الحمد لله جبت التو 2008 تكييف

[MoToRiZeR]

الف الف مبروك و إن شاء الله ربنا يباركلك فيها

[ows212]

السلام عليكم
احب اشكركم كلكوا على الافاده اللى بتقدموها من خلال استعراض تجاربكم يمكن تكون دى اول مشاركه ليا فى الموقع كله بس بجد لما لقيت ان الحديث بينكم مفيد للدرجه دى قلت انى هستفيد كتير من الكلام معاكوا والمثل بيقول اسال مجرب ولا تسال طبيب انا حمد وبتطلع انى اجيب عربيه عشان المواصلات صعبه عليا انا ومراتى اوى بس المشكله انى هجبها قسط لان مش معايا للكاش المهم انا ممكن ادفع مقدم 15 او 20% فى ماروتى او التو بس بصراحه فى حاجه مش عارف حد هنا هيقدر يفدنى فيها ولا لا هى انى عايز ابعد عن شبهة الربا والبنوك فهل حد يعرف طريقه مضمونه شرعيه عشان اشترى بيها ماروتى او التو تقسيط واسف للاطاله

الأخ سويت هارت ... بالنسبة لموضوع التقسيط الأسلامى فى موضوع هنا فى المنتدى عنه والموضوع كبير .. ممكن تلاقيه فى قسم البيع والشراء ... ولو عايز الخلاصة عندك الشركة العالمية للتجارة دى تبع مجموعة عبداللطيف جميل وكيل ديهاتسو عندهم تقسييط اسلامى بس متهيالى مافيش عندهم سوزوكى ... هما عندهم ديهاتسو ..سبيرانزا .. هيونداى ... دايو ...
العربيات موجودة عندهم ويملكونها ومافيش اى بنود ربوية ..

[fanckoosh]

السعر بقة 50000 للمكيف 800 سى سى والعادى اللى بيقولوا عليها هاف ب 45000 من غير تكييف و800 سى سى اما 1100 سى سى ب56000 وشكرا على الموضوع الجميل ده ولو قسط هتضيف 1000 جم تأمين

[sweetheart_]

الاخ ows 212 شكرا على الرد .بس اعتقد انى مش هقدر على قسط العربيات دى لانهم بتهيالى اغلى كتير بالنسبالى من ماروتى .بس شكرا لمجهودك واهتمامك بالرد .
لو استاذ ميدو يقدر يقول لى بنك ناصر طبق ازاى الموضوع ده يبقى مشكور لان انا عندى امل ان بنك ناصؤ ممكن يقوم بيها بشكل اسلامى وبصراحه لو مش صح هيبقى noway انى اجيبها لانى خايف من حتت الحرام عشان دى عربيه على طريق .وشكرا

[اسلام ابراهيم]

الف الفين مبروك ربنا يسترها معاك ويكفيك شرها باذن الله
تعييش ودوب يا مان

[mahamedaraby]

الف الف مبروك ربنا يباركلك فيها

ياريت لو ترفعلنا صور

[meedoo]

السلام عليكم نظام بنك ناصر انك بتجيب عرض سعر من الشركه و تقدمه فى بنك ناصر و تدفع المقدم و يحسبلك الاقساط و يديلك جواب بطلب رقم الشاسيه و الموتور من الشركه تديه للشركه و لما تديلك الارقام تديها لبنك ناصر و هو يبلغ الشركه انها تسلمك السياره و تروح ترخص و تدى البنك صوره الرخصه و هو يطلع الشيك للشركه و الرخصه بيكون عليها حظر بيع حتى الانتهاء من سداد الاقساط ارجو ان اكون اوفيت الاجابه

[sweetheart_]

شكرا ميدو على الرد

[engahmed29]

السلام عليكم

عزيزى الاستاذ ميدو ، بخصوص السيارة التو المكيفة 800 سى سى ، قمت بشراء واحدة بعد ما سمعته منك و من اخرين عن مميزاتها ، و لدى بعض الاسئلة و الاستفسارات من فضلك :

1- السيارة عاملة حوالى 60 كم ، لكننى اشعر انها تسخن بسرعة على الرغم من السير بسرعة بطيئة لا تتعدى 65 كم فى الساعة ، هل هذا طبيعى ؟
2- اسمع صوت ونة فقط على النقلة الاولى .. فما رأيك فى ذلك ؟
3- لاحظت ان عجلة القيادة تميل قليلا الى اليمين كى تسير السيارة فى خط مستقيم ، هل ذلك يعتبر طبيعى ايضا ؟
انتظر ردك و شكرا لك

[meedoo]

السلام عليكم الف مبروك على العربيه و ربنا يكفيك شرها
اولا/مؤشر الحراره بيوصل للنص ويقف ومابيزدش عن النص حتى مع التكييف
ثانيا/صوت الونه طبيعى من الموتور ماتنساش انه 3 سلندر
ثاثا/عجله القياده اضبطها فى التوكيل

[shams_1279]

الف مبروك يا ميدو..... انا بصراحة كنت ناوى اجيب عربية فلاير او ايديا الصينى بس لما سمعت عم الالتو بدات اغير رائى وقريب حجيب واحدة ان شاء الله.

[zalpany2000]

الاخ الكريم ميدوما هي اقصي سرعة للعربية ؟؟ هل بتوصل 130 ؟؟؟ ولا صعبة عليهاو كمان اقصي سرعة اثناء تشغيل التكييفتحياتي لك و بارك الله لك فيها

[botros]

ممكن اعرف تقفيل السياره و صناعتها ؟ مصرى و الا هندى زى الماروتى ؟


اللى ركب الماروتى و الالتو ؟ مين اوسع من جوا ؟
الالتو حجمها اكبر طبعا ! بس من جوا متهيالى قعده السواق اوسع و اريح فى الماروتى خصوصا ان تابلوه الماروتى بسيط مش زى الالتو ؟ و الا ايه يا جماعه ؟


و فين الصور يا جماعه ؟ صورها باى موبيل الصبح فى الشمس و الا خايف من الحسد ؟ هههههههههههههههه

[meedoo]

لاتوجد مقارنه بين الالتو و الماروتى فرق كبير بين الاثنين و هى تقفيل هندى بمكونات يابانى( وانا مش خايف من الحسد العربيه هى اللى مكسوفه تصور ياbotrosهههههههها)

[mohamed ibiza]

الف مبرووووووووووووووووووووووك:)