الفرق بين الماروتي الصيني و السوزوكي ماروتي و الألتو

[YahiaAshraf]

اوك انا مش زعلان
انا بشكرك انك نقلتها

و انا لسه برفع الصور على النت و اول لما تجهز
ان شاء الله هعملها على الموضوع ده
تحياتى

[YahiaAshraf]

دى صور عربيه اخويا اه

[YahiaAshraf]

طبعا فى فرق شاسع ما بينها و الماروتى و الالتو كمان
من الوهله الاولى لما تركب تحس انك جوه فرنا هاتشباك
لان الطابلوه فى شبه من الفرنا

الاوبشنز :-
تكيف
سنتر
هاف باور
2 زجاج كهرباء امامى
امان للاطفال
كمبيوتر ديجيتال معلومات للسائق
نفس قطع غيار الماروتى
ماتور 1100 سىسى يابانى
عفشه يابانى ممتازه
تكيف تلاجه و الله غير اى عربيه رغم الحر الجامد بيسقع
فتيس 5 سرعات و السادس المرشليه
عدادات واضحه جدا كما بالصور
العربيه بتيجى ب 3 مفتاح ريموت زى اللى بالصوره انا مستعملتش غير واحد بس
فوانيس خلفيه اسبور اصلى
العربيه ما شاء الله ثبات هايل على الطريق
و اداء غير متوقع
على فكره الموتور انجيكشن و ليس كربيراتير

العربيه يعنى كل لما انزل لو سبتها اسبوع اجى ادورها فى ثانيه
مش الماروتى لو 2011 لازم تسجن بنفسك

العربيه احسن بكتير من الماروتى و على فكره الصاج اقوى من الماروتى برده

على فكره العربيه دى موديل 2007 و ماشيه 17 الف و حاجه لسه كسر زيرو

[Amr Axel]

طبعا فى فرق شاسع ما بينها و الماروتى و الالتو كمان
من الوهله الاولى لما تركب تحس انك جوه فرنا هاتشباك
لان الطابلوه فى شبه من الفرنا

العربيه ما شاء الله ثبات هايل على الطريق
و اداء غير متوقع
على فكره الموتور انجيكشن و ليس كربيراتير
العربيه يعنى كل لما انزل لو سبتها اسبوع اجى ادورها فى ثانيه
مش الماروتى لو 2011 لازم تسجن بنفسك

العربيه احسن بكتير من الماروتى و على فكره الصاج اقوى من الماروتى برده

اولا شكرا ع الصور

بعيدا عن الكماليات تقصد ايه بفرق شاسع بينها و بين الماروتي الألتو يعني تقصد في صالح مين الفرق ده

وبالنسبة التابلوه التابلوه تصميمه مأخوذ من الألتو مع اضافات بسيطة جدااا ده حتي اسمها جين التو ههههه
حتي دراع النور هو هو اللي في الألتو عندي

و بالنسبة التدوير و البيات الماروتي كانت عندنا في الاسرة و الدوارة كانت عادية بس يمكن تكون احيانا بتأخر في الشتا لكن لاحظ انك زي مقولت انجيكشن

بالنسبة الثبات انا معرفش عاملة ازاي لأني مسوقتهاش بس اي عربية في نفس الفئة سواء هي او الماروتي اعتقد هيبقي نفس الثبات و الايرودينامك يعتبر واحد تقريبيا

و بالنسبة الصاج متقنعنيش ان الصاج اقوي لاحظ ان العربيتين في نفس الفئة ده اولا ثانيا العربية صيني و الصيني كل الكراش تست بيورينا الصاج عامل ازاي في عربيات معدية الــ60 الف فتخيل في عربية في التلاتينات

يا ريت لو حضرتك تقولي ايه اللي في العربية شايفه احسن من الماروتي بكتيييير
و زي مقولت بعيدا عن الكماليات لأن الكماليات حاجة عادية نقدر نضيفها زي ما احنا عايزين
بس عايزين من غير تعصب للعربية بحيادية
يعني مثلا انا معايا التو لكن زي ما بقول مميزات بقول العيوب اللي فيها مش متعصب يعني و عشان معايا لازم اخليها و لا بي ام في زمنها مع ان زقزوقة عندي احسن من بي ام و مرسيدس ههههههههههه

[YahiaAshraf]

يا باشا اولا فرقع شاسع بقولك حسيت انى فى فرنا هاتشباك
كراسى مختلفه عن الماروتى
مليانه اوبشنز
الماروتى مفيهاش حاجه اصلا
اصل انا سوقت ماروتى 2007 و شوقت العربيه دى
كانك كنت فى 128 و روحت لفولكس بدون مبالغه مع احترامى للماروتى

