ما هو تقييمك لوكيل سوزوكي و مراكز الخدمة للعام 2008-2010

[m_ramadan]

توكيل محترم جدا

ده توكيل زي الزفت و الدليل أنا جبت السوزوكي ألتو من شهر 11 السنة الفاتت وكانت زي الفل لحد أول صيانه في التوكيل بتاعت 1000 كيلو ألت أخلي التوكيل يركبلي جهاز الإنذار علشان محدش من بره التوكيل يبوظلي العربيه ومن هنا بدأت أحس بحراره جاية من تحت الدريكسيون رحتلهم تاني ألولي أن وهما بيركبو جهاز الإنذار نسيو يركبو الكوتشات الي بتفصل مابين الكبينه و الماتور مشيت من عندهم وبرضو لقيت ليسه في حرارة جايه بس المرادي من هوايات التكيف والعداد نفسه بلقيه سخن أوي بالرغم من أني مخلي دورة الهواء من داخل العربية وبكرة التكيف على البارد الله يحرقهم بجاز بوظولي العربية حسبي الله ونعم الوكيل فيهم

من فضلك . إنت إسمك رفقى ؟؟؟؟؟

[Guide]

Mr M Ramdan
حضرتك ليك علاقة بتوكيل سوزوكى؟

[ahmedref]

التوكيل زحمة وبتستلم العربية بعد 3-4 ساعات بس منظم جدا واسعارة بالنسبة للتوكيلات الاخري معقول ولازم تحجز قبل اسبوع لعمل الصيانة

[dr_asaos]

غالى جدا جدا جدا جدا جدا... واخر مرة سبت الماروتى فى صيانة عادية غيروا بوجيهات وطقم الكهربا ومن ساعتها العربية طلعت متبرجلة ودى كانت اخر مرة فى التوكييييييييييل

[m7nsh]

Mr m7nsh
أشكرك على الرد وربنا يبارك فيك و يباركلك في عربيتك يارب و يديك خيرها و يكفيك شرها بس عندي سؤالين مهمين بالنسبة لي قوي
أولا حضرتك بتعمل الصيانات فين و هل ممكن تدلني على مكان كويس برة التوكيل مدام مودرن موتورز دول ربنا يهديهم علينا
وثانيا هو اول صيانة عند الالف و لا الالفين و ايه اللي بيتعمل فيها بالظبط

Mr m7nsh
معذرة للإلحاح أنا عارف ممكن تكون مشغول بس أرجو لو امكنك ترد على تساؤلي السابق للأهميه
وأشكرك مقدماً و أسف مرة ثانية على الإلحاح

والله الواحد محرج جدا .. انا مدخلتش الموضوع من ساعت اخر رد ولسه شايفه حالا والله

الصيانه بعملها عند ميكانيكى عادى جدا و بروحله بالحاجه اللى عاوز اغيرها و بيغيرها .. بس الكلام ده مش فى القاهره ..

واول صيانه عند الألف وبيتغير فيها زيت التليين و فلتر الزيت .. انا عارف انك زمانك يمكن كسرت ال 10 الاف و لقيت ميكانيكى تمام ,,بس اعذرنى مكنتش دخلت هنا

تحياتى

[pepo2711]

انا جربت فرع المطار ومش هروحة تانى سىء جدا فى صيانة 1000 كم
هجرب فرع ابو رواش فى ال5000 كم الأسبوع الجاى ولو طلع زية مش هاروح التوكيل دة تانى
صنيعية تعبانين - معاملة سيئة - موظف حجز بتشحت منة - حتى شربة المية سيئة - بوفية قافل - صربعة - وعملت خناقة
ربنا يسهل فى ابو رواش ما يطلعوش زى فرع المطار

[scientist9508]

بسم الله الرحمن الرحيم
أحمد الذى لم يتخذ صاحبة ولا ولد ثم أما بعد
أعرض بعض الوقائع على الجميع و أترك الحكم الفردى لكل قارىء على حده

1 - عند تقفيل السياره لا يحدث ذلك بإتقان و نتيجه لذلك تجد مسمار غير مربوط للآخر أو فيشه واقعه أو سلك غير موصول بمكانه أو طبه زيت غير مربوطه جيدآ و قد كلفنى ذلك مبلغ كبير للإصلاحه لأننى سافرت بالسياره باكر و أحمد الله كثيرآ أن قد أنقذنى و السياره من عطل فى منتصف الطريق الصحراوى ىبسبب ذلك أو كل ما شابه ذلك من صور الإهمال و عدم إتقان العمل
2 - يتعاملون بدون إهتمام حقيقى بالأعطال و نتيجه لذلك قضيت عام و نصف أشكو من صوت فى العفشه و لم يقم أحد بفحص العفشه إلا عندما تدخل مدير عام مراكز صيانه مودرن موتورز بنفسه فى الورشه حيث كانوا يقومون بتشحيم العفشه حتى بدون فحص طوال العام و النصف
3 - حدث معى أكثر من مره أن أدفع ثمن خدمات ولا تحدث مثل أن أدفع ثمن غسيل الموتور بالفوم و لا يقترب منه أحد حتى ولو بالماء و تكرر ذلك حتى إنتبهت و بدأت أفتش خلفهم عند إستلام السياره
4 - التعامل فى أكثر مراكزهم فيه إستفزاز رهيب حتى إننى أصبحت أشترط على المدير أن يبتعد عن سيارتى المهندس فلان الفلانى و فى مركز آخر أراوغ حتى لو كان المقابل أتنازل عن دورى لشخص آخر حتى أتحاشى التعامل مع المهندس فلان الفلانى
5 - السرقه من السيارات و التى حدثت أمام عينى لبعض الأشخاص
6 - أسعار المصنعيات ضاربه فى العلو حتى تجد نفسك تستشيط غضبآ فحدث معى ذات مره أن غيرت طلمبه بنزين ماروتى ثمنها 80 جنيه فقط بدون أى شىء آخر فكانت الفاتوره الإجماليه قيمتها 180 جنيه.
7 - ثمن ضبط الزوايا للماروتى 75 جنيه و بره التوكيل 25 جنيه
8 - ثمن ترصيص العجل فى التوكيل 75 جنيه و خارج التوكيل 15 أو 20 جنيه
9 - قام التوكيل بتديل مياه الردياتير الخضراء (ماده الإيثيلين جليكول) بمياه عاديه داخل الردياتير إستنادآ على أننى لن ألاحظ و للأسف كنت مضطر للسفر باكر بالسياره و تسبب ذلك بإرتفاع درجه الحراره أثناء السفر وقد كلفنى ذلك تكلفه كبيره و أحمد الله كثيرآ أن قد أنقذنى و السياره من عطل فى منتصف الطريق الصحراوى

أترك الحكم لكل قارىء على إنفراد

السلام عليكم ورحمه الله و بركاته

[Ahmedhafez]

دة توكيل سيىء جداً و تعامل غير محترم و عدم أمانه فى تأديه الخدمه

[ahmedsobhy4]

انا معايا اس اكس 4 وعملت صيانه ال 20000 وقالولى محتاج تيل فرامل امامى ومفيش الاصلى فيه ماليزى ب 150 ج ونصحونى اسيب القديم شويه لحد الاصلى ما يجى بقالنا شهر ونص متعرفوش اعمل ايه