان و لو حتى هياخد منك اكثر من 5 جنية
لان البطارية لو فيها عيب و بتاع الشحن قعد يعك فيها و يلخبط هتروحى المحل اللى شارياها نته فى الاخر يقولك الضمان كدة مع السلامة انما لو روحتيله الاول الضمان شغال معاكى تمام و لو فعلا فيه عيب فى البطارية هيغيرهالك بواحدة جديدة

طيب دلوقتى يا استاذ ايمن اذا كان عيب بطارية فعلا والعربيه ما دارتش اوديها ازاى اصلا المحل الى اشتريتها منه خصوصا انه فعلا انهاردة المارش ملوش صوت خالص هى بتنور فى الاول بس مع محاولة التدوير بتطفى وبسمع زى صوت بكرة بتلف مكان المارش

اما بالنسبة للمشكلة دى فانا باقترح تشيكى على كل الاسلاك
ممكن سلك من سلوك البوجيهات يكون مش واصل كويس و خصوصا ان مكانهم ضيق فممكن الكهربائى و هو بيركبهم ما زقهمش كويس او فيه سلك فيهم ملمس و مش داخل فى الصامولة اوى
و ممكن تكون الصامولة كانت مفكوكة شوية و مش مربوطه على الاخر و فكت و بكدة فصلت

المقصود الصامولة اللى فى البوجية


ممكن السلك اللى هتلاقيه طالع من الاسبراتير و رايح البوبينة على ايدك اليمين يكون ملمس و مش واصل كويس و ده كل اللى محتاجة تزقيه جوه شوية
كمان بصى على السلك اللى طالع من البوبينة و رايح الاسبراتير هل سليم ولا لاء و يقفل تفكيه و تشوفى الطرفين سلام و لا فيهم قطع


البوبينة هتلاقيها فى الوش و لونها اسود و شكلها اسطوانى وراكب عليها حاجة بيضاء مستطيلة خزف

الاسبراتير هتلاقيه بين العمه و هيه عبارة عن حاجة مدورة و زى ما المدام بتاعتى بتقول عليها زى الطبلة و لونها اسود و بين البطارية و طالع منه اسلاك سوداء و هيه دى اسلاك البوجيهات و منهم سلك واحد فقط رايح الى البوبينة
و هيه اسلاك سميكة و طرية فى سمك القلم الرصاص

انهاردة ان شاء الله اجيب كهربائى يشيك على البوجيهات والحاجات دى كلها هبقى اكتبها فى ورقة علشان اقوله عليها لانى زى ما قلتلكم معنديش اى فكرة عن الميكانيكا

بالنسبة للميكانيكى فيه عندى فى المريوطية واحد و جنب اسلام واحد شوفى انتى ساكنة فين و مين اقرب ليكى

انا ساكنة فى اخر شارع الهرم بالقرب من الوفاء والامل بس مش مشكلة مكان الميكانيكى اهم حاجة يكون شاطر وامين وميدوخنيش علشان ماكرهش العربية

[بنت مصر]

انا اللي جني جربته و اعرف ناس مجرباه من زمان و كان شغال ف توكيل تيوتا ف السعوديه هوا ف شارع العشرين في فيصل

اذا كنت حضرتك مجربة وفعلا شاطر وامين ياريت تبعتلى رقمة وجزاك الله خيرا

[aymanay32]

انا ساكنة فى اخر شارع الهرم بالقرب من الوفاء والامل بس مش مشكلة مكان الميكانيكى اهم حاجة يكون شاطر وامين وميدوخنيش علشان ماكرهش العربية

المنطقة دى تقريبا ما شوفتش فيها ماروتى
لون عربيتك ايه
الميكانيكى اسمه سيد فى شارع النخيل
و ول انتى عارفة المنطقة كويس هتعرفى فين شارع النخيل
و النهاردة انا واخد اجازة لو عاوزة اجى معاكى مافيش مشكلة

[بنت مصر]

معلش سؤال كمان يا جماعة هتعبكم معايا

ايه هوه منظف الكربراتير اللي بيتضاف على تفويلة البنزين ده وسعره كام
وهل دة كافى علشان ينظفة ولا لازم اوديه لحد

[بنت مصر]

المنطقة دى تقريبا ما شوفتش فيها ماروتى
لون عربيتك ايه
الميكانيكى اسمه سيد فى شارع النخيل
و ول انتى عارفة المنطقة كويس هتعرفى فين شارع النخيل
و النهاردة انا واخد اجازة لو عاوزة اجى معاكى مافيش مشكلة

معلش اصل بقالها معايا شهر بس هى لونها دهبى فاتح شامبين

اه انا عارفة شارع النخيل من على شارع الهرم الى جنب نادى قصر الاهرم مش كدة على العموم هشوف الكهربا الاول لو اتظبطت يبقى خير غير كدة ان شاء الله ابقى اروح له
بس لو حضرتك متأكد انه شاطر وكويس يبقى عظيم لانى اكيد هحتاجة بعد كدة ياريت لو ليه موبايل تبعتهولى

انا متشكرة قوى لكرم حضرتك

[aymanay32]

استفسار صغير انتى ايه اللى خلاكى تجيبى البطارية من الدقى مع ان الوكيل بتاعها و المستورد الوحيد جنبك فى فيصل ممكدوح مبروك عبد ربه غطاطى شركة الملك فيصل اول ما تطلعى من شارع الوفاء و الامل على فيصل


و بمناسبة الفارتا الالمانية دى احسن بطارية فى مصر بشهادة موزع كبير اعرفة فى شبرا الخيمة اسمه محمود الجميل و قاللى ان جودة صناعتنا جنبها تساوى ربع البطارية الفارتا
بس الفارتا غالية شوية عن المصرى
بس الفرق يستاهل