على فكره العربيه دى اكبر و اوسع من الماروتى بكتير
خصوصا انى طويل كمان مكنتش بعرف اركب الماروتى من ورا
دى بركب ورا و الكرسى الامام فى حالته الطبيعيه مش رايح الى الامام كمان و مستريح جدا جدا

ممك تكون الاختلافات بالنسبالك اى كلام
بس صدقنى لو جربت تركب الاتنين هتحس بفرق مع انهم نفس الشكل
ده بقى مفعول سحر الصين ههههههههههههه

[Amr Axel]

ابحث عن المصدر هههههههههه

[ahmedamr007]

لو سمحتوا هيا نفس ابعاد الماروتى واجيبلها قطع غيار منين و اسمها التجاري ايه و شكرا

[Amr Axel]

لو سمحتوا هيا نفس ابعاد الماروتى واجيبلها قطع غيار منين و اسمها التجاري ايه و شكرا

هي زي الماروتي تختلف في حاجات بسيطة
و بالنسبة قطع الغيار قطغ غيارها الخارجية زي الماروتي لكن الداخلية زي شغل الميكانيكا مش موجودة و فيه ناس بتشتكي انهم مش لاقينلها حاجة
و اسمها جين التو
و اللي اعرفه ان سعرها نفس الماروتي

و بالتوفيق ان شاء الله

[ahmedamr007]

الف شكر ياباشا انا معايا ماروتى بس بفكر اجيب التابلوة بتاع الجين التو دى واركبواصلو عجبن:)فكنت عاوز اعرف اجيبو منين؟!!!!!

[Amr Axel]

الف شكر ياباشا انا معايا ماروتى بس بفكر اجيب التابلوة بتاع الجين التو دى واركبواصلو عجبن:)فكنت عاوز اعرف اجيبو منين؟!!!!!

هي فكرة حلوة بس المشكلة ان الناس اساسا مش لاقينلها مسمار الجين التو بتاخد اساسا من الماروتي قطع الغيار :)

و انا وجهة نظري الشخصية تخليك بالتابلوه بتاع الماروتي الأصلي و لو مضايق من شكله شوية
ممكن تظبطه و تظبط العربية و تخليها حاجة تانية بدون تغيير تابلوه او غيره :)

و اتفضل الموضوعات ديه شوف و حضرتك حر برده انا قولت وجهة نظري بس :)

http://www.nilemotors.net/Nile/242028-a.html

http://www.nilemotors.net/Nile/222768-a.html

http://www.nilemotors.net/Nile/225570-a.html

و بالتوفيق ان شاء الله

[ahmedamr007]

ياباشا وجهة نظر محترمة انا شغال فى العربية بظبطها سنة سنة ومكنتش شايل هم حاجة غير التابلوة لغاية ماشوفت الموضوع دا رديت فيا الروح تانى: d

[Amr Axel]

ياباشا وجهة نظر محترمة انا شغال فى العربية بظبطها سنة سنة ومكنتش شايل هم حاجة غير التابلوة لغاية ماشوفت الموضوع دا رديت فيا الروح تانى: d

طب تمام يا ريت بقي تشاركنا في الموضوع ده في اي حاجة تعملها في العربية و يا ريت لو في صورة يبقي تمام مفيش صورة شغال برده

http://www.nilemotors.net/Nile/242028-a.html

[Eslam.Elrefaey]

الغريب ان الصينى دى ب 45 الف رقم كبير طبعا

[Amr Axel]

الغريب ان الصينى دى ب 45 الف رقم كبير طبعا

كمان ؟؟؟؟؟ ايه التهريج ده مين يدفع فيها كل المبلغ ده ده الماروتي اللي هي ياباني و عربية اثبتت نفسها من سنين في كل حاجة من قوة و متانة و توافر و رخص قطع غيار و بنقول 36 الف كتيير و انها توصل 39 الف يبقي تهريج بتقدير امتياز
يبقي ديه فوق الــ40 ههههههه و عجبي !!

[mahamedaraby]

موضوع مميز وشكرا لكل عضو حط معلومه فيه علشان الصراحه دى مرجع لاى حد محتار او عايز يعرف معلومات عن الماروتى والجين التو
بالنسبه للصور بتاعت الجين التو ومش عارف او ما شفت الصور و شكل دوسات الفرامل والبنزين اكنك مصور 128 مش عارف ازاى بيقول انها عربيه كويسه وكمان اغلى

بس هو فيه منها جديد ولا كانت دفعه وخلصت ؟!