ما هو تقييمك لوكيل سوزوكي و مراكز الخدمة للعام 2008-2010

[sab3aawy]

انا لسة عامل صيانة الألف للماروتى فى مودرن متورز الهايكستيب ، وللامانة منبسطتش منهم نهائيا، انا بقالى فترة بطلت اعمل صيانات النيسان عندهم وبعملها فى السبع، السبع برقبتهم

[خالد]

توكيل سئ جداً جداً أبعد عنهم أحسن
وكل واحد يشوفله ميكانيكى بس يكون محترم
وملعون أبو الضمان !!

[afreetarma]

ده توكيل زي الزفت و الدليل أنا جبت السوزوكي ألتو من شهر 11 السنة الفاتت وكانت زي الفل لحد أول صيانه في التوكيل بتاعت 1000 كيلو ألت أخلي التوكيل يركبلي جهاز الإنذار علشان محدش من بره التوكيل يبوظلي العربيه ومن هنا بدأت أحس بحراره جاية من تحت الدريكسيون رحتلهم تاني ألولي أن وهما بيركبو جهاز الإنذار نسيو يركبو الكوتشات الي بتفصل مابين الكبينه و الماتور مشيت من عندهم وبرضو لقيت ليسه في حرارة جايه بس المرادي من هوايات التكيف والعداد نفسه بلقيه سخن أوي بالرغم من أني مخلي دورة الهواء من داخل العربية وبكرة التكيف على البارد الله يحرقهم بجاز بوظولي العربية حسبي الله ونعم الوكيل فيهم

[wessampo]

البعد عنهم احسن شوف ميكانيكى امين وروحلة لكن جيب منهم قع الغيار الاصلية هى دى الخلاصة وعلى فكرة عندى ميكانيكى محترم فى عين شمس لو حد عايز اى حاجة ومبيرضاش يفتح فى اى حاجة غير لما تكون محتاجة

[خالد]

البعد عنهم احسن شوف ميكانيكى امين وروحلة لكن جيب منهم قع الغيار الاصلية هى دى الخلاصة وعلى فكرة عندى ميكانيكى محترم فى عين شمس لو حد عايز اى حاجة ومبيرضاش يفتح فى اى حاجة غير لما تكون محتاجة

دلنى عليه أعمل معروف خلاص زهقت من التوكيل وقرفه

[ahmedroustom]

الله يطمنكم يا جماعة أنا لسة جايب لمراتي سوزوكي ماروتي 800 موديل 2009 زيرو وبعدين أعمل أيه دلوقتي و أعمل الصيانة بتاعتها فين بالظبط دلوني رنا يكرمكوا
سؤال بقى تاني الدريكسيون تقيل قوي اتقل من العادي يعني هي كانت بتتعلم سواقة على سوزوكي ماروتي 2008 ومكنش الدريكسيون تقيل كده يا ترى ممكن علشان لسة زيرو ولا أوديها لأي حد يشوفها دلوني الله يعزكم

[m7nsh]

اعتقد عشان لسه جديده ياباشا ,, شويه شويه و هتتعود عليه و هيبقى انعم

و على فكره مفيش مشاكل و لا قلق من موضوع الصيانه ده ,, انا كنت جايبها زيرو برده 2009 و نفضت للتوكيل تماما من كتر اللى سمعته عليه

ربنا يديكو خيرها و يكفيكو شرها

[ahmedroustom]

Mr m7nsh
أشكرك على الرد وربنا يبارك فيك و يباركلك في عربيتك يارب و يديك خيرها و يكفيك شرها بس عندي سؤالين مهمين بالنسبة لي قوي
أولا حضرتك بتعمل الصيانات فين و هل ممكن تدلني على مكان كويس برة التوكيل مدام مودرن موتورز دول ربنا يهديهم علينا
وثانيا هو اول صيانة عند الالف و لا الالفين و ايه اللي بيتعمل فيها بالظبط

[ahmedroustom]

Mr m7nsh
معذرة للإلحاح أنا عارف ممكن تكون مشغول بس أرجو لو امكنك ترد على تساؤلي السابق للأهميه
وأشكرك مقدماً و أسف مرة ثانية على الإلحاح

[Amr Axel]

للأسف توكيل سيئ في تعامله و اسعاره خيالية
سألت ع حكة بسيطة في الباب تتعمل برة بــ 50 - 100 جنيه
عندهم بــ1250 جنيه حراااااام
و بيتم تفضيل النيسان جيست عن السوزكي جيست

اعتقد لو توكيل السوزوكي بقي مستقل لعربيات السوزوكي بس هيبقي افضل مع تخفيض الاسعار

[Ramy Reda]

التوكيل وحش جدا و الناس الى شغالة مش على كفائة جيدة

[Abdm]