و اعتقد ممكن توديها لممدوح مبروك من غير ما تروحى الدقى لانه كدة كدة لو طلع فيها عيب و هذا نادرا ان يحدث هتروح لممدوح مبروك فى النهاية

[بنت مصر]

البطاريه عند ممدوح غطاطى كانت بـ 370
انا جبتها من عند اولاد بيومى بـ 320

ودة السبب الوحيد بس طبعا ممدوح غطاطى قريب منى جدا ممكن اروح له مشى

[aymanay32]

معلش اصل بقالها معايا شهر بس هى لونها دهبى فاتح شامبين

اه انا عارفة شارع النخيل من على شارع الهرم الى جنب نادى قصر الاهرم مش كدة على العموم هشوف الكهربا الاول لو اتظبطت يبقى خير غير كدة ان شاء الله ابقى اروح له
بس لو حضرتك متأكد انه شاطر وكويس يبقى عظيم لانى اكيد هحتاجة بعد كدة ياريت لو ليه موبايل تبعتهولى

انا متشكرة قوى لكرم حضرتك

ايوه هوه دة الشارع اول ما تدخلى هتلاقى الشارع نازل لتحت منحدر يعنى و بعدين هتلاقى على ايدك الشمال محلات سرور للملابس و بعدها محل بقالة على الشمال و بعدين على اليمين كشك عيش و تمشى شوية هتلاقى على ايدك الشمال كوافير حريمى وقبله مطب علشان الجامع و بعد مسافة هتلاقى مطب نمرة 4 تقريبا فى الشارع و على الشمال مسجد و على اليمين دكان الميكانيكى واخد ناصية قبلية و حاطط يافطة كبيرة و مكتوب عليها اسمه سيد و رقم موبايلة
و هتلاقيه موجود على طول او الصبى بتاعه رأفت بس متتعامليش غير مع سيد لان رافت لسة بيتعلم مش قوى فى الشغلانه

[aymanay32]

البطاريه عند ممدوح غطاطى كانت بـ 370
انا جبتها من عند اولاد بيومى بـ 320

ودة السبب الوحيد بس طبعا ممدوح غطاطى قريب منى جدا ممكن اروح له مشى

اعتقد لو كنتى روحتى له و قولتى له انا لاقيتها فى الدقى فى المحل الفلانى ارخص و احنا جيرانك فى المنطقة و مش عاوزين نجيب من حد بعيد ما نعرفوش و انته اولى نجيب منك البطاريه كان وافق يديهالك بالسعر بتاع الدقى
على العموم الموضوع خلاص انتهى و جبتى البطارية
ممكن تعملى حركة مش كويسه
و تروحى بيها و تقولى له ان جوزى اشتراها و مش لاقيين الضمان و مش عاوزة تدور العربية و ساعتها ممكن ياخدها يشحنها و يديهالك بس مش عارف هيدفعك فلوس ثمن الشحن ولا لاء

بس ممكن تتغلبى على الموضوع دة كلة و تاخدى توصيلة من عربية

[بنت مصر]

زوجى فعلا لما جه امبارح بالليل حاول يديها شحن من عربيته بس بردة مفيش فايدة على الرغم ان البطارية القديمة الى غيرناها لما كنا بنشحنها بنفس الطريقة كانت بتدور على طول

[aymanay32]

الكهربائى اللى قولتى علية دة فين بالظبط فى الشارع يعنى الشارع دة فين فى صف اولاد رجب و لا الصف التانى و ناحية شارع الهرم و لا فيصل و قريب منمحل السمك و لا بتاع الخضار و لا المدرسة الازهرية و لا فين بالظبط
و ياريت اسمه و هل اسعارة كويسة و هوه نفسة صنايعى شاطر ولا ما تعرفيش

[aymanay32]

زوجى فعلا لما جه امبارح بالليل حاول يديها شحن من عربيته بس بردة مفيش فايدة على الرغم ان البطارية القديمة الى غيرناها لما كنا بنشحنها بنفس الطريقة كانت بتدور على طول

كدة ممكن يكون العيب مش من البطارية خالص
ممكن لما يرجع من الشغل تتصلوا بيا و اجى ابص لكم عليها و اقولكم محتاجة ايه او اروح معاه للميكانيكى

[aymanay32]

طيب لما بتدوسى على الكلاكس بتسمعى صوت ولا لاء

[LORD.ADeL]

صباح الخير
ايه دنيا دى كلها
شوفى ياختى العزيزة هوا بنسبه 90% بطاريه وزي ما قاليك استاذ ايمن ع محل بتعها الى جبيتهامنه وارميها ليه
وقوليلي شغالها لي ياتغيرها لا تشوفلي فيها ايه وبدال عند ممدوح خالى زوج حضرتك يدخل فيهم شمال اذا مجمش بالذوق ان شاء توصلي الامر لحمايه مستهلك هيكشو ع طول حرام يعنى 320 ومش شغاله وبعد كدة تخديها وتدوري باسم الله ان شاء الله
مكنش يبقى موبينه وطقم كهرباء اصل مفيش غير كدو والله مستعان

[بنت مصر]

الكهربائى انا معرفش مكانه بالظبط زوجى هو الى عارفة لما يرجع ان شاء الله اسألة

انا مادوستش على الكلاكس بس الكاست شغال والساعة كمان والنور بينور فعلا بس بيطفى مع محاولة التشغيل

انا متشكرة قوى لكرم حضرتك لما زوجى يرجع ان شاء الله اخلية يكلم حضرتك