أن شاء الله هروح قريب خلال أسبوعين أعمل صيانة الآلف فى توكيل الدقى وهقولكم على أية اللى حصل وأية أخر أخبار المستوى بتعهم
والمرة دية هى اللى هتقرر أذا كنت هتعامل معاهم ولا لآ
خاصة وأنى والحمد لله مش بعمل عندهم غير الصيانات العادية فقط
والله الموفق والمستعان

[ihabchina]

انا معايا ماروتى 2008 ومن ساعة ما جبتها بعمل صيانتها فى التوكيل صيانة 1000 لحد صيانة 30000 الف والناس هناك كويسة جدا والعربية زى الفل. انا اول مرة اسمع الكلام ده وحاسس انة كلام غريب. انا بروح توكيل مودرن موتورز اللى فى الدقى فى شارع التحرير.

[Abdm]

أنا روحت فرع الدقى أعمل صيانة الآلف وهما رجعوا على البطارية والماية بتاعت الردياتير وغيروا الزيت والفلتر وربطو العفشة
الملاحظات :-
مش حاسس بفرق كبير أو حتى ملحوظ فى العفشة قبل ما روحلهم وبعد ما روحتلهم حاسس أنهم كاروتونى أو ربطو أى كلام أو ما ربطوش خالص . لآن كانت حاسيس قبل ما أروح أن العفشة ملخلخة شوية وما فرقتش بعد ما خرجت من عندهم .. حاسيس أنى محتاج أروح لواحد عفشجى يربطهالى كويس
ويمكن يرجع السبب فى ذلك الى أنى ما بشوفش أية اللى بيحصل فى العربية وأنا قاعد منتظر

- قيست مستوى الزيت لقيتة ناقص وسائلتهم قلولى أنهم حاطوا 4 لتر مع تغير الفلتر ولقيت المقاس أقل من ال max بشوية لية مش عارف على الرغم أنى كنت أظن أن الزيت هيعدى ال max كمان لان الكتالوج بيقول 4 لتر الا ربع مع الفلتر طيب أذاى هما حاطوا 4 لتر والمقاس أقل

- قولتلهم عايز الفلتر القديم قالى دة مستعمل ومليان زيت ومش هينفع تانى هجيبوا أذاى بالزيت اللى فية وحوار ملوش لزمة علشان ما أخدش الفلتر القديم .
كل الميزة اللى شفتها أنهم غسلوا العربية من برة كويس وخلاص
المبلغ :
زيت موبيل 10000 ب 200 جنية وفكة
فلتر ب 50 جنية
ضريبة مبيعات ومصاريف نسرية 50 جنية
ما فيش مصنعية بس تقريبا خدوها فى المصاريف النسرية
المبلغ الآجمالى 300 جنية طبعا كتير علشان الزيت 10000

أنا هحاول أشترى لتر موبيل وان لو لاقيت أو حتى لو مالقتش هشترى جركن 4 لتر أخلية معايا علشان أذود منة لآن الزيت أكيد هينقص خلال 10000 كيلو وأروح أربط عفشة برة و هدور على بدائل أخرى غير التوكيل
الحسنة الوحيدة فى توكيل الدقى أن العربية خرجت سليمة من عندهم من غير أى مصايب أو مشاكل لآنهم تقريبا ما لعبوش فى حاجة أو مجرد أنهم زودوا شوية ماية على شوية زيت من غير حتى ما يربطوا عفشة والله أعلم لآنهم لو ربطوها كنت أكيد هلاقى مشكلة بسبب التربيط والله أعلم
أنا ما عنديش ثقة فى شغل مع ناس ما أعرفهاش الا لما أشوف هما بيعملوا أية بالضبط
ودة طبعا ممنوع عندهم أى حد يدخل يشوف أية اللى بيحصل فى عربيتة ودية كبداية مش مريحة
طبعا أنا روحتلهم علشان الضمان دة أولا . ثانيا علشان لسة فى الآول يعنى الحمد لله ما ما فيش مشاكل كبيرة لسة ظهرت . وكمان علشان لسة ما تعرفتش على ميكانيكية يفهموا فى العربية كويس وكمان قطع الغيار الآصلية اللى مش مضمونة خارج التوكيل ذى الفلتر الآصلى
والله الموفق والمستعان

[m_ramadan]

توكيل محترم جدا

والله أنا إتعاملت معاهم مرتين تلاته وبعدها حرمت . ده توكيل أقل ما يقال عنه انه سىء ............... ده غير إن فيه ميكانيكيه كتير بيفهموا فى الماروتى

و شكرا

تم الحذف للكلمه الغير مناسبه.
يرجى عدم توجيه تهم بدون دليل.

3أ
10.05.2010/1